吳浩康郭思琳結婚照公開!網民指女方唔好彩,吳浩康留言大反擊

吳浩康郭思琳結婚照公開!網民指女方唔好彩,吳浩康留言大反擊

娛樂新聞
By Jennifer on 17 Aug 2022
Digital Editor

現年39歲嘅吳浩康(Deep)與模特兒郭思琳相今年奉子成婚,最近郭思琳公開婚紗照,有網友「挑機」留言稱郭思琳今世唔好彩遇上吳浩康,結果就獲本尊同郭思琳親自回覆!

現年39歲嘅吳浩康(Deep)與模特兒郭思琳相今年奉子成婚Photo from 郭思琳Facebook

吳浩康與郭思琳奉子成婚

吳浩康出道20年,感情史豐富。向來係「情場浪子」嘅佢於2021年被影到同郭思琳去南丫島露營,戀情曝光一年被爆佢哋已於2月低調入紙結婚,正式成為夫婦。當時郭思琳已懷孕3個月,雙喜臨門嘅吳浩康就表示打算等疫情過去再擺酒宴請親友。

結婚當時郭思琳已懷孕3個月,雙喜臨門嘅吳浩康就表示打算等疫情過去再擺酒宴請親友。Photo from 郭思琳Facebook

郭思琳晒婚紗相,稱吳浩康今世遇到佢好好好彩

近日吳太郭思琳就喺社交網站公開咗一輯孕肚婚紗相,相中佢同老公吳浩康牽手相視而笑、頭貼頭,好sweet!腹大便便嘅郭思琳即將臨盆,但狀態依然超fit,身材keep得好好。

近日吳太郭思琳就喺社交網站公開咗一輯孕肚婚紗相Photo from 郭思琳Facebook

相中佢同老公吳浩康牽手相視而笑Photo from 郭思琳Facebook

頭貼頭,好sweetPhoto from 郭思琳Facebook

腹大便便嘅郭思琳即將臨盆,但狀態依然超fitPhoto from 郭思琳Facebook

呢幾張婚紗相盡顯一對新婚夫婦嘅甜蜜,郭思琳亦表示:「究竟你前世做咗啲咩好事,今世會遇到我咁好彩?!」隔空向老公喊話,夫妻感情真係好好~其實之前520佢就曾經放閃:「老公豬520快樂!謝謝你總是把我寵成小女孩~不用為我做什麼或送什麼給我了~肚子裡的寶寶和甜蜜的相處就是最好的禮物」

呢幾張婚紗相盡顯一對新婚夫婦嘅甜蜜,郭思琳亦表示:「究竟你前世做咗啲咩好事,今世會遇到我咁好彩?!」Photo from 郭思琳Facebook

之前520郭思琳就曾經放閃:「老公豬520快樂!謝謝你總是把我寵成小女孩~」Photo from 郭思琳Facebook

網民留言指郭思琳遇上吳浩康好不幸,被本尊留言反擊

不過有網友就留言指:「換個角度講,係你今世做左啲咩壞事,咁唔好彩遇到佢」,雖然有hashtag「#勿認真」但仍被網民斥留言唔尊重他人。

有網友就留言指:「換個角度講,係你今世做左啲咩壞事,咁唔好彩遇到佢」Photo from 郭思琳 IG

郭思琳都有回應稱:「唔需要做啲咩壞事, 命運俾我哋遇上, 我覺得我好好彩遇到佢, 唔係都唔會嫁俾佢啦!」睇嚟佢新婚生活過得好滿意~而吳浩康亦有現身留言區,並回覆該網民:「你開嘅玩笑,唔好笑。」用字十分嚴肅!

吳浩康亦有現身留言區,並回覆該網民:「你開嘅玩笑,唔好笑。」用字十分嚴肅!Photo from 郭思琳Facebook

「情場浪子」吳浩康入行後5段情史,多次因偷食分手

其實吳浩康入行以嚟除咗郭思琳,曾公開過5段戀情,前度女朋友有歌手、演員、富家千金等,期間更被爆多次偷食,其中佢與同公司師妹鍾舒漫一度談婚論嫁,當時吳浩康亦戒煙戒酒,修心養性不少,點知卻被揭竟於1個月之內同6個女仔約會,最終鍾舒漫宣佈分手。

吳浩康入行以嚟除咗郭思琳,曾公開過5段戀情,前度女朋友有歌手、演員、富家千金等Photo from 吳浩康 IG

吳浩康與同公司師妹鍾舒漫一度談婚論嫁Photo from 吳浩康 IG

成為爸爸嘅吳浩康表示自己會定性,對於網民指郭思琳遇到佢十分不幸佢應該相當介意,但亦有好多網友叫佢復出樂壇,更大讚佢歌喉好:「你認真唱既話,而家個班應該無幾個夠你唱」

成為爸爸嘅吳浩康表示自己會定性Photo from 郭思琳Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳浩康與郭思琳奉子成婚!回顧「情場浪子」5段情史,多次因偷食分手?

5 Mar 2022

現年38歲嘅吳浩康出道20年,感情史豐富,一年前被拍到同ViuTV「格鬥女神」郭思琳約會,最近又爆出郭思琳已懷孕3個月,吳浩康升呢做爸爸,兩人更已入紙註冊結婚,雙喜臨門!

現年38歲嘅吳浩康出道20年,感情史豐富Photo from 吳浩康 IG

吳浩康承認與郭思琳奉子成婚

2021年白色情人節已有傳媒影到吳浩康同34歲模特兒郭思琳一齊去南丫島露營,兩人舉止親暱,疑交往多時。

2021年白色情人節已有傳媒影到吳浩康同34歲模特兒郭思琳一齊去南丫島露營Photo from 郭思琳 IG

廣告
廣告

兩人雖未有承認戀情,但近日擬結婚通知書曝光,佢哋已於2月低調入紙結婚,而且郭思琳更懷孕中,吳浩康承認雙喜臨門,又指生bb係預計之內,現時太太已懷孕3個月,打算等疫情過去再擺酒宴請親友。

兩人被爆已於2月低調入紙結婚,而且郭思琳更已懷孕Photo from 郭思琳 IG

吳浩康承認雙喜臨門,又指生bb係預計之內,現時太太已懷孕3個月Photo from 吳浩康 IG

吳浩康入行20年,情史豐富

吳浩康出道多年,比起演藝作品佢嘅感情生活更引人關注,入行以嚟佢曾公開過幾位女朋友,當中有歌手、演員、富家千金,位位有錢、有身材,更有人封吳浩康為「情場浪子」。

吳浩康出道多年,比起演藝作品佢嘅感情生活更引人關注Photo from 吳浩康 IG

與視后胡定欣識於微時,傳搭上莊鍶敏而分手

喺1999年,吳浩康參加《全球華人新秀歌唱大賽》並結識同為參賽者嘅胡定欣,兩人直到2004年先公開戀情。之後吳浩康屢次被爆負面新聞,甚至留有前科,但女方都對佢不離不棄,最終兩人於2006年分手,有傳吳浩康因為搭上莊鍶敏(前名:莊思敏)而與胡定欣分手,但胡定欣否認有第三者介入。

喺1999年,吳浩康參加《全球華人新秀歌唱大賽》,並結識同為參賽者嘅胡定欣,兩人直到2004年先公開戀情。Photo from 胡定欣 IG

吳浩康屢次被爆負面新聞,甚至留有前科,但女方都對佢不離不棄,最終兩人於2006年分手Photo from TVB

吳浩康與莊鍶敏拍拖5年

與胡定欣分手後同年,吳浩康就同莊鍶敏拍拖,兩人戀情維持咗5年,但最終未能修成正果,於2011年8月分手。有指分手原因係因為佢想問女方借錢,而分手之後莊鍶敏亦直認曾借錢畀吳浩康。

與胡定欣分手後同年,吳浩康就同莊鍶敏拍拖,兩人戀情維持咗5年,一度談婚論嫁,但最終未能修成正果Photo from 莊鍶敏 IG

有傳吳浩康因為搭上莊鍶敏(前名:莊思敏)而與胡定欣分手,但胡定欣否認有第三者介入。Photo from 莊鍶敏 IG

一度與鍾舒漫談婚論嫁,吳浩度被爆多次偷食

到2003年吳浩康公開與同公司師妹鍾舒漫嘅戀情,呢段感情似乎令佢修心養性,唔止戒煙戒酒,更去到談婚論嫁嘅階段,正當外界都認為佢哋會拉埋天窗時,2015年吳浩康竟被揭發1個月內同6個女仔約會,鍾舒漫傷心欲絕並公開宣佈分手。

2003年吳浩康公開與同公司師妹鍾舒漫嘅戀情Photo from 吳浩康 IG

2015年吳浩康竟被揭發1個月內同6個女仔約會,鍾舒漫傷心欲絕並公開宣佈分手消息。Photo from 鍾舒漫 IG

戀上酒樓太子女李昭南

2016年,吳浩康與ViuTV李昭南交往,李昭南家族經營酒樓生意,兩人戀愛2年後齊齊於社交網站宣佈「分道揚鑣」,但就指會繼續支持對方。

2016年,吳浩康與ViuTV李昭南交往Photo from 李昭南 IG

李昭南家族經營酒樓生意,兩人戀愛2年後齊齊於社交網站宣佈「分道揚鑣」Photo from 李昭南 IG

與崔碧珈拍拖9個月分手,稱對愛情失信心

到2019年吳浩康同崔碧珈拍拖,但戀情只維繫約9個月就結束,吳浩康更喺IG出post指:「自知有不足,而不配為你的男朋友」,但就被崔碧珈怒轟「講大話」同「扮上進」,兩人不歡而散!之後吳浩康更指因而對愛情失去信心同希望。

2019年吳浩康同崔碧珈拍拖,但戀情只維繫約9個月就結束,吳浩康更喺IG出post指:「自知有不足,而不配為你的男朋友」Photo from 崔碧珈 IG

崔碧珈怒轟吳浩康「講大話」同「扮上進」,兩人不歡而散!Photo from 崔碧珈 IG

舊愛大方送祝福

曾被認為係「無腳嘅雀仔」,今次吳浩康結婚兼做爸爸,佢表示自己會定性,佢嘅前度莊鍶敏、鍾舒漫、李昭南就稱同佢無咩聯絡,但仍大方送上祝福。

吳浩康結婚兼做爸爸,佢表示自己會定性Photo from 吳浩康 IG

吳浩康前度鍾舒漫稱同佢無咩聯絡,但仍大方送上祝福。Photo from 吳浩康 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel