Bob林盛斌教女觀眾戀愛技巧 稱3招「搞掂」男人 避開99.9％愛情地雷位

有「金牌媒人」之稱嘅林盛斌（Bob）曾經講過自己係十年八年內總共撮合過至少8至10對情人，平時一向係自己Youtube頻道「Bobtivation 林盛斌」分享搵錢秘訣嘅佢近日竟然出咗條唔同類型嘅片，教觀眾「三招激發男人佔有慾」，令網民深感同意！

Photo from Youtube Bobtivation 林盛斌 截圖

金牌媒人名不虛傳

Bob係娛樂圈人緣甚廣，近年來撮合唔少圈內外嘅人，例如朱慧敏同心臟科名醫陳良貴、張秀文同金融才俊王大權，甚至係圈外都為風水師陳定幫促成良緣！想必對感情問題都有唔少心得同見解，今次佢就係自己嘅Youtube通道分享呢方面嘅內容，以男人嘅角度分析男人嘅思維，希望可以幫觀眾避免遇上感情問題，甚至令另一半更加愛自己！

Photo from Youtube Bobtivation 林盛斌 截圖

分析男女思維不同

Bob首先分析男人同女人思維上有好大分別，女人需要寵愛同陪伴，比較重視過程，而男人需要理解同尊重，比較重視結果。更加以進化論形容，男性鍾意搜捕獵物，但又嚮往自由，不過又會鍾意做操控嘅一方，非常矛盾！所以經常會出現曖昧期好熱烈咁追求對方，但一到手就開始冷淡。

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

1. 時刻保持鈍感力

換而言之即係「唔好太醒太精」，從容啲面對生活上嘅挫折，盡快唔記得唔開心嘅事情，同埋要識得收埋自己某啲情緒，避免過度情緒化，特別係發生爭執或者嘈交嘅時候「一哭、二鬧、三上吊」！呢個做法只會令男人覺得佢無錯。佢又提到係兩人情感發生問題，女士通常唔在乎個問題係邊，而係在乎男方有無在乎自己感受，不過男性比較講求邏輯，需要搵出問題所在再解決佢。如果女士可以保持鈍感力，男性反而會反省自己，覺得唔好意思。

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

2. 學識表達訴求

唔好以埋怨、抱怨嘅方式表達。Bob同大家分享一個萬能嘅公式，係想要表達訴求嘅時候用，呢3個步驟分別係陳述事實、講出感受、提出訴求。而係表達訴求嘅時候亦要注意語氣同語速，最好溫柔啲同面帶微笑。

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

3. 撒嬌激發佔有慾

呢項係最多人唔願意做嘅一項，不過Bob就認為男人有極強嘅自尊心﹐如果女士們願意間唔中嗲下男人，就可以滿足到男人嘅保護慾、佔有慾同控制慾。無論自己係要強嘅人都應該間唔中嗲下對方，叫佢地做下嘢，滿足男方嘅成功感同成就感，如果咩都自己攬哂上身，就可能會令男人覺得自己不被需要。

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

勸觀眾三思而後行

Bob講明明白有觀眾未必想跟住佢講嘅野做，不過就勸大家諗下，如果用完佢講嘅方法有效，咁以後係感情同情緒上嘅控制同主導權就會係自己手中，患得患失嘅人唔會再係自己，而係對方！佢更加話所以呢條片係女士必睇，聰明嘅女士更加要睇！

Photo from Youtube Bobtivation 林盛斌 截圖

網民大讚中肯

唔少網民都留言認為Bob講得好好，內容亦都好吸引，認為「適當嘅時候蠢蠢地係必殺技」，更有觀眾指自己結婚十幾年，真係忘記點樣撒嬌！更笑稱Bob老婆係咪都係用呢啲招數「搞掂」佢。

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Photo from Youtube Bobtivation 林盛斌 截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Bob林盛斌購入人生首個海外物業：無諗過每個月可以收到呢個租金

Bob（林盛斌）喺疫情期間搬離九龍塘3,000呎獨立屋，搬到同區新屋。吸金力驚人嘅Bob近日喺IG晒相大爆已買入人生第一個海外物業，唔少網民感歎佢身家豐厚，大表羨慕！不過亦有人指阿Bob嘅帖文疑「有古惑」？！

Photo from Bob IG

Bob林盛斌吸金力驚人

「金牌司儀」Bob曾被C君大爆佢一年賺$2,000萬，雖然Bob一直無公開佢嘅收入，但佢同太太黃乙頤（Pearl）、4個仔女住喺九龍塘3層獨立屋三年，今年更搬往更加大嘅九龍塘豪宅，可見佢吸金力驚人。

Photo from Bob IG

Photo from Bob IG

Bob購入人生首個海外物業

阿Bob同老婆搵錢路數多，最近阿Bob就喺IG公開3張相，佢留言指：「終於，買咗我人生第一個海外物業。從來冇諗過可以用呢個錢full paid買到一間屋，亦冇諗過每個月竟然可以收到呢個租金。」

Photo from Bob IG

Photo from Bob IG

阿Bob購入海外物業後做業主，每月收租，佢感謝團隊幫佢處理晒所有事務：「最鍾意係佢俾我揀嘅所有盤都係連租約，即買即收租，真真正正嘅被動收入。」阿Bob稱所有租客都做晒背景資料調查，減少出現古靈精怪租客嘅機會。

Photo from Bob IG

Photo from Bob IG

網友感羨慕，Bob透露每月收租金額

佢最後指：「如果你想知道我呢間屋幾多錢，想知道呢間屋每個月收幾錢租，想知道係邊間物業公司幫我處理，留言『被動收入』，做個參考都好嘅。」唔少網友對阿Bob喺海外買樓大表羨慕，又指佢再添一筆收入。

Photo from Bob IG

有網民好奇問阿Bob喺邊度買樓，佢神秘回覆叫對方pm佢。有好多人留言「被動收入」，阿Bob亦逐一回覆，睇嚟十分樂意同大家分享賺錢大計。

Photo from Bob IG

網民質疑真實性：擺明廣告生意

喺討論區有網民忍唔住開post問「阿Bob點解咁有米」，但有人就指阿Bob嘅帖文似「鱔稿」，直言：「係咪真係佢買咗邊個知？」更將阿Bob同倫敦金類比：「收公司錢出個post啫，唔通倫敦金影幾十隻撈都係自己既咩」，網友指佢要人留言先覆係典型嘅營銷方法之一，認為所謂嘅買入海外物業亦未必係真。

Photo from 《諸朋好友》

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）