download HolidaySmart 假期日常 app
戀講嘢|前大台藝人CC曹思詩為前男友還錢!成功3年還清千萬債務!過往樣貌曝光被指好大分別?

戀講嘢|前大台藝人CC曹思詩為前男友還錢!成功3年還清千萬債務!過往樣貌曝光被指好大分別?

電視電影 娛樂新聞
By Stephanie on 25 Aug 2022
Digital Content Writer

ViuTV節目《晚吹-戀講嘢》最新一集邀請咗前大台藝人「晶女郎」曹思詩做嘉賓分享過往嘅感情經歷,佢自爆曾經為前男友還債,而涉及嘅金額仲高達過千萬港幣,令主持人們超驚訝!

CC(曹思詩)上節目《戀講嘢》分享與前男友嘅感情經歷。Photo from CC IG

前大台藝人曹思詩分享深刻感情經歷

現年30歲嘅CC(曹思詩)自稱係服裝商人,分享同前任男友嘅愛情故事。佢表示前男人係一位負責辦派對嘅老闆,當時男方事業穩定,賺到唔少錢;而當時年僅14歲嘅佢就認識咗對方!

最新一集邀請咗前大台藝人CC(曹思詩)做嘉賓!Photo from 《戀講嘢》

佢表示同前男友喺排隊認識,當時佢好細個被朋友帶咗去玩Photo from 《戀講嘢》

CC超依賴前男友照顧!

直到CC 16歲嘅時候,佢先正式同前男友拍拖;而前男友年紀比佢大7年,雖然當時佢係老闆,但原來對方都只係一名大學生。由於二人年齡上有差距,所以對方悉心咁照顧佢,而佢亦十分依賴男友。

CC表示前男友只係比佢大7年,好似大哥哥咁照顧佢!Photo from 《戀講嘢》

對方當時不停為佢諗方法喺參加面試時突圍而出等,教導佢好多嘢Photo from 《戀講嘢》

前任生意太多,開始出現資金問題!

後來,前男友開始想多方面發展,旗下仲開設多大7、8間公司,導致喺資金運營上出現問題。喺CC 18歲嘅時候,前男友幫佢申請咗好多信用卡。由於佢本身係做生意所以佢直接擁有信用卡機,仲會直接碌信用卡再套現成現金;當時男友都會還返錢俾佢。

但男友因為想涉獵唔同嘅生意,而資金方面開始出現問題!Photo from 《戀講嘢》

後來前男友幫佢申請超多信用卡,等自己可以有錢用Photo from 《戀講嘢》

將物業攞去做按揭

之後CC成功置業,但前男友就要求佢將層樓攞去做按揭,直言當時真係太愛對方,而且對方哄人嘅技術非常高超!即使二人分咗手後,男方依然不停問佢借錢,而佢都攞唔返借出去嘅錢!

之後前男友要求佢將物業攞去做按揭,而佢亦盲目咁信任對方Photo from 《戀講嘢》

直指男方嘅說話技巧好勁,令唔相熟嘅人都願意借錢俾佢Photo from 《戀講嘢》

利用CC名義借錢,後來前男友完全消失!

前男友仲會利用CC係大台藝人嘅身份借錢,隨後佢每日都收到幾百個不知名來電、訊息等,仲被周圍貼街招。由於前男友向多達20間財務公司借錢,所以連埋利息後金額足足過千萬!

男方仲會以佢藝人嘅名義去借錢Photo from 《戀講嘢》

仲令佢成為咗擔保人?!Photo from 《戀講嘢》

隨後佢每日收到唔同嘅訊息、來電,而前男友就失去蹤影!Photo from 《戀講嘢》

認識現任男友,對方成為最大動力!

而CC就開始背負為前男友還債嘅事,之後就喺大台藝人嘅派對上認識咗任職機師嘅現任男友,而佢坦承對男方一見鍾情「超靚仔,好大隻,完全係我鍾意嘅類型!」揚言男友成為咗佢嘅新希望!

不久後,CC就認識咗新男友Photo from 《戀講嘢》

靠自己成功幫前男友還清所有錢!

CC表示從來冇俾男友幫佢手還債,而佢就選擇賣咗自己層樓;然而賣咗層樓後依然未還晒啲錢,所以佢努力工作咗幾年,先幫前男友還清晒啲錢!佢希望透過自身經歷勸喻大家唔好咁輕易借錢俾另一半。

CC從來冇問現任男友幫手,靠賣咗層樓還咗大部分嘅錢Photo from 《戀講嘢》

之後再努力工作幾年先還晒啲錢!Photo from 《戀講嘢》

網民發現CC樣貌與以前不同?

唔少觀眾都十分同情佢過往所經歷嘅一切,但部分網民將重點放咗喺佢嘅樣貌上,覺得佢嘅嘴唇似乎唔太自然?!翻查之下,原來CC過往被稱為「翻版唐詩詠」,仲曾經出演過唔少電視劇,樣貌上亦似乎有少少唔同呢~

不過部分網民就將重點放咗喺CC嘅外貌上Photo from ViuTV FB

CC過往曾經喺大台出現過唔少劇集,不過都係飾演配角居多Photo from 《天命》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

戀講嘢|KOL丁丁3位前任及男友都係朋友!4人曾同框打籃球!曾經與其中2位一齊去旅行?

6 Jul , 2022

ViuTV節目《晚吹-戀講嘢》最新一集邀請咗KOL丁丁(丁彥均)分享自己嘅愛情經歷,原來佢現任男友同3位前任都非常鍾意打籃球,而且佢哋都住喺北區,互相都認識大家;而佢就向大家解釋「男友」喺同一個圈子嘅好處!

KOL丁丁(丁彥均)上節目分享前任們同現任男友嘅愛情故事,最神奇嘅係4位「男友」都認識大家?!Photo from 丁丁IG

KOL丁丁分享4位男友共通點!

相信唔少人喺選擇另一半嘅時候,都可能會盡量避免喺同一個社交圈子尋找~最新一集嘅《晚吹-戀講嘢》就邀請咗23歲KOL丁丁分享佢嘅複雜愛情故事,當中佢結交嘅4位男友都係打籃球嘅,而且全部都居住喺北區,所以4人都認識彼此。

丁丁表示4位男友有2大共同點!Photo from 《晚吹-戀講嘢》

佢哋都係打籃球嘅,而且都居住喺北區Photo from 《晚吹-戀講嘢》

認為做運動嘅男仔比較單純!

而193就不禁詢問丁丁係咪對籃球員情有獨鍾,而佢就覺得做運動嘅男仔比較單純「淨係顧住打波好熱血,可能啲人會覺得好傻,但就係傻先吸引。」

丁丁覺得做運動嘅男仔比較單純!Photo from 《晚吹-戀講嘢》

大讚做運動嘅男仔好熱血!Photo from 《晚吹-戀講嘢》

分享歷任拍拖時間線

其後,丁丁就向主持們分享同歷任男友們交往嘅順序時間線。A男係佢中學同學,當時男方成績好,所以就會幫佢同朋友們補習;熟悉後佢發現A男為人風趣幽默,而且對方各方面都幾好,所以就同佢拍拖。然而,喺佢哋中學畢業後就分手收場。

丁丁表示A男係中學同學,學業成績好,所以就會幫佢補習Photo from 《晚吹-戀講嘢》

相處之下,佢發現A男非常幽默就同對方交往~Photo from 《晚吹-戀講嘢》

B男同A男本身就認識

而B男就喺retake DSE文憑試嘅時候交往,男方突然回覆佢嘅IG Story而變得熟絡,後來二人因為經常一齊溫書而擦出愛火。而同B男交往後,男方亦有繼續同A男打籃球,不過二人曾經因為丁丁而發生爭執。不過喺同B男分手後,佢哋又再重新做返朋友。

而丁丁同B男本身其實就係中學同學Photo from 《晚吹-戀講嘢》

無意中發現對方都係retake DSE,所以就經常相約一齊打籃球Photo from 《晚吹-戀講嘢》

而B男同A男就係一齊打籃球嘅關係,曾經因為佢而發生小爭吵Photo from 《晚吹-戀講嘢》

與C男交往後,發現對方認識2位前任?!

C男就係透過朋友介紹而認識,交談後丁丁發現同C男居住嘅位置非常近,經常傳訊息傾計,發展成情侶關係。而佢就表示係無意中發現佢原來認識A男及B男,仲曾經一齊打過學界比賽同街場。

丁丁透過朋友介紹而認識C男Photo from 《晚吹-戀講嘢》

仲意外發現C男原來本身就已經認識2位前任男友?!Photo from 《晚吹-戀講嘢》

成功搵到前任們神奇同框照:第4位係現任男友!

而丁丁當時搵到3人同框一齊打波嘅照片,而佢就話最神奇嘅係「第4個人就係我現任男友」,而且相中嘅籃球仲搞笑地P咗丁丁嘅樣貌,令主持人們都驚訝表示係預知未來嘅照片!

而丁丁當時就發現A男、B男及C男同框一齊打籃球嘅照片!Photo from 《晚吹-戀講嘢》

最神奇嘅係照片中第4位籃球員就係佢現任男友!Photo from 《晚吹-戀講嘢》

D男與C男係好兄弟!

丁丁再講述同現任男友(D男)嘅交往經過,表示同C男分手1年後先同D男有聯絡。而且D男仲同佢講C男喺同丁丁分手前就已經不停向身邊嘅朋友講佢壞話,令部份朋友都似乎對佢有啲不滿。而D男本身同C男就係中學同學,而且關係非常好,過往一齊打學界籃球比賽。

而丁丁同C男分手後,先同現任男友有聯絡!Photo from 《晚吹-戀講嘢》

當時因為想攞返自己嘅物品,所以就拜託C男身邊嘅好友幫手,但就發現C男不停講佢壞話!Photo from 《晚吹-戀講嘢》

曾經同2位男友一齊去旅行?

其實丁丁同現任男友第一次見面嘅時候,係以C男女友嘅身份認識,佢哋一般朋友仲一齊去過旅行。而主持人們都猜測當時男友已經對丁丁萌生愛意,而男友亦承認一早就想認識佢。

丁丁仲大爆同C男交往時,曾經一班朋友一齊去旅行,而D男亦喺度!Photo from 《晚吹-戀講嘢》

而男友貪曾男當時已經想認識丁丁!Photo from 《晚吹-戀講嘢》

解釋同一圈子認識另一半的好處!

丁丁認為過往嘅男友都喺同一個圈子,對佢而言係好事。因為佢哋本身係朋友,所以同男生交往嘅時候都可以大概知道佢其他朋友嘅性格;然而主持人們都表示唔能夠接受另一半喺同一個圈子。

丁丁解釋交往過嘅男友喺同一圈子嘅好處Photo from 《晚吹-戀講嘢》

能夠從前任口中得知佢身邊嘅朋友性格為人Photo from 《晚吹-戀講嘢》

丁丁IG追蹤人數多,擔任多間服裝店模特兒

23歲嘅丁丁係KOL兼多間服裝店嘅模特兒,五官精緻笑容甜美,IG Followers足足有4.6萬!過往佢曾經拍攝過與運動有關嘅節目,仲喺ViuTV出演足球節目,又難怪佢特別鍾意做運動嘅男仔嘅~

丁丁嘅IG followers高達4.6萬人!Photo from 丁丁IG

現時佢亦係多件服裝店嘅模特兒~Photo from 丁丁IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel