伍富橋做億萬駙馬獲3個外傭服侍，富貴老婆花過萬元購物唔敢有意見？！

伍富橋（Alvin）與富家千金梁兆楹（Shirley）結婚後進駐女方相思灣5,000呎豪宅，晉升「億萬駙馬」行列。近日伍富橋妻子購物後拍咗開箱片，片中有3位外傭姐姐同埋伍富橋，睇嚟佢婚後生活好滋潤！

Photo from 娛樂新聞台

伍富橋同富家千金梁兆楹結婚

現年28歲號伍富橋其實已經入行7年，不過佢星途平平，推出嘅歌曲唔多，亦未有喺樂壇獲得驚人嘅成績。不過事業唔算發展得好好嘅佢，愛情方面卻十分得意。伍富橋2022年公開戀情，一個月嘅白色情人節佢就宣佈求婚成功，升呢做人夫！

Photo from 娛樂新聞台

伍富橋同女友梁兆楹（Shirley）拍拖半年就成功求婚，全因遇上「對的人」！伍富橋透露佢喺公開戀情後就不停向女友求婚：「唔知點解一見到佢就好想同佢結婚！」終於打動到女友答應佢。佢哋嘅戀情受到外界關注，因為Shirley家底豐厚，父親做生意、坐擁2間麻雀館，一家居住於相思灣逾5,000呎獨立屋，家族身家過億！

Photo from 伍富橋IG

相思灣5,000呎豪宅曝光

伍富橋同Shirley亦係於西貢相思灣家中舉行證婚儀式，晉身「億萬駙馬」後，伍富橋嘅生活似乎變化不大，佢平時都係會去健身室做gym，不過佢搬入女方相思灣5,000呎豪宅，有時會大晒豪宅嘅內部照。

Photo from 娛樂新聞台

Photo from 伍富橋IG

佢熱愛運動，之前曾經喺IG Story post出在家打籃球嘅片段，令獨立屋嘅外觀曝光，仲有泊喺出邊嘅名車亦十分搶眼。其實過大禮時就已經公開過Shirley與家人同住嘅豪宅裝修，大廳係以木系為主嘅中式風格。

Photo from 伍富橋IG

Photo from 伍富橋IG

做億萬駙馬獲3個外傭服侍，Shirley購物伍富橋唔敢有意見

近日伍富橋轉發老婆Shirley嘅IG Story，原來Shirley買咗人氣熊figure 「BE@RBRICK」，Shirley一口氣買咗3個，保守估計花費最少過萬！片中可見有3位外傭姐姐幫手開箱，「億萬駙馬」伍富橋亦有幫忙。

Photo from 伍富橋IG

Photo from 伍富橋IG

伍富橋一身家居打扮，Shirley心頭好到咗大為興奮，不過佢表示伍富橋：「個眼神好似有意見」，暗示老公似乎唔中意佢買呢個公仔。而伍富橋亦「求生欲」爆棚，即時表態自己一啲意見都無：「我無呀！我無喎！」

Photo from 伍富橋IG

相關文章：伍富橋晉身做億萬駙馬後變樣引熱議，與富貴老婆Shirley勁有夫妻相

相關文章：伍富橋與富家女Shirley拍拖半年求婚成功！真愛不受背景限制！盤點圈中5位「億萬駙馬」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

伍富橋過大禮準備娶富貴女友Shirley！未婚妻豪宅曝光，金器超搶鏡

19 Apr 2022

伍富橋（Alvin）與富家千金女友Shirley公開戀情僅一個月就宣佈求婚成功，日前仲到女方家中過大禮曝光未婚妻豪宅內部！而龍鳳鈪等金器數量亦非常之多，相信婚禮現場應該會好有氣派。

Photo from 娛樂新聞台

伍富橋女友Shirley家境富裕

伍富橋於2014年參加《超級巨聲4》入行，佢曾經同林穎彤拍拖，兩人相戀一年後分手，直到2022年佢喺IG晒出合照公開與女友Shirley嘅戀情。

Photo from 伍富橋 IG

伍富橋女友Shirley曾經就讀Lancaster以及UCL兩間大學，而且家境富裕，父親從事物流及食品生意、又坐擁2間麻雀館，一家居住於相思灣逾5,000呎嘅獨立屋，家族身家過億！

Photo from 娛樂新聞台

拍拖半年求婚成功做「億萬駙馬」

喺公開戀情後一個月嘅白色情人節伍富橋宣佈求婚成功，伍富橋接受訪問時表示喺呢一個月內「不停求婚」，臨瞓前、食飯前、煲劇途中都試過求婚，連女友都話佢係「洗腦式求婚」。

Photo from 娛樂新聞台

最終伍富橋靠Staycation佈置大量氣球以誠意、努力打動女友成功求婚，晉身「億萬駙馬」行列。據知女友Shirley曾任幕後，兩人拍拖大半年，本身都係富二代嘅伍富橋稱自己認識女友前唔知道對方嘅家底背景，只係覺得佢好聰明、率直同開朗。

Photo from 伍富橋 IG

過大禮令未婚妻豪宅曝光

伍富橋求婚後又大爆：「唔知點解一見到佢就好想同佢結婚！」佢表示同女友相處好開心，大家想法一致，無論係生活上定工作上女友都畀到好多意見佢。

Photo from 伍富橋 IG

伍富橋日前到未婚妻Shirley屋企過大禮，枱上嘅3對龍鳳鈪以及其他金器十分搶眼，同時未婚妻Shirley所住嘅富宅曝光，可見大廳係以木系為主嘅中式裝修風格，仲有屏風等古色古香擺設。

Photo from 伍富橋 IG

Photo from 伍富橋 IG

相關文章：伍富橋與富家女Shirley拍拖半年求婚成功！真愛不受背景限制！盤點圈中5位「億萬駙馬」

相關文章：鄭俊弘何雁詩婚房曝光！娘家5000萬獨立屋裝修超豪 婚後鄭俊弘榮升6億駙馬

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）