傳陳自瑤王浩信正式離婚!女方要接受治療?一文睇過往屢傳婚變事件

傳陳自瑤王浩信正式離婚!女方要接受治療?一文睇過往屢傳婚變事件

娛樂新聞
By Jennifer on 16 Aug 2022
Digital Editor

陳自瑤王浩信結婚11年,近年兩人屢傳婚變,不過有指佢哋最近關係緩和,但娛樂新聞台卻引述報道指兩人已正式離婚!有指Yoyo更要接受治療抒解負面情緒,即睇兩人過往「婚變事件」。

陳自瑤同王浩信結婚11年

陳自瑤同王浩信屢傳婚變,近日被指關係緩和

陳自瑤同王浩信婚後育有一女,雖然結婚後佢哋一度以恩愛夫妻嘅形象示人,但王浩信劇接劇,曾與唔同女主角傳緋聞,近年更屢屢傳出同陳自瑤貌合神離,外界唔少報道直指兩人婚姻早已亮起紅燈!

陳自瑤同王浩信婚後育有一女,結婚後佢哋一度以恩愛夫妻嘅形象示人Photo from 陳自瑤微博

王浩信劇接劇,與唔同女主角傳緋聞,近年更屢屢傳出同陳自瑤貌合神離Photo from 王浩信IG

Yoyo近嚟事業迎來突破,首度擔任女主角,而老公王浩信則北上工作賺人仔,佢對Yoyo做女主角曾公開表示替對方開心。王浩信同陳自瑤早前分別公開與女兒王靖喬去迪士尼玩嘅相片,被指一家三口出遊,而Yoyo亦有公開提及老公王浩信,兩人關係似乎緩和不少。

Yoyo近嚟事業迎來突破,首度擔任女主角Photo from 陳自瑤IG

王浩信早前公開與女兒王靖喬去迪士尼玩嘅相片Photo from 王浩信IG

陳自瑤亦有公開喺迪士尼嘅自拍Photo from 陳自瑤IG

陳自瑤IG相揭有3份早餐,被指一家三口出遊Photo from 陳自瑤IG

娛樂新聞台引述報道指陳自瑤王浩信正式離婚

但娛樂新聞台官方Facebook卻引述報道指陳自瑤王浩信正式離婚嘅消息,據報道稱兩人將終結即將11年嘅婚姻關係,Yoyo更要接受療法以抒解負面情緒。王浩信則專注事業,報道表示王浩信將開設經理人公司,並簽約曾代表香港參加奧運會嘅劍擊運動員余繕妡,掀起網民熱議。

娛樂新聞台官方Facebook卻引述報道指陳自瑤王浩信正式離婚嘅消息Photo from 娛樂新聞台官方Facebook

據報道稱兩人將終結即將11年嘅婚姻關係,Yoyo更要接受療法以抒解負面情緒。王浩信則專注事業,報道表示王浩信將開設經理人公司Photo from 娛樂新聞台官方Facebook

王浩信曾與黃心穎傳緋聞,陳自瑤like鬧黃心穎post

陳自瑤同王浩信於2011年結婚,曾經愛得十分甜蜜,不時喺社交網站大晒恩愛,又會同場出席活動力撐對方,不過近年兩人婚變傳聞甚囂塵上。

陳自瑤同王浩信於2011年結婚,曾經愛得十分甜蜜Photo from 陳自瑤微博

王浩信2015年拍《東坡家事》時曾同黃心穎傳緋聞,雖然兩人一直否認戀情,但喺「安心事件」之後有網民發現陳自瑤喺微博like咗一個post。Post內容指黃心穎:「好好地對象站那兒卻跑去勾搭有夫之婦」,事後Yoyo極速unlike返,唔排除佢係一時錯手like錯咗,但亦有人認為佢係借機表態。

王浩信2015年拍《東坡家事》時曾同黃心穎傳緋聞Photo from 《東坡家事》

有網民發現陳自瑤喺微博like咗一個post。Post內容指黃心穎:「好好地對象站那兒卻跑去勾搭有夫之婦」Photo from 陳自瑤微博

陳自瑤無視老公王浩信生日祝福

之後王浩信拍劇又分別同蔡思貝、江嘉敏傳出緋聞,不過都已獲當事人澄清。2020年Yoyo 39歲生日就喺Istagram post出一輯靚相,IG留言區有勁多圈中好友為佢送祝福,Yoyo亦一一回覆,老公王浩信其實都有留言:「生日快樂🎂」,不過回晒好友嘅Yoyo就無回應到王浩信呢個留言。

