download HolidaySmart 假期日常 app
薛凱琪自爆想有小朋友!? 罕談感情史 稱入行17年點會無拍過拖

薛凱琪自爆想有小朋友!? 罕談感情史 稱入行17年點會無拍過拖

生活熱話 娛樂新聞
By Moon Lam on 16 Aug 2022
Digital Content Writer

薛凱琪最近因《乘風破浪》而係內地人氣急升,佢日前現身王祖藍主持嘅綜藝節目《有個閏密叫祖藍》擔任嘉賓,大談自己係娛樂圈嘅經歷,更分享自己嘅人生大計,自爆想生B?

《有個閨密叫祖藍》截圖Photo from 《有個閨密叫祖藍》截圖

相識18年

薛凱琪同王祖藍原來係一個兒童節目中認識,至今原來已經識咗十八年,不過笑言同對方係好似屋企人嘅密友,因為薛凱琪要夜晚傾電話傾好耐,但佢會眼瞓,所以佢地唔係成日見但都會掛住對方。王祖藍更大爆對方係喊包,十次見面就有七次係到喊,更指對方係工作狂,薛凱琪更稱自己「唔停得」,希望做嘢做到八十幾歲!

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

大方提及感情事

甚少提感情事嘅Fiona係節目中大方提及同王祖藍合作拍攝電影《人間喜劇》嘅事,王祖藍話當年製作組都發現到Fiona情緒病爆發,而Fiona就話覺得佢好大量,當時佢癲到咁都頂得佢順,更指當時情況係無法自控,拍攝未埋位已經不斷流眼淚。佢指其實當年病發同家庭有關,起因係父母離異,但而家會形容(唔開心)係自己比自己,以前會怪責家人,而家會怪責自己點解個陣時要怪責屋企人,加上當時愛情上又令自己病情惡化。

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

Fiona未埋位時要用呢個pose等啲眼淚唔好整花個妝!Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

拍拖少但自爆想生B

Fiona坦言拍拖次數「十隻手指數得哂」,更稱「入行十七年點會無拍過拖」,不過每次拍拖都會堅稱自稱無拍拖,但入行以來拍過4次拖,而且唔會拍散拖。佢自嘲細個皮膚黑、四眼仲箍緊牙,所以中學完全無人追,到大學先有初戀。而王祖藍就問到佢嘅感情同工作間取捨,Fiona就話兩樣都想要,自爆有時祈禱會希望天父賜佢一個小朋友,「我會話你覺得係時候嘅話就比我啦」,似乎暗示有人生大計!

Fiona笑言入行咁多年點會無拍過拖Photo from 《有個閨密叫祖藍》截圖

自爆入行以來拍過4次拖!Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

方大同是人生導師

Fiona稱男性好友多數視佢為「麻甩佬」,亦笑言自己曾經試過煮飯比另一半,不過發生係太耐之前,剩係記得對方「食咗幾啖就無食」,睇黎Fiona仲未搣甩《美女廚房》嘅地獄廚神稱號。後來兩人傾到Fiona嘅老友方大同,Fiona直指對方係影響自己三觀嘅人,更稱對方係佢其中一個生命導師!更因為方大同嘅說話令佢相信人一定有美好嘅地方,「喺我最困惑時,佢用理智將我拉番出黎,叫我唔好做傻事。」

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

《有個閨密叫祖藍》截圖Photo from 《有個閨密叫祖藍》截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

王祖藍貼心為老婆李亞男提裙,慘被指似花童!夫婦真實身高差曝光

16 Aug 2022

王祖藍2015年與李亞男結婚,婚後育有兩女,夫妻一直恩愛。近日王祖藍夫婦盛裝打扮出席內地「北京國際電影節​」,王祖藍更十分貼心為老婆李亞男提起禮服裙擺,但卻被內地網友笑言佢似新娘身邊嘅花童,成為熱話。

王祖藍2015年與李亞男結婚,婚後育有兩女,夫妻一直恩愛。Photo from 李亞男微博

王祖藍、李亞男結婚7年育有2個女兒

2014年王祖藍公開向李亞男求婚成功,兩人於翌年成婚,婚後育有Gabby同Hayley兩位女兒。王祖藍亦不時喺社交網站分享一家四口嘅照片,家庭幸福美滿。而李亞男一直都做「跟得夫人」,先係跟隨王祖藍北上工作,到王祖藍回港擔任「首席創意官」,李亞男亦一直陪伴在側。

2014年王祖藍公開向李亞男求婚成功,兩人於翌年成婚,婚後育有Gabby同Hayley兩位女兒。Photo from 李亞男微博

李亞男一直都做「跟得夫人」,先係跟隨王祖藍北上工作,到王祖藍回港擔任「首席創意官」,李亞男亦一直陪伴在側。Photo from 李亞男微博

出席內地「北京國際電影節」行紅地氈,王祖藍為李亞男提裙

雖然喺香港有好多工作,但王祖藍於內地亦參加唔少節目。近日佢同太太李亞男獲邀出席內地「北京國際電影節」,兩人以一身正裝出席活動,李亞男久違著上露肩禮服裙,即使係兩孩之母仍然keep得好好。

近日王祖藍同太太李亞男獲邀出席內地「北京國際電影節​」,兩人以一身正裝出席活動Photo from 李亞男微博

李亞男同丈夫王祖藍一向恩愛,兩人不時會喺微博互動「耍花槍」。北京國際電影節行紅地氈時,王祖藍不忘為老婆提起拖地嘅裙擺,以免李亞男踩到,十分貼心。

李亞男同丈夫王祖藍一向恩愛,兩人不時會喺微博互動「耍花槍」Photo from 王祖藍微博

李亞男著高跟鞋,王祖藍被指似花童

不過由於身穿禮服裙,李亞男亦有著到高踭鞋,於是佢同王祖藍嘅身高差更加明顯,有網民笑言王祖藍望落似婚禮上新娘旁邊嘅花童。事件更登上微博熱搜榜,「王祖藍給李亞男提裙好像花童」話題有唔少網民討論。

由於身穿禮服裙,李亞男亦有著到高踭鞋,於是佢同王祖藍嘅身高差更加明顯,有網民笑言王祖藍望落似婚禮上新娘旁邊嘅花童。Photo from 李亞男微博

「王祖藍給李亞男提裙好像花童」話題有唔少網民討論。Photo from 微博

大女身高遺傳李亞男?!

李亞男亦有喺微博post出兩人行紅地氈嘅相片:「你好,我的花童 @王祖藍」,王祖藍喺留言公開自己小時候嘅真實花童照回應:「當花童我可是專業的」有網友就指王祖藍可能將來係全家身高最矮嘅人,因為從李亞男公開嘅照片可見3歲嘅Gabby身高已經到媽媽嘅腰部位置,相信遺傳李亞男嘅身高基因,相信好快就會超越爸爸王祖藍。

李亞男亦有喺微博post出兩人行紅地氈嘅相片:「你好,我的花童 @王祖藍」Photo from 王祖藍微博

王祖藍喺留言公開自己小時候嘅真實花童照回應:「當花童我可是專業的」Photo from 李亞男微博

從李亞男公開嘅照片可見3歲嘅Gabby身高已經到媽媽嘅腰部位置Photo from 李亞男微博

王祖藍同李亞男身高差曝光

其實王祖藍同李亞男相戀時兩人嘅身高已經常成為話題,曾被稱為「最萌身高差」情侶。李亞男身高係175cm,喺女性當中都屬於比較高嘅,而王祖藍身高為162cm,兩人身高相差13cm,過往兩人都曾經以身高差開過玩笑。

王祖藍同李亞男相戀時兩人嘅身高已經常成為話題,曾被稱為「最萌身高差」情侶。Photo from 王祖藍微博

李亞男身高係175cm,喺女性當中都屬於比較高嘅,而王祖藍身高為162cm,兩人身高相差13cmPhoto from 李亞男微博

過往兩人都曾經以身高差開過玩笑。Photo from 王祖藍微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel