人妻批評丈夫婚後不願工作，婚姻陷入危機！結局大反轉！男方豪晒逾千萬積蓄反駁
現時社會追求男女平等，為咗生活好多時夫婦們都會一齊工作養家，互相分擔屋企嘅開支。最近，一名結婚7年嘅妻子就不滿丈夫長期留喺屋企，只係照顧2名子女，令佢頓時成為「一家之主」！不過喺丈夫受訪解釋後，大家都完全改變風向力撐丈夫？！
Photo from 微博
人妻抱怨丈夫不願上班工作！
根據內媒報導，來自河南嘅人妻小燕與細2年嘅丈夫曉峰結婚7年，二人育有一子一女。然而，丈夫喺結婚後就唔肯出去工作，主要負責照顧屋企嘅小朋友；而任職超市職員嘅小燕則負責工作，令經濟重擔似乎落咗喺妻子一人身上！
Photo from 微博
Photo from 微博
指丈夫只係留於家中無所事事
對此，人妻表示非常不滿指丈夫無所事事，抱怨丈夫就算喺屋企都只係望著電腦同手機，大呻壓力好大「大大小小的事都是我一個人在扛。」加上丈夫本身性格沈默寡言，令佢覺得自己彷彿過緊完全冇丈夫嘅生活，並向調解員尋求協助。
Photo from 微博
Photo from 微博
男方於醫學院畢業後拒絕工作？
據悉，二人係透過相親而認識，當時丈夫於醫科學院畢業，但估唔到婚後卻居然選擇唔工作，令妻子情緒崩潰，就連男方嘅爸媽多次勸喻都未能令兒子返工。然而，事件卻迎來大反轉？！
Photo from 微博
Photo from 微博
丈夫解釋不上班的原因！
當調解員詢問丈夫「為何不工作」時，對方就好有自信咁話「因為我不缺錢，我沒有那個必要。錢對我來說現在還不是問題！」揚言唔希望人生係為咗討好上司或者家人而工作賺錢，堅持己見！
Photo from 微博
Photo from 微博
原來本身已經擁有逾千萬積蓄！
不過調解員就好奇究竟冇工作嘅丈夫係如何過生活，而男方就表示自己過往工作儲咗少少積蓄，加上佢係「拆遷戶」獲得高達逾千萬人民幣，又難怪佢話現時唔缺錢嘅～而佢仲話妻子月薪所賺嘅2,000人民幣（約港幣2,300）好少「上班一年賺的，沒有我一個月的利息高！」
Photo from 微博
Photo from 微博
自學多項技能
事實上，丈夫喺屋企並唔係真係無所事事，佢一直以來都自學各種技能，包括：日文、電動車維修等。而佢亦向節目解釋背後嘅原因，原來佢自細就被性格強勢嘅媽媽逼迫讀醫科，仲想親自教導小朋友「怕我媽教導孩子會影響他們」，似乎因為成長經歷而有所感悟！
Photo from 微博
Photo from 微博
丈夫爆妻子完全不理小朋友？
丈夫仲大爆妻子其實只係仗著要出外上班，而拒絕管理家頭細務「她（妻子）對小孩不理不睬，經常都說上班很累」，就算叫佢幫小朋友換件衫都唔肯！
Photo from 微博
夫妻二人最終和好如初！
由於丈夫亦甚少同妻子交流，節目組想盡辦法為二人解開心結，要求佢哋分享對方曾經做過最感動嘅事！最後，妻子表示體諒丈夫喺屋企嘅目的，願意同佢一齊繼續努力生活～
Photo from 微博
Photo from 微博
Photo from 微博
網民認為夫妻之間差異太大，難以維持關係？！
大部分網民睇完夫妻嘅經歷後，都深深明白到感情關係中最重要嘅係溝通，否則好容易會令彼此間嘅誤會加深！而部份網民就認為妻子同丈夫之間嘅差距大「女的有問題」、「換老婆吧」、「現在不一定要外出工作才能賺錢了！」等留言，反而批評妻子唔願意理解丈夫嘅諗法。
Photo from 微博
Photo from 《夫妻的世界》劇照
而且網民都表示丈夫現時嘅生活係唔少人夢寐而求嘅生活，能夠選擇做自己喜愛嘅工作，完全唔需要擔心經濟狀況，大讚丈夫聰明！
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
人妻發現丈夫智商低於常人！交往8年懵然不知！發現IQ 並不影響夫妻和諧?!
19 May, 2022
Photo from 電影《完美搭檔》
人妻無意中發現丈夫多年秘密！
若果大家發現身邊嘅伴侶對自己有所隱瞞，你哋有會有咩反應呢？！日前，台灣一位人妻於討論區上表示與丈夫交往長達8年，但最近結婚先發現對方一直以來隱藏嘅秘密，無意中喺書櫃搵到「身心障礙手冊」！
Photo from Dcard討論區
丈夫坦承智商只有70幾！
喺人妻嘅詢問之下，丈夫坦承原來自己嘅智商只係得70幾；而一般人嘅智商大約介乎於90-110之間，可見丈夫智商相對上比一般人低！根據香港心理衛生會所提供嘅資料，現時香港將「智障人士」分為3個類別：輕度為50-69、中度為25-49、嚴重為25以下。
Photo from 電影《完美搭檔》
Photo from 香港心理衛生會網站
人妻超驚訝，認為丈夫多才多藝
得知事實嘅人妻非常驚訝，因為平時喺佢眼中丈夫人際關係方面非常優秀「比我會說話、很照顧他人感受」；而且多才多藝，識得畫畫、唱歌、攝影等，能力值都係平均之上！
Photo from 《閨蜜》劇照
Photo from 《花樣年華》
夫妻閨房生活美滿！
再加上，人妻表示丈夫時不時都為佢提供浪漫嘅小驚喜，而且仲強調二人之間嘅閨房生活和諧，完全察覺唔到對方有任何問題！
Photo from 《夫婦的世界》
網民認為只要生活幸福就可以～
大部分網民都對人妻宜家先發現丈夫呢個秘密而感到驚奇，一方面認為「因為他很努力變正常人」、「情商跟智商不同喔！」等。但普遍網民都覺得只要人妻生活幸福，其實呢個並非大問題～
Photo from Dcard討論區
Photo from 《都市男女的愛情法》
網民爆笑突破盲點！
另外，有網民就講笑咁話「看來你的智商也差不多，所以看不出來！」；亦有網民因此恍然大悟，發現生理需要同智商係毫無關連！
Photo from Dcard討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
