download HolidaySmart 假期日常 app
楊丞琳翻跳韓團aespa舞蹈 播《Next Level》英文原曲被狠批

楊丞琳翻跳韓團aespa舞蹈 播《Next Level》英文原曲被狠批

時事熱話 生活熱話 娛樂新聞
By Moon Lam on 30 Aug 2022
Digital Content Writer

楊丞琳近日係內地節目大跳韓國女團aespa嘅歌《Next level》嘅舞蹈,但因為內地「限韓令」所限,所以播放嘅背景音樂唔係aespa版歌曲,而係《Next level》英文原曲,節目播出後引起韓國網友極度不滿!

《沸騰校園》 截圖Photo from 《沸騰校園》 截圖

大跳神曲《Next level》

楊丞琳係上年參加《乘風破浪的姐姐》第二季後以第三名成團,令佢係內地嘅知名度同人氣急升!佢近日參加內地最新綜藝節目《沸騰校園》,係隨機舞蹈環節大跳韓國女團aespa嘅神曲《Next level》,不過編舞雖然同aespa跳嘅一樣,但播放嘅背景音樂係《Next level》嘅英文原曲,令韓國網友大感不滿。

《乘風破浪的姐姐》截圖Photo from 《乘風破浪的姐姐》截圖

受限韓令影響

內地係2016年開始實施「限韓令」,除咗禁止韓國藝人出席活動之外,仲封殺所有韓劇同韓國綜藝,就連內地節目都唔可以邀請韓國藝人同播韓文歌!雖然「限韓令」目前對部分韓劇有解禁,不過韓文歌就仍然唔播得!

《沸騰校園》 截圖Photo from 《沸騰校園》 截圖

即睇更多人氣文章:

《Next level》全球大熱

《Next level》係aespa 2021年推出嘅作品,推出後係全球爆紅,副歌部分嘅舞蹈更加引起全球粉絲瘋狂模仿!其實呢首歌改編至電影《狂野時速:雙雄聯盟》,韓國SM娛樂嘅社長當時取得歌曲版權後交由aespa翻唱,為咗同原唱有分別仲加入韓文rap等新元素同重點編舞,令aespa憑此曲獲得MAMA「最佳女團舞蹈表演獎」,亦獲得韓國音樂大獎嘅「年度歌曲大獎」同「最佳K-POP歌曲獎」等。

aespa 《Next Level》MV截圖Photo from aespa 《Next Level》MV截圖

網民反應兩極

aespa嘅《Next level》係全球大熱,甚至比原曲更紅!所以韓國網民認為楊丞琳跳嘅舞同aespa版一樣,但就播電影英文原曲,非常唔尊重aespa同KPOP,更指佢因為「限韓令」唔可以播韓文歌,但又跳韓國女團嘅舞,做法矛盾,「舞蹈也是韓國人編的,為什麼要跟著跳啊」、「中國沒有編舞家嗎?」有唔少內地網友雖然對楊丞琳嘅翻跳給予好評,不過亦有網民更加認為歌同舞唔夾,加上一群「臨演」觀眾,令佢跳得有啲尷尬!

Youtube截圖Photo from Youtube截圖

Youtube截圖Photo from Youtube截圖

Youtube截圖Photo from Youtube截圖

網民話一班觀眾圍住睇到好尷尬!Photo from 《沸騰校園》 截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel