白色強人II|演員演技獲觀眾一致好評?!3位影帝同場大鬥演技!成功挽救大台收視率

白色強人II|演員演技獲觀眾一致好評?!3位影帝同場大鬥演技!成功挽救大台收視率

電視電影 娛樂新聞
By Stephanie on 24 Aug 2022
Digital Content Writer

近年大台經常推出以醫療類型嘅電視劇,上年推出《星空下的仁醫》大獲好評,而最近又播出緊《白色強人II》而受到關注!劇中演員唔少都係好戲之人,而最新一集裡面陳豪、郭晉安及馬國明發生衝突嘅場面,更獲網民大讚演技好!

大台《白色強人II》將於下星期五播放迎來大結局,觀眾對劇集嘅評價暫時都唔錯!Photo from 《白色強人II》

《白色強人II》劇情講述醫院院長郭晉安提倡《全面開放藥物名冊草案》,目的係俾患有罕見病患者能夠用比較便宜嘅價錢購買藥物;然而醫生們各有睇法,令佢哋似乎亦分成「2個幫派」。

劇情大致講述院長郭晉安決定推行新草案,但醫生們卻似乎有唔同嘅睇法!Photo from 《白色強人II》

除此之外,亦有病患們與醫生之間嘅故事Photo from 《白色強人II》

最新劇情大要

昨日(23日)嘅劇情講到郭晉安因為一段錄音而對馬國明起戒心,令二人嘅誤會萌生,繼而出現內訌。其後,郭晉安嘗試將馬明踢出群組,好似知道緣由嘅張曦雯就立刻為馬明辯駁,澄清錄音並非真實;而一臉「天然呆」嘅馬明就似乎毫不知情。而郭晉安將收到嘅錄音播出,內容大致上係批評郭晉安冇資格做醫院院長,有「篤背脊」嘅嫌疑!

最新一集講到郭晉安想將馬國明從佢哋嘅群組中踢走!Photo from 《白色強人II》

郭晉安之所以會下呢個決定似乎係同收到嘅一段錄影有關?!Photo from 《白色強人II》

郭晉安因為一段錄音而誤會馬國明?!

眾人聽完成段錄影後,馬明態度堅定咁表示錄音內容絕對係假嘅,然而郭晉安並冇聽從佢嘅解釋「唔鍾意我,你可以直接講」;認為對方私底下一定同張達倫(飾演Martin)見過面,二人之間嘅信任開始出現裂縫!陳豪及張曦雯亦幫手為馬明解釋,認為錄音只係為咗分化佢哋四個人,可惜郭晉安堅決表示唔改變決定!

馬明率先為自己澄清表示錄音絕對唔係真嘅!Photo from 《白色強人II》

但郭晉安似乎並冇聽入耳!Photo from 《白色強人II》

同場嘅陳豪及張曦雯都嘗試阻止郭晉安嘅決定Photo from 《白色強人II》

緊張吵架場面大獲好評!

3位視帝喺呢一幕嘅演技大獲好評,佢哋都大讚3人能夠成功將發生矛盾時嘅緊張氣氛表演得淋漓盡致,同一時間亦保持住作為醫生嘅專業冷靜態度,三人都將各自嘅角色演繹得好好;而演戲經驗相對比較少嘅張曦雯都獲稱讚演技有進步!當中佢哋嘅吵架戲中就有大家「各有各講」導致聲疊聲嘅場面,部份網民就指佢哋應該係向電影《寒戰》嘅經典一幕致敬。

部份網民猜測呢幕「聲疊聲」嘅吵架場面應該係模仿《寒戰》經典一幕!Photo from 《白色強人II》

高鈞賢飾演臉部抽蓄病人,被讚演技有進步!

自劇集播出後,劇中唔少演員嘅演技都備受大眾關注~其中一位就係離巢長達近6年嘅高鈞賢,雖然佢只係於劇中客串出場,但佢就飾演因為腦部受傷而導致面部抽蓄嘅患者,一改以往型男嘅形象,成功突圍而出!網民都忍唔住大讚佢演技夠自然「終於唔係演花瓶喇!」、「高鈞賢演技有驚喜!」等。

高鈞賢喺《白色強人II》中飾演腦部受傷嘅病人Photo from 《白色強人II》

而高鈞賢仲必須演繹面部不受控地抽蓄嘅場面,獲網民大讚夠自然~Photo from 《白色強人II》

譚永浩眼神+笑容令觀眾睇到心寒!

除此之外,喺劇中飾演精神病患嘅譚永浩都獲得觀眾嘅好評,劇中佢突然喺隧道中「發作」,眼神及笑容都令觀眾睇到不寒而慄!而佢自己亦有於IG上載感言「第一次演呢種心理有問題嘅角色。我好多謝導演嘅信任,俾好大空間我去發揮」,唔少網民都講笑咁話「宜家見到你都有啲驚」,將角色演繹得非常成功~

譚永浩今次於《白色強人2》中飾演精神病患者李曉Photo from 《白色強人II》

佢嘅眼神同笑容都令觀眾睇到驚!Photo from 《白色強人II》

區明妙演患重病病人

近年備受力捧嘅區明妙亦有份出演劇集,飾演急需換肺嘅重病患者,當中有一幕就係佢打電話俾哥哥哭訴嘅場面,無助表情令唔少觀眾都表示好心疼!

區明妙飾演嘅重病患者,無助及絕望眼神成功打動觀眾嘅心Photo from 《白色強人II》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《白色強人2》馬國明入行23年醫生角色大盤點!由古代演到現代,媲美吳卓羲做警察

5 Aug , 2022

現年48歲嘅視帝馬國明近日主演劇集《白色強人2》,佢喺劇中飾演副院長、心胸肺外科部門主管兼顧問醫生。原來佢1999年入行以嚟曾多次出演大夫、醫生嘅角色,次數超過10次,可媲美做過晒警署各大部門嘅「御用警察」吳卓羲。即睇馬明入行以嚟演過嘅醫生角色!

現年48歲嘅視帝馬國明近日主演劇集《白色強人2》Photo from 《白色強人2》

馬國明藝員訓練班畢業後於2000年《無業樓民》、《雷霆第一關》演醫生

馬國明於TVB第14期藝員訓練班畢業後就由跑龍套做起,佢喺2000年兩套電視劇《無業樓民》、《雷霆第一關》中分別飾演普通科醫生、婦科醫生。

《無業樓民》

馬國明喺2000年《無業樓民》中飾演普通科醫生Photo from TVB

《雷霆第一關》

《雷霆第一關》馬國明飾演婦科醫生。Photo from TVB

馬國明2001年於古裝劇《封神榜》飾演大夫

廣告
廣告

2001年馬國明仍然多數飾演無名配角,其中喺《公私戀事多》飾演張醫生、《紅衣手記》飾演急症室醫生、民初劇《酒是故鄉醇》飾演腦科醫生,佢更首次喺古裝劇《封神榜》飾演大夫,由現代演到古代!

《公私戀事多》

2001年《公私戀事多》馬國明飾演張醫生Photo from TVB

《紅衣手記》

《紅衣手記》馬國明做過急症室醫生Photo from TVB

《酒是故鄉醇》

民初劇《酒是故鄉醇》馬國明飾演腦科醫生Photo from TVB

《封神榜》

馬國明首次喺古裝劇《封神榜》飾演大夫,由現代演到古代!Photo from TVB

馬國明2004年漸受重視,《天涯俠醫》再演石醫生

馬明喺2002年嘅《流金歲月》再飾演診所醫生,但到2004年開始獲TVB力捧,不但獲選為「奧運六星」之一,又喺《衝上雲霄》擔任「S4」,做跑龍套幾年後終受重用。佢喺《天涯俠醫》出演廣西山區兒科醫生石醫生。馬國明之後喺2006年《本草藥王》中飾演主角李時珍(林文龍飾)嘅徒弟「龐憲」,亦係太醫院嘅御醫之一。

《流金歲月》

馬明喺2002年嘅《流金歲月》飾演診所醫生Photo from TVB

《天涯俠醫》

馬國明做跑龍套幾年後終受重用,佢喺《天涯俠醫》出演廣西山區兒科醫生石醫生。Photo from TVB

《本草藥王》

馬國明之後喺2006年《本草藥王》中飾演主角李時珍(林文龍飾)嘅徒弟「龐憲」,亦係太醫院嘅御醫之一。Photo from TVB

馬國明於《On Call 36小時》再演醫生,憑「一件頭」一角首奪「我最喜愛的電視男角色」

馬國明之後人氣穩步上升,亦漸漸由第二男主角晉升至第一男主角。佢喺2012年《On Call 36小時》演神經外科醫生,係佢事隔6年後再度飾演醫生,馬國明演技亦備受讚賞。佢更憑「張一健(一件頭)」一角首次奪得「我最喜愛的電視男角色」,喺2013年佢出演續集《On Call 36小時II》繼續做醫生。

《On Call 36小時》

馬國明喺2012年《On Call 36小時》演神經外科醫生,演技亦備受讚賞。Photo from TVB

馬國明憑「張一健(一件頭)」一角首次奪得「我最喜愛的電視男角色」,喺2013年佢出演續集《On Call 36小時II》繼續做醫生。Photo from TVB

馬國明2019年主演《白色強人》,憑「唐明」一角大熱封視帝

馬國明主演劇集《心理追兇 Mind Hunter》口碑唔錯,佢喺劇中飾演臨床心理學家。2019年佢喺《白色強人》飾演心胸肺外科主管醫生兼副院長。劇集大受歡迎,馬明入行20年,最終憑「唐明」一角首奪「最佳男主角」。

《心理追兇 Mind Hunter》

馬國明主演劇集《心理追兇 Mind Hunter》,佢喺劇中飾演臨床心理學家。Photo from TVB

《白色強人》

2019年馬國明喺《白色強人》飾演心胸肺外科主管醫生兼副院長。劇集大受歡迎,馬明入行20年,最終憑「唐明」一角首奪「最佳男主角」。Photo from TVB

馬國明2021年主演台慶劇《星空下的仁醫》,演小兒外科顧問醫生

馬國明再次出演醫療劇《星空下的仁醫》,係佢繼《天涯俠醫》山區兒科醫生角色後,再度飾演兒科醫生「況叢昕」一角。

《星空下的仁醫》

馬國明出演醫療劇《星空下的仁醫》,再度飾演兒科醫生「況叢昕」一角。Photo from TVB

2022年《白色強人》再演「唐明」

馬明憑《白色強人》首奪視帝,續集《白色強人II》,馬國明作為原班人馬,再次出演「唐明」一角,今次佢已經係副院長、副行政總監、心胸肺外科部門主管兼顧問醫生。

《白色強人II》

馬明憑《白色強人》首奪視帝,續集《白色強人II》,馬國明作為原班人馬,再次出演「唐明」一角Photo from 《白色強人2》

入行22年,馬國明15度飾演醫生角色

喺23年演藝生涯中,馬國明曾演過15次醫生,佢由古代演到現代,又做過唔同嘅醫院部門,包括兒科、神經外科、腦科、婦科等,副院長都做過,簡直可以同「御用警察」吳卓羲媲美!

喺22年演藝生涯中,馬國明曾演過15次醫生Photo from TVB

馬國由古代演到現代,又做過唔同嘅醫院部門Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel