《造星3》亞軍陳葦璇簽約環球現身電視台 網民猜測想學曾比特爆紅 反應兩極

《造星3》亞軍陳葦璇簽約環球現身電視台 網民猜測想學曾比特爆紅 反應兩極

生活熱話 娛樂新聞
By Moon Lam on 17 Aug 2022
Digital Content Writer

陳葦璇曾經參加《全民造星3》並奪得亞軍,不時會亮相ViuTV嘅節目,不過近日原來已經同ViuTV約滿轉簽環球唱片,仲表示唔驚好似關嘉敏咁被鬧脫粉!

IG @hahakiracPhoto from IG @hahakirac

忽然現身電視台

陳葦璇近日忽然現身電視台《善心滿載仁愛堂》記者會被傳媒追問,佢表示以《全民造星3》亞軍得主身份出席對台活動唔會尷尬,自己一直希望可以係唔同平台表演自己嘅作品,而佢啱啱加盟環球唱片就會係電視台亮相,佢更透露會係《善心滿載仁愛堂》孖施匡翹、黃奕斌大唱串燒歌!

佢係出席記者會後發文Photo from IG @hahakirac

佢出席《仁愛堂》記者會後發文表示係音樂上感受更多,每日都學習緊,雖然攰但感到幸福,仲感受到人同人之間嘅連結,佢亦表示有機會返ViuTV宣傳歌曲,仲自爆新歌《一個傻瓜一個啞》破記錄錄咗80個鐘,壓力亦源自唱歌方面,希望大家會繼續支持佢咁話!

IG @hahakiracPhoto from IG @hahakirac

唔怕變關嘉敏第二

關嘉敏同陳葦璇一樣都係參加《全民造星3》同女團出身,係比賽彈起後選擇簽約邵氏拍劇,雖然佢已經強調簽約係經理人公司決定,ViuTV根本無同佢有合約關係,不過仍然唔止被網民指「反骨」,仲引黎大批網民不滿而「脫粉」!

IG @carcar.carmanPhoto from IG @carcar.carman

陳葦璇就話唔怕會好似關嘉敏咁,因為自己嘅粉絲好支持自己去唔同音樂平台,情況同關嘉敏唔同!佢亦表示只想專注音樂,目標係出多啲歌,可以開自己嘅個人演唱會,更提起參加《造星3》時因為疫情關係無現場觀眾,好想試下現場坐滿觀眾嘅感覺!

IG @hahakiracPhoto from IG @hahakirac

網民指想學曾比特

網民就話近月仲見到佢係ViuTV主持嘅綜藝節目,所以突然見到佢出席對台嘅記者會好驚訝!而且可惜之後無乜機會再睇到佢既節目,不過網民反應唔少都覺得佢變節,更指陳葦璇無乜觀眾緣,「ViuTV力捧都唔紅」、「其實Viu比好多機會佢,又有好多主持機會,佢咁都冇彈起真係另類﹗」所以認為佢去邊個台都未必會紅!亦指佢係唱歌方面已經用咗七年,「完全無唱歌天份」,而慢歌方面仍然有不足。

網民話佢係Viu已經非常多機會Photo from IG @hahakirac

有網民更猜測佢想好似曾比特咁,有機會參加內地節目然後爆紅,更指佢當「大台係踏腳石啫,睇住曾比特上一個節目就紅咗,仲怕乜外界壓力呀?」所以先會話唔怕好似關嘉敏咁令粉絲不滿!亦有網民支持佢過檔大台,不過就指佢同Anson Lo撞樣,稱「可以去《愛回家》扮Anson Lo分分鐘紅過蔥頭」,睇黎網民都唔太睇好!

網民話佢咁多年都紅唔起,唔太睇好!Photo from Facebook ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Anson Lo陳葦璇似雙胞胎?張曦雯似Do姐?盤點13對娛樂圈撞樣藝人

娛樂圈成日有藝人被指撞樣,更有藝人曾被粉絲認錯,鬧出笑話,例如:許志安被誤認成杜德偉;亦有藝人因撞樣慘受爭議事件牽連,例如:蔡一智與黃心穎被指似「失散兄妹」,令男方因「安心事件」收大批惡評。近年有唔少新晉藝人彈起,佢哋都被指與其他明星似樣!以下呢13對撞樣明星真係睇到人返唔到轉頭!

#AL群組【Anson Lo、陳葦璇/余宜發/馮素波/何依婷

Anson Lo FBPhoto from Anson Lo FB

男團MIRROR成員Anson Lo(盧瀚霆)今年人氣高企,討論話題除咗同佢嘅舞台魅力有關外,網上一直有唔少帖文討論佢同邊啲藝人似樣。經綜合後,竟然發現Anson與多達4人撞樣!繼而令「#AL群組」誕生。群組當中更有男有女,所以話Anson嘅可塑性真係相當高!

 1. Anson Lo、陳葦璇

教主被網民指同已解散女團As One成員,兼《全民造星III》亞軍陳葦璇似樣,尤其葦璇呢家以型格齊陰短髮示人,令兩人被指係孖生兄妹!而葦璇本人都覺得自己同教主外貌頗為相似。另外,亦有人指出,兩人都係跳得唱得之人,所以更加難分辨佢哋~

陳葦璇 IG, Anson Lo IGPhoto from 陳葦璇 IG, Anson Lo IG

連登截圖Photo from 連登截圖

2. Anson Lo、余宜發

另有網民表示,Anson令佢諗起一位資深電台DJ,佢就係余宜發!兩人好似大纜都扯唔埋,但眼睛、輪廓比例同笑容氣質竟出奇地相像!對於兩人貌似「失散父子」,一眾網民大呼神奇,又希望見到Anson被余宜發訪問嘅畫面。

連登截圖Photo from 連登截圖

3. Anson Lo、馮素波

嚟到群組第三位藝人,竟然有網民覺得教主貌似資深女演員馮素波!部分網友認為兩人五官有啲似,但亦有人對呢pair撞樣藝人表示不解。其實佢哋兩個似唔似真係見仁見智,所以真係唔可以睇少網民豐富嘅聯想力。

連登截圖,Anson Lo IGPhoto from 連登截圖,Anson Lo IG

4. Anson Lo、何依婷

進入AL群最後一組藝人,有網民發覺同教主撞樣嘅藝人居然係女多過男!有網友認為Anson同新一代TVB小花兼宅男女神何依婷似樣,但反對聲音都頗多,因為佢哋除咗笑容一樣燦爛外,五官輪廓等外貌特徵都唔太相似。

連登截圖,Anson Lo IGPhoto from 連登截圖,Anson Lo IG

#Frankie、朱晨麗

Frankie(陳瑞輝)除咗係MIRROR嘅顏值擔當,亦被稱為「喊得最靚成員」。顧名思義,佢擁有一雙水汪汪大眼睛,可能因為咁,有網民指佢同無線藝人朱晨麗似樣,而且二人五官都相當精緻。但亦有人覺得兩人嘅共同特徵只限於大眼,氣質完全不同。

廣告
廣告

朱晨麗、Frankie FBPhoto from 朱晨麗、Frankie FB

#姜濤、G.E.M.

早前姜濤同女歌手G.E.M.(鄧紫棋)被指外貌神似如同失散姊弟,有網民認為兩人嘅大眼、高鼻同尖下巴相似,又表示觀看二人相片時,覺得佢哋擺甫士嘅神韻都有幾分似!姜B同G.E.M.都係歌手,有網友希望將來可以見到「兩姊弟」上台合唱~

PresslogicPhoto from Presslogic

#姜濤、中尾芽衣子

姜B五官相當精緻,令到部分網民覺得佢同日本女優中尾芽衣子撞樣,大批男網友更因此崩潰,直言返唔到轉頭,大呻:「連睇『愛情動作片』都逃唔出姜B魔掌!」但亦有人因此對中尾芽衣子作品更感興趣。無論似唔似都好,睇嚟姜B旺到可帶挈埋東洋女優打入香港市場~

對比姜濤女優

#張智霖、張振朗

張智霖同張振朗輪廓及五官的確幾相似,所以張振朗曾經喺TVB綜藝節目《Sunday扮嘢王》穿起飛機師制服上台,一邊唱歌、一邊向《衝上雲宵2》中嘅張智霖cool 魔致敬。佢哋唔單止外貌似,連把聲都似!所以,大批網民表示,如果佢哋一齊拍劇會傻傻分不清二人角色。

TVB USAPhoto from TVB USA

張振朗(左)、張智霖(右)(TVB USA)Photo from 張振朗(左)、張智霖(右)(TVB USA)

#衛蘭、盧宛茵

歌手衛蘭經常被指同甘草演員盧宛茵撞樣。早前,盧宛茵更被安排於TVB綜藝節目《開心大綜藝》中扮演惡搞版衛蘭「米蘭」,橋段被指老土。

衛蘭論壇 FB(左),TVB (右)Photo from 衛蘭論壇 FB(左),TVB (右)

盧宛茵 《開心大綜藝》TVB USAPhoto from 盧宛茵 《開心大綜藝》TVB USA

有網民指出,其實衛蘭更似年輕時嘅盧宛茵,所以認為《開心大綜藝》中主持嘉賓對「米蘭」外表上嘅描述有欠對衛蘭尊重。

年輕時的盧宛茵Photo from 香港討論區

年輕時的盧宛茵Photo from 《浪族闊少爺》TVB

衛蘭論壇 FBPhoto from 衛蘭論壇 FB

衛蘭論壇 FBPhoto from 衛蘭論壇 FB

#蔡思貝、達哥

早年,蔡思貝被指同網絡紅人達哥(林慧韡)撞樣,因為兩人膚色較深,而且圓眼睛及厚嘴唇都有相似度,更令蔡思貝獲得「蔡思達」嘅稱號。有指蔡思貝曾經唔鐘意人咁叫佢,但後期好似睇化咗。

對比 蔡思達

達哥 FBPhoto from 達哥 FB

蔡思貝 FBPhoto from 蔡思貝 FB

#糖妹、陳慧嫻

糖妹(黃山怡)曾被指同陳慧嫻撞樣,更被封為「翻版陳慧嫻」,連陳慧嫻本人都同意!糖妹亦曾翻唱陳慧嫻歌曲《跳舞街》、《傻女》 ,更有網民表示以為係陳慧嫻唱緊!六年前,糖妹於個人社交平台上載其個人演唱會宣傳海報時,陳慧嫻亦有留言支持,更直言糖妹有佢後生時嘅影子,唔少網友都同意,覺得糖妹就好似十年前嘅陳慧嫻~

陳慧嫻 FB、糖妹 (連登截圖)Photo from 陳慧嫻 FB、糖妹 (連登截圖)

#黃心穎、蔡一智

有人認為黃心穎與蔡一智係失散兄妹,甚至只係妝前同妝後嘅分別。兩人亦不介意此配對,並多次合照,佢哋仲曾經喺社交平台互相留言,開玩笑以「兄妹」相稱!蔡一智亦曾經收過由好友蘇施黃送上寫有「Happy Birthday 黃心穎」 嘅搞笑生日蛋糕~ 遇上「安心事件」後,蔡一智更慘受牽連,大批網民衝入其社交平台留下惡評,認真無辜!

蔡一智 微博Photo from 蔡一智 微博

連登截圖Photo from 連登截圖

#張曦雯、鄭裕玲

總有唔少網民一見到張曦雯新聞就會留言「個樣好似Do姐(鄭裕玲)!」,部分網友表示兩人都擁有瘦長臉型、高鼻子,甚至連笑容都似!有人則認為要視乎拍照角度,並指二人撞樣程度比較飄忽。

張曦雯 IG、鄭裕玲 IGPhoto from 張曦雯 IG、鄭裕玲 IG

鄭裕玲 IGPhoto from 鄭裕玲 IG

張曦雯 IGPhoto from 張曦雯 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel