download HolidaySmart 假期日常 app
戀愛Staycation第二季|幼稚園老師芝芝約會大唱「手指歌」震撼觀眾!

戀愛Staycation第二季|幼稚園老師芝芝約會大唱「手指歌」震撼觀眾!

娛樂新聞
By Jennifer on 10 Aug 2022
Digital Editor

ViuTV戀愛真人騷《戀愛Staycation》第二季早前開始約會,新一集芝芝(Sophia)與Sunny(周文豪)去參加工作坊時突然大唱手指歌,令場面十分尷尬,連強尼等主持都忍俊不禁。

《戀愛Staycation》新一集芝芝(Sophia)與Sunny(周文豪)去參加工作坊時突然大唱手指歌Photo from 《戀愛Staycation》第二季

芝芝與Sunny約會

《戀愛Staycation》播出後喺網上都有唔少話題,第一季大結局後,第二季緊接上線,新一批男女入住。最新一集由女生揀心儀男士並安排約會,其中芝芝同Sunny呢一對喺節目播出後受到關注。

《戀愛Staycation》第二季最新一集由女生揀心儀男士並安排約會,其中芝芝同Sunny呢一對喺節目播出後受到關注。Photo from 《戀愛Staycation》第二季

芝芝首先就將自己製作嘅T裇送畀Sunny,又指聽日會同佢約會,不過就將約會行程保密,並要Sunny著得causal啲同唔好遲到,Sunny亦一口答應。主持人都表示對佢哋兩個嘅約會十分期待:「呢pair一定好精采!」

芝芝首先就將自己製作嘅T裇送畀SunnyPhoto from 《戀愛Staycation》第二季

主持人都表示對佢哋兩個嘅約會十分期待:「呢pair一定好精采!」Photo from 《戀愛Staycation》第二季

芝芝最愛粉紅色

翌日Sunny特登著上芝芝最愛嘅粉紅裇衫,芝芝亦大表滿意,原來佢安排咗做小手工,希望可以同Sunny一齊整軟陶瓷。到咗工作坊後芝芝即刻問Sunny知唔知點解要帶佢嚟呢度,Sunny答完芝芝都唔係太滿意,一直追問:「仲有呢?」結果見Sunny真係答唔出,芝芝即出口暗示,原來工作坊背景滿滿都係芝芝最愛嘅粉紅色。

翌日Sunny特登著上芝芝最愛嘅粉紅裇衫,芝芝亦大表滿意,原來佢安排咗做小手工,希望可以同Sunny一齊整軟陶瓷。Photo from 《戀愛Staycation》第二季

到咗工作坊後芝芝即刻問Sunny知唔知點解要帶佢嚟呢度,Sunny答完芝芝都唔係太滿意,一直追問:「仲有呢?」Photo from 《戀愛Staycation》第二季

幼稚園老師芝芝教Sunny唱「手指歌」

喺整手工過程中兩人持續打情罵悄,芝芝嗔道:「你仲差我一首歌!」見Sunny唔肯唱,芝芝就表示可以教佢唱歌,Sunny欣然同意,芝芝隨即以小朋友聲唱出「手指歌」:「第一隻手指公,送畀邊個~第一隻手指公,送畀Sun~ny~」期間更同時做埋手勢—屈起手指公。

芝芝隨即以小朋友聲唱出「手指歌」:「第一隻手指公,送畀邊個~第一隻手指公,送畀Sun~ny~」Photo from 《戀愛Staycation》第二季

芝芝同時做埋手勢—屈起手指公Photo from 《戀愛Staycation》第二季

雖然手指歌只有兩句,但成首歌都唔啱音,真係聽到起晒雞皮。咁都未算,芝芝更要求Sunny唱返畀佢聽,於是Sunny以歌回應:「第一隻手指公,送畀芝~芝~」場面十分老尷,連見慣大風浪嘅強尼都忍唔到笑,Alice更要雙手掩面。

芝芝更要求Sunny唱返畀佢聽,於是Sunny以歌回應:「第一隻手指公,送畀芝~芝~」Photo from 《戀愛Staycation》第二季

連見慣大風浪嘅強尼都忍唔到笑,Alice更要雙手掩面。Photo from 《戀愛Staycation》第二季

芝芝稱Sunny有「少女心」

做完手工之後,芝芝就帶埋Sunny去食飯,芝芝透露佢之所以揀呢間餐廳全因餐廳係粉紅色,滿足晒佢嘅喜好。芝芝喺幕後訪問時曾表示覺得Sunny有一顆「少女心」,佢之後更直接問Sunny認唔認自己有少女心,Sunny亦十分有風度,對於芝芝選擇嘅粉紅色餐廳一啲異議都無,更準備好外套畀芝芝,避免佢會凍親!

做完手工之後,芝芝就帶埋Sunny去食飯,芝芝透露佢之所以揀呢間餐廳全因餐廳係粉紅色,滿足晒佢嘅喜好。Photo from 《戀愛Staycation》第二季

芝芝喺幕後訪問時曾表示覺得Sunny有一顆「少女心」Photo from 《戀愛Staycation》第二季

唔少網友睇完芝芝Sunny嘅約會之後都大呼「好尷尬」,其實芝芝喺節目中說話聲音都比較嬌嗲,可能係因為佢本身做幼稚園老師,「手指歌」亦可能係嚟自佢平日教小朋友會用嘅歌。

唔少網友睇完芝芝Sunny嘅約會之後都大呼「好尷尬」Photo from 《戀愛Staycation》第二季

其實芝芝喺節目中說話聲音都比較嬌嗲,可能係因為佢本身做幼稚園老師Photo from 《戀愛Staycation》第二季

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【戀愛Staycation】第二季8位參賽者IG/背景起底!電競主播/兩届《全民造星》參賽者/A0混血兒

8 Aug 2022

ViuTV於7月尾才推出全新戀愛真人騷戀愛Staycation》,讓8位單身男女同住兩個星期,並通過不同活動進行配對,播出後話題不斷!第一季大結局後,第二季火速上線,8位全新參賽者登場~當中有人氣電競主播、兩届《全民造星》參賽者、健身教練,仲有自稱「A0」的靚仔混血兒等,再次引起熱烈關注!

戀愛真人騷《戀愛Staycation》第一季大結局後,第二季火速上線,8位全新參賽者登場!Photo from 《戀愛Staycation》截圖

《戀愛Staycation》第二季參賽者 | 彭泳熙(Hei Hei)

IG:pangwhei

彭泳熙(Hei Hei)Photo from IG@pangwhei

22歲的Hei Hei係《戀愛Staycation》第二季中人氣最高的參賽者,IG的粉絲人數將近2.5萬人!她係一位頗有人氣的前電競職業選手,現時為電競賽事評述員及主播,經常獲邀參加各種大型活動,曾被傳媒封為「電競周慧敏」~Hei Hei讀書時期已非常喜歡打機,中學畢業後更入咗女子職業隊,團隊解散後繼續活躍於電競圈。擁有傲人身材的Hei Hei,不時會在社交平台分享自己的靚相及唱歌跳舞的影片。

Hei Hei為頗有人氣的電競賽事評述員及主播。Photo from IG@pangwhei

Hei Hei曾被傳媒封為「電競周慧敏」。Photo from IG@pangwhei

Hei Hei係《戀愛Staycation》第二季中人氣最高的參賽者,IG的粉絲人數將近2.5萬人。Photo from IG@pangwhei

·《戀愛Staycation》第二季參賽者 | 梁式昕(Catrina)

IG:catrina_leung

梁式昕(Catrina)Photo from IG@catrina_leung

如果有睇開ViuTV的選秀比賽《全民造星》,或會對Catrina有一定的印象!現年28歲的她,畢業於英國布里斯托大學音樂系,曾參加過《全民造星III》,但入圍後因工作關係而中途退選,之後再次參與《全民造星IV》但可惜落選。Catrina不但唱歌了得,仲會吹色士風、打鼓及彈結他,以及擁有八級鋼琴實力,而且係一名音樂導師兼模特兒,認真多才多藝~另外,Catrina亦出演過綜藝節目《囝囝女女730》、電台節目《叱咤903》擔任嘉賓、余香凝歌曲《無得比》MV,以及與MIRROR姜濤在HPV疫苗電視廣告共同亮相!外表清新可人的Catrina,現時為古天樂的One Cool Jam Cast(天下將士藝人)旗下藝人~

Catrina曾參加過兩届《全民造星》。Photo from IG@catrina_leung

多才多藝的Catrina,會吹色士風、打鼓、彈結他及彈琴等~Photo from IG@catrina_leung

Catrina外形清新可人,相當有親切感~Photo from IG@catrina_leung

·《戀愛Staycation》第二季參賽者 | 洛妍(llyin)

IG:llyin.66

洛妍(llyin)Photo from IG@llyin.66

現年27歲的llyin身兼模特兒、攝影師及平面設計師多重身份,不時都會為服裝或首飾品牌拍攝照片,風格多樣化,可愛、清純及型格等都能輕鬆駕馭!

llyin經常為服裝或首飾品牌拍攝硬照。Photo from IG@llyin.66

llyin的風格相當多元化~Photo from IG@llyin.66

llyin同時亦係攝影師及平面設計師~Photo from IG@llyin.66

·《戀愛Staycation》第二季參賽者 | Sophia Chiu(芝芝)

IG:sophiachiuu

Sophia Chiu(芝芝)Photo from IG@sophiachiuu

現年22歲的Sophia,留著齊蔭修長黑髮,清純可愛~她目前任職幼稚園老師,自認係宅女,生活只有返工放工,生活圈子非常小且沉悶,所以希望自己有機會可以去體驗全新的世界,以及認識到另一半!

Sophia係一位幼稚園老師。Photo from IG@sophiachiuu

Sophia在IG分享過不少到迪士尼的照片~Photo from IG@sophiachiuu

自稱係宅女的Sophia希望在節目可以認識到另一半。Photo from IG@sophiachiuu

·《戀愛Staycation》第二季參賽者 | Thomas

IG:notwindle

ThomasPhoto from IG@notwindle

現年22歲的Thomas,係一位港英混血兒,五官非常深邃帥氣!透過Thomas的IG,可見他非常熱愛戶外活動,而且表情及動作非常多,活潑外向,生活相當精彩~不過,他卻自爆係「A0」(A=Available,0=拍拖次數,接受追求且未拍過拖),經常被喜歡的女仔當「朋友」~

Thomas係一位港英混血兒。Photo from IG@notwindle

活潑外向的Thomas經常在IG分享自己搞怪的照片~Photo from IG@notwindle

Thomas自爆係A0,未拍過拖~Photo from IG@notwindle

·《戀愛Staycation》第二季參賽者 | Jacky

IG:cclok

 JackyPhoto from IG@cclok

任職銀行從業員的Jacky,現年27歲,係一位陽光型男,平時熱衷於踢足球、滑浪及攀山等戶外活動。透過其IG可見有不少出國旅遊的照片,遊歷經驗相當豐富~

Jacky平時很喜歡踢足球。Photo from IG@cclok

熱愛各種戶外活動的Jacky,身材維持到相當不錯!Photo from IG@cclok

Jacky在IG分享過不少出國旅遊的精彩照片~Photo from IG@cclok

·《戀愛Staycation》第二季參賽者 | Cyrus Leung

IG:cyrus.l222

Cyrus LeungPhoto from IG@cyrus.l222

現年31歲的Cyrus擁有超Fit身材,係一名健身教練!平時除咗健身,他仲非常喜歡戶外活動,如攀石、浮潛、滑浪及行山等,相當陽光外向!

擁有超Fit身材的Cyrus係一名健身教練!Photo from IG@cyrus.l222

Cyrus平時非常喜歡攀岩~Photo from IG@cyrus.l222

幾乎所有的戶外活動都難不倒Cyrus!Photo from IG@cyrus.l222

·《戀愛Staycation》第二季參賽者 | 周文豪(Sunny)

IG:sunnychowfocus

周文豪(Sunny)Photo from IG@sunnychowfocus

同樣為健身教練的仲有30歲的Sunny,同時仲係廣告模特兒及素食雪糕店IACA老闆,事業相當多元化!平時非常熱愛運動及健身的他,對自己的結實身材非常有信心,曾參加過健美比賽,上年仲出演過ViuTV綜藝節目《囝囝女女730》。Sunny不但經常會在IG大曬六嚿腹肌,亦會分享各種健身貼士~

Sunny不但係健身教練,仲係一名模特兒!Photo from IG@sunnychowfocus

Sunny仲有經營一間素食雪糕店~Photo from IG@sunnychowfocus

看似嚴肅認真的Sunny豁出去搞怪!Photo from IG@sunnychowfocus

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel