《痞子殿下》靠無厘頭情節取勝！周嘉洛/朱敏瀚男扮女裝超搞笑！陳瀅因劇集再度傳出新緋聞？

By Stephanie on 29 Aug 2022

Digital Content Writer

由周嘉洛、陳瀅（Jeannie）、JW以及朱敏瀚主演嘅古裝喜劇《痞子殿下》現正熱播中，而兩位男演員都喺劇中男扮女裝，獲網民大讚靚女！劇情搞怪貼地，竟然仲出現有關「做快測」、戴口罩等情節，令唔少網民都覺得好搞笑～

Photo from 《痞子殿下》

今個星期播放大結局！

大台古裝喜劇《痞子殿下》喺今個星期迎來大結局，已播出嘅第20集講述陳瀅誤會周嘉洛將「護心鏡」送俾JW，而憤怒到將對方推落山，但卻不慎自己都跌埋落去；另一邊廂，朱敏瀚形象突變，變得口齒伶俐，卻被發現疑似係病情加重？！故事嘅種種疑團都即將喺今個星期揭曉～

Photo from 《痞子殿下》

劇情靠搞笑+無厘頭取勝！

劇集成功以搞笑及無厘頭嘅情節吸引到觀眾，雖然佢喺一套古裝劇但內容卻非常貼近宜家嘅生活！喺第13集中，朱敏瀚為咗救妹妹JW幫手拆「屎蜢炸彈」，但就搞到成身都係臭味，導致全村人都避開佢，其後佢就被吳岱融安排去「竹高山」隔離；而JW亦到山上為朱敏瀚「做深喉唾液測試」探測臭味濃度，非常搞笑～

Photo from 《痞子殿下》

周嘉洛及朱敏瀚男扮女裝獲讚好靚女！

唔單止係咁，兩位男演員周嘉洛及朱敏瀚為咗幫手調查可疑人物，而選擇男扮女裝接近對方。二人變裝後聲線變得超溫柔，仲嬌羞咁攞住手巾仔，扮得維妙維肖～而唔少網民都大讚二人為劇集放下型男形象，而且仲大讚佢哋打扮後真係好靚女！

Photo from 《痞子殿下》

陳瀅+周嘉洛關係太好，而傳出熱戀緋聞？！

喺戲外，4位主演嘅感情變得好好，當中桃花運極旺嘅陳瀅同周嘉洛仲因此而傳出熱戀中嘅緋聞！早前，陳瀅喺IG上載佢哋一齊玩「TRUTH or DRINK ?」嘅片段，期間陳瀅抽到問題「有邊啲緋聞係真嘅？」令在場嘅3位都忍唔住起哄，而佢最終選擇飲酒代替回答問題！

Photo from 陳瀅IG

4位演員戲外超friend！

其後陳瀅又再抽到「最多人誤會嘅事」，佢就坦承回應網民為佢改嘅花名同真實嘅佢有出入；而佢就話明白網民係因為佢緋聞太多，先會幫佢改呢個花名！起初佢對呢個花名唔太鍾意呢個花名，但後來慢慢又覺得好有親切感，似乎接受咗呢個稱號？！而其他人就附和表示覺得呢個花名好有型～

Photo from 陳瀅IG

相關文章：陳瀅桃花不斷又有新追求者出現　男方竟然係全能藝人兼唱片公司太子爺!

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【痞子殿下】周嘉洛首擔正男一！陳瀅對朱敏瀚流晒口水？劇情簡介+演員角色一覽

4 Aug , 2022

TVB時隔多時再次推出自家製古裝劇！由周嘉洛、陳瀅、JW王灝兒及朱敏瀚主演的古裝喜劇《痞子殿下》，播出後話題不斷~首次擔正男一的周嘉洛，演出喜感十足，獲讚有星爺的影子！陳瀅變身女漢子亦有大突破！劇集更融入不少現代元素，有別於一般的古裝劇~

Photo from TVB

#《痞子殿下》劇情簡介

百勝國的廢柴四皇子紀威（周嘉洛飾）在尚武皇族不得寵，被安排與歌蓮神國公主納克溫柔（陳瀅飾）作外交和蕃。不過，歌蓮神國為女權至上的國家，強悍的納克溫柔不願嫁體弱王子，不但拒絕更追殺他。豈料兩人雙雙墮湖意外失憶，流落到三不管地帶「無皇管」的首振鎮。鎮內龍蛇混雜，臥虎藏龍，各幫派覬覦鎮首之位。紀威與溫柔得到奕風鏢局大當家裘勇（吳岱融飾）、二當家霍青山（曹永廉飾）好心收留，並與鏢師裘千刀（朱敏瀚飾）及霍小妹（王灝兒飾）結為好友。而紀威運用才智多次協助鏢局對抗鎮中各大勢力，化解內外難關。

Photo from 《痞子殿下》劇照

#周嘉洛首次擔正男一

現年26歲的周嘉洛於2019年《萬千星輝頒獎典禮》，憑處境劇《愛 · 回家之開心速遞》中人氣超高的「金城安」一角入屋，並以24歲之齡成為歷年最年輕的「最佳男配角」！入行6年的他火速受到力捧，不但跳出處境劇《愛回家》，更首次在《痞子殿下》正劇擔任男主角。周嘉洛在《痞子殿下》中繼續延續「安仔」的無厘頭風格大抛笑彈，加上雖然飾演皇子，但卻加入體弱哮喘的設定，喜感十足~他今次更犧牲色相全裸上陣，可謂搏到盡啊！而不少網民都大讚他的演繹方式頗有周星馳及張衛健等的影子！

Photo from IG@周嘉洛

Photo from 《痞子殿下》劇照

#陳瀅首次擔正女一

近期受到TVB力捧的陳瀅，同樣首次擔正女主角！陳瀅長相甜美，於2014年在劇集《女人俱樂部》飾演1980年代高傲校花「容丹丹」的少年版而開始為人認識，隔年憑劇集《四個女仔三個BAR》中的見習大律師「霍紫凝」，首次獲得提名最佳女配角。之後陸續參與不少劇集演出，近年更極速上位擔當第二女主角。陳瀅一直恨拍古裝及演打女，在《痞子殿下》可謂一次過實現多個願望！她今次不但放低靚女包袱飾演武功高强的女漢子，更會對著朱敏瀚的結實身材流晒口水，相當有突破~

Photo from 《痞子殿下》劇照

#朱敏瀚+JW拍古裝劇嘆辛苦

除了周嘉洛和朱敏瀚，在《痞子殿下》飾演一對的朱敏瀚與JW（王灝兒），同樣首次出演古裝劇，感嘆非常辛苦！其中朱敏瀚不但多場動作戲，仲要除衫大騷肌肉~而鬼妹仔性格的JW第一次拍劇，直言慶幸自己拍攝期間沒有將對白講成英文，但因為笑點低，所以經常會忍唔住爆笑NG啦！

Photo from 《痞子殿下》劇照

Photo from IG@朱敏瀚

Photo from IG@張頴康

Photo from IG@朱敏瀚

#融入現代元素

《痞子殿下》的故事背景設定在一個架空年代，裡面的主要場地「首振鎮」不但是一個臥虎藏龍的小江湖，仲藏有不少現代元素！除了角色之間的對白大玩食字諧音，如「碧壁青樓（Big Big Channel）」、「四圍酒棧（四圍走盞）」、「堅定樓（堅定流）」、「大薩三坊（大殺三方）」以及影射現代順豐速遞的「奕豐鏢局」等，仲有文言文加上潮語，對白相當口語化，與以往的傳統古裝劇非常不同！另外，劇中更出現24小時營業的便利店、卡拉OK、的士等，就連口罩防疫都有！