download HolidaySmart 假期日常 app
193郭嘉駿@ERROR被網民批評未為演唱會意外發聲?!二人對話內容超火爆!

193郭嘉駿@ERROR被網民批評未為演唱會意外發聲?!二人對話內容超火爆!

娛樂新聞
By Stephanie on 12 Aug 2022
Digital Content Writer

MIRROR演唱會意外自發生以來已經過咗2個星期,而ViuTV出身嘅組合MIRROR、ERROR、COLLAR等都暫停活動。不過好多網民就不滿ViuTV至今都未有任何正式嘅回應,有人仲竟然私下IG 傳訊息俾193(郭嘉駿)@ERROR批評佢唔幫手出聲?!

Error成員193近日因為公司ViuTV未有為MIRROR演唱會事件做回應,而被受牽連?!Photo from 193 IG

MIRROR成員逐漸於IG出post作回應!

自事件發生之後,ViuTV嘅社交媒體可以話係完全停止出post,MIRROR嘅行程大多都取消咗,而COLLAR嘅成員喺上星期四首次出席電台宣傳,但Soching就缺席。近日,MIRROR成員們及部份參與演唱會嘅dancers陸續開始喺IG出post,祝福受傷嘅舞蹈員能早日康復,大家都似乎收拾心情,重新振作!

MIRROR成員們近日都逐漸喺IG回應事件,向網民「報平安」!Photo from Stanley IG

而dancers們及MIRROR成員都有喺IG post中提及「24+12」,希望他日能夠再度全體登上舞台!Photo from Stanley IG

大批網民不滿ViuTV/MakerVille尚未正式交代事件

不過好多網民都不滿ViuTV及MakerVille至今依未召開記者會交代事件詳情,仲有網民斥責魯庭暉「龜縮」!儘管大家都知道事件現時依然調查中,但就認為MakerVille有責任向大眾簡單交代事件。

網民不滿MakerVille CEO魯庭暉至今只係於意外當晚現身道歉,但就尚未召開記者會交代事件而感到憤怒!Photo from 有線新聞

網民IG私訊ERROR成員193,兩者有爭吵?

有一位憤怒嘅網民就決定喺IG私訊ERROR成員193(郭嘉駿)批評佢,並上傳二人嘅對話紀錄。只見網民一嚟就話「你唔係好敢言嘅咩 做咩唔話下你公司啊」,其後批評佢嘅歌喉,再評價MIRROR及ERROR成員。面對網民如此「嚴厲」嘅批評,193都忍唔住回覆「你覺得我係時事評論員?」、「我鍾意講乜就講乜㗎啦,使唔使你批准啊」等,兩者似乎都有啲怒火!

而網民就公開與193嘅IG對話內容!Photo from 我老細怕咗呢班煩膠導致精神分裂關注組 FB

面對網民私訊批評,193就直接回覆返對方Photo from 193 IG

事後二人依然「隔空」對話!

其後,193以「鍵盤戰士」稱呼呢位網民,隨後網民亦唔執輸地再次回應返,二人互相「鬥嘴」咗一番!其後網民揚言會將對話傳送俾傳媒,而193直言「你咪post囉!」、「post完記得send返條link俾我」等,然後就將網民嘅IG帳號封鎖咗;期間二人依然持續「隔空」對話。

其後二人嘅對話內容都好火藥味!Photo from 我老細怕咗呢班煩膠導致精神分裂關注組 FB

雖然193最後已經Block咗網民,但佢哋都依然能夠「隔空」對話!Photo from 我老細怕咗呢班煩膠導致精神分裂關注組 FB

193超直率回應網民批評

過往193經常都同網民之間有「超濃火藥味」嘅對話,早前曾有網民批評佢有份投資嘅Cafe「Tanuki Coffee」食物售價好貴,而佢喺受訪時坦承「我諗佢應該係冇去過Cafe食嘢,Cafe向來都係呃錢,你要平可以去食兩餸飯,企喺街邊食。」呢番回應隨即引起網民熱議!

有網民指193嘅cafe價格非常昂貴,而佢就直率回應!Photo from 193 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網民訂貨有誤會 193郭嘉駿反擊被指態度差「咩年代,仲罵不還口?」IG追蹤人數暴跌幾千

2 Sep , 2021

ERROR成員193(郭嘉駿)擁有自家服裝品牌LILABOC,獲不少粉絲支持。不過,昨晚一名網民到討論區控訴經LILABOC訂貨後遲遲未收貨,佢多次私訊品牌要求退錢,數月後終獲193回應,卻被網民指態度奇差,而佢本人今晨亦有作出回應。

193郭嘉駿處理網店退款事宜手法惹嚟熱議。Photo from IG: deniskwok193

網民經193品牌訂貨引爭議

日前,一名網民到連登討論區表示,自己於年初經193服裝品牌LILABOC預訂了一頂帽,但過數後至九月初仍未收到回覆及退款。佢由一月開始多番經IG私訊品牌及193都不獲回應,所以佢終於忍唔住上網公開事件。

事主上連登大呻不獲193及店方理會及退款。Photo from 連登討論區

事主由一月開始向193及LILABOC追數。Photo from 連登討論區

事主試圖私訊193本人IG帳戶但不獲理會。Photo from 連登討論區

網民指193態度惡劣

事件曝光後引嚟網民熱議,不久後,193於LILABOC IG上載限時動態澄清,佢登出與該事主嘅對話圖,表示佢訂購嘅產品早於上年九月截單,係事主對預購期有誤會,過數了給一個已截單產品。但截圖一出即惹嚟更多對193嘅批評,對話顯示193反問事主:「係咪唔識中文?一月入錢嚟做乜X」、「文盲?」

被事主追問退款事宜,193反問事主係咪文盲。Photo from 連登討論區

事主繼續追問退錢一事,然後193不滿地問佢過數戶口,又指:「點知你依家用咩Account?定係燒畀你,快啦~」

193詢問過數帳戶資料,被網民指態度惡劣。Photo from IG: lilaboc.co

網民質疑193自己都有誤會

有網民認為,雖然事主對訂購事宜有誤會在先,但193態度亦無需如此惡劣。另有網民指,事主訂購嘅產品係帽,但193向佢登出嘅截單資料圖屬於T恤,質疑193一方都有睇錯字。

有網民質疑193本人都搞錯產品。Photo from 連登討論區 評論

網民質疑193公開顧客個人資料做法

除此,截圖當中更睇到事主嘅收款資訊,如名字、頭像相片,又隱約露出電話號碼,被網民質疑公開顧客私隱。

有網民質疑193公開顧客個人資料可能違法。Photo from 連登討論區 評論

193澄清

事件繼續喺連登洗版,到昨晚及今晨,193亦再次經LILABOC IG上載數個限時動態回應事件,包括一張退錢予事主嘅截圖,同時佢寫道:「呢個世界真係好多奇怪人。」

193登出退款收據,但同時直指事主奇怪。Photo from IG: lilaboc.co

193連串反擊

之後,佢又登出一張訂購月餅宣傳圖,留言:「如果依家仲有人入錢俾我呢,就一定唔會再退錢嘅。因為上年已經截咗單,我直接當送錢俾我用,多謝。」

193表示若有人再過數畀已截數產品將不會退款。Photo from IG: lilaboc.co

對於自己被網民批評,193繼續呻:「人生導師sss又出現了,究竟公審係咩意思?唔係佢(事主)公審我先咩?咩年代?仲罵不還口?」

193明言受網民公審會反擊。Photo from IG: lilaboc.co

同時,佢不滿事主質疑自己呃錢,再上網進行公審及引嚟網民抨擊。佢坦言:「我不嬲對住啲唔鐘意嘅人都係無禮貌,唔鐘意就唔好買,唔鐘意咪唔好關注我嚟囉。」佢又表示不怕網民攻擊,面對佢哋都會採取「封鎖」做法。

193坦言一向對不滿嘅人無禮貌。Photo from IG: lilaboc.co

事主對193感失望

事主事後向網民更新,指自己已收到193退款,但概歎由《造星1》開始支持佢,到呢一刻對佢徹底失望。

事主更新,指已收退款但對193徹底失望。Photo from 連登討論區

網民指193 IG追蹤人數暴跌數千

另外,有網民指,自事件曝光後,193嘅IG追蹤人數於一晚暴跌數千。有網民表示其Followers人數由原本414k於數小時內下跌一千,截至今日中午,其人數維持在411k。

193 IG追蹤人數一晚暴跌數千。Photo from IG: deniskwok193

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel