菊梓喬被星夢冷待曝光率大減 指被炎明熹取代一姐地位 本人現身澄清

菊梓喬被星夢冷待曝光率大減 指被炎明熹取代一姐地位 本人現身澄清

生活熱話 娛樂新聞
By Moon Lam on 25 Aug 2022
Digital Content Writer

現年35歲嘅菊梓喬(Hana)一向被稱為「聲夢一姐」,但近日有網民質疑電視台換班子,力捧新人炎明熹而冷待菊梓喬,更疑問佢嘅「唱歌生涯係咪已經玩完」,事件更引黎本人現身回應!

香港討論區截圖Photo from 香港討論區截圖

菊梓喬曝光率大減!

近日有網民係香港討論區以「菊梓喬唱歌生涯係咪已經玩完」為題,認為菊梓喬近日慢慢被「異軍」炎明熹取代,引起網民熱烈討論。樓主認為電視台換班子後Hana未參與過電視台嘅節目,有網民亦同意話佢只係出席過7月嘅《香港金曲頒獎典禮》同8月嘅《樂韻警聲頌銀禧》,而金曲獎更加被影到「疑似悶到瞓著」!

Youtube 截圖Photo from Youtube 截圖

Hana當時被影到疑似瞓著咗,成為一時熱話Photo from 《香港金曲頒獎典禮》截圖

廣告

唔少網民表示自從新一代聲夢出現之後,菊梓喬嘅曝光率就愈黎愈少,更表示「一朝天子一朝臣」、「連綜藝都冇得上,擺明被棄用」、「佢比矮仔邊緣化晒,前景真係窄窄哋」、「好慘,TVB只係捧聲夢,啲舊將被遺忘了」。有網民更認為菊梓喬唔係被聱夢淘汰,而係電視台有心封殺黎造就《聲夢傳奇》一班新人,更對此忿忿不平。

IG@hana_kukPhoto from IG@hana_kuk

網民建議過檔/北上發展

對於Hana曝光率愈黎愈少,有網友認為佢「一係北上,一係嫁人,一係跳糟去開電視搵舊老細,但人哋都捧緊d後生啦」、「離開或嫁唱k算了」,有熱心網友就建議佢過檔開電視做《就是青春》嘅導師,亦有人認為佢再苦練唱功北上發展,加上樣唔差,應該大把前途。

網友覺得Hana北上發展有前途!Photo from IG@hana_kuk

網友爆「被冷待」真正原因?

廣告

後來有網友就爆料話自己知道Hana「被冷待」嘅真正原因,佢指Hana黎緊準備出新歌,製作方都話新歌正到可以紅過《呼吸有害》!佢認為Hana似乎有合約問題,多過因為被《聲夢》兩屆新人淘汰而曝光率下降,佢又話應該參考同Hana年齡差唔多嘅歌手,例如:JW、Gin Lee、泳兒,佢地都經常係電視台有工作,而Hana就可能係因為新合約未傾掂,佢更指「幾乎任何藝人處於呢種狀態都會被冷待。」

IG@hana_kukPhoto from IG@hana_kuk

呢位網友再分享睇法,佢認為Hana係《香港金曲頒獎典禮》獲得最佳唱片獎,已經係電視台女歌手入面最大嘅獎項,JW和譚嘉儀只係得到最佳劇集歌曲獎,而《聲夢》得新人獎。佢指呢個情況係「一邊畀D好處、一邊冷待,可能係新合約雙方傾緊條件,角力中。」不過最後都戴返頭盔,表示以上都係佢個人睇法,不能作實。

Hana獲最佳中文唱片獎Photo from IG@hana_kuk

本人回應無被冷待

而原來菊梓喬曾經親自回應過疑似「被冷待」嘅傳聞,佢指自己係工作上無被冷落嘅感覺,亦無對網友嘅意見上心。佢指自己近日準備緊推出3至4首新歌,更準備出新碟,所以工作好忙,亦以「咁啱撞期」回應點解近日曝光率減少。而有一位網友都話Hana曾經透露係10月會有表演,似乎真係眾網民諗多咗!

廣告

《忘記我自己》MV超過2000萬觀看次數,高層樂易玲都有出席祝捷會!Photo from IG@hana_kuk

無懼「一姐」地位動搖

菊梓喬日前接受商台《星光背後》訪問,被問到公司高層換班子,又有《星夢》一班後輩崛起,會唔會擔心自已嘅資源會被分薄。佢當時已經表示唔怕後起之輩:「年年都有新人,最緊要做好自己,根本唔同generation,唔覺有壓力」,又指自己有歌出已經好好。菊梓喬加入星夢後曾力壓師姐吳若希,被問到會唔會怕地位動搖,佢就自稱入行只有5年,仲係新人,對於拎過「最受歡迎女歌星獎」成為「一姐」唔會飄飄然!

IG@hana_kukPhoto from IG@hana_kuk

曾被批形象單一

自從曾志偉任電視台高層後,星夢娛樂CEO何哲圖被換走,身為愛將嘅菊梓喬去向自然備受關注。而佢亦透露新星夢話事人何麗全曾經批評佢「形象被定格」,一直都以楚楚可憐嘅歌手形象示人,無辦法好似其他歌手咁多方面發展,而Hana就指自己之前仲係公司新人,當時嘅高層叫佢「做好一樣嘢先」,佢就尊重老闆決定,佢自己都想作多方面嘗試。

廣告

Hana入行至今形象的確都無咩大變化Photo from IG@hana_kuk

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel