女大生姓名太特別，點名時竟遭老師拒絕？網民分享見過最奇怪的名字，諧音名最易鬧出笑話！

正所謂「唔怕生壞命，最怕改壞名」，大部分父母都會花好多心思為子女改名，名字背後多數都隱藏意義深遠嘅寓意。最近，一位姓屈嘅女大學生卻竟然因為名字而被老師拒絕點名，仲直接話佢嘅姓名太過隨意，懷疑佢使用「花名」代替名字？！

Photo from 《Law School》劇照

女大生因為特別姓名而感到困擾！

相信大家嘅姓名都可能係長輩們或者父母花好多時間而取得嘅名字～但一名來自湖北省嘅女生卻因為姓名而陷入苦惱之中，而佢嘅經歷仲瞬間引起網民熱議！

Photo from 《女神降臨》劇照

老師認為姓名太隨意，不願意點名？！

根據內媒報導，呢位女生「屈啦啦」現時就讀大學，而近日就因為疫情關係而改為上網課，但老師卻因為覺得佢嘅姓名太過隨意而拒絕幫佢點名（take attendance）？！後來經過女大生嘅一番解釋及上載身分證證明後，老師才願意相信佢嘅說話。

Photo from 微博

表示過往經常因為名字而備受矚目！

呢位女大生表示姓名令佢大受困擾，自細就經常獲得朋友或者老師嘅關注。雖然知道大家都並冇任何惡意，但每次轉換新環境嘅時候都會受到注目，成為校園中嘅話題人物！而唔少網民都對於佢嘅遭遇深感同情，認為擁有如此特別嘅名字的確有少少困擾，仲講笑咁話「老師一定記得你，絕對不能夠翹課」！

Photo from 《繼承者們》劇照

網民分享見過的奇怪名字

事實上廣東話裡面有好多諧音字，所以改名嘅時候要注意嘅事情都好多㗎！過往有唔少網民喺討論區上分享「見過最奇怪嘅姓名」，當中有好多都非常搞笑～

Photo from 《BB來了》

諧音女生姓名

網民表示見過女仔姓名叫「賈潔芬」、「倪文清」、「曾玉瑄」、「林美香」、「吳秀貞」等，相信大家將以上姓名讀出嚟就會明白～而部份姓名就好容易俾同學仔改花名，例如：「蔡玉詩」叫雪菜肉絲、「如絲」就可能會被改做「魷魚絲」等。

Photo from 連登討論區

Photo from 《我的ID是江南美人》劇照

諧音男生姓名

而男士方面，網民就見過「羅友行」、「吳樹喜」、「吳德」、「楊偉」、「吳浩丁」等，以上嘅姓名對於男仔而言都比較尷尬！而比較搞笑嘅就有「黃立倉」、「徐定富」、「魏俊」、「劉定堅」等。

Photo from 連登討論區

Photo from 《那年我們的夏天》

獨特姓名類別

部份父母可能想為子女改一個獨一無二嘅姓名，發揮佢哋無限嘅創意～網民就見過「林木森」、「江真真」、「關羽」、「朱迪士尼」、「夏世梅」、「林鴻友」等。不過相信大家都明白父母喺改名背後可能別有一番用心，而部份網民就表示見過唔少人喺長大後決定改名，以解決姓名帶來嘅困擾！

Photo from 連登討論區

Photo from 連登討論區

相關文章：「香港人英文名特別奇怪？」掀起熱議！主要分為5大類別！大家又聽過未？

相關文章：港男入職半年瘋狂改英文名！公司行政超麻煩！網友懷疑有古惑：關唔關風水事？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【名字推薦】香港大熱中文名字排行榜！女仔「嘉欣」、男仔「嘉俊」唔係排第一！

29 Oct , 2021

名字對於一個人嚟講十分重要，畢竟日後要改名辦手續都唔算簡單。喺連登討論區就有網民以改名網站嘅資料開post，引起網友熱議周圍朋友都撞名嘅情況發生。即睇香港熱門中文名字排行榜頭20位！

Photo from TVB

改名網站統計香港大熱中文名字排行榜

改名網站「NameChef」有嚟自世界各地嘅訪客，香港唔少準父母都為仔女改返個好名而傷腦筋，NameChef就統計咗各地嘅「姓名之最」。

Photo from TVB

最多男仔改名做「梓軒」，女生最多嘅名字係「凱晴」

首先男生方面，最多人改名做「梓軒」，至於女生最多嘅係「凱晴」。男生第二位至第五位為：「宇軒」、「子謙」、「子朗」、「樂軒」；女生第二位至第五位為：「芷晴」、「曉晴」、「子晴」、「曉彤」。

Photo from TVB

其實喺2018年佛山市公開咗戶籍人口最多人改嘅名字，其中「梓軒」排男孩子第二、女孩子叫「芷晴」亦係第三位，可見呢個名近幾年都仲係好熱門。

Photo from TVB

有啲名雖然個字唔一樣，但讀音都係相同嘅，例如「梓、子」、「家、嘉」，而有啲字都係好多人個名有，男生有：「軒」、「謙」、「俊」；女生方面則有：「晴」、「曉」、「凱」等。

Photo from NameChef

香港熱門英文名排名

英文名方面，有好多都唔算常見，男仔方面，「Rafael」排第五，鄭嘉穎、陳凱琳嘅大仔英文名都係「Rafael」，「Edan」則排第八，唔知係咪受MIRROR影響呢？女仔方面，「Chole」、「Hazel」等上榜。

Photo from NameChef

Photo from Edan IG

網友稱男仔一定有「嘉俊」、女生應該有「家欣/嘉欣」

有網友就指男仔一定有「嘉俊」：「嘉俊呢?此post已完」，而女生方面竟然唔見「家欣/嘉欣」上榜，事實上「嘉欣」排第19位，比預期中靠後，有網民就估計係時代唔同咗：「後生好似真係少啲嘉欣」、「叫嘉欣嗰啲做左人地阿媽啦」

Photo from LIHKG

Photo from LIHKG

Photo from 鍾嘉欣 IG

Photo from LIHKG

Photo from 游嘉欣 IG

有網友就指呢個排名可能係00後：「我嗰代好多男仔叫家俊/文俊，女仔叫嘉敏嘉欣」，網民笑言「晴」字真係咁多代都仲有好多人用。

Photo from LIHKG

Photo from 193 IG

Photo from LIHKG

相關文章：港男入職半年瘋狂改英文名！公司行政超麻煩！網友懷疑有古惑：關唔關風水事？！

相關文章：傳陳小春應采兒夫婦豪擲過百萬改名轉運！北上掘金賺人仔，身價達5億！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）