2020年Yoyo 39歲生日就喺Istagram post出一輯靚相Photo from 陳自瑤IG

王浩信其實都有留言:「生日快樂🎂」,不過回晒好友嘅Yoyo就無回應到王浩信呢個留言。Photo from 陳自瑤IG

頒獎禮王浩信再奪視帝,陳自瑤台下「黑面」

到《萬千星輝頒獎典禮2020》,王浩信憑《踩過界2》再登上視帝寶座,喺事業再登高峰之際佢不忘多謝屋企人,佢發表感言時公開多謝老婆Yoyo陳自瑤悉心照顧女兒,不過當鏡頭影去Yoyo度時,只見Yoyo面無表情望住台上,令佢同王浩信夫妻不和嘅傳聞越傳越烈!

《萬千星輝頒獎典禮2020》王浩信憑《踩過界2》再登上視帝寶座Photo from 《萬千星輝頒獎典禮2020》

當鏡頭影去Yoyo度時,只見Yoyo面無表情望住台上Photo from 《萬千星輝頒獎典禮2020》

事後Yoyo解釋係因為當時分心咗,而且有傳媒影到頒獎禮完結後Yoyo都有喺台上主動擁抱丈夫王浩信。但《萬千星輝賀台慶2021》影大合照時,王浩信同陳自瑤兩夫婦企位相近,同場卻零交流,再被指貌合神離!

廣告
廣告

事後Yoyo解釋係因為當時分心咗,而且有傳媒影到頒獎禮完結後Yoyo都有喺台上主動擁抱丈夫王浩信。Photo from 陳自瑤IG

《萬千星輝賀台慶2021》影大合照時,王浩信同陳自瑤兩夫婦企位相近,同場卻零交流Photo from 陳自瑤IG

近嚟王浩信去內地搵真銀,Yoyo亦表示知道對方行程,更指女兒會同爸爸傾電話,王浩信宣傳內地新戲時,Yoyo亦有留言:「支持」,有指佢哋夫婦已和好如初,未料竟再傳婚變。

近嚟王浩信去內地搵真銀,Yoyo亦表示知道對方行程Photo from 陳自瑤IG

王浩信宣傳內地新戲時,Yoyo亦有留言:「支持」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

39歲陳自瑤公開中學學生相幾乎零變化!力證由細靚到大!與8歲女兒都好似樣

8 Dec 2020

39歲陳自瑤(Yoyo)向來都係保養得宜嘅代表人物,佢罕有公開自己嘅中學學生相,Yoyo依家同中學接近零變化,由細靚到大力證未曾整容!而且同8歲囡囡王靖喬都幾似樣添!

陳自瑤(Yoyo)現年39歲,與視帝王浩信育有一女王靖喬,雖然兩人屢傳婚變,但都未有承認。

陳自瑤(Yoyo)現年39歲,與視帝王浩信育有一女王靖喬Photo from 陳自瑤IG

陳自瑤不嬲都獲讚keep得好好,睇落比實際年齡更年輕,佢又不時喺IG大晒靚相,雖然年近40歲,但仍好有少女味!

陳自瑤不嬲都獲讚keep得好好,睇落比實際年齡更年輕Photo from 陳自瑤IG

Yoyo不時喺IG大晒靚相,雖然年近40歲,但仍好有少女味!Photo from 陳自瑤IG

佢罕有咁喺IG公開自己中學時期嘅學生照,相中Yoyo梳馬尾,超清純!

陳自瑤喺IG公開自己中學時期嘅學生照Photo from 陳自瑤IG

中學生Yoyo青春得嚟仲眼大大,過咗超過20年佢都同當年無咩分別,網友大讚佢由細靚到大,絕對係天然美女!好友黃翠如亦大讚Yoyo可愛~

陳自瑤過咗20年都同當年中學時期無咩分別Photo from 陳自瑤IG

網友大讚佢由細靚到大Photo from 陳自瑤IG

網民力讚Yoyo絕對係天生麗質Photo from 陳自瑤IG

青春無敵嘅Yoyo同8歲女兒王靖喬都好似樣!之前囡囡不慎將自拍片upload上網,意外曝光樣貌,中學生Yoyo同女兒眼睛最似,一樣眼大大,雙眼皮唔明顯,好cute!

陳自瑤囡囡不慎將自拍片upload上網,意外曝光樣貌Photo from 陳自瑤抖音

Yoyo同女兒眼睛最似,一樣眼大大,雙眼皮唔明顯Photo from 陳自瑤IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel