download HolidaySmart 假期日常 app
TVB新聞一姐陳嘉欣傳與劉晉安結婚!姊弟戀多年修成正果

TVB新聞一姐陳嘉欣傳與劉晉安結婚!姊弟戀多年修成正果

時事熱話 娛樂新聞
By Jennifer on 11 Aug 2022
Digital Editor

TVB新聞主播陳嘉欣傳出婚訊,老公更係前主播劉晉安,消息指兩人拍拖多年,近日終於修成正果共諧連理。陳嘉欣喺TVB工作多年,現時更獲封為「新聞部一姐」!而劉晉安幾年前已離職,轉行做律師。

TVB新聞主播陳嘉欣傳出婚訊

近日有報道指現年38歲嘅新聞主播陳嘉欣與細3歲嘅男友劉晉安入紙申請註冊結婚。其實佢哋交往多年,因為兩人都喺TVB新聞部工作,所以一向十分低調,於2015年兩人傳出戀情,但一直未有公開承認。

近日有報道指現年38歲嘅新聞主播陳嘉欣與細3歲嘅男友劉晉安入紙申請註冊結婚。

劉晉安與陳嘉欣交往多年,因為兩人都喺TVB新聞部工作,所以一向十分低調

喺TVB工作期間,陳嘉欣同劉晉安亦多次合作報道新聞,十分有默契。有指結婚申請表上兩人登記嘅住所地址相同,應該同居生活咗一段時間。

喺TVB工作期間,陳嘉欣同劉晉安亦多次合作報道新聞,十分有默契。

陳嘉欣2005年於香港大學商學院畢業,畢業後佢曾經任職娛樂新聞記者,直到2011年佢入職TVB新聞部做港聞記者,期間更獲派駐廣州,到2012年佢就升職為高級記者,備受重用。

陳嘉欣2005年於香港大學商學院畢業,畢業後佢曾經任職娛樂新聞記者,直到2011年佢入職TVB新聞部做港聞記者

2014年起,陳嘉欣兼任《六點半新聞報道》主播,2017年1月,再晉升為助理採訪主任。喺2018年新聞部宣傳片中陳嘉欣更係坐喺最前,地位超然。連方東昇都睇好佢,提名佢做「2019年上半年傑出員工」,最終陳嘉欣亦成功獲獎。

2014年起,陳嘉欣兼任《六點半新聞報道》主播

2018年新聞部宣傳片中陳嘉欣更係坐喺最前,地位超然。

劉晉安亦都係新聞主播出身,曾於now新聞台做港聞記者,佢同陳嘉欣一樣係2011年初加入TVB。劉晉安最初係明珠台記者,同年轉至翡翠台。2012年劉晉安任《午間新聞》、《六點半新聞報道》主播,佢同陳嘉欣曾一齊採訪長洲太平清醮,現場旁述搶包山比賽。

劉晉安亦都係新聞主播出身,曾於now新聞台做港聞記者,佢同陳嘉欣一樣係2011年初加入TVB。

2012年劉晉安任《午間新聞》、《六點半新聞報道》主播

劉晉安同陳嘉欣曾一齊採訪長洲太平清醮,現場旁述搶包山比賽。

2015年劉晉安暫別新聞部,進修香港中文大學法律博士,2016年佢辭職並入讀香港中文大學之法學專業證書課程,現為香港執業大律師。

2016年劉晉安辭職並入讀香港中文大學之法學專業證書課程,現為香港執業大律師。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

有線新聞副總經理許方輝以家庭理由辭職,疑似受爆料所影響?2013年曾被爆與周嘉儀傳緋聞!

17 Jun 2022

前大台新聞主播兼現任有線新聞副總經理許方輝近日被爆料,疑似喺返工時間「蛇王」攬女,引起網民熱議。有指,許方輝已經於昨日(16日)以家庭理由辭職,令網民不禁覺得相中人好大機會就係許方輝本人!

前主播許方輝9年前曾被爆與新聞小花周嘉儀傳緋聞,日前又再被拍到與女子親暱互攬?!Photo from 大台

網上瘋傳中年男子攬女照,男方疑似係前主播許方輝?!

日前,網上瘋傳一張中年男子喺渡輪上攬女嘅照片,從照片中所見,男子一手攬住身穿短裙嘅女子;而女生亦小鳥依人咁挨喺對方懷中,雙手緊緊環抱返男子,睇落就係一對非常甜蜜嘅情侶~不過網民隨後大爆男方疑似係已婚前主播許方輝!

討論區流傳一張中年男子攬女照,而男子疑似係有線新聞副總經理許方輝?!Photo from 連登討論區

事發時疑似係辦公時間

照片隨即引起大眾關注,據悉電視台都非常著緊事件,由於事發時間疑似係辦公時間,令大家不禁懷疑許方輝係「偷懶」外出與女生約會?!而網民亦開始猜測女子身份,令唔少有線女主播因此備受牽連。

由於拍攝照片嘅時間係辦公時間,所以電視台亦十分關注事件。Photo from 大台新聞

許方輝以家庭理由向電視台辭職!

今日(17日),有線電視對外證實許方輝於昨日(16日)以家庭理由請辭,即時停止參與新聞部運作及相關事宜,並將會喺9月中正式離任!而有線新聞及資訊總監關慧玲亦向公司各部門主管澄清,相中嘅女主角並非有線新聞主播。

許方輝已經於16日向有線電視請辭!Photo from 大台新聞

投身新聞主播工作長達30幾年!

57歲許方輝過往曾係大台新聞主播,喺2004年出任採訪主任兼主播,後來升職成為新聞副總監;直到2020年佢「空降」到有線新聞擔任副總經理一職。

許方輝自1987年開始任職新聞主播,後來開始擔任高層,並且轉投有線電視。Photo from J2

2013年被爆出緋聞

而許方輝多年前就已經與前亞視新聞主播陳佩琳結婚,曾經係行內出名嘅恩愛情侶。直到2013年,許方輝被媒體拍到同細18年嘅「新聞小花」周嘉儀傳出緋聞,形象插水退居幕後,當年有傳妻子搬離住所,二人暫時分居!估唔到事隔9年,許方輝再次爆出桃色緋聞,令婚姻關係再度面臨危機。

許方輝與前亞視新聞主播陳佩琳結婚多年Photo from 亞視

2013年許方輝被爆與下屬周嘉儀傳出緋聞,形象大受打擊!Photo from 大台

周嘉儀離開幕前,投身金融界!

當年周嘉儀亦因為緋聞導致被電視台「雪藏」,後來喺2015年決心離開大台,轉行投身金融界擔任證券公司市場部工作,亦不時獲邀主持活動等,事業發展尚算不錯!

周嘉儀現時轉行成為證券公司市場部員工Photo from 周嘉儀IG

亦會喺網上直播分析證券等Photo from 周嘉儀IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel