柬埔寨騙案|全新8大騙人手法公開!台灣人分享危急關頭自救方法?緬甸「KK園區」 主腦身份曝光!

柬埔寨騙案|全新8大騙人手法公開!台灣人分享危急關頭自救方法?緬甸「KK園區」 主腦身份曝光!

時事熱話 生活熱話
By Stephanie on 16 Aug 2022
Digital Content Writer

近日頻頻傳出台灣網民遠赴柬埔寨工作,卻慘遭被騙嘅經歷,引起國際關注。最近,有網民喺討論區上分享騙徒們層出不窮嘅騙人手法,直言「以為自己不去柬埔寨就沒事?」,警惕大家要時刻保持警覺,避免唔小心墮入圈套!

近日爆出唔少台灣網民被騙到柬埔寨嘅事件,引起國際關注!Photo from 《日本窮游紀行》劇照

大量台灣網民被騙到柬埔寨工作?!

日前,台灣網民大爆唔少人因為受高薪嘅工作所吸引,而飛往柬埔寨工作;然而現實往往不如想像中好,飛到當地後佢哋才發現被騙去「賣豬仔」,被扣留手機、護照等,無論係身體或者心靈都因此飽受壓力。現時GASO救援組織呼籲大家暫時唔好去泰國旅遊。

一名台灣女生皮皮成功逃回台灣,並上節目分享自己親身經歷!Photo from 東森娛樂

佢亦公開當時喺裡面嘅生活:一日只能夠食一餐、工作17小時等。Photo from 東森娛樂

緬甸「KK園區」主人真身曝光!

隨後,網上揭發位於緬甸東南部「KK園區」嘅內幕,有指該園區係被騙人士嘅「集中營」,所有到達嘅人都「有入無出」,引起國際關注!據悉園區嘅其中一位主腦為大陸籍商人佘志江,暫時佢已經於曼谷被捕。根據台灣媒體報導,佢從事合法生意時嘅名稱為「佘倫凱」,曾從事各種生意,喺2017年取得柬埔寨公民身分,成為東南亞區商界知名嘅商人。

唔少人都會再被運到「大本營」,進行長達17個小時嘅工作!Photo from 東森新聞

據悉「KK園區」主腦佘志江現時已經被捕!Photo from 微博

網民提醒大家提高警覺!

然而,騙徒嘅騙人手法層出不窮,有網民喺討論區大爆「騙徒們」嘅8大新穎欺騙手法,希望大家能夠時刻保持警覺!樓主表示過往最常見嘅4種分別係:1)利用高薪吸引大家飛往當地、2)提高商演活動薪酬,令表演者自行飛過去、3)於台灣開小公司再叫大家出差及4)開公司並策劃員工旅遊,由於東南亞地區有好多製衣廠等,好容易令初出茅廬嘅打工仔被騙!

台灣網民於討論區理性分析暫時聽聞過嘅「騙人」手法!Photo from PTT討論區

網民指「騙徒們」嘅手法層出不窮,可能會開設公司再組織員工旅遊!Photo from 《特務打爆機》劇照

再大爆最新穎「騙人」手法!

隨後,樓主理性分析指「騙徒們」現時好有可能會改變騙人手法,並提出:5)欠高利貸錢,要求你飛柬埔寨?、6)突然獲得免費來回柬埔寨機票、7)泰國市場調查再載到邊界以及8) 泰國旅遊一日團體行程,希望能夠警惕大家只要身在泰國就有必須提高警覺!

而樓主認為佢哋現時會改變騙人手法,提醒各位提高警覺!Photo from PTT討論區

而樓主深信依然會有唔少無辜嘅市民受騙,希望大家能夠藉此機會吸取經驗Photo from 《騙徒》劇照

此post好快就引起網民熱議,唔少網民都深信「騙徒們」會繼續用新嘅方式欺騙他人「組旅行團整團騙過去比較可怕」、「畢業旅行套票,一群大學生為了便宜」等留言。希望現時能夠透過大眾嘅關注,避免再有人誤墮圈套之中。

呢個post引起網民嘅關注!Photo from PTT討論區

大家都認為最易墮入圈套嘅係剛剛出社會嘅年輕人或者大學生!Photo from PTT討論區

過來人分享「另類」危急關頭自救方法!

而台灣時事節目《新聞挖挖哇》嘅嘉賓分享朋友嘅親身經歷,指佢本身都係去柬埔寨工作。不過事隔2日就成功返到台灣,因為佢父親擔心佢建議佢事先報失護照,等自己擁有2本護照喺身上旁身。然而,無論喺台灣定香港謊報遺失護照都有可能違規,所以並唔鼓勵大家效法呢個做法!!

有嘉賓分享朋友嘅親身經歷,更成功喺2日內從柬埔寨回到台灣!Photo from 《新聞挖挖哇》

另外,有台灣經商人士建議到泰國旅遊嘅遊客,必須將護照收好,揚言「辦團體簽證的時候,護照會於出關前歸還給大家,若果出關後依然被要求收走就必須拒絕!」

有台灣商人表示,出關後都依然決定收護照就一定「有古怪」!Photo from 《通往機場的路》

就連港人都係騙徒們嘅目標?!

有香港YouTuber「L佬」拍片表示收到觀眾嘅IG訊息,指受邀請到柬埔寨從事IT工作,仲揚言薪酬高等,不過佢就希望藉此事件提醒港人!事關現時唔少港人都會選擇移民或者往外地闖,好容易一不小心就墮入陷阱。

而佢就決定借事件提醒港人騙案陷阱!Photo from L佬 LLOTALK @YouTube

YouTuber「L佬」拍片指收到觀眾嘅IG訊息,指獲邀到柬埔寨從事IT工作!Photo from L佬 LLOTALK @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

48歲女子賺快錢刷單買戲飛,受騙痛失350萬!求職騙案假網站公開

7 Jun , 2022

近日唔少人手機都收到啲「兼職短訊」,聲稱日領薪水,又可以在家工作,不過呢啲所謂「荀工」分分鐘係騙案!一位48歲女士就收到招聘訊息,並買戲飛刷單,最終將350萬存入數個戶口,無晒積蓄!

近日唔少人手機都收到啲「兼職短訊」,聲稱日領薪水,又可以在家工作Photo from 《觸及真心》劇照

《東張西望》曾報道兼職騙案

之前《東張西望》報道過招聘兼職騙案,完成任務有佣金,但之後就出現要入錢先可以再做任務嘅情況,呃苦主入錢去騙徒戶口,受訪者一日損失28萬!

之前《東張西望》報道過招聘兼職騙案,完成任務有佣金,但之後就出現要入錢先可以再做任務嘅情況Photo from 《東張西望》

手機有不明來歷兼職招聘訊息

當時苦主指佢係喺IG見到招聘廣告而主動聯絡對方,而現時唔少不明來歷嘅手機message招聘兼職人士,聲稱可在家工作、工作時間彈性,即使係家庭主婦都可以做,更係日結薪金。

唔少不明來歷嘅手機message招聘兼職人士,聲稱可在家工作、工作時間彈性,即使係家庭主婦都可以做Photo from 《我的前半生》劇照

不過警方旗下「CyberDefender 守網者」卻表示有關招聘「手工活」、「代工」兼職等求職陷阱受騙人數持續上升,就算傳媒多次報道有關騙徒手法,仍有好多市民上當。

有關招聘「手工活」、「代工」兼職等求職陷阱受騙人數持續上升Photo from 《熟女強人》劇照

48歲女士賺快錢買戲飛刷單失350萬

其中4月中有一位48歲女士就喺Telegram收到相關嘅招聘訊息,對方聲稱為電影提高評級及留言,需要登入假網站購買戲票,營造高票房效果。

一位48歲女士就喺Telegram收到相關嘅招聘訊息Photo from 《我的前半生》劇照

女子信以為真,更於4月中至5月初將$350萬港元分別存入26個銀行戶口同轉數快戶口,之後先驚覺上當受騙,痛失巨款。

女子信以為真,將$350萬港元分別存入26個銀行戶口同轉數快戶口,之後先驚覺上當受騙Photo from 《我的前半生》劇照

假網站名單公開

廣告
廣告

「刷單賺佣」求職騙案屢屢出現,守網者公開咗過去一週涉及騙案嘅21個假網站名單,有11個更係新上榜:

守網者公開咗過去一週涉及騙案嘅21個假網站名單Photo from CyberDefender 守網者

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【東張西望】大學生遇兼職騙案,想賺學費反而一日損失28萬!

25 Jan 2022

TVB《東張西望》近日再度報道騙案,年僅20歲大學生為做兼職賺取學費,於是上網做「點擊/訂閱」賺錢,但做咗3日佢已損失$28萬,欠下債務。佢更稱報警時發現之前已出現5位苦主。

TVB《東張西望》近日再度報道騙案

大學生搵兼職受騙

騙案屢見不鮮,唔係淨係上咗年紀嘅人先會受騙,近日《東張西望》報道20歲大學生Cat,因為家中經濟條件唔好,雖然平時有做開幾份兼職,但因為疫情原因好多都中止咗。

20歲大學生Cat,因為家中經濟條件唔好,雖然平時有做開幾份兼職

就嚟要交學費,佢心急搵錢,見到IG有招聘「點擊/訂閱」兼職,於是就馬上聯絡對方。

因為要交學費,Cat心急搵錢,見到IG有招聘「點擊/訂閱」兼職,於是就馬上聯絡對方。

透過賺多多Apps搶單,起初賺到少量金錢做「甜頭」

一開始佢就收到唔同嘅YouTuber帳號,要佢幫手「畀like」、「訂閱」,每完成一個任務有$20佣金,做夠5個任務先攞到錢。開頭都好順利,Cat真係收到$100佣金。

一開始Cat就收到唔同嘅YouTuber帳號,要佢幫手「畀like」、「訂閱」,每完成一個任務有$20佣金

開頭都好順利,Cat真係收到$100佣金。

之後兼職方嘅客服就要佢做另一項「任務」,下載一個名為「賺多多Apps」去搶單,稱只要搶到60張單就有相應嘅佣金。雖然Cat唔知要「搶咩單」,但以往打工8、9個鐘先賺到幾百蚊,依家僅花一小時就有同樣嘅收入,加上佢的確賺到幾百蚊,令佢對呢份兼職深信不疑。

之後兼職方嘅客服就要Cat做另一項「任務」,下載一個名為「賺多多Apps」去搶單

兼職客服稱只要搶到60張單就有相應嘅佣金

雖然Cat唔知要「搶咩單」,但以往打工8、9個鐘先賺到幾百蚊,依家僅花一小時就有同樣嘅收入,加上佢的確賺到幾百蚊,令佢對呢份兼職深信不疑。

突出現「聯單」要先付款先賺到佣金

之後喺「搶單」過程中突然出現「聯單」情況,每次都要先支付一筆金錢先可以繼續搶單,初初只需畀200幾蚊,但後來要支出嘅金額越嚟越高,由三位數變四位數。

喺「搶單」過程中突然出現「聯單」情況

每次都要先支付一筆金錢先可以繼續搶單,初初只需畀$200幾

後來要支出嘅金額越嚟越高,由三位數變四位數。

不過Cat試過連本帶利賺$5,000~$6,000,由於佢支出只係$2,000~$3,000,所以佢仲係有賺,不虞有詐。跟住「聯單」嘅金額高達$12萬,有之前嘅經驗,佢諗住都會賺得返,於是就問朋友借錢,存入$12萬。

Cat試過連本帶利賺$5,000~$6,000

由於Cat支出只係$2,000~$3,000,所以佢仲係有賺,不虞有詐。

「聯單」嘅金額高達$12萬,Cat有之前嘅經驗,諗住都會賺得返,於是就問朋友借錢

數目越嚟越大,問朋友借錢存入戶口

後面再出現幾次「聯單」,金額約為港幣$8萬,Cat無咩戒心,前後共存入約$20萬!但今次搶單60次後Cat未能取回本金同佣金,客服稱佢因為會籍問題,無法一次過取回咁多錢,要佢再入多$88,888升級戶口。

後面再出現幾次「聯單」,金額約為港幣$8萬,Cat無咩戒心,前後共存入約$20萬

搶單60次後Cat未能取回本金同佣金,客服稱佢因為會籍問題,無法一次過取回咁多錢,要佢再入多$88,888升級戶口。

大大話話都入咗成$20萬,Cat唔想連本金都無埋,於是照客服所講存入$88,888,當時客服更信誓旦旦表示:「親你的資金和佣金一 起返回給你的呢。」

大大話話都入咗成$20萬,Cat唔想連本金都無埋,於是照客服所講存入$88,888

當時客服更信誓旦旦表示:「親你的資金和佣金一 起返回給你的呢。」

一日損失28萬,受騙苦主眾多

點知入完錢,客服又指Cat個會籍太多錢,唔可以一次過拎晒,要再畀多$388,888,Cat有感上當被騙,決定報警。當日佢唔係第一個受騙嘅人,原來前面仲有5位苦主都報咗警。

點知入完錢,客服又指Cat個會籍太多錢,唔可以一次過拎晒,要再畀多$388,888

Cat有感上當被騙,決定報警。當日佢唔係第一個受騙嘅人,原來前面仲有5位苦主都報咗警。

Cat受騙成個過程只有3日,頭兩日佢都仲未有入過錢,僅僅一日佢就損失$28萬!佢嘅本金多數都係問朋友借錢,依家面對一身債務,Cat都覺得好無助。

Cat受騙成個過程只有3日

頭兩日Cat都仲未有入錢,僅僅一日佢就損失$28萬!

Cat嘅本金多數都係問朋友借錢,依家面對一身債務,Cat都覺得好無助。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel