download HolidaySmart 假期日常 app
李蘢怡當年憑《夜遊杜拜》一夜爆紅卻選擇淡出幕前?家庭背景顯赫!1年前街訪片段曝光獲讚美貌依舊!

李蘢怡當年憑《夜遊杜拜》一夜爆紅卻選擇淡出幕前?家庭背景顯赫!1年前街訪片段曝光獲讚美貌依舊!

娛樂新聞
By Stephanie on 23 Aug 2022
Digital Content Writer

前女歌手李蘢怡(Tiffany)已經淡出幕前多時,不過佢過往推出嘅歌曲係唔少80、90後嘅童年回憶~事實上佢入行僅僅6年就決定要淡出娛樂圈,仲遠赴英國讀大學,似乎係一心想轉行;而佢上年仲依然有上載自己嘅生活照,獲唔少網民大讚保養得宜!

39歲李蘢怡淡出幕前多年,但佢過往嘅成名曲《夜遊杜拜》依然係網民心中嘅經典歌曲!Photo from 李蘢怡微博

李蘢怡憑《夜遊杜拜》爆紅!

現年39歲嘅李蘢怡(Tiffany)2000年以模特兒身份出道,其後曾出演過唔少電影及推出唱片,當中《夜遊杜拜》就係佢當年最hit嘅一首歌,至今依然有唔少人記得呢首歌曲~而《夜遊杜拜》MV仲邀請咗馬國明做男主角,二人20年前嘅模樣都非常青澀,青春無敵!

李蘢怡喺2002年推出歌曲《夜遊杜拜》成功爆紅!Photo from 《夜遊杜拜》MV

當時嘅MV男主角係馬明!Photo from 《夜遊杜拜》MV

擁有模特兒般的高挑身型

本身身材高挑嘅李蘢怡人氣急升後,獲邀為張玉珊拍攝「修身堂」嘅廣告,以三點式上陣大晒苗條身型,成功迷倒唔少男粉絲獲封為「女神」~其後,有報導指李蘢怡因為結交男友,決心為對方推掉工作;直到後來男方移情別戀才醒覺,嘗試挽回事業,幸好張玉珊其後再次給予機會。

李蘢怡獲邀為修身堂拍攝廣告片,仲以三點式上陣!Photo from 李蘢怡微博

當時仲因此成為唔少網民心目中嘅女神~Photo from 李蘢怡微博

演藝事業發展平平

可惜,再次投入工作嘅李蘢怡其後一直都發展平平,雖然獲邀拍攝電影,但飾演嘅角色都係配角居多;2006年,佢決定退出幕前並轉行從事公關工作,一心轉行唔再留喺娛樂圈!

其後李蘢怡演藝事業發展平平,而佢喺2006年決定淡出娛樂圈Photo from 李蘢怡微博

2015年遠赴英國修讀大學完成心願

喺2015年,李蘢怡仲決定遠赴英國倫敦修讀藝術學位課程,3年後佢成功以優越嘅成績畢業「我終於可以跟人說我大學畢業了~」鼓勵大家都向自己嘅夢想邁進!2018年,佢獲得英國皇家藝術學院(Royal College of Art)錄取修讀Jewellery & Metal的碩士學位,該學府被譽為當地最厲害嘅藝術學院,似乎係想向設計行業發展~

2015年,李蘢怡到英國倫敦修讀藝術學院Photo from 李蘢怡微博

2018年佢成功從大學畢業,成績優異!Photo from 李蘢怡微博

隨後佢又再修讀與珠寶有關嘅碩士課程Photo from 李蘢怡微博

再修讀碩士學位 決心向設計師之路進發!

其後,李蘢怡曾經喺倫敦辦過展覽展示作品,佢亦曾經以成名曲《夜遊杜拜》作為主題創作新作品,令唔少粉絲都直呼「回憶返晒嚟~」而佢對上一次更新近況已經係1年前,當時佢接受街訪問向大家介紹佢身上嘅服裝,當時佢就透露自己有意創造自家品牌。

李蘢怡曾經舉辦展覽Photo from 李蘢怡微博

仲用以為「在我眼中與在您們眼中的夜遊杜拜」作為主題Photo from 李蘢怡微博

上年佢接受街訪,而佢嘅外貌同以前並冇太大分別,獲網民大讚美貌依舊!Photo from 李蘢怡微博

父母家底豐厚,曾被誤會係李龍基女兒?

李蘢怡喺剛出道嘅時候,因為姓名同李龍基太相似,令唔少網民誤會二人係父女關係;而佢哋仲曾經搞笑合唱《明天你是否依然教我》。事實上李蘢怡父母喺佢年少時離異,媽媽係仁愛堂前副主席鄭玉而(前名鄭玉嬋),其後再改嫁;父母本身家底豐厚,據悉最高峰時期足足擁有20幾個物業!

李蘢怡嘅父母喺佢8歲嘅時候離異,而佢家庭嘅經濟狀況本身幾已經唔錯!Photo from 李蘢怡微博

李蘢怡嘅媽媽其後再改嫁Photo from 李蘢怡微博

李蘢怡過往曾因為姓名同李龍基太似,而被誤會係佢女兒?!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

97年華姐冠軍盧淑儀近況曝光 入行後機會不多 退圈轉型做美女廚師

20 Jun , 2022

1997年華姐冠軍盧淑儀入行後投身演藝工作,更參演過荷里活喜劇電影。然而,佢未有留在影壇發展,現時已轉行當廚師,更係一位法國三星名廚嘅徒弟,曾與半島酒店工作。

97年華姐冠軍盧淑儀近年已轉行成為廚師。Photo from 選美比賽截圖

盧淑儀選美冠軍出身,惟入行後機會不多

43歲盧淑儀(Monica)係華裔加拿大人,97年力壓李珊珊奪得華姐冠軍殊榮。當選後佢正式入行,在千禧年代接拍過多套港產電影,當中包括由古天樂、楊千嬅主演嘅《乾柴烈火》,吳彥祖和Maggie Q嘅《赤裸特工》等。但佢戲份不多,大多角色都缺乏發揮空間。

盧淑儀當選冠軍後正式入行。Photo from 選美比賽截圖

Monica曾參演吳彥祖主演嘅《赤裸特工》。Photo from 《赤裸特工》劇照

《赤裸特工》劇照Photo from 《赤裸特工》劇照

Monica一度參演過兩部英語片,分別係由程小東執導,動作影星Steven Seagal主演嘅《臥虎潛龍》(Belly of the Beast),以及Hilary Duff主演嘅喜劇《Legacy》(又名《Pretty Little Devils》)。雖然Monica於後者飾演三大女主角之一,但上述兩套電影均直接發行影碟,未有在戲院上畫。

Monica係英語片《Legacy》主演之一。Photo from 《Legacy》海報

Monica曾與美國女星Hilary Duff合作。Photo from 《Legacy》劇照

拜名廚學藝,保養得宜成美女廚師

完成拍攝《Legacy》後,Monica未有再參與戲劇作品,2007年後已淡出演藝圈 。其後佢醉心學習廚藝,入讀法國巴黎藍帶廚藝學院,佢曾在IG表示,一星期需要學習6天,每日要訓練12至13小時,所以如果沒有身邊人嘅支持及愛護,佢會難以完成課程。

Monica淡出影圈後報讀知名廚藝學校。Photo from 盧淑儀IG @monmonlo

拜師學藝Photo from 盧淑儀IG @monmonlo

對烹飪充滿熱誠嘅Monica,經常在IG分享精緻嘅煮食作品,佢在個人簡介裡提及自己係法國三星名廚Pierre Gagnaire徒弟,曾為半島酒店工作,又為過某大型公司舉辦嘅時裝騷製作點心,非常專業。

曾獨力負責時裝騷嘅食物準備。Photo from 盧淑儀IG @monmonlo

好有熱誠~Photo from 盧淑儀IG @monmonlo

晚裝照Photo from 盧淑儀IG @monmonlo

雖然佢不常分享自拍,但從照片可見,佢狀態依然大勇,身材苗條、皮膚光滑,絕對係一名美女廚師。同爸爸感情好好嘅Monica,亦數次分享過同佢慶節嘅相片,佢睇落精神奕奕,非常溫馨。

身材姣好Photo from 盧淑儀IG @monmonlo

好苗條Photo from 盧淑儀IG @monmonlo

皮膚光滑~Photo from 盧淑儀IG @monmonlo

與爸爸合照Photo from 盧淑儀IG @monmonlo

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel