姚焯菲自認有公主病,2件事常被媽媽狠批!坦承要外傭姐姐幫忙

姚焯菲自認有公主病,2件事常被媽媽狠批!坦承要外傭姐姐幫忙

娛樂新聞
By Jennifer on 12 Aug 2022
Digital Editor

姚焯菲(Chantel)近日上電台節目《口水多過浪花》,DO姐(鄭裕玲)訪問佢時提到好多人都稱佢為「小公主」,姚焯菲自認有時會有公主病,又大談日後個人發展,表示希望推出個人品牌。

姚焯菲(Chantel)近日上電台節目《口水多過浪花》Photo from DO姐IG

姚焯菲讚炎明熹參加《聲生不息》後更成熟、專業

Chantel早前推出單曲《#BFF》,之後都有上唔同嘅電台節目做宣傳,近日佢就擔任商台《口水多過浪花》嘅嘉賓。參加《聲夢傳奇》出道嘅Chantel提到佢同其他參賽者關係好好,而炎明熹(Gigi)之前北上參加內地節目《聲生不息》,自己十分不捨。

姚焯菲指炎明熹(Gigi)之前北上參加內地節目《聲生不息》,自己十分不捨。Photo from 姚焯菲IG

Chantel表示得知Gigi要返內地工作後曾忍唔住喊咗出嚟,佢稱對方返內地後工作好忙,所以兩人都無乜聯絡。《聲生不息》完結之後Gigi返港,Chantel覺得對方長大咗、成熟咗。佢又指Gigi依家好專業,以前彩排時兩人會傾下偈,但依家佢同Gigi say Hi,Gigi會回一句「Hi」,之後就進入「工作mode」,Chantel大讚Gigi成熟咗。

《聲生不息》完結之後Gigi返港,Chantel覺得佢長大咗、成熟咗。佢又指Gigi依家好專業Photo from 姚焯菲IG

Chantel自認有公主病,要外傭姐姐幫手執房

姚焯菲出道以嚟都獲fans小菲象稱為「小公主」,呢個幾乎已經成為佢嘅個人暱稱。DO姐問佢覺唔覺自己係小公主,Chantel坦言想係,但因為覺得自己有時都好粗魯,所以都唔知算唔算係「小公主」。

DO姐問佢覺唔覺自己係小公主,Chantel坦言想係,但因為覺得自己有時都好粗魯,所以都唔知算唔算係「小公主」。Photo from 姚焯菲IG

DO姐又問佢有無公主病,Chantel笑言有時都有,佢指媽媽經常都話佢有公主病,例如食完嘢有時唔執碗,就咁擺喺度,每次佢唔將啲碗拎入廚房就會被媽媽話有公主病。Chantel坦承自己間房好亂,要外傭姐姐幫手執房,媽媽就會話佢唔自己執房有公主病,Chantel指自己會同媽媽講:「我好忙㗎!」Chantel表示佢無動力去執房,雖然內心係想執下但因為懶所以咩動力都無晒。

DO姐又問佢有無公主病,Chantel笑言有時都有,佢指媽媽經常都話佢有公主病Photo from 姚焯菲IG

Chantel坦承自己間房好亂,要外傭姐姐幫手執房,媽媽就會話佢唔自己執房有公主病Photo from 姚焯菲IG

姚焯菲有意創立個人品牌,已與爸爸初步商量

除咗被媽媽指有「公主病」之外,Chantel亦十分愛美,DO姐指留意到佢有gel甲,Chantel就話自己13歲嗰時已經有gel甲,更曾被父母反對,但14歲嗰陣媽媽帶完佢去gel甲後成品亦獲得爸爸認可,自此佢都有繼續gel甲。

DO姐指留意到佢有gel甲,Chantel就話自己13歲嗰時已經有gel甲Photo from 姚焯菲IG

Chantel年紀輕輕就出道做歌手,原來佢唔止想喺樂壇發展,佢表示有計劃創立個人品牌,有意推出貼紙、香水、衣服等產品,但佢稱自己嘅美術同數學都好差,可能要妹妹幫手。Chantel推個人品牌唔係玩玩下,佢已經同咗身為投資公司首席財務官(CFO)嘅爸爸討論過,可能喺不久嘅將來就會睇到Chantel嘅產品面世!

Chantel年紀輕輕就出道做歌手,原來佢唔止想喺樂壇發展,佢表示有計劃創立個人品牌Photo from 姚焯菲IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳業坤採訪東京奧運一到埗即寫明信片畀姚焯菲!網友:好心唔好搞啲細路女

19 Jul 2021

TVB《聲夢傳奇》眾多學員中年僅14、15歲嘅姚焯菲(Chantel)、鍾柔美(Yumi)、炎明熹(Gigi)人氣極高!其中姚焯菲因為甜美嘅外型同歌喉,獲封為「國民初戀」,連吳業坤都係忠實fans,連去東京都要寄明信片畀Chantel!

TVB《聲夢傳奇》眾多學員中年僅14、15歲嘅姚焯菲(Chantel)、鍾柔美(Yumi)、炎明熹(Gigi)人氣極高!Photo from TVB

《聲夢傳奇》決賽在即,剩返5位學員,除咗兩位男生何晉樂(Rock)同冼靖峰(Archie)外,另外3位女生都係奪冠大熱,雖然佢哋年紀小小,但人氣、話題度、網上點擊率都極高。

廣告
廣告

兩位男生何晉樂(Rock)同冼靖峰(Archie)Photo from TVB

女生都係奪冠大熱,雖然佢哋年紀小小,但人氣、話題度、網上點擊率都極高。Photo from TVB

其中姚焯菲(Chantel)因為喺節目中獻唱《戀愛預告》獲大讚夠晒甜美,唔止影片點擊率直逼350萬,Chantel更獲網民封為「國民初戀」,人氣一時無兩。

姚焯菲(Chantel)因為喺節目中獻唱《戀愛預告》獲封為「國民初戀」Photo from TVB

Chantel嘅魅力沒法擋,歌手吳業坤都做咗佢fans,唔止成日公開提及對方,更自稱係Chantel歌迷會會長,吳業坤指只要Chantel回佢訊息:「我已經死而無憾。」

Chantel嘅魅力沒法擋,歌手吳業坤都做咗佢fansPhoto from 吳業坤Facebook

吳業坤係Chantel忠實粉絲成眾所周知嘅事,日前佢同日本通周奕瑋飛到東京主持節目《東京五輪直送》,採訪當地奧運嘅情況。

吳業坤同日本通周奕瑋飛到東京主持節目《東京五輪直送》Photo from TVB

其中一集佢就介紹當地郵局嘅奧運紀念郵票,吳業坤買下一set明信片,周奕瑋問佢係咪寄畀Chantel,轉眼間佢就已經開結寫明信片,上款清楚寫上「Chantel Yiu」

吳業坤介紹當地郵局嘅奧運紀念郵票Photo from TVB

周奕瑋問佢係咪寄畀ChantelPhoto from TVB

轉眼間吳業坤已經開結寫明信片,上款清楚寫上「Chantel Yiu」Photo from TVB

吳業坤一邊寫一邊遮,大叫:「唔好睇,我私隠嚟!」,而一旁嘅周奕瑋亦忍唔住話:「你真係做得出㗎喎!」

吳業坤一邊寫一邊遮,大叫:「唔好睇,我私隠嚟!」Photo from TVB

周奕瑋亦忍唔住話:「你真係做得出㗎喎!」Photo from TVB

Chantel人氣高企,另一位大熱人馬Gigi同佢「鬥得難分難解」,雖然喺合唱時Chantel贏咗Gigi,IG follower同點擊率都更高,但喺觀眾熱選大獎投票方面,Gigi就一馬當先!得票率有37%,同第二名嘅Chantel相差14%!

Chantel人氣高企Photo from TVB

大熱人馬GigiPhoto from TVB

合唱時Chantel贏咗GigiPhoto from TVB

觀眾熱選大獎投票方面,Gigi就一馬當先Photo from TVB

觀眾投票第一位嘅Gigi同樣人氣爆燈,早前佢喺網上開live同fans交流,佢自爆決賽會挑戰跳唱,雖然跳舞唔係佢強項,但Gigi希望畀到另一面大家睇。

Gigi自爆決賽會挑戰跳唱Photo from TVB

直播期間吸引過千粉絲收睇,更有狂熱fans留言公開求婚:「Gigi嫁給我」

炎明熹IGPhoto from 炎明熹IG

炎明熹IGPhoto from 炎明熹IG

以現時走勢嚟講,最有機會奪得冠軍嘅學員似乎將會喺Gigi、Chantel、Yumi之中誕生!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel