download HolidaySmart 假期日常 app
星野源分享染疫隔離生活 為新垣結衣徒手通廁 網民大讚好老公!

星野源分享染疫隔離生活 為新垣結衣徒手通廁 網民大讚好老公!

生活熱話 娛樂新聞
By Moon Lam on 22 Aug 2022
Digital Content Writer

日本歌手星野源同「國民老婆」新垣結衣係2021年5月宣布婚訊,新婚生活至今都受到各界關注,近日佢就分享不幸染疫隔離期間嘅日常,有次遇到馬桶塞住,手邊無吸盤又怕傳染比太太新垣結衣,於是竟然「自己黎」!令網友大讚佢「國民好老公」!

月薪嬌妻TwitterPhoto from 月薪嬌妻Twitter

分享染疫隔離生活

星野源係7月26日錄完節目後身體不適,隔日就快測陽性確診,佢返到屋企即刻自我隔離,而太太新垣結衣亦停工同佢共同進退,一齊係屋企隔離,無搬去酒店住,所以兩人係隔離期間都係用通訊程式交流。

月薪嬌妻 TwitterPhoto from 月薪嬌妻 Twitter

佢係今個月16號康復復工,係廣播節目分享染疫期間嘅趣事,佢透露遇到最痛苦嘅事係喉嚨最痛嘅時候馬桶塞住咗,佢話當時馬桶被消毒紙巾塞住,屋企無馬桶吸盤,當下又叫唔到專業人士幫手,更加唔可以叫結衣處理,唯有親自上陣,一手除低咗手婚戒,然後徒手通廁,結果成功解決!

星野源 TwitterPhoto from 星野源 Twitter

佢係節目上分享呢段「馬桶插曲」引起網友熱烈討論,紛紛稱佢為「真男人」,亦認為佢真係「國民好老公」!稱佢不愧為新坦結衣認定嘅男人,星野源亦坦言雖然佢確診當日老婆嘅快測結果係陰性,但佢認為新垣結衣處於危險環境,可能遲早都會因為佢而染疫,自己只好盡所能把關,保護太太!所以結衣至今都未曾染疫!

IG @iamgenhoshinoPhoto from IG @iamgenhoshino

婚後生活幸福

星野源、新垣結衣合作《月薪嬌妻》擦出火花,更加係《逃避雖可恥但有用》入面戲假情真,兩人突然公開婚訊令唔少新坦結衣嘅粉絲心碎,但結婚後星野源毫不吝嗇分享婚後生活,之前佢亦提過兩人係屋企嘅休閒娛樂係唱卡拉OK,佢仲以寵溺嘅語氣話:「結衣唱得比我更加好!」兩公婆嘅情趣曝光後令粉絲都好羨慕,睇黎一眾結衣前夫都可以放心結衣搵到好老公!

IG @iamgenhoshinoPhoto from IG @iamgenhoshino

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

新垣結衣婚後首次公開露面,卻被指顏值下降?!粉絲超擔心:婚後生活壓力好大?

29 Jun 2022

日本人氣女演員新垣結衣人氣超高,仲被當地網民封為「國民老婆」,女神地位難以被取替~最近,佢出席電影嘅宣傳活動,亦係佢婚後首次公開露面,令唔少粉絲都萬分期待。然而,有網民就覺得佢顏值下降,仲好似有髮際線後移嘅問題,令大家感到震驚!

34歲新垣結衣婚後首次出席公開活動,卻被網民指狀態下跌?!Photo from 《無法成為野獸的我們》劇照

新垣結衣2021年5月宣佈閃婚,傷透宅男粉絲的心!

34歲日本女演員新垣結衣過往曾拍攝多部電影及劇集,憑甜美樣貌成功獲得網民嘅歡心。直到2021年5月,佢突然宣佈與《逃避雖可恥但有用》嘅男主角星野源戲假情真,決定閃婚嘅消息,令唔少男粉絲感到失望,接受唔到女神已經名花有主嘅事實!

新垣結衣過往出演過唔少經典電影,清秀樣貌亦令佢被封為「宅男女神」~Photo from 《戀空》劇照

2021年5月,新垣結衣宣佈同星野源結婚,消息震驚成個亞洲!Photo from 《逃避雖可恥但有用》劇照

婚後首次公開露面!

日前,新垣結衣出席電影《GHOSTBOOK妖怪圖鑑》,亦係佢婚後首次出席公開活動。從日本傳媒所釋出嘅照片中所見,當日佢身穿白色襯衫配上粉紅色寬褲,紮起馬尾,清爽俐落,精神狀態十分好!

最近,新垣結衣出席電影公開宣傳活動最近,新垣結衣出席電影公開宣傳活動,係佢婚後首次公開露面!Photo from 《ポップUP!》

只見佢扎起馬尾,狀態非常好!Photo from 《ポップUP!》

網民卻認為婚後顏值急跌,髮量變少?!

不過網民就發現佢似乎有髮際線後移嘅問題,覺得佢髮量明顯比以前少咗。而唔少粉絲都擔心留言「婚後怎麼變了?」、「顏值下跌」等;不過有網民大讚結衣BB依然好靚女,仲非常理智咁話「係髮型問題,佢額頭不嬲都高」,似乎係髮型令佢睇落比較禿?!

不過網民就覺得佢髮量明顯變少咗?!Photo from 日刊體育

唔少粉絲都感到非常驚訝,認為佢狀態大不如前;;但亦有粉絲大讚佢依然咁靚!Photo from 日本媒體MODEL PRESS

網民擔心婚後生活壓力大?

另一方面,部份網民擔心新垣結衣係咪因為婚後生活壓力太大,導致身體出現問題?!過往日本傳媒曾表示二人婚後採取「分居婚」,令外界不停猜測二人係咪感情有變;後來喺佢哋結婚半年後就被爆二人已經同居,先令粉絲們嘅心安定下來。

有網民就猜測係咪結衣BB婚後生活壓力太大?!Photo from 《逃避雖可恥但有用》劇照

曾傳出夫婦二人將移居美國?

喺今年初,有傳新垣結衣將會與丈夫定居美國紐約,據悉星野源一直都非常憧憬外國嘅生活,當時有知情人士向媒體透露結衣BB喺拍攝完劇集《鎌倉殿的13人》先再移居。不過消息一曝光就瞬間引起日本網民熱議,有粉絲仲嬲到「不要把我們的國寶帶走!」、「不能理解」等,然而傳聞至今都尚未得到證實,而且結衣BB現時又再次於幕前曝光,相信各位粉絲應該唔洗擔心住喇!

今年初曾傳出夫婦二人將移居美國嘅消息?!Photo from 《逃避雖可恥但有用》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel