尾二一屆口罩小姐|首集參賽者尷尬表演一覽:講笑話/唱歌走音!細數5位熱門人選!大部分都係模特兒?

尾二一屆口罩小姐|首集參賽者尷尬表演一覽:講笑話/唱歌走音!細數5位熱門人選!大部分都係模特兒?

電視電影 娛樂新聞
By Stephanie on 16 Aug 2022
Digital Content Writer

ERROR以及上屆當選嘅口罩小姐鄭伊琪(上屆冠軍)、米露迪(上屆殿軍)所主持嘅《尾二一屆口罩小姐》選舉昨日(15日)首播,喺第一集中就播出咗80強海選嘅片段。而家即睇首輪嘅熱門佳麗先啦~

《尾二一屆口罩小姐》已經於昨晚(15日)開始首播!Photo from 《尾二一屆口罩小姐》

《尾二一屆口罩小姐》宣傳不夠?!

ViuTV節目《尾二一屆口罩小姐》昨晚(15日)首播,不過礙於早前MIRROR演唱會意外,ViuTV嘅社交媒體暫停更新咗一陣子,而所有新節目都低調地播出。有網民就對此感到不滿,認為唔少節目都錯失咗宣傳機會,令唔少ERROR粉絲感到不滿「ERROR嘅節目點解零宣傳?」、「想睇口罩小姐嘅佳麗資料啊」等。

部份網民不滿ViuTV對於ERROR主持嘅節目不重視?!Photo from ERROR IG

ViuTV FB專頁開始出post!

直到昨日(15日)下午,ViuTV終於重新經營返Facebook帳號,宣傳2大節目《尾二一屆口罩小姐》及《終於飛到LA》,令網民興奮不已!不過ViuTV嘅IG帳號暫時依然未有出post。

昨日(15日),ViuTV正式開始喺Facebook 專頁出post宣傳節目!Photo from ViuTV FB

唔少網民都感到非常興奮~Photo from ViuTV FB

ERROR未能親自選擇入圍人選?!

今屆《尾二一屆口罩小姐》目的係想選出最靚及最有才華嘅「口罩小姐」,今次成功吸引到逾千人報名,而節目組已經事先選出咗80強人選!四組明星評審團負責從中選出50強人選,而ERROR就只能夠喺後台觀望,若果真係想挽留參賽者就必須飲用節目組「特調」嘅飲品才可以發聲。

節目組已經事先從逾千名參賽者中選出80強人選!Photo from 《尾二一屆口罩小姐》

不過ERROR四子今次只可以喺螢幕後面睇第一輪面試過程Photo from 《尾二一屆口罩小姐》

口罩小姐介紹時無需講出姓名,今屆似乎想走神秘風?!

不過今次節目組似乎就想行神秘風格,要求參賽者上台自我介紹時唔可以講出自己嘅名字,只能夠講參賽編號;其後每位參賽者都會獲得表演才藝嘅機會,當中大部分人都選擇咗唱歌同跳舞,大家所選擇嘅才藝都比上屆單一啲喇!

同上屆唔同嘅係今次「口罩小姐」們自我介紹時連花名都唔會講,只係講出自己嘅參賽編號就得~Photo from 《尾二一屆口罩小姐》

尷尬表演環節!

部份「口罩小姐」大膽地選擇以「講笑話」作為才藝表演,而絕大部分嘅笑話都真係幾「難笑」,評判們都完全冇反應,換來超尷尬嘅場面!另一邊廂,部份選擇唱歌嘅「口罩小姐」走音問題嚴重,加上口齒不清,唔少人都因此而未能晉身下一輪比賽。

唔少「口罩小姐」都選擇超高難度嘅「講笑話」作為才藝表演,但就令場面變得好尷尬喇!Photo from 《尾二一屆口罩小姐》

而部份選擇唱歌嘅參賽者就因為走晒音,而被評判淘汰Photo from 《尾二一屆口罩小姐》

受關注的「口罩小姐」人選:

5號「口罩小姐」出場嘅時候攞住超大嘅波板糖登場,但就被火火直言外型唔夠吸引,不過佢都非常自信咁表示會努力運動改善。隨後佢就表演跳唱《Candy Ball》,表演都唔錯,令喺後台嘅阿Dee同保錡都投入咁跟住唱,但唔知點解跳舞嘅時候卻竟然將波板糖放喺地下~而佢嘅唱歌表演因為比之前嘅參賽者突出,而成功入圍!

5號參賽者表演唱《Candy Ball》,但波板糖道具卻居然擺咗喺地下?!相信係為咗更加投入表演~Photo from 《尾二一屆口罩小姐》

佢嘅歌喉唔錯,令台後嘅阿Dee同保琦都忍唔住一齊唱~Photo from 《尾二一屆口罩小姐》

21號「口罩小姐」自稱係一位model,並且希望成為一位演員,表演時選擇跳肥仔@ERROR嘅《Lady Killer》。由於佢跳舞技巧都唔錯,加上外表甜美,令一眾男評判都對佢讚不絕口,全部投票俾佢過關!

21號口罩小姐外型甜美,一出場就已經獲得男評判們嘅喜愛~Photo from 《尾二一屆口罩小姐》

而佢就選擇跳《Lady Killer》,跳舞功力都唔錯㗎~Photo from 《尾二一屆口罩小姐》

身穿足球波衫登場嘅30號「口罩小姐」喺服裝上已經成功獲取男評判們嘅關注,其後佢表演一邊彈Ukulele一邊唱《少林足球》嘅人氣歌曲,仲自由發揮咁改詞~雖然走晒音,但後來佢又搞笑咁表演跳舞,成功以幽默取勝!

30號口罩小姐身穿足球衫登場!Photo from 《尾二一屆口罩小姐》

並表演自彈自唱走晒音樂,不過歌詞就自己改過,都算係幾用心~Photo from 《尾二一屆口罩小姐》

其後仲表演埋跳舞,原來佢嘅呢身打扮係參照返張栢芝「玉面雙飛龍」嘅造型!Photo from 《尾二一屆口罩小姐》

61號「口罩小姐」嘅表演算係比較特別嘅,佢選擇一邊打鼓一邊唱COLLAR嘅《Call My Name!》,不過就有少少甩beat!不過勝在表演難度高,而且深得193喜愛,最終都成功過關~

61號口罩小姐表演打鼓+唱歌Photo from 《尾二一屆口罩小姐》

雖然唱歌時有少少甩beat,不過都成功入圍!Photo from 《尾二一屆口罩小姐》

60號「口罩小姐」就選擇表演「用橡筋彈水樽」,但呢個表演隨即嚇親台下嘅評判,事關佢係正面對著啲評判彈!好彩表演最終都順利完成~

60號佳麗外型獨特,出場就獲得大家嘅關注!Photo from 《尾二一屆口罩小姐》

佢選擇以表演彈橡筋作為表演項目Photo from 《尾二一屆口罩小姐》

而肥仔就向60號參賽者發問「如果你真係晉級,你會選擇邊個做你隊長?」,而佢就回答「阿Dee!因為阿Dee係ViuTV一哥」;隨即令肥仔、193講笑指佢無視喺面前嘅真正一哥強尼,引起在場人士起哄!最終佢獲得「2個交叉+1個圈圈」未能晉級,不過被肥仔極力挽回,暫時未知係咪能夠成功挽回佢呢?!不過有眼利嘅網民發現60號好似就係KOL「西童」,過往都曾經出演193所主持嘅《戀講嘢》,並且憑完美身材獲得網民嘅關注!

但佢居然喺強尼面前指阿Dee係ViuTv一哥?!Photo from 《尾二一屆口罩小姐》

而網民就懷疑60號口罩小姐好大機會就係KOL西童!Photo from 《戀講嘢》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

ViuTV口罩小姐選舉超多𡃁模、KOL參選,佳麗奇特技能多 !

10 Mar , 2021

喺疫情期間,個個都需要戴住口罩出街,所以 ViuTV就決定舉辦《最後一屆口罩小姐選舉》,並將於3月22日首播。喺40位「口罩小姐」名單曝光之後,就引起好熱烈嘅討論,有唔少網民都好眼利咁單憑參賽者雙眼就認出幾位知名嘅KOL同Youtubers。而部分「口罩小姐」嘅技能同興趣都非常特別同奇特,因此亦成為咗討論嘅話題之一。

ViuTV FBPhoto from ViuTV FB

ViuTV公開咗40強佳麗嘅照片同個人資料,而呢40強已經係200人海選脫穎而出,20強嘅人選將會交由ERROR挑選出來。ViuTV亦表明喺佳麗被淘汰之前,係唔會公開佢哋身份。所以公開嘅參賽佳麗都唔會有名,以號碼取代。

最受網民熱烈討論組

040

年齡 33
身高(cm) 173
體重(kg) 57
三圍(寸) 34 27 35
職業 模特兒
技能 唱歌
興趣 運動

呢位佳麗就比好多網民話佢好似P圖P得太過火,話佢個頭同身形嘅比例太大差別,懷疑佢P圖失咗手。另外,有網民認出佢應該就係𡃁模尹蓁晞(Yumi),曾經同周秀娜以前嘅髮型師男友Avis有過一段情。

ViuTV FBPhoto from ViuTV FB

ViuTV FBPhoto from ViuTV FB

睇網民嘅評論就知好多人都認唔到Yumi,而且都只係顧住講佢P圖嘅事。睇番佢IG𡃁模時期嘅照片,對比落又好似真係有少少唔同咗咁!

尹蓁晞IGPhoto from 尹蓁晞IG

尹蓁晞IG Photo from 尹蓁晞IG

050

年齡 27
身高(cm) 168
體重(kg) 48
三圍(寸) 31.5 24 34
職業 學生
技能 跳舞、唱歌、辯論
興趣 Rap、瑜伽、藝術體操

有網民就認出佢應該就係有份參加「半島Staycation多人生日P」嘅其中一位KOL Mina Yeung,亦有網民翻查到佢係2019年嘅落選港姐。

ViuTV FBPhoto from ViuTV FB

ViuTV FBPhoto from ViuTV FB

由佢嘅IG嘅其中一個post所見,相信廣大網民們嘅猜測都好大機會係正確~

Mina IGPhoto from Mina IG

廣告
廣告

052

年齡 24
身高(cm) 173
體重(kg) 55
三圍(寸) 33.5 26 36
職業 學生
技能 食嘢
興趣 行山、烹飪

ViuTV FBPhoto from ViuTV FB

就有網民係留言度話佢之前搶人男朋友,但由於戴住口罩未知會唔會係「點錯相」,暫時未能夠確定事件真假。

ViuTV FBPhoto from ViuTV FB

騎呢技能組

029

年齡 42
身高(cm) 165
體重(kg) 55
三圍(寸) 32.5 25.5 35.5
職業 芭蕾舞導師
技能 唱歌、芭蕾舞
興趣 唱歌、跳舞

喺眾多位參賽者中,佢算係年紀最大嘅一位,有網民就係留言笑佢「有頭皮」,但亦有網民表示42歲都keep 到咁算唔錯會支持佢。

 ViuVTV FBPhoto from ViuVTV FB

ViuTV FBPhoto from ViuTV FB

033

年齡 26
身高(cm) 158
體重(kg) 46
三圍(寸) 31 23.5 35
職業 中醫
技能 揸飛機
興趣 馬拉松

技能係揸飛機?!令唔少網民都感到十分好奇,仲有網民幫佢起咗「中式飛機技師」呢個稱號。

ViuTV FBPhoto from ViuTV FB

 

044
年齡 33
身高(cm) 170
體重(kg) 50
三圍(寸) 32.5 23.5 35.5
職業 空姐
技能 烹飪
興趣 烹飪、買口罩

買口罩係興趣都真係幾奇特,但作為「口罩小姐」候選佳麗都幾適合嘅,網民們嘅留言都十分搞笑~

ViuTV FBPhoto from ViuTV FB

ViuTV FBPhoto from ViuTV FB

058

年齡 24
身高(cm) 165
體重(kg) 49
三圍(寸) 32.5 26 34
職業 自由工作者
技能 做一字馬、扮嬰兒說話
興趣 睇戲、跳舞

佢就識得扮嬰兒講嘢,令有啲網民都話想聽下究竟有幾似~另外,亦有網民認出話佢應該拍過電視劇《教束》。

ViuTV FBPhoto from ViuTV FB

061

年齡 23
身高(cm) 160
體重(kg) 44
三圍(寸) 29.5 24 34.5
職業 兼職護士
技能 含住水說話、搞笑
興趣 唱歌

技能係識得含住水講嘢,非常獨特!而網民們嘅反應亦都非常搞笑~

ViuTV FBPhoto from ViuTV FB

 ViuTV FBPhoto from ViuTV FB

088

年齡 28
身高(cm) 162
體重(kg) 51
三圍(寸) 31.5 25.5 34.5
職業 市場行銷
技能 鋼琴
興趣 採耳

興趣係採耳,網民們都紛紛話想睇佢直播採耳,會唔會其實佢係一個採耳師?!

ViuTV FBPhoto from ViuTV FB

090

年齡 23
身高(cm) 160
體重(kg) 44
三圍(寸) 34 24 32
職業 學生
技能 解決問題、批判性思维
興趣 運動、行山、排球

技能係解決問題同埋批判性思维,非常有深度,令大家都好好奇佢到時會點樣展示佢嘅技能。

ViuTV FBPhoto from ViuTV FB

 

KOL組

056

年齡 30
身高(cm) 155
體重(kg) 44
三圍(寸) 31.5 26 34
職業 網紅
技能 潛水
興趣 食嘢、爵士鼓、結他

好多網民都一眼就認出佢係Youtuber兼節目主持人嘅寶欣,個個都表示非常支持佢~

ViuTV FBPhoto from ViuTV FB

070

年齡:30
身高(cm):165
體重(kg): 44
三圍(寸): 32 24 33
職業: 網紅
技能:影片創作及製作、花藝
興趣:演戲、花藝、繪畫

大批網民都認出佢就係《啱Channel》嘅米露迪,仲話真係好難認唔出佢!就咁睇,佢暫時亦係獲得最多like嘅一位佳麗~

ViuTV FBPhoto from ViuTV FB

《啱Channel》嘅混血肥仔亦有留言,仲比網民講笑咁問係咪派米露迪入敵陣視察環境~

ViuTV FBPhoto from ViuTV FB

071

年齡 31
身高(cm) 165
體重(kg) 48
三圍(寸) 32.5 25 34.5
職業 模特兒
技能 唱歌、演戲、化妝
興趣 唱歌、演戲、打藍球

有網民就指佢應該係「大埔Lulu」,就咁睇佢隻眼都好大機會係~

ViuTV FBPhoto from ViuTV FB

 ViuTV FBPhoto from ViuTV FB

086

年齡 21
身高(cm) 160
體重(kg) 46
三圍(寸) 32.5 23.5 33.5
職業 演員
技能 唱歌、彈結他、報導新聞
興趣 瑜伽、泰拳、演戲

《試當真》嘅阿慈都比網民們一下就認出,大家都紛紛喺留言度表示支持佢!

ViuTV FBPhoto from ViuTV FB

087

年齡 29
身高(cm) 155
體重(kg) 42
三圍(寸) 33 24 32
職業 演員
技能 烹飪、彈鋼琴、跳舞
興趣 跳舞、唱歌、攀石

有網民認出佢應該就係「My叔」,有參與唔少節目做主持同喺Youtube拍美食片。

ViuTV FBPhoto from ViuTV FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel