download HolidaySmart 假期日常 app
柬埔寨騙案|台灣YouTuber「好棒Bump」親自到柬埔寨救人成功!驚險過程全公開!現時卻被外交部批評?

柬埔寨騙案|台灣YouTuber「好棒Bump」親自到柬埔寨救人成功!驚險過程全公開!現時卻被外交部批評?

時事熱話 生活熱話
By Stephanie on 17 Aug 2022
Digital Content Writer

近日柬埔寨騙案嘅內幕越揭越多,成功引起國際關注。當中唔少台灣市民被高薪嘅工作騙到柬埔寨,仲被困於當地;然而事件突然曝光原來係同台灣YouTuber「好棒Bump」所拍攝嘅影片有關,佢親自帶被困人士嘅家屬一齊到達當地救人,前後一共拯救過約40個人獲網民大讚!不過現時佢卻反遭外交部批評?!

「柬埔寨騙案」爆出嘅其中一位幕後功臣原來係台灣網紅「好棒Bump」!Photo from 「好棒Bump」@YouTube

柬埔寨騙案陷阱

唔少台灣人都不幸墮入「到柬埔寨工作」嘅陷阱,喺抵達當地後被「賣豬仔」工作及生活狀況都超差,而且仲被困喺裡面難以逃走。然而,大部分網民都認為相關騙案其實一直都存在,只係最近先曝光引起大眾關注,但原來揭發事件嘅係一位台灣YouTuber!

近日唔少網民都以為有高薪工作到達柬埔寨,但卻發現被「賣豬仔」!Photo from 東森新聞

原來柬埔寨騙案被揭發全因台灣YouTuber嘅影片幫手?!Photo from 「好棒Bump」@YouTube

台灣YouTuber 今年初開始揭發「賣豬仔」事件!

早於今年1月,網紅「好棒Bump」就上傳有關到外地工作但卻被「賣豬仔」嘅故事。事源係一名女觀眾私訊搵佢講述朋友被騙到杜拜嘅經歷,幸好朋友最終成功逃脫回到台灣,但就希望借助佢嘅影片提醒大家有關求職陷阱嘅事宜!其後佢又再次收到更多觀眾嘅相關私訊,仔細調查下發現喺「104人力銀行」(台灣求職網站)發現的確有喺杜拜嘅工作招聘!

台灣YouTube收到來自女觀眾嘅私訊,指朋友被安排到杜拜工作一度被困,幸好最終能夠即時逃脫!Photo from 「好棒Bump」@YouTube

其後佢喺台灣著名求職網站「104人力銀行」尋找到相關工作,都係要去杜拜工作!Photo from 「好棒Bump」@YouTube

7月尾親自到柬埔寨救人!

直到7月尾,「好棒Bump」收到來自被困喺柬埔寨人士嘅家屬求助,指孩子被大學同學介紹到柬埔寨工作後被困於當地。後來佢仲決定親自到柬埔寨進行救人工作「能多救一個就一個」,同時亦俾觀眾們了解一下該地區嘅真實情況!

其後佢再次收到被困家屬嘅私訊Photo from 「好棒Bump」@YouTube

而佢今次決定親自到柬埔寨救人!Photo from 「好棒Bump」@YouTube

當地警方態度冷淡!

其後「好棒Bump」立刻開始聯絡各種救援管道,並從義工隊伍口中得知「賣豬仔」轉運站「七星海灣」。然而該區就連當地警察都唔願意受理,令佢哋嘅營救行動困難重重!然而抵達警局時卻令佢「大開眼界」,因為佢必須支付「入口費」先能夠進入警局報案。

而佢亦得知有關「七星海灣」嘅資訊!Photo from 「好棒Bump」@YouTube

抵達當地嘅警局後,亦令佢十分驚訝!Photo from 「好棒Bump」@YouTube

卻發現警方已偷偷通報園區!

而「好棒Bump」再趕往另一個地區西港,然而佢哋發現警方收到佢哋嘅報案後就立刻通知「園區」,將被困嘅人士再運到另一個地方。

但原來當地警方接到報案後,已經立刻向「園區」內通報!Photo from 「好棒Bump」@YouTube

而被困嘅人士再度被載走!Photo from 「好棒Bump」@YouTube

講述驚險拯救過程!

事隔2日,「好棒Bump」終於成功救回委託人嘅兒子!而佢就拍片講述返當時嘅情境,指佢哋後來決定拜託當地居民幫手,並支付金錢俾佢,順利潛入七星海灣裡面;幸運嘅係「目標人物」真係出現於園區門口等待「賣豬仔」,而佢哋亦順利接載佢走,過程宛如拍電影一樣!

「好棒Bump」簡單講述裡面嘅運作方式,指被困人士可能會被踢出園區,再由其他「集團」接載走!Photo from 「好棒Bump」@YouTube

佢講述如何順利救回委託人嘅兒子,過程真係全靠好彩!Photo from 「好棒Bump」@YouTube

提醒大家裡面情況複雜,不要輕易相信到外地賺大錢消息!

同時,喺今次嘅計畫當中「好棒Bump」本身打算救回11個人,但最終卻只成功救到一對情侶,原因係當地警察向園區通報!佢亦警惕大家千祈唔好以為只要有足夠嘅錢、資源就能夠成功逃走,因為裡面嘅情況比想像中複雜。

佢大爆每到一個地方就要先付錢Photo from 「好棒Bump」@YouTube

就連海關等位置都有危機!Photo from 「好棒Bump」@YouTube

卻遭台灣外交部批評?!

而「好棒Bump」嘅片段現時因此受到關注,大批網民大讚佢勇敢「有哪個youtuber能像他這麼敢?」、「謝謝你這麼正義勇敢」等,佢嘅英勇行為的確值得讚揚!而佢曾於影片中提及台灣外交部不願意發臨時護照一事,近日外交部發新聞稿澄清「切勿以訛傳訛,避免誤導國人」,激怒「好棒Bump」揚言「受夠了!這個系列永遠停更!」

網民都湧入佢嘅影片下留言感謝佢!Photo from 「好棒Bump」@YouTube

台灣外交部澄清傳聞後,「好棒Bump」超嬲咁話停拍呢個系列!Photo from 「好棒Bump」IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

柬埔寨騙案|全新8大騙人手法公開!台灣人分享危急關頭自救方法?緬甸「KK園區」 主腦身份曝光!

16 Aug , 2022

近日頻頻傳出台灣網民遠赴柬埔寨工作,卻慘遭被騙嘅經歷,引起國際關注。最近,有網民喺討論區上分享騙徒們層出不窮嘅騙人手法,直言「以為自己不去柬埔寨就沒事?」,警惕大家要時刻保持警覺,避免唔小心墮入圈套!

近日爆出唔少台灣網民被騙到柬埔寨嘅事件,引起國際關注!Photo from 《日本窮游紀行》劇照

大量台灣網民被騙到柬埔寨工作?!

日前,台灣網民大爆唔少人因為受高薪嘅工作所吸引,而飛往柬埔寨工作;然而現實往往不如想像中好,飛到當地後佢哋才發現被騙去「賣豬仔」,被扣留手機、護照等,無論係身體或者心靈都因此飽受壓力。現時GASO救援組織呼籲大家暫時唔好去泰國旅遊。

一名台灣女生皮皮成功逃回台灣,並上節目分享自己親身經歷!Photo from 東森娛樂

佢亦公開當時喺裡面嘅生活:一日只能夠食一餐、工作17小時等。Photo from 東森娛樂

緬甸「KK園區」主人真身曝光!

隨後,網上揭發位於緬甸東南部「KK園區」嘅內幕,有指該園區係被騙人士嘅「集中營」,所有到達嘅人都「有入無出」,引起國際關注!據悉園區嘅其中一位主腦為大陸籍商人佘志江,暫時佢已經於曼谷被捕。根據台灣媒體報導,佢從事合法生意時嘅名稱為「佘倫凱」,曾從事各種生意,喺2017年取得柬埔寨公民身分,成為東南亞區商界知名嘅商人。

唔少人都會再被運到「大本營」,進行長達17個小時嘅工作!Photo from 東森新聞

據悉「KK園區」主腦佘志江現時已經被捕!Photo from 微博

網民提醒大家提高警覺!

然而,騙徒嘅騙人手法層出不窮,有網民喺討論區大爆「騙徒們」嘅8大新穎欺騙手法,希望大家能夠時刻保持警覺!樓主表示過往最常見嘅4種分別係:1)利用高薪吸引大家飛往當地、2)提高商演活動薪酬,令表演者自行飛過去、3)於台灣開小公司再叫大家出差及4)開公司並策劃員工旅遊,由於東南亞地區有好多製衣廠等,好容易令初出茅廬嘅打工仔被騙!

台灣網民於討論區理性分析暫時聽聞過嘅「騙人」手法!Photo from PTT討論區

網民指「騙徒們」嘅手法層出不窮,可能會開設公司再組織員工旅遊!Photo from 《特務打爆機》劇照

再大爆最新穎「騙人」手法!

隨後,樓主理性分析指「騙徒們」現時好有可能會改變騙人手法,並提出:5)欠高利貸錢,要求你飛柬埔寨?、6)突然獲得免費來回柬埔寨機票、7)泰國市場調查再載到邊界以及8) 泰國旅遊一日團體行程,希望能夠警惕大家只要身在泰國就有必須提高警覺!

而樓主認為佢哋現時會改變騙人手法,提醒各位提高警覺!Photo from PTT討論區

而樓主深信依然會有唔少無辜嘅市民受騙,希望大家能夠藉此機會吸取經驗Photo from 《騙徒》劇照

此post好快就引起網民熱議,唔少網民都深信「騙徒們」會繼續用新嘅方式欺騙他人「組旅行團整團騙過去比較可怕」、「畢業旅行套票,一群大學生為了便宜」等留言。希望現時能夠透過大眾嘅關注,避免再有人誤墮圈套之中。

呢個post引起網民嘅關注!Photo from PTT討論區

大家都認為最易墮入圈套嘅係剛剛出社會嘅年輕人或者大學生!Photo from PTT討論區

過來人分享「另類」危急關頭自救方法!

而台灣時事節目《新聞挖挖哇》嘅嘉賓分享朋友嘅親身經歷,指佢本身都係去柬埔寨工作。不過事隔2日就成功返到台灣,因為佢父親擔心佢建議佢事先報失護照,等自己擁有2本護照喺身上旁身。然而,無論喺台灣定香港謊報遺失護照都有可能違規,所以並唔鼓勵大家效法呢個做法!!

有嘉賓分享朋友嘅親身經歷,更成功喺2日內從柬埔寨回到台灣!Photo from 《新聞挖挖哇》

另外,有台灣經商人士建議到泰國旅遊嘅遊客,必須將護照收好,揚言「辦團體簽證的時候,護照會於出關前歸還給大家,若果出關後依然被要求收走就必須拒絕!」

有台灣商人表示,出關後都依然決定收護照就一定「有古怪」!Photo from 《通往機場的路》

就連港人都係騙徒們嘅目標?!

有香港YouTuber「L佬」拍片表示收到觀眾嘅IG訊息,指受邀請到柬埔寨從事IT工作,仲揚言薪酬高等,不過佢就希望藉此事件提醒港人!事關現時唔少港人都會選擇移民或者往外地闖,好容易一不小心就墮入陷阱。

而佢就決定借事件提醒港人騙案陷阱!Photo from L佬 LLOTALK @YouTube

YouTuber「L佬」拍片指收到觀眾嘅IG訊息,指獲邀到柬埔寨從事IT工作!Photo from L佬 LLOTALK @YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel