The Arca推日本蜜瓜主題下午茶 人均低至$236 歎9款特色蜜瓜鹹甜點

The Arca推日本蜜瓜主題下午茶 人均低至$236 歎9款特色蜜瓜鹹甜點

香港好去處 生活熱話 美食推介 著數優惠Smart Select
By Moon Lam on 24 Aug 2022
Digital Content Writer

日本蜜瓜一向係香港人夏天旅遊必買嘅水果之一!今次The Arca推出日本蜜瓜主題雙人下午茶,低至人均$236就有得食多款日本空運蜜瓜整嘅食物同飲品,啱哂咁多位思鄉症發作嘅大家!

The Arca位於黃竹坑,環境格外清新,裝修以原始水泥搭配黑色同金屬色,相當有格調,戶外座位更可以享受好天氣,打卡一流!

天氣好不妨係戶外座位打卡!

今次推出雙人日本蜜瓜主題下午茶,低至$471就可以享受一場蜜瓜盛宴,計返人均只需$236!三層下午茶選用北海道最優質三大蜜瓜之一嘅赤肉「雷電蜜瓜」,同埋日本皇室御用源自靜岡縣嘅綠肉「皇冠蜜瓜」,兩款蜜瓜都係空運到港,香甜得黎富含水分,所製成嘅食物仲有一股清香!令人流哂口水!

是次下午茶盛宴包括9款以蜜瓜製成嘅鹹甜點,香煎鵝肝蜜瓜墨西哥包以蜜瓜嘅清甜中和鵝肝嘅油香,富有層次感!而哈蜜瓜青蘋果牛油果蟹肉三文治就非常清新,夏天消暑解膩一流~大廚仲特別推介蜜瓜果醬蛋撻,破格將地道小食蛋撻同自家製蜜瓜果醬融合,入口酥脆仲出奇地夾!

廣告
廣告

除此之外仲有西班牙辣肉腸哈蜜瓜多士、吉列蝴蝶蝦配蜜蛋香蛋黃醬、灸燒吞拿魚配蜜桃及羅蔔苗伴盛瓜莎莎醬、英式鬆餅伴自家製蜜餞蜜瓜醬、朱古力香蕉蛋糕配焦糖哈蜜瓜同蜜瓜椰汁西米布甸,包括埋咖啡或茶,仲可額外以每位$38升級至蜜瓜雞尾酒,夠哂夏日感覺~而且進食時間有成兩個鐘,同閨蜜可以慢慢歎啦!

地址:3/F, Heung Wah Ind. Bldg., 12 Wong Chuk Hang Road, HK
營業時間:07:30 AM - 08:30 PM

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel