梅小惠回巢拍節目,零修圖真實樣貌曝光!與阮兆祥感情太好而傳緋聞!只與已故藝人曾偉權交往過?

梅小惠回巢拍節目,零修圖真實樣貌曝光!與阮兆祥感情太好而傳緋聞!只與已故藝人曾偉權交往過?

娛樂新聞
By Stephanie on 11 Aug 2022
Digital Content Writer

梅小惠已經淡出幕前多年,現時同姐姐梅小青一樣擔任節目監製。最近,大台將過往嘅經典綜藝節目重新翻拍,而佢就獲邀出演《答得快好世界》,仲同汪明荃(啊姐)江欣燕等人聚舊,而佢嘅近況亦成為網民嘅焦點!

梅小惠近日獲邀上節目《答得快好世界》Photo from 梅小惠IG

梅小惠2004年開始淡出幕前

56歲梅小惠於1985年參加健美小姐比賽,其後喺1987年加入簽約成為大台藝人。佢曾出演不同劇集,包括:《他來自江湖》、《武林幸運星》等,成功以率直幽默嘅形象獲得大眾喜愛;不過喺2004年佢出演完《皆大歡喜》後就逐漸淡出幕前,只係偶爾出演節目受訪。

1985年,梅小惠參加健美比賽,其後加入大台Photo from 《歡樂今宵》

喺2004年,佢拍攝完《皆大歡喜》後就慢慢淡出幕前Photo from 《皆大歡喜》

久違地回巢錄製節目

日前,汪明荃於IG上載錄製新節目《答得快好世界》嘅後台照片,附上「《答得快好世界》決賽)電視大贏家」與梅小蕙、江欣燕相隔20多年再合作,非常開心!」只見三人都身穿顏色鮮豔嘅服裝,非常興奮咁不停擺pose,個個都好搶鏡!

汪明荃喺IG上載兩張拍攝《答得快好世界》嘅後台照Photo from 汪明荃IG

三人都身穿超搶眼嘅黃色服裝,而阿姐仲話係佢哋事隔20年再度合作!Photo from 汪明荃IG

獲網民大讚保養得宜!

其後,汪明荃再上載拍攝期間嘅幕後照,喺毫無濾鏡及美肌嘅效果下,梅小惠嘅狀態亦備受網民關注!佢嘅身型同外貌都同以前一樣,並未有太大嘅變化;網民都紛紛留言「好快可以聽到馬的笑聲,懷念的人物」、「梅小惠真係冇咩點變」,仲引用佢過往角色嘅經典名言「梅小惠世上最美麗😂😂」對於網民指佢將會復出,佢就否認傳聞。

其後仲上載埋冇濾鏡嘅幕後照片Photo from 汪明荃IG

好多網民都大讚梅小惠保養得好!Photo from 汪明荃IG

上年首次擔任節目監製?

其實近年梅小惠嘗試緊擔任節目監製,姐姐梅小青本身就已經係「金牌電視劇監製」,其代表作有《原振俠》、《宮心計》等。上年,梅小惠擔任《雙祥見》嘅監製,並由黎耀祥、阮兆祥一齊主持;而姐姐梅小青都有到場為妹妹打氣,姐妹情深~

梅小惠近年開始嘗試擔任節目監製Photo from 梅小惠IG

上年佢就擔任《雙祥記》嘅監製!Photo from 梅小惠IG

與阮兆祥「友達以上,戀人未滿」

本身梅小惠喺演藝圈裡面都有唔少好友,當中佢同阮兆祥嘅感情更加可以話係眾所周知,二人仲因此多次傳出緋聞!男方曾表示「50歲仲未嫁人,我就會娶梅小惠」,二人喺2012年嘅時候曾合資買樓作投資,友誼深厚~而阮兆祥現時已經有一位交往逾20年嘅圈外女友,而佢就講笑咁同女友講過「記得係小惠做大,你做細!」

梅小惠同阮兆祥超好感情!Photo from 梅小惠IG

二人因此而傳出緋聞,而男方曾經揚言對方「過咗50歲都未結婚就娶梅小惠」Photo from 梅小惠IG

而阮兆祥喺梅小惠監製嘅節目中談及「50歲娶梅小惠」嘅約定,直言當時只係20幾歲諗住搵個藉口避談緋聞,點知轉眼間就已經時間已經到咗;講笑咁話現時只能夠堅稱「自己係25歲!」避開話題。睇得出二人嘅友情真係非常穩固~

阮兆祥解釋當年「衝口而出」嘅原因Photo from 《雙祥記》

所以宜家只能夠堅持話自己係25歲!Photo from 《雙祥記》

與已故藝人曾偉權有過一段情!

而梅小惠入行後最為人熟悉嘅一段戀情就係同已故藝人曾偉權嘅戀情!喺1986年,曾偉權出演由梅小青所監製嘅《滿堂紅》而認識梅小惠,而男方仲成為咗梅小惠嘅初戀。二人相戀長達13年,係大眾公認嘅模範情侶。可惜喺1999年,有傳二人嘅感情因為被馬來西亞女歌手葉麗儀介入而決裂;但亦有傳係女方想結婚,但男方依然想拼搏事業,分手傳聞眾說紛紜。

梅小惠與已故藝人曾偉權交往13年Photo from TVB

二人一直都係大眾眼中嘅金童玉女!Photo from 娛樂新聞台

二人相戀13年,可惜未能修成正果!

後來,曾偉權喺受訪時向梅小惠公開道歉「始終同小惠一齊咁耐,好似蹉跎佢時間咁,時間對女人好寶貴,男人4、50歲都冇所謂,呢方面我真係對唔住佢」;而梅小惠都有回應舊情「分開無分對錯,最重要是彼此安好。」然而曾偉權於2020年因患上肺癌離世,而梅小惠亦對於未能見佢最後一面而感到遺憾,但願意遵從對方生前意願。

曾偉權曾公開向梅小惠致歉!喺2020年佢因為肺癌而離世。Photo from 娛樂新聞台

而梅小惠表示未能送對方最後一程而感到遺憾Photo from 梅小惠IG

曾表示感情生活係最大挫折!

儘管過往13年嘅感情最終未能修成正果,梅小惠依然對愛情有憧憬,現時對感情生活抱持順其自然嘅看法。雖然事業發展一帆風順,但佢曾於《月光光呵呵呵》表示「我最大挫折是成世人只得一段愛情!」希望佢都能夠尋覓到情投意合嘅另一半~

梅小惠受訪時講過只係拍過一次拖,覺得感情生活成為遺憾Photo from 梅小惠IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阮兆祥梅小惠30年「曖昧」感情! 多次傳出緋聞!曾向女友講:小惠做大你做細

10 Dec , 2021

眾所周知,阮兆祥同梅小惠係多年嘅好友,關係一直都非常親密。兩人仲因此而傳出緋聞,阮兆祥仲曾經揚言「50歲仲未嫁人,我就會娶佢」,兩人嘅關係真係完全體現到「友達以上,戀人未滿」啊!

阮兆祥梅小惠認識咗30年,兩人感情超級好!Photo from 梅小惠IG

# 阮兆祥梅小惠認識30年!

阮兆祥同梅小惠相識咗約30幾年,佢哋互相陪伴大家走過人生種種難關,而最為人熟悉嘅就一定係佢哋合作拍攝嘅TVB電視劇《皆大歡喜》喇!

兩人於2001年曾經合作拍攝《皆大歡喜》!Photo from TVB

# 曾多次傳出緋聞

日前,梅小惠就於IG上載同阮兆祥嘅自拍照,並寫上「You are my sunshine,I am your sunshine too.」睇得出佢哋嘅感情真係非常深厚㗎!其實兩人過往經常都因為關係太好,而傳出緋聞,不過兩人一於懶理傳聞,仲反而好似好鍾意佢哋呢種「友達以上,戀人未滿」嘅感情~

廣告
廣告

梅小惠經常都會於IG上載同阮兆祥嘅合照。Photo from 梅小惠IG

# 互相陪伴對方走過難關!

據悉,阮兆祥曾經喺梅小惠失戀嘅時候,悉心陪伴對方走出情傷,當時阮兆祥甚至搬到梅小惠屋企附近,就係為咗花多啲時間陪佢!之後,兩人仲一齊投資做生意,仲喺2012年合資500萬購入太子道青雲閣嘅單位作投資用途,十分信任彼此。

阮兆祥陪伴梅小惠度過失戀嘅時光,仲搬到對方屋企附近居住!Photo from 梅小惠IG

兩人曾經一齊投資生意,仲一齊買樓!Photo from 梅小惠IG

# 曾承諾梅小惠「50歲未嫁就同佢結婚」

阮兆祥仲曾經揚言「50歲仲未嫁人,我就會娶梅小惠」,不過佢之後就解釋同對方一直都只有兄弟情「已經變成咗屋企人嘅存在,會邀請佢同屋企人食飯」,能夠擁有如此深厚嘅友誼真係十分難能可貴!

阮兆祥曾經承諾若果梅小惠50歲都未結婚,就會娶佢!Photo from 梅小惠IG

# 梅小惠堅信愛情依然存在!

直到而家,梅小惠依然係單身,不過經歷過多次情傷嘅佢都深信緣分「我相信上天會俾一個更加好嘅人我!」,仲話自己其實已經係一個家庭主婦,不過未搵到伴侶而已!

梅小惠現時依然係單身。Photo from 梅小惠IG

# 阮兆祥已有交往20年圈外女友!

而阮兆祥就同女友Crystal 感情穩定,至今已經交往將近20年嘅時間。不過佢就話「唔想為咗滿足其他人嘅期望而結婚」,已經同女友協議好唔會結婚同生小朋友。雖然阮兆祥同梅小惠嘅關係親密,不過女友Crystal亦表示唔介意,因此阮兆祥仲講笑咁同女友講「如果我實踐50歲娶小惠嘅承諾,記得係小惠做大,你做細!」

阮兆祥同女友Crystal已經交往將近20年嘅時間,感情穩定!Photo from 阮兆祥IG

阮兆祥仲講笑咁同女友講「小惠係做大,你做細!」Photo from 梅小惠IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

胡說八道會、處女黨等6個圈中閨蜜組織 個個都係人氣女星!

12 Mar , 2021

成日都聽到人話「知人口面不知心,畀人出賣咗都唔知」,而喺娛圈更係十分常見,事關大家不時都會喺娛樂新聞睇到女星們友情不再、關係破裂等消息,但真係同行如敵國、難有真正可以交心嘅朋友咩?其實又唔一定嘅,大家只要細心留意,就會發現喺圈中都有唔少真係情同姊妹嘅閨蜜團!

同行如敵國、難有真正可以交心嘅朋友咩?

1. 胡說八道會

由一班 TVB 花旦組成嘅「胡說八道會」陣容鼎盛,當初只係由三位同姓「胡」嘅胡杏兒、胡定欣、胡蓓蔚組成,後嚟再增加咗黃智雯、李施嬅和姚子羚加入。佢哋 6 人無論幾忙都會抽時間聚會,有咩事都會互相支持,姚子羚更曾笑言「有種友誼叫胡說八道」,就可知佢哋喺圈中嘅友情有幾令人羨慕喇!

由一班 TVB 花旦組成嘅「胡說八道會」陣容鼎盛

6 人無論幾忙都會抽時間聚會,有咩事都會互相支持

2. Amazing Esther

「Amazing Esther」又被稱為「處女黨」,成員包括鍾嘉欣、王君馨、李亞男、苟芸慧及岑麗香,佢哋 5 位中分別有港姐、華姐出身,要再加上佢哋都喺外國返嚟同信仰一樣而組成,現時佢哋都已經「升呢」成為人妻!早前王君馨就喺社交網上hashtag佢哋係「索爆靚太團」添!

「Amazing Esther」又被稱為「處女黨」

現時佢哋都已經「升呢」成為人妻!

3. 少婦聯盟

「少婦聯盟」由龔嘉欣、沈卓盈、陳凱琳同譚凱琪組成,4 人因拍攝電視劇《平安谷之詭谷傳說》而成為好友!喺「聯盟」成立一周年時,佢哋更請嚟攝影師拍攝泳衣照作紀念!

4 人因拍攝電視劇《平安谷之詭谷傳說》而成為好友!

喺「聯盟」成立一周年時,佢哋更請嚟攝影師拍攝泳衣照作紀念!

4. M Club

除咗「少婦聯盟」,因為拍劇結緣嘅仲有《女人俱樂部》中飾演「M Club」學生時間啲佢哋,王敏奕、黃山怡(糖妹)、陳嘉寶、賴慰玲、陳瀅、吳嘉熙(Cheronna)和吳燕菁組成嘅「M Club」,佢哋 7 人喺戲裡戲外都係「老友」,雖然有人成為「新一代女神」、有人成為「幸福人妻」各自有唔同嘅發展,但只要有重要事情發生,佢哋都一定會為彼此撐場!

因為拍劇結緣嘅仲有飾演「M Club」學生時間啲佢哋

 7 人喺戲裡戲外都係「老友」

5. SÏXTERS

雖然陳嘉寶、賴慰玲、陳瀅佢哋已經組咗「M Club」,但佢哋喺去年 12 月仲有再組多一個閨蜜團叫「SÏXTERS」,成員就有陳嘉寶、蔡思貝、陳瀅、吳嘉熙(Cheronna)、賴慰玲同何雁詩,6人不時都會聚會,佢哋仲喺團名中大玩食字風格,以Sisters變為「SÏXTERS」,非常有創意!

「SÏXTERS」大玩食字風格,以Sisters變成。

佢哋可以算係圈中最新嘅閨蜜團嚟呀!

6. 至八會

當然閨蜜團又點會只係年輕人嘅專利呢!喺「至八會」中個個都係阿姐級嚟,而人數仲係最多嘅一團,成員包括汪明荃、鄭裕玲、毛舜筠、曾華倩、江欣燕、林建明、朱慧珊、鍾慧冰及寇鴻萍等,全部都係圈中資深藝人及名人。正正因為佢哋嘅人數多,而且大家又各有各忙,所以就算有聚會都好難齊腳,如果真係要齊人出現嘅話,可能要 4 年先得兩次。

喺「至八會」中個個都係阿姐級嚟,而人數仲係最多嘅一團

另外,雖然佢喺會喺聚會中討論演藝界動向八盡天下事同互訴心聲,但佢哋每人都會堅守聚會內容不准外揚嘅宗旨,曾經就有成員因為將對話外洩引起其他人不滿,而被踢出局。

雖然佢喺會喺聚會中討論演藝界動向八盡天下事同互訴心聲,但佢哋每人都會堅守聚會內容不准外揚嘅宗旨

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel