download HolidaySmart 假期日常 app
東張西望|多名港人被困於緬甸「KK園區」!大爆生活環境超惡劣!網民疑似搵到香港「中介」?!

東張西望|多名港人被困於緬甸「KK園區」!大爆生活環境超惡劣!網民疑似搵到香港「中介」?!

時事熱話
By Stephanie on 18 Aug 2022
Digital Content Writer

最近台灣爆出柬埔寨「賣豬仔」事件,當中唔少人現時依然被困於當地,但原來亦有部份香港人墮入騙案圈套去咗柬埔寨「工作」?!《東張西望》收到來自被困人士朋友嘅爆料,分享朋友被騙嘅過程;而節目組亦表示接受到唔少喺柬埔寨被困嘅港人求助!

《東張西望》揭發港人被困於柬埔寨嘅情況!Photo from 《東張西望》

《東張西望》揭發港人被困「KK園區」事件

黃先生(化名)接受訪問指朋友就係其中一位去咗柬埔寨「工作」嘅人士,朋友抵達泰國後就獲安排到提供嘅酒店。朋友一放低行李就立刻被抓到車上,被運載到位於緬甸嘅「KK園區」;現時朋友依然喺該園區裡面,但就可以使用電話同外界保持聯絡!

抵達後被迫從事網上「工作」Photo from 《東張西望》

黃先生(化名)分享朋友抵達後被抓嘅經過!Photo from 《東張西望》

發現好多港人被困?!居住環境超惡劣

黃先生表示「KK園區」可以話係「賣豬仔」嘅終點站,若果未能支付金錢大約$2萬美元(約港幣$15萬)生命就有危險。而佢仲透露園區內其實都有好多香港人,佢哋多數都會被迫埋喺同一間房生活,衛生環境差「好似喺豬欄咁」,而且每日都只係得一餐飯食!

位於緬甸嘅「KK園區」已經係終點站!Photo from 《東張西望》

園區內嘅人指只要支付$2萬美金就會放被困人士走,但黃先生認為呢番話並唔可信!Photo from 《東張西望》

黃先生透露現時園區內都有唔少香港人,而且居住嘅環境好差!Photo from 《東張西望》

唯一自救方法就係騙人?

雖然朋友能夠同黃先生保持聯絡,但二人傾計嘅時候都有人從旁監視,只能夠趁「監視人員」離開嘅時求助。而園區內嘅人表示只要朋友成功騙到5個人去柬埔寨,就願意放佢走,而朋友亦開始放棄,只能夠被迫每日「工作」嘗試尋求機會。

雖然黃先生同朋友暫時仲聯絡到,但傾計嘅時候都會有人喺隔離睇住!Photo from 《東張西望》

而朋友現時必須騙到5個人到柬埔寨先可以被放走!Photo from 《東張西望》

逃走被發現就會有危險!

朋友曾親眼目擊被困人士逃走卻被發現後,被超可怕地對待;甚至有大約12、13歲嘅女孩喺園區內被困及「工作」,裡面嘅情況真係比想像中惡劣!

而朋友亦曾經目擊被困人士逃跑,但最終失敗嘅情況!Photo from 《東張西望》

當中園區內年紀最輕嘅仲有12、13歲嘅少女!Photo from 《東張西望》

收到被困於金邊港人報料!

而節目組亦受到現時被困喺柬埔寨嘅港人嘅報料,指自己被騙到柬埔寨後被迫從事「網上騙案」。然而二人之間嘅聯絡斷斷續續,而對方傳送語音短訊表示「唔係唔想接受訪問,而係知道訪問完都唔知解唔解決到件事。宜家走嘅方法只可以係俾錢!」而呢位港人現時應該喺金邊西南方嘅西哈努克市,可以話係「騙人集團」嘅聚集點!

節目組其後仲收到被困喺金邊嘅港人報料!Photo from 《東張西望》

現時佢哋被逼從事網上騙案嘅行為Photo from 《東張西望》

金邊西哈努克市亦係另一個熱點,不過情況就比「KK園區」好少少Photo from 《東張西望》

分享騙徒們慣用手法!

現時節目組都未能獲得被困港人嘅數量,但台灣至今已經有逾千人被騙;而大部分被騙人士都係因為受到高薪工作嘅誘惑而墮入圈套!而喺台灣回港嘅Maria(化名)就差啲被騙,指有人於社交媒體傳訊息俾佢詢問「係咪缺錢?」等,並指飛往當地「工作」後包食包住,所有嘢都會係免費。

Maria受訪時大爆騙徒們嘅慣用手法!Photo from 《東張西望》

利用各種優厚條件吸引大家Photo from 《東張西望》

仲話去到之後包食包住,包埋飛去嘅機票Photo from 《東張西望》

網民疑似找到香港「中介」?!

另一方面,有網民喺討論區分享疑似係「中介」所出嘅post,指呢個帳號於多個香港求職FB 專頁上載「去泰國做嘢」嘅消息,仲聲稱能夠「15日內賺到至少15萬!」而佢哋嘅社交媒體帳號仲不時上載大量現金嘅照片,似乎係想吸引大家加入佢哋?!雖然現時未能確認對方係咪真係同以上事件有關,不過再次提醒網民見到如此「吸引」嘅工作時都必須三思,千祈唔好墮入圈套!!

有網民疑似搵到喺香港嘅「中介」?!Photo from 連登討論區

而呢位女士曾多次喺香港求職專頁發佈有關去泰國工作嘅消息!Photo from 連登討論區

而佢亦上載咗大量現金嘅照片,似乎係想證明「荀工」的確存在?!Photo from FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

柬埔寨騙案|台灣YouTuber「好棒Bump」親自到柬埔寨救人成功!驚險過程全公開!現時卻被外交部批評?

17 Aug , 2022

近日柬埔寨騙案嘅內幕越揭越多,成功引起國際關注。當中唔少台灣市民被高薪嘅工作騙到柬埔寨,仲被困於當地;然而事件突然曝光原來係同台灣YouTuber「好棒Bump」所拍攝嘅影片有關,佢親自帶被困人士嘅家屬一齊到達當地救人,前後一共拯救過約40個人獲網民大讚!不過現時佢卻反遭外交部批評?!

「柬埔寨騙案」爆出嘅其中一位幕後功臣原來係台灣網紅「好棒Bump」!Photo from 「好棒Bump」@YouTube

柬埔寨騙案陷阱

唔少台灣人都不幸墮入「到柬埔寨工作」嘅陷阱,喺抵達當地後被「賣豬仔」工作及生活狀況都超差,而且仲被困喺裡面難以逃走。然而,大部分網民都認為相關騙案其實一直都存在,只係最近先曝光引起大眾關注,但原來揭發事件嘅係一位台灣YouTuber!

近日唔少網民都以為有高薪工作到達柬埔寨,但卻發現被「賣豬仔」!Photo from 東森新聞

原來柬埔寨騙案被揭發全因台灣YouTuber嘅影片幫手?!Photo from 「好棒Bump」@YouTube

台灣YouTuber 今年初開始揭發「賣豬仔」事件!

早於今年1月,網紅「好棒Bump」就上傳有關到外地工作但卻被「賣豬仔」嘅故事。事源係一名女觀眾私訊搵佢講述朋友被騙到杜拜嘅經歷,幸好朋友最終成功逃脫回到台灣,但就希望借助佢嘅影片提醒大家有關求職陷阱嘅事宜!其後佢又再次收到更多觀眾嘅相關私訊,仔細調查下發現喺「104人力銀行」(台灣求職網站)發現的確有喺杜拜嘅工作招聘!

台灣YouTube收到來自女觀眾嘅私訊,指朋友被安排到杜拜工作一度被困,幸好最終能夠即時逃脫!Photo from 「好棒Bump」@YouTube

其後佢喺台灣著名求職網站「104人力銀行」尋找到相關工作,都係要去杜拜工作!Photo from 「好棒Bump」@YouTube

7月尾親自到柬埔寨救人!

直到7月尾,「好棒Bump」收到來自被困喺柬埔寨人士嘅家屬求助,指孩子被大學同學介紹到柬埔寨工作後被困於當地。後來佢仲決定親自到柬埔寨進行救人工作「能多救一個就一個」,同時亦俾觀眾們了解一下該地區嘅真實情況!

其後佢再次收到被困家屬嘅私訊Photo from 「好棒Bump」@YouTube

而佢今次決定親自到柬埔寨救人!Photo from 「好棒Bump」@YouTube

當地警方態度冷淡!

其後「好棒Bump」立刻開始聯絡各種救援管道,並從義工隊伍口中得知「賣豬仔」轉運站「七星海灣」。然而該區就連當地警察都唔願意受理,令佢哋嘅營救行動困難重重!然而抵達警局時卻令佢「大開眼界」,因為佢必須支付「入口費」先能夠進入警局報案。

而佢亦得知有關「七星海灣」嘅資訊!Photo from 「好棒Bump」@YouTube

抵達當地嘅警局後,亦令佢十分驚訝!Photo from 「好棒Bump」@YouTube

卻發現警方已偷偷通報園區!

而「好棒Bump」再趕往另一個地區西港,然而佢哋發現警方收到佢哋嘅報案後就立刻通知「園區」,將被困嘅人士再運到另一個地方。

但原來當地警方接到報案後,已經立刻向「園區」內通報!Photo from 「好棒Bump」@YouTube

而被困嘅人士再度被載走!Photo from 「好棒Bump」@YouTube

講述驚險拯救過程!

事隔2日,「好棒Bump」終於成功救回委託人嘅兒子!而佢就拍片講述返當時嘅情境,指佢哋後來決定拜託當地居民幫手,並支付金錢俾佢,順利潛入七星海灣裡面;幸運嘅係「目標人物」真係出現於園區門口等待「賣豬仔」,而佢哋亦順利接載佢走,過程宛如拍電影一樣!

「好棒Bump」簡單講述裡面嘅運作方式,指被困人士可能會被踢出園區,再由其他「集團」接載走!Photo from 「好棒Bump」@YouTube

佢講述如何順利救回委託人嘅兒子,過程真係全靠好彩!Photo from 「好棒Bump」@YouTube

提醒大家裡面情況複雜,不要輕易相信到外地賺大錢消息!

同時,喺今次嘅計畫當中「好棒Bump」本身打算救回11個人,但最終卻只成功救到一對情侶,原因係當地警察向園區通報!佢亦警惕大家千祈唔好以為只要有足夠嘅錢、資源就能夠成功逃走,因為裡面嘅情況比想像中複雜。

佢大爆每到一個地方就要先付錢Photo from 「好棒Bump」@YouTube

就連海關等位置都有危機!Photo from 「好棒Bump」@YouTube

卻遭台灣外交部批評?!

而「好棒Bump」嘅片段現時因此受到關注,大批網民大讚佢勇敢「有哪個youtuber能像他這麼敢?」、「謝謝你這麼正義勇敢」等,佢嘅英勇行為的確值得讚揚!而佢曾於影片中提及台灣外交部不願意發臨時護照一事,近日外交部發新聞稿澄清「切勿以訛傳訛,避免誤導國人」,激怒「好棒Bump」揚言「受夠了!這個系列永遠停更!」

網民都湧入佢嘅影片下留言感謝佢!Photo from 「好棒Bump」@YouTube

台灣外交部澄清傳聞後,「好棒Bump」超嬲咁話停拍呢個系列!Photo from 「好棒Bump」IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel