內地男14歲買林寶堅尼，抖音炫富獲女生主動結交！下場曝光網民唏噓

近年內地一直打擊網上炫富嘅現象，不過早前有一位14歲少年就喺網上爆紅，因為佢年紀小小已擁有眾多價值不菲嘅模型，甚至仲有一部林寶堅尼，令網民大為吃驚，更有女網友直接表示想去佢屋企玩！

Photo from 抖音

抖音14歲內地男生「張師嘉」爆紅

喺抖音有唔少素人都會發佈自己嘅日常生活，最近一個用戶喺內地爆紅。名為「張師嘉」嘅男生，年僅14歲，從抖音嘅資料顯示張師嘉應該係住喺北京，雖然佢年齡唔大，但因為佢發佈嘅抖音片段，引起網民關注。

Photo from 抖音

張師嘉嘅自我介紹中提到佢「愛車」，從佢嘅抖音中亦可見佢出入都係搭名車，睇得出佢對各種名車都了解好深，不過因為佢只得14歲，所以對於名車理應停留喺理論階段。

Photo from 抖音

14歲即獲人生第一架林寶堅尼，坐擁無數價值不菲Figure

但係張師嘉之所以會成為網民焦點，正正係因為佢喺抖音拍咗一架螢光綠色嘅林寶堅尼：「14歲提人生第一輛蘭博堅尼（Lamborghini）是種甚麼體驗...」從張師嘉公開嘅相片可見佢買嘅車應該係Huracan EVO Spyder，售價約為$1,659萬。由於張師嘉未成年，唔少網友都認為佢咁快買入人生第一架林寶堅尼十分奢侈。

Photo from 抖音

除咗名車之外，張師嘉仲有收藏模型嘅愛好，佢曾經喺抖音影下自己嘅模型室，入面擺放咗好多玻璃櫃，陳列咗唔少模型，其中最引人注目嘅就係2個一比一真人大小嘅「Iron Man」Figure。

Photo from 抖音

朋友稱呼為「少爺」，張師嘉表示追女仔無難度

張師嘉出入高檔會所，生活質素極高，好多網友更留言稱呼佢做「少爺」，身份地位之高可見一斑。其中有一位女網友留言：「少爺去你家玩」，張師嘉則回覆：「照片看看」，睇嚟張師嘉對女生嘅外型都有一定要求。有網民勸張師嘉要低調啲，張師嘉則稱自己已經好低調。

Photo from 抖音

Photo from 抖音

Photo from 抖音

亦有網友問佢會唔會有生活煩惱例如追唔到女仔等，張師嘉表示自己完全無學習壓力，但生活壓力就好大，不過佢坦言幾乎無追唔到嘅女仔，直言：「不乍缺（女朋友）」。雖然生活質素高，但張師嘉仍不時會post抖音片指羨慕普通人嘅生活。

Photo from 抖音

Photo from 抖音

炫富結果曝光

張師嘉14歲擁有嘅高質生活喺內地引起廣泛關注，然而近年內地打擊網上炫富嘅現象，張師嘉嘅抖音帳號已被關閉，全部內容都被刪除，甚至喺微博、百度、知乎等多個內地平台都無法搜尋到任何與「張師嘉」相關嘅結果。有網友表示唏噓，亦有人指張師嘉嘅上流貴族生活依然會繼續只係大眾唔再知情而已。

Photo from 抖音

Photo from 微博

相關文章：抖音第一美女直播濾鏡突消失！真樣曝光令fans大感崩潰！舊照瘋傳嚇窒網友

相關文章：內地推出「禁止炫富」新政策！大晒名牌收據/購物戰利品 一律都唔俾？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

王俊棠抖音拍片10元解決一日三餐？內地網友：才來幾天就這麼落魄

13 Jun 2022

「御用惡人」王俊棠一向中意喺抖音同網民分享生活，近日佢現身內地福州，品嚐當地特色小吃光餅，更表示足夠佢一日三餐，有唔少網友勸佢對自己好啲，又表示：「我請你吃吧！」

Photo from 王俊棠抖音

李國麟等綠葉演員北上發展

近年好多藝人都選擇北上發展，就算留喺香港都會不時喺抖音拍片同內地網民交流，其中包括唔少綠葉演員，好似李國麟佢就開直播帶貨賺人仔，更長駐內地搵真銀！

Photo from 李國麟抖音

另一位綠葉王俊棠雖然有出演處境喜劇，但並唔係每一集都會出現，而佢平時都有經常拍攝抖音影片分享個人生活，近日佢嘅抖音帳號再次公開新片段，佢仲現身內地拍片～

Photo from 王俊棠抖音

王俊棠現身福州，買10蚊光餅食足三餐

王俊棠喺內地福州，介紹當地嘅特色小吃「光餅」，從影片中可見佢背景中賣光餅嘅店舖標明「10元6個」，王俊棠即感歎道：「哈哈，夠我三餐的。」佢笑言早餐食兩個、午餐食兩個、晚餐再食兩個就啱啱好：「十塊錢一天好！」

Photo from 王俊棠抖音

Photo from 王俊棠抖音

Photo from 王俊棠抖音

王俊棠隨即向店員購買光餅，佢一開口就要10個，不過意識到係10元6個之後就改口話要六個。呢段短片喺抖音獲得超過7,000個讚、逾1,000個留言。

Photo from 王俊棠抖音

內地網民勸唔好委屈自己

唔少網友指王俊棠幫襯嗰間店「唔夠正宗」，紛紛推薦佢去食其他地方嘅光餅，亦有人叫佢「不要這樣委屈自己」，有網友大方稱自己可以請佢食。仲有留言表示：「在福州幾天已經這麼落魄了嗎，現在知道不容易了吧。」

Photo from 王俊棠抖音

Photo from 王俊棠抖音

Photo from 王俊棠抖音

Photo from 王俊棠抖音

其實今次唔係第一次有內地網民話佢「落魄」，之前王俊棠喺屋企拍片，當時已有好多網友稱佢屋企好細，又指佢生活睇落好「拮据」，而王俊棠並無介意，更公開留言表示：「房子大小不重要，只要有愛就好」，可能內地網友一直覺得佢生活質素一般。

Photo from 王俊棠抖音

Photo from 王俊棠抖音

不過亦有網民提出王俊棠所謂「一日三餐」係指每餐都食光餅，因為光餅好細根本唔夠飽，認為王俊棠嘅意思係餐前或餐後再食多兩個光餅。

Photo from 王俊棠抖音

相關文章：王俊棠兒子王東泰生日抖音拍片！被內地網友嫌屋企寒酸：房子確實好小

相關文章：「細細粒」陳嘉佳一人食9碟餸！落車被車門卡住，網民擔心影響健康

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）