街市型男「楊屋道吳彥祖」再度掀起熱議!荃灣威威「除罩」拍廣告後人氣大跌?!新增粉絲「威威豬」手臂紋身

街市型男「楊屋道吳彥祖」再度掀起熱議!荃灣威威「除罩」拍廣告後人氣大跌?!新增粉絲「威威豬」手臂紋身

時事熱話 生活熱話
By Stephanie on 11 Aug 2022
Digital Content Writer

早前,喺荃灣豬肉檔舖工作嘅「威威」(劉宋威)爆紅,仲因此而正式出道,獲得唔少廣告商青睞,成為一時熱話。最近,有網民又喺FB群組上載「街市型男」嘅照片,再度引起大家關注,仲封佢為「楊屋道吳彥祖」!

「荃灣豬肉威威」令香港一度掀起喺街市搵型男嘅熱潮~Photo from 荃灣威威IG

再有「街市型男」成為熱話!

近來,香港網民都周圍物色「街市型男」並上載到社交媒體,令各位港男都受寵若驚,唔知幾時會成為下一位「幸運兒」!日前,有女網民於FB群組表示自己又喺荃灣街市搵到一位型男,引起熱議。

早前「荃灣威威」為香港掀起一陣「街市型男」風!Photo from 「香港抗疫關注組」FB

令唔少喺街市工作嘅型男都好「擔心」!Photo from FB群組

女網民聲稱係「楊屋道吳彥祖」!

女網民稱呼呢位型男為「楊屋道吳彥祖」,仲話佢「靚仔過豬肉威」,對呢位男子嘅外型有讚無彈!從照片中所見,「吳彥祖」身穿天藍色背心,並圍上白色嘅圍裙,手上攞住一條好大嘅魚,相信佢應該喺魚檔工作~

女網民指今次喺荃灣楊屋道街市見到「吳彥祖」!Photo from FB「扮工室online」

女網民大讚佢外型上絕對能夠出道~Photo from FB「扮工室online」

網民搞笑回覆!

呢個post好快就引起網民嘅關注,仲引來過千人讚好。不過大部分網民都表示只係得側面,好難知道係咪靚仔「起碼除左罩先啦」;亦有網民搞笑留言「條魚邊度似吳彥祖」、「條魚未佢嘅經理人囉!」對於有「街市型男」再次被曝光,唔少人都認為「咪攪人地啦」、「你俾人認認真真賣魚啦」,認為現時嘅呢種風氣似乎唔係咁好!

有網民就幽默留言,但部份網民就認為唔應該再胡亂影其他人相再擺上網!Photo from FB「扮工室online」

「荃灣威威」成為第一位透過街市出道的藝人!

仲有網民擔心「魚檔吳彥祖」會唔會係同威威屬於同一個集團?!其實自從荃灣街市豬肉檔「威威」(劉宋威)成功爆紅後,佢仲好快已經就擁有自己嘅後援會等。隨後仲正式出道,非常厲害!不過佢亦因此而飽受輿論壓力,被網民大爆「黑歷史」,但依然成功接拍唔少廣告。

荃灣豬肉檔「威威」近日仲出道,擁有自己嘅粉絲團,非常誇張!Photo from 荃灣威威IG

威威「除罩」後反而人氣大跌?

最近,「威威」首度除口罩「露出真面目」咁拍攝廣告,但佢「除罩」後卻似乎人氣大減,近期嘅曝光度都少咗好多!而佢早前揚言為咗答謝粉絲(威威豬)們嘅支持,將會自己設計「威威豬」嘅公仔,並將佢紋喺身上,令唔少粉絲都表示超sweet~

近日威威罕有地除口罩拍廣告Photo from Life Nutrition @YouTube

不過佢「除罩」後卻似乎人氣大跌?!Photo from Life Nutrition @YouTube

被發現新增粉絲「威威豬」紋身圖案!

近日,有粉絲表示「威威」似乎已經履行咗承諾,將一連串嘅小豬圖案紋喺右手臂上,真係言出必行㗎!但有網民就指口中所講嘅自己設計圖案,疑似係抄襲人氣爆燈嘅「LuLu豬」;亦有網民指同日本插畫家繪畫嘅LINE stickers「Piglet Moving Japanese」極相似?!

有網民發現「威威」疑似有新紋身!Photo from FB群組

疑似係佢之前口中所講嘅自家設計「威威豬」公仔!Photo from FB群組

但有網民發現同日本插畫家所設計嘅LINE Sticker好似?!Photo from LINE 網頁

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

荃灣威威罕有地除口罩拍廣告!網民搜集更多假冒粉絲證據:真正身份集團高層?

19 Jul , 2022

荃灣豬肉檔員工威威(劉宋威)因外型俊俏,而瞬間躍升為網絡紅人。雖然佢出道後,外界一直都有唔少關於佢過去嘅傳聞,近日仲盛傳應援團裡面有人假冒粉絲,但依然無阻佢發展演藝事業嘅心!而威威仲將會罕有「除罩」拍廣告,預計片段將會喺今日(19日)開始播放。

荃灣威威最近被網民發現更多疑似係「假粉絲」嘅證據?!Photo from 威威IG

威威被爆超多黑歷史,自願到化驗所做測試!

本身任職肉類分割員嘅威威(劉宋威)喺今年5月突然火速爆紅,成為網絡紅人,並開始全力發展自己嘅演藝事業。不過外界一直流傳唔少關於佢過去嘅黑歷史,包括:曾做「古惑仔」、做傳銷等;而佢仲激動落下男兒淚咁大呻「點解有紋身就唔係好人」,仲揚言願意自費去到化驗所驗毒,以證明自己嘅清白!

威威曾被爆做過古惑仔?!Photo from 連登討論區

對於網絡上嘅傳聞,威威發出聲明澄清Photo from 威威IG

「除罩」廣告即將登場!

雖然威威暫時仲未公開檢驗嘅結果,不過近日有廣告公司宣佈威威嘅新廣告將於今日(19日)夜晚於大台播出,而佢仲會罕有地「除罩」登場,將會以真面目示人~

威威露出「真面目」嘅廣告將於今晚播放Photo from FB圖片

而威威嘅樣貌亦已經公開,過往曾有唔少網民形容威威嘅樣貌似「翻版小豬」、「翻版AK」等,不過當正面照露出後,網民都似乎覺得同以上兩位藝人唔太似樣~大家又點睇呢?!

而威威嘅廣告圖片已經公開咗~Photo from 廣告

大家又覺得同想象中分別大唔大呢?!Photo from 廣告

網民尋找到假粉絲證據?

自威威人氣飆升後,有網民就成立FB群組大爆威威「幕後黑料」,當中有網民指威威爆紅其實係因為集團喺背後操縱而成。日前,有網民就搜集大量證據,指應援團裡面疑似藏有幾位假冒粉絲,專門負責幫威威推高人氣,仲疑似佢哋同威威嘅合照?!

近日,有網民搜集到更多疑似有關假扮粉絲嘅證據Photo from 「除罩威威留餸區」FB

幾位「粉絲」經常都會出席威威嘅公開活動,仲有機會同佢有互動Photo from 「除罩威威留餸區」FB

「粉絲」疑似係集團高層?

喺網民們翻查下,佢哋發現呢位「粉絲」幾乎每次威威有公開活動時都會出現,而且拍攝影片時亦能夠到場,絕對係非一般嘅粉絲,就連YouTuber「Jer仔」都曾拍片分析威威人氣急升之謎~而網民仲發現「粉絲」過往曾喺FB宣傳集團旗下嘅餐廳,懷疑對方係集團嘅高層,只係假扮粉絲幫手催谷人氣?!

有網民搵到疑似係集團女高層同威威合照嘅照片?!Photo from 「除罩威威留餸區」FB

威威忙於健身 想轉型做運動KOL?

另一邊廂,威威最近就忙於運動健身,希望將身材操Fit!佢最新嘅影片就拍攝咗一條「運動日常」嘅影片,唔通想向運動型Youtuber發展?!

威威最近忙於健身,似乎想操fit個身形~Photo from 威威 劉宋威Samuel YouTube

最新嘅YouTube片仲同大家分享佢嘅運動日常Photo from 威威 劉宋威Samuel YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel