download HolidaySmart 假期日常 app
「藏族男神」丁真被揭用外國貨,開直播顏值崩壞?網民稱好失望!

「藏族男神」丁真被揭用外國貨,開直播顏值崩壞?網民稱好失望!

時事熱話
By Jennifer on 12 Aug 2022
Digital Editor

中國四川理塘一名藏族少年丁真(丁真珍珠)2020年爆紅,之後佢迅速獲安排做旅遊形象大使,又登上春晚、出演各種綜藝節目,外界力讚佢擁有純真特質。不過年僅21歲嘅丁真近年卻屢被指顏值崩壞,又指佢愛用外國產品,已不再純真。

中國四川理塘一名藏族少年丁真(丁真珍珠)2020年爆紅Photo from 丁真微博

藏族男孩丁真一夜爆紅,成官方認可網紅

藏族男孩丁真因為2020年被攝影師拍下短片放上抖音就一夜間爆紅,唔少網民讚佢野性外型中嘅純真氣質極吸引,丁真亦因此成為網絡紅人。丁真爆紅後獲極速安排簽約國企,並成為理塘縣旅遊形象大使。

藏族男孩丁真因為2020年被攝影師拍下短片放上抖音就一夜間爆紅,唔少網民讚佢野性外型中嘅純真氣質極吸引Photo from 丁真微博

丁真爆紅後獲極速安排簽約國企,並成為理塘縣旅遊形象大使。Photo from 丁真微博

丁真憑清澈嘅眼神、純真嘅笑容征服無數網民,並封佢為「甜野男孩」。丁真人氣高企,獲邀出演多個電視台嘅綜藝節目、帶挈故鄉理塘成為熱門嘅旅遊景點,係官方認可嘅網紅。

丁真憑清澈嘅眼神、純真嘅笑容征服無數網民,並封佢為「甜野男孩」。Photo from 丁真微博

丁真人氣高企,獲邀出演多個電視台嘅綜藝節目Photo from 丁真微博

丁真走紅後曾引起爭議

不過人紅爭議多,丁真學歷只有小學,當初佢獲委任做理塘縣旅遊形象大使時已引起部分人嘅不滿,認為丁真小學淨係讀到三年級,但就因為長相帥氣走紅所以能加入國企,對寒窗苦讀嘅普通人唔公平。

有網民認為丁真小學淨係讀到三年級,但就因為長相帥氣走紅所以能加入國企,對寒窗苦讀嘅普通人唔公平。Photo from 丁真微博

到2021年1月丁真抽煙嘅片段喺網上流傳,有網友批評指抽煙同丁真「清純」形象不符。丁真官方工作室隨後於微博發文道歉,指會注意公共影響力,又呼籲大眾關愛身體健康,唔好抽煙。不過「抽煙風波」未有影響丁真人氣,佢其後繼續參加中央電視台嘅中秋晚會,又獲官方頒發「四川正能量網絡達人」嘅獎項。

2021年1月丁真抽煙嘅片段喺網上流傳,有網友批評指抽煙同丁真「清純」形象不符。Photo from 丁真微博

丁真官方工作室隨後於微博發文道歉,指會注意公共影響力,又呼籲大眾關愛身體健康,唔好抽煙。Photo from 丁真工作室微博

「抽煙風波」未有影響丁真人氣,佢其後繼續參加中央電視台嘅中秋晚會,又獲官方頒發「四川正能量網絡達人」嘅獎項。Photo from 丁真微博

近年被指顏值崩壞,丁真用外國產品捱批

雖然丁真獲官方力推做網紅,但近嚟卻多次被指顏值崩壞,不復以前。早前丁真開直播,卻被指無晒少年感,有人認為丁真工作太多,令佢憔悴不少,帥氣臉龐不見;亦有網友表示丁真唔作藏族打扮,著T裇牛仔褲就好普通,直言失去「藏族濾鏡」嘅丁真只係路人一個。

雖然丁真獲官方力推做網紅,但近嚟卻多次被指顏值崩壞,不復以前。Photo from 丁真微博

早前丁真開直播,卻被指無晒少年感,有人認為丁真工作太多,令佢憔悴不少,帥氣臉龐不見;亦有網友表示丁真唔作藏族打扮,著T裇牛仔褲就好普通Photo from 微博

作為藏族人,丁真以前每日生活都係騎馬、放牛,外界普遍認為佢生活樸素,不過有人發現丁真似乎係用iPhone,平時亦會飲連鎖品牌嘅咖啡。早前丁真上內地節目曾騎上電單車,與以往騎馬嘅藏族少年形象相距甚遠,唔少人大感失望,並表示「藏族男神」丁真已生活已被外國產品佔滿,唔再純真。

作為藏族人,丁真以前每日生活都係騎馬、放牛Photo from 微博

有人發現丁真似乎係用iPhonePhoto from 微博

丁真微博顯示佢以iPhone發文Photo from 丁真微博

早前丁真上內地節目曾騎上電單車Photo from 丁真微博

與以往騎馬嘅藏族少年形象相距甚遠Photo from 丁真微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

丁真舅舅被爆瞞婚追女粉絲 女方係丁真私生粉 為見偶像住偏遠地一年

15 Mar 2022

有「藏族男神」之稱嘅丁真(丁真珍珠)因一段抖音片爆紅,仲連帶其弟弟及舅舅人氣急升。舅舅「四郎羅布」留有一頭飄逸長髮,更被內地網民話佢同鄭伊健似樣。不過,四郎羅布近日被傳私生活不檢點,有疑似係丁真狂熱粉絲嘅女生指控佢謊稱自己已離婚和騙色。

丁真不只本人紅透網絡,連起家鄉及親人都人氣大增。Photo from 丁真 微博

丁真舅舅被指似鄭伊健?!

來自中國四川理塘嘅藏族少年「丁真」被封為藏族第一美男,紅透網絡後加入內地演藝圈,就連佢嘅家族成員都收穫不少人氣,丁真弟弟尼瑪跟哥哥一起拍攝綜藝節目《中餐廳》,而舅舅四郎羅布亦因一頭長髮和獨特外貌,被一些內地網民話佢似鄭伊健,但似唔似樣真係見仁見智~

丁真弟弟尼瑪(左)、丁真(中)、丁真舅舅(四郎羅布)Photo from 微博

丁真舅舅被指似鄭伊健。Photo from 格聂王子 微博

丁真舅舅被爆私生活不檢點

日前,有網民發帖稱,四郎羅布疑隱瞞已婚身份與一名女生發生關係,該女生事後亦在網上斥責佢欺騙自己,令自己不知情下成為了第三者,帖文引嚟熱議。該女生又指,四郎羅布嘅外遇消息曝光後依然狡辯,聲稱自己同該名女生交往期間係單身狀態,只係最近又跟老婆和好了。

有女生在網上爆料,指丁真舅舅欺騙女生,並發生婚外情。Photo from 微博

四郎羅布與丁真合照Photo from 格聂王子 微博

女生並不滿意四郎羅布嘅講法,亦指男方沒有承擔責任嘅勇氣。之後,女生更貼出男方私照,從佢發佈嘅相片可見,四郎羅布坐在事主對面,二人正在餐廳用膳。照片中嘅男子留長髮,加上臉部皮膚帶紅,所以不少網民都相信男子就係丁真舅舅四郎羅布。

女生曬出早前與四郎羅布出外用膳照以證實自己言論。Photo from 微博

爆料女生被指係丁真私生粉

但事情發展並未告一段落,有指爆料女生其實係一名丁真私生粉(極端狂熱粉絲),有指呢名女生一年前就住在理塘,希望可以接近丁真,但佢未能遇見偶像,反而就同丁真舅舅發生了關係。另外,據聞與四郎羅布發生過關係嘅粉絲不只一位,那些女生都曾住在男方民宿數個月。有網民指,不少前往理塘嘅女粉絲本來來自城市,大老遠走到理塘,卻就為了一個鄉下男人爭風吃醋,行為很不理智。

網絡流傳該爆料女生其實係一名丁真私生粉,更在一年前到其家鄉理塘居住。Photo from 格聂王子 微博

自從丁真爆紅後,其家鄉和家族都熱度大增,作為佢舅舅嘅四郎羅布都好受丁真粉絲歡迎,佢曾在訪問中透露手機內有不少丁真粉絲嘅聯絡電話,當中不少人都想透過佢來接觸丁真。

丁真舅舅曾在訪問透露手機內有丁真粉絲嘅聯絡方式。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel