內地男14歲買林寶堅尼,抖音炫富獲女生主動結交!下場曝光網民唏噓

內地男14歲買林寶堅尼,抖音炫富獲女生主動結交!下場曝光網民唏噓

時事熱話
By Jennifer on 16 Aug 2022
Digital Editor

近年內地一直打擊網上炫富嘅現象,不過早前有一位14歲少年就喺網上爆紅,因為佢年紀小小已擁有眾多價值不菲嘅模型,甚至仲有一部林寶堅尼,令網民大為吃驚,更有女網友直接表示想去佢屋企玩!

早前有一位14歲少年就喺網上爆紅,因為佢年紀小小已擁有眾多價值不菲嘅模型Photo from 抖音

抖音14歲內地男生「張師嘉」爆紅

喺抖音有唔少素人都會發佈自己嘅日常生活,最近一個用戶喺內地爆紅。名為「張師嘉」嘅男生,年僅14歲,從抖音嘅資料顯示張師嘉應該係住喺北京,雖然佢年齡唔大,但因為佢發佈嘅抖音片段,引起網民關注。

名為「張師嘉」嘅男生,年僅14歲,從抖音嘅資料顯示張師嘉應該係住喺北京Photo from 抖音

張師嘉嘅自我介紹中提到佢「愛車」,從佢嘅抖音中亦可見佢出入都係搭名車,睇得出佢對各種名車都了解好深,不過因為佢只得14歲,所以對於名車理應停留喺理論階段。

張師嘉嘅自我介紹中提到佢「愛車」,從佢嘅抖音中亦可見佢出入都係搭名車Photo from 抖音

14歲即獲人生第一架林寶堅尼,坐擁無數價值不菲Figure

但係張師嘉之所以會成為網民焦點,正正係因為佢喺抖音拍咗一架螢光綠色嘅林寶堅尼:「14歲提人生第一輛蘭博堅尼(Lamborghini)是種甚麼體驗...」從張師嘉公開嘅相片可見佢買嘅車應該係Huracan EVO Spyder,售價約為$1,659萬。由於張師嘉未成年,唔少網友都認為佢咁快買入人生第一架林寶堅尼十分奢侈。

張師嘉之所以會成為網民焦點,正正係因為佢喺抖音拍咗一架螢光綠色嘅林寶堅尼Photo from 抖音

張師嘉公開嘅相片可見佢買嘅車應該係Huracan EVO Spyder

除咗名車之外,張師嘉仲有收藏模型嘅愛好,佢曾經喺抖音影下自己嘅模型室,入面擺放咗好多玻璃櫃,陳列咗唔少模型,其中最引人注目嘅就係2個一比一真人大小嘅「Iron Man」Figure。

張師嘉仲有收藏模型嘅愛好,佢曾經喺抖音影下自己嘅模型室,入面擺放咗好多玻璃櫃,陳列咗唔少模型,其中最引人目嘅就係2個一比一真人大小嘅「Iron Man」Figure。Photo from 抖音

朋友稱呼為「少爺」,張師嘉表示追女仔無難度

張師嘉出入高檔會所,生活質素極高,好多網友更留言稱呼佢做「少爺」,身份地位之高可見一斑。其中有一位女網友留言:「少爺去你家玩」,張師嘉則回覆:「照片看看」,睇嚟張師嘉對女生嘅外型都有一定要求。有網民勸張師嘉要低調啲,張師嘉則稱自己已經好低調。

張師嘉出入高檔會所,生活質素極高Photo from 抖音

有一位女網友留言:「少爺去你家玩」,張師嘉則回覆:「照片看看」Photo from 抖音

有網民勸張師嘉要低調啲,張師嘉則稱自己已經好低調。Photo from 抖音

亦有網友問佢會唔會有生活煩惱例如追唔到女仔等,張師嘉表示自己完全無學習壓力,但生活壓力就好大,不過佢坦言幾乎無追唔到嘅女仔,直言:「不乍缺(女朋友)」。雖然生活質素高,但張師嘉仍不時會post抖音片指羨慕普通人嘅生活。

有網友問佢會唔會有生活煩惱例如追唔到女仔等,張師嘉表示自己完全無學習壓力,但生活壓力就好大Photo from 抖音

雖然生活質素高,但張師嘉仍不時會post抖音片指羨慕普通人嘅生活。Photo from 抖音

炫富結果曝光

張師嘉14歲擁有嘅高質生活喺內地引起廣泛關注,然而近年內地打擊網上炫富嘅現象,張師嘉嘅抖音帳號已被關閉,全部內容都被刪除,甚至喺微博、百度、知乎等多個內地平台都無法搜尋到任何與「張師嘉」相關嘅結果。有網友表示唏噓,亦有人指張師嘉嘅上流貴族生活依然會繼續只係大眾唔再知情而已。

近年內地打擊網上炫富嘅現象,張師嘉嘅抖音帳號已被關閉,全部內容都被刪除Photo from 抖音

喺微博、百度、知乎等多個內地平台都無法搜尋到任何與「張師嘉」相關嘅結果。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

王俊棠抖音拍片10元解決一日三餐?內地網友:才來幾天就這麼落魄

廣告
廣告

13 Jun 2022

「御用惡人」王俊棠一向中意喺抖音同網民分享生活,近日佢現身內地福州,品嚐當地特色小吃光餅,更表示足夠佢一日三餐,有唔少網友勸佢對自己好啲,又表示:「我請你吃吧!」

「御用惡人」王俊棠一向中意喺抖音同網民分享生活Photo from 王俊棠抖音

李國麟等綠葉演員北上發展

近年好多藝人都選擇北上發展,就算留喺香港都會不時喺抖音拍片同內地網民交流,其中包括唔少綠葉演員,好似李國麟佢就開直播帶貨賺人仔,更長駐內地搵真銀!

近年好多藝人都選擇北上發展,就算留喺香港都會不時喺抖音拍片同內地網民交流,其中包括唔少綠葉演員Photo from 李國麟抖音

另一位綠葉王俊棠雖然有出演處境喜劇,但並唔係每一集都會出現,而佢平時都有經常拍攝抖音影片分享個人生活,近日佢嘅抖音帳號再次公開新片段,佢仲現身內地拍片~

王俊棠嘅抖音帳號再次公開新片段,佢仲現身內地拍片~Photo from 王俊棠抖音

王俊棠現身福州,買10蚊光餅食足三餐

王俊棠喺內地福州,介紹當地嘅特色小吃「光餅」,從影片中可見佢背景中賣光餅嘅店舖標明「10元6個」,王俊棠即感歎道:「哈哈,夠我三餐的。」佢笑言早餐食兩個、午餐食兩個、晚餐再食兩個就啱啱好:「十塊錢一天好!」

王俊棠喺內地福州,介紹當地嘅特色小吃「光餅」Photo from 王俊棠抖音

影片中可見王俊棠背景中賣光餅嘅店舖標明「10元6個」Photo from 王俊棠抖音

王俊棠即感歎道:「哈哈,夠我三餐的。」Photo from 王俊棠抖音

王俊棠隨即向店員購買光餅,佢一開口就要10個,不過意識到係10元6個之後就改口話要六個。呢段短片喺抖音獲得超過7,000個讚、逾1,000個留言。

呢段短片喺抖音獲得超過7,000個讚、逾1,000個留言。Photo from 王俊棠抖音

內地網民勸唔好委屈自己

唔少網友指王俊棠幫襯嗰間店「唔夠正宗」,紛紛推薦佢去食其他地方嘅光餅,亦有人叫佢「不要這樣委屈自己」,有網友大方稱自己可以請佢食。仲有留言表示:「在福州幾天已經這麼落魄了嗎,現在知道不容易了吧。」

有人叫佢「不要這樣委屈自己」Photo from 王俊棠抖音

有網友大方稱自己可以請佢食。Photo from 王俊棠抖音

有留言表示:「在福州幾天已經這麼落魄了嗎,現在知道不容易了吧。」Photo from 王俊棠抖音

唔少網友指王俊棠幫襯嗰間店「唔夠正宗」,紛紛推薦佢去食其他地方嘅光餅Photo from 王俊棠抖音

其實今次唔係第一次有內地網民話佢「落魄」,之前王俊棠喺屋企拍片,當時已有好多網友稱佢屋企好細,又指佢生活睇落好「拮据」,而王俊棠並無介意,更公開留言表示:「房子大小不重要,只要有愛就好」,可能內地網友一直覺得佢生活質素一般。

之前王俊棠喺屋企拍片,當時已有好多網友稱佢屋企好細,又指佢生活睇落好「拮据」Photo from 王俊棠抖音

王俊棠並無介意,更公開留言表示:「房子大小不重要,只要有愛就好」Photo from 王俊棠抖音

不過亦有網民提出王俊棠所謂「一日三餐」係指每餐都食光餅,因為光餅好細根本唔夠飽,認為王俊棠嘅意思係餐前或餐後再食多兩個光餅。

亦有網民提出王俊棠所謂「一日三餐」係指每餐都食光餅Photo from 王俊棠抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel