download HolidaySmart 假期日常 app
東張西望|九龍城露宿婆婆財物被搶,憶述事發經過!拾荒逾10年原因公開,自揭坎坷身世!

東張西望|九龍城露宿婆婆財物被搶,憶述事發經過!拾荒逾10年原因公開,自揭坎坷身世!

時事熱話 電視電影
By Stephanie on 24 Aug 2022
Digital Content Writer

早前(22日),九龍城一名行動不便嘅露宿婦人被2名男士搶去身上嘅財物,事件曝光後引起民憤!最新一集嘅《東張西望》就去探訪74歲嘅徐婆婆,而佢亦講述事發經過,並自爆過往傷心嘅經歷。

廣告
廣告

九龍城早前有拾荒婆婆嘅財物被搶走,事件引起關注!Photo from 《東張西望》

拾荒婆婆於九龍城被搶走財物!

本月22日,平日靠拾荒為生嘅74歲徐婆婆喺九龍灣廣場對開遭2名騎著單車嘅男士搶走身上嘅財物,當中包含:細兒子俾佢嘅$1.6萬現金、銀包、手機、八達通;就連手推車上嘅鎖頭鑰匙都攞走埋,令婆婆連唯一嘅「搵食工具」都失去埋!幸好,有唔少熱心嘅街坊得悉事件後都立刻去幫徐婆婆,成功幫佢剪開鎖頭,亦有人主動買食物俾佢。人間有愛!

徐婆婆當日被搶走1.6萬嘅現金、手機等財物!Photo from 《東張西望》

就連婆婆手推車嘅鎖頭鑰匙都攞走咗,令佢非常傷心!Photo from 《東張西望》

透露過往傷心經歷

今次嘅事件亦意外揭露徐婆婆坎坷嘅經歷,1993年婆婆從內地來港,其後與丈夫居住喺東頭邨。婆婆透露自己已經執咗紙皮10幾年「就算攰都冇辦法,為咗子女、孫子、自己都好」;隨後主持人詢問佢點解唔肯返屋企,婆婆就話因為丈夫對佢唔好;本身育有兩子一女嘅婆婆表示同大兒子已經冇聯絡3年,而另外2名子女就偶爾探望佢。

廣告
廣告

徐婆婆透露丈夫對佢並唔好!Photo from 《東張西望》

現時徐婆婆只會同細仔同囡囡聯絡,剛好早幾日細仔就俾咗$1.6萬現金佢孝敬佢!Photo from 《東張西望》

激動重提財物被搶經過!

當徐婆婆講述返被搶嘅經過時,情緒非常激動,仲親自示範如何被箍住掩嘴「佢哋當時掩我個嘴,完全講唔到嘢」,之後財物就被一掃而空!根據媒體報導,二名男子起初假扮同婆婆聊天,其後隨即迅速行動搶走婆婆嘅隨身物品,所幸婆婆並冇因此而受傷;現時尚未尋找到2名男子嘅去向。

婆婆憶述當時財物突然被搶嘅經過Photo from 《東張西望》

好快婆婆嘅手袋就被搶走!Photo from 《東張西望》

熱心街坊雪中送炭

經歷意外後,徐婆婆依然繼續喺烈日當空之下執拾紙皮,堅持要同時推住2架手推車;而細兒子得知後就暫時俾咗$200婆婆當作應急之用。雖然如此,附近嘅熱心居民都送上蛋糕、牙膏等日用品俾婆婆。唔少街坊都表示經常能夠見到婆婆,仲透露原來婆婆幾年前曾經唔小心被車撞到,喺醫院住咗一陣,令佢哋都好擔心佢嘅安危!

廣告
廣告

行動不便嘅徐婆婆堅持要推住2架手推車,令唔少街坊都替佢感到擔心Photo from 《東張西望》

事發後,警方立刻聯絡婆婆嘅細仔,而佢就暫時俾咗$200婆婆Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|老人院女負責人想將86歲伯伯財產據為己有?要求與家姐結婚!利用美人計成功奪取歡心?

廣告
廣告

14 Jul , 2022

早前《東張西望》曾報導有關聾啞女被女保安奪取公屋單位一事,估唔到同類事件再次出現!最新一集節目組訪問陳太太,佢指二伯因為生病曾短暫居住於老人院。然而,老人院負責人阿玲突然向佢哋提議俾二伯假結婚,希望可以俾佢姐姐申請來港,後來仲變本加厲要求二伯將房屋賣俾佢哋?!

最新一集《東張西望》陳太就表示二伯被老人院負責人慫恿與家姐結婚?!Photo from 《東張西望》

2019年二伯因患病短暫於老人院居住

陳太太(化名)表示多年裡啊經常都會去探望獨居嘅二伯,同佢感情十分好。直到2019年二伯生病,所以陳太太就喺附近尋找一間老人院,希望俾佢暫住養病。然而,二伯入住老人院不久後卻發生各種事情!

陳太表示同二伯本身關係融洽,經常都會探望獨居嘅佢。Photo from 《東張西望》

老人院負責人要求二伯同姐姐假結婚?!

有一日,老人院負責人「阿玲」居然向陳太建議俾二伯假結婚,希望可以俾佢家姐順利申請來港居住;其後突然叫二伯將房屋賣咗俾佢哋,不過陳太就堅拒賣樓,指二伯好返之後將會搬回家中居住。眼見以上嘅方法都並唔可行,「阿玲」就開始施展「美人計」,各種行為都令陳太睇到好嬲!

廣告
廣告

2019年,二伯因為生病所以佢哋就尋找附近嘅老人院,俾佢好好養病Photo from 《東張西望》

陳太憶述有一次見到「阿玲」親密地坐喺床邊摟住二伯嘅腰,而陳太立刻詢問「點解要咁」,而對方就指二伯因為扭傷條腰需要攙扶。過咗5個月後,二伯亦痊癒回到家中居住,點知「阿玲」依然不停私底下聯絡二伯獻殷勤,目的就係為咗要對方收留剛剛來港嘅家姐「阿娟」!

阿玲曾經親暱地摟住二伯條腰,指因為對方扭傷腰先咁做?!Photo from 《東張西望》

喺二伯離開老人院後,阿娟依然不停聯絡對方,目的係想對方收留家姐!Photo from 《東張西望》

目的只為二伯收留剛來港家姐「阿娟」!

「阿玲」不停向二伯講述家姐可憐嘅處境,而二伯就從來都冇答應過要收留「阿娟」。然而,對方卻突然搬咗入二伯屋企住;而二伯就表示「佢直接搬晒啲傢俬上嚟」,亦覺得報警處理十分麻煩,所以任由對方繼續居住。

阿玲不停向二伯講家姐嘅處境非常可憐!Photo from 《東張西望》

而二伯就表示對方突然就搬咗去佢屋企居住!Photo from 《東張西望》

廣告
廣告

而阿娟就繼續喺二伯屋企住,至於有冇交租亦唔太清楚!Photo from 《東張西望》

二人突然開聯名帳戶,並轉移二伯資產到戶口!

更不尋常嘅事情再次發生!二伯嘅銀行戶口本身係同陳太嘅兒子聯名所開嘅,裡面大約有一百萬;但陳太發現二伯竟然同阿娟一齊聯名開咗第二個戶口!陳太指阿娟同二伯聯名嘅戶口本身只係得$2,000,一個星期後就將二伯原先嘅聯名戶口取消咗,並將所有金額轉到二人全新嘅戶口。

二伯同阿娟聯名開咗新戶口,初時只係得二千幾蚊!Photo from 《東張西望》

但係過咗幾日,阿娟就將二伯本身嘅聯名戶口取消咗,仲將裡面嘅100萬轉入全新開嘅戶口入面!Photo from 《東張西望》

陳太發現阿娟真正身份?!

由於二伯本身就非常著重金錢,陳太認為佢並唔會無緣無故將金錢轉到剛剛認識嘅女人手中,所以佢亦更加懷疑對方係有目的地接近二伯!其後,佢喺二伯屋企發現阿娟嘅手寫筆記,裡面寫咗唔少「行銷策略」,包括:「倒行逆施」、「用方向解決問題」等,似乎非常有計劃?!

陳太表示二伯一向都非常著重金錢嘅去向,咁樣嘅行為十分反常!Photo from 《東張西望》

廣告
廣告

之後,陳太喺二伯屋企發現阿娟嘅行銷筆記?!Photo from 《東張西望》

與二伯排期結婚!

而陳太就坦承自從阿娟搬咗去同二伯居住,佢哋同二伯嘅關係亦逐漸疏遠「想搵二伯,阿娟都會話佢唔喺屋企」,甚至連二伯住院都並唔知情!而阿娟仲向佢哋展示與二伯嘅擬結婚通知書,表示已經排期打算上年年尾結婚。

而阿娟入住二伯屋企後,陳太亦同二伯嘅關係變得疏離?!Photo from 《東張西望》

直到有一日,阿娟向佢哋展示擬結婚通知書!Photo from 《東張西望》

二伯向陳太堅稱:從沒答應結婚!

陳太曾詢問二伯是否與阿娟發展成情侶關係,而佢就否認「阿玲催我快啲出院,話搞緊同阿娟結婚嘅嘢」,事實上二伯表示從來冇答應要同阿娟結婚!

二伯堅拒否認同阿娟係情侶關係,仲話被催促盡快出院結婚!Photo from 《東張西望》

廣告
廣告

陳太就話二伯話並冇答應過要結婚!Photo from 《東張西望》

但二伯似乎同阿娟關係不錯?!

另一邊,節目組就獲得一段二伯喺醫院時同阿娟嘅視訊對話,情況似乎又同陳太所講嘅有啲唔同?!只見阿娟熱情咁話「今日見到你(二伯)我好開心」、「一個星期淨係可以見你一次」等,而二伯亦表現得十分受落。

節目組獲得一段阿娟與二伯嘅視訊對話!Photo from 《東張西望》

只見阿娟好熱情咁話要把握同二伯見面嘅機會,並且會帶食物探訪佢;二伯亦似乎非常開心Photo from 《東張西望》

二伯住院期間,阿娟不停要求做二伯監護人!

陳太曾當面與阿娟對質,當對方卻一直唔肯出聲。與此同時,86歲嘅二伯當時被發現患上早期嘅認知障礙,令陳太更擔心二伯會因此而做錯決定!而阿娟繼續「變本加厲」,要求成為二伯嘅監護人,而陳太就質疑對方做監護人只係為咗「操控」二伯嘅所有財物?!

86歲嘅二伯後期被發現有初期認知障礙!Photo from 《東張西望》

而阿娟仲不停寫信俾二伯主治醫生,希望成為對方嘅監護人!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel