download HolidaySmart 假期日常 app
蔡瀾被內地記者問「躺平」一句回應!網民:不愧係香港四大才子

蔡瀾被內地記者問「躺平」一句回應!網民:不愧係香港四大才子

時事熱話 娛樂新聞
By Jennifer on 26 Aug 2022
Digital Editor

作為著名美食評論家,現年81歲嘅蔡瀾近日「Omakase論」獲好多網民讚好,有網友搵到蔡生出席書展時接受訪問,有一位內地記者問到佢對於「躺平」呢種生活態度嘅睇法,蔡生7字回應掀起熱議!

作為著名美食評論家,現年81歲嘅蔡瀾近日「Omakase論」獲好多網民讚好Photo from 蔡瀾Facebook

蔡瀾批評OMAKASE「當所有客人是笨蛋」

近年香港興起「OMAKASE」,不過美食評論家蔡瀾早前就喺Facebook公開批評:「近來我對吃魚生有點意見,一切都是廚師發辦的OMAKASE,當所有客人是笨蛋」,掀起網民熱議!

蔡瀾早前就喺Facebook公開批評:「近來我對吃魚生有點意見,一切都是廚師發辦的OMAKASE,當所有客人是笨蛋」Photo from 蔡瀾花花世界

蔡生一向對「食」都好有講究,但佢就唔係好欣賞Omakase,佢表示:「吃什麼我自己會叫,不必麻煩師傅。這種經營方式只讓餐廳容易計算成本,不是日本菜的精髓。」好多網民都深表認同。

蔡生一向對「食」都好有講究,但佢就唔係好欣賞OmakasePhoto from 《孤獨的美食家》劇照

蔡瀾指火鍋係最無文化嘅料理?!

其實蔡生曾經上過內地綜藝節目《天天向上》做嘉賓,當時佢狠批火鍋係最無文化嘅料理,直言將食材切完就掉落湯底:「那有甚麽好吃呢?」佢表示如果可以,希望火鍋呢項菜式喺世上消失。雖然蔡生呢番言論曾惹起爭議,但蔡生主持過多個飲食節目,又為中央電視台紀錄片《舌尖上的中國》擔任總顧問,喺食呢一方面地位毋庸置疑。

蔡生曾經上過內地綜藝節目《天天向上》做嘉賓,當時佢狠批火鍋係最無文化嘅料理Photo from 《火鍋英雄》劇照

蔡瀾表示如果可以,希望火鍋呢項菜式喺世上消失。Photo from 蔡瀾花花世界

出席書展,蔡瀾回應內地記者問題

蔡瀾推出過好多作品,更與金庸、倪匡、黃霑獲譽為「香港四大才子」,而其餘幾位才子已陸續離世,蔡生成為唯一一位仍然在世嘅才子。年屆八旬嘅蔡生依然無停止寫作,喺今年書展蔡瀾都有推出作品,亦有出席座談會。

蔡瀾與金庸、倪匡、黃霑獲譽為「香港四大才子」Photo from ATV

年屆八旬嘅蔡生依然無停止寫作,喺今年書展蔡瀾都有推出作品,亦有出席座談會。Photo from 香港貿發局

喺蔡瀾接受訪問期間有一位嚟自內地嘅記者問佢仲有無咩夢想未完成、對生活仲有咩期待,一向豁達嘅蔡生淡淡回應:「沒有了!」記者追問:「現在已經沒有任何目標?!」蔡生斬釘截鐵:「沒有了!」

蔡瀾接受訪問期間有一位嚟自內地嘅記者問佢仲有無咩夢想未完成、對生活仲有咩期待,一向豁達嘅蔡生淡淡回應:「沒有了!」Photo from 蔡瀾花花世界

被問「躺平文化」,蔡瀾一句回應KO對方

之後呢位記者問咗另一個問題,記者提到現時年輕人流行一種「躺平文化」:「就是沒有甚麼目標,也沒有甚麼追度的過生活,對此你怎麼看?」蔡生聽罷即表示:「本來就應該這樣。」答完更再次點頭表示肯定。

記者提到現時年輕人流行一種「躺平文化」,蔡生聽罷即表示:「本來就應該這樣。」Photo from 蔡瀾花花世界

呢段影片傳到返微博,引起唔少內地網民嘅關注,好多網友都表示認同:「說到我心坎里了!」、「瀟灑還是蔡瀾瀟灑!」、「蔡老從來不讓我們失望」

呢段影片傳到返微博,引起唔少內地網民嘅關注,好多網友都表示認同Photo from 蔡瀾花花世界

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅力讚港人移民英國3大好處,竟獲微博網民認同?!

17 Aug 2022

近年越嚟越多香港人舉家移民英國,唔少人都分享去咗英國後嘅生活。微博有一位頗為知名嘅KOL「樸實太太」發文稱最近好多家庭都移民離港,又舉出移英3大好處,竟然獲唔少內地網民認同?!

近年越嚟越多香港人舉家移民英國Photo from 《北京遇上西雅圖之不二情書》劇照

內地KOL指近2年好多香港人一家移民去英國

「樸實太太」喺微博擁有86.8萬粉絲,更獲微博「紅V」認證為「知名母嬰育兒博主」,平時佢會喺微博分享日常生活,每個post都有約1,000個讚好,人氣唔錯。

「樸實太太」喺微博擁有86.8萬粉絲,更獲微博「紅V」認證為「知名母嬰育兒博主」Photo from 「樸實太太」微博

雖然係內地KOL,但根據簡介顯示佢應該係於香港居住。近日佢喺微博發佈一篇「僅粉絲可見」嘅帖文,稱佢一次同銀行經理傾偈時,對方表示妹妹上個月全家都搬去英國定居。

樸實太太一次同銀行經理傾偈時,對方表示妹妹上個月全家都搬去英國定居。Photo from 《半澤直樹2》劇照

樸實太太稱理解港人為何下定決心離開香港

銀行經理指好多香港人賣咗層樓拎返一筆現金,過去英國買個house又平,又住得舒服。樸實太太好奇問銀行經理妹妹一家去到英國會唔會搵工做,經理就表示妹夫本身份工喺英國要另外考牌,打算慢慢讀兩年考到個牌,仲想開返間中菜餐廳。

樸實太太好奇問銀行經理妹妹一家去到英國會唔會搵工做,經理就表示妹夫本身份工喺英國要另外考牌,打算慢慢讀兩年考到個牌,仲想開返間中菜餐廳。Photo from 《日本窮游紀行》劇照

銀行經理個女讀緊K3,囡囡嗰班已經有10幾個同學仔都移民咗去英國,連銀行經理自己都有啲心動:「始終都想為小朋友提供更好的環境。」樸實太太表示代入對方都可以理解佢哋點解會選擇賣咗層樓,下定決心離開香港,佢舉出3個移民英國嘅好處:

銀行經理個女讀緊K3,囡囡嗰班已經有10幾個同學仔都移民咗去英國,連銀行經理自己都有啲心動Photo from 《反起跑線聯盟》劇照

1. 英國買樓更抵

樸實太太稱1,000萬喺香港都只能買到面積好細嘅單位,但同樣嘅價錢喺英國已經可以買到house!居住空間比香港大得多。

樸實太太稱1,000萬喺香港都只能買到面積好細嘅單Photo from 《上流寄生族》劇照

同樣嘅價錢喺英國已經可以買到housePhoto from 《上流寄生族》劇照

2. 移民英國門檻低

由於歷史原因,好多香港人都擁有BNO護照,最新嘅BNO移民英國方案移民令入籍英國更加簡單,樸實太太稱:「移民其他國家要給很多錢,但英國基本上就是免費移民。」

最新嘅BNO移民英國方案移民令入籍英國更加簡單Photo from 《流星》劇照

3. 下一代壓力較細

樸實太太認為小朋友喺香港讀書好辛苦,去到國外環境相對就寬松好多。樸實太太表示:「背井離鄉聽起來很悲壯,但出發那一刻,總有著雄心壯志吧。『為了下一代』聽起來很沉重,雖然疲累又充滿無限可能。」

樸實太太認為小朋友喺香港讀書好辛苦,去到國外環境相對就寬松好多。Photo from 《暖男爸爸》劇照

樸實太太微博全文:

樸實太太微博全文Photo from 「樸實太太」微博

唔少微博網民表示認同

可能因為樸實太太將帖文發為「僅粉絲可見」,所以留言都好和平,有好多網民認同移民其實係唔錯嘅選擇,有網友指好多人申請BNO visa移民,並稱:「不要相信什麼會成為二等公民呀去了那邊沒錢沒工作呀之說,真的不會。」樸實太太亦同意,佢表示好多移英嘅香港人係專業人士,所以喺英國都可以搵到唔錯嘅工作。

好多網民認同移民其實係唔錯嘅選擇Photo from 「樸實太太」微博

樸實太太表示好多移英嘅香港人係專業人士,所以喺英國都可以搵到唔錯嘅工作。Photo from 《流星》劇照

有居住喺內地網民就話佢有住香港嘅同學叫佢考慮移居去香港:「說那些想去英國的人都走了,現在的香港很好她們更喜歡了」、「他們都出去就對了」

有居住喺內地網民就話佢有住香港嘅同學叫佢考慮移居去香港Photo from 「樸實太太」微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel