download HolidaySmart 假期日常 app
26歲網紅花$3萬買粉絲增人氣!4個月後粉絲人數卻反而急跌,要求公司退款不果?

26歲網紅花$3萬買粉絲增人氣!4個月後粉絲人數卻反而急跌,要求公司退款不果?

時事熱話 生活熱話
By Stephanie on 30 Aug 2022
Digital Content Writer

喺現今社交媒體當道嘅時代中,出現唔少人氣好高嘅KOL或者YouTuber,而網絡紅人亦已經成為咗一份職業~最近,內地一名26歲嘅女子因為希望成為知名嘅網紅,不惜花費$3萬人民幣(約港幣3.4萬)與科技公司簽約,仲買咗1,000位粉絲;然而事實卻不如想象中順利?!

26歲女網紅表示簽咗公司,並花$3萬買粉絲,但最終依然未能成為網紅?!Photo from 《網紅的瘋狂世界》

26歲女子夢想成為知名網紅!

根據內媒報導,來自長沙嘅26歲女子小玲(化名)今年4月透過好友小佳介紹同一間科技公司簽約。據悉公司承諾會將佢打造成知名網紅,而且仲話「還說我如果新介紹一個人進來,就可以賺取人民幣1萬5千元,也就是一半的錢」,令佢覺得自己似乎「前途一片光芒」!

26歲內地女獲朋友介紹與某科技公司簽約做網紅!Photo from 《酒鬼都市的女人們》劇照

與科技公司簽約時支付$3萬買粉絲?!

不過喺小玲同該公司簽約嘅同時,佢就向公司支付咗$3萬人民幣(約港幣3.4萬)作「入場費」,而公司就幫佢喺社交媒體帳號中買咗1千名粉絲,希望可以幫佢谷人氣!

簽約到公司時,小玲支付$3萬人民幣,仲買咗1千位粉絲!Photo from 《雙面人生》劇照

「網紅」日常工作流程

加入公司後,小玲每日嘅工作就係去唔同嘅店舖影響,再上載由公司準備好晒嘅文案及圖片「雖然公司沒有硬性要求,但如果你不發的話,就沒有流量進來。」而佢亦坦承部份地方自己連去都冇去過,直指現時好多網紅都係咁樣?!

而小玲表示佢每日嘅工作就係po相,而圖片同文字都已經由公司準備好!Photo from 《二十五二十一》

即睇更多人氣文章:

4個月後粉絲人數反而大跌?小玲狠批要求退款!

但小玲「入職」4個月後,起嘅粉絲人數卻竟然從本身嘅1千位跌到得返360位,令佢感到非常憤怒。佢表示自己會出post全因希望可以吸引到人入公司從中獲利,但如今佢卻恍然大悟明白公司並非一心想捧紅佢「實際上公司只是想收你3萬元拉你入公司,之前的都是噱頭!」嬲到嘗試向公司索取退會費,但唔成功!

4個月後,小玲嘅粉絲跌到得返60位!Photo from 微博

相關公司作出回應!

相關公司亦有為事件向內地傳媒作出回應,指小玲口中所講嘅「打造網紅計畫」其實係公司嘅產品;而小玲係付錢後的確獲得「一種身分授予」,強調對方付款後享用到公司嘅服務,批評對方要求退款係無理取鬧!

該公司透過媒體回應,指有為小玲提供相應嘅服務,所以絕對唔會退款!Photo from 《半是蜜糖半是傷》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網出售「無人認領行李喼」!網紅買下開盲盒,竟發現2萬元頸鏈?!

12 Aug , 2022

喺機場有時都會唔見行李,但唔見咗嘅行李喼究竟去咗邊?最近內地興起出售「無人認領行李箱盲盒」,價格由幾十元至過千元不等。有內地網紅更賣嚟拍「開箱片」,仲喺入面發現咗逾2萬蚊嘅名牌頸鏈?!

喺機場有時都會唔見行李,但唔見咗嘅行李喼究竟去咗邊?Photo from 《大叔的愛》劇照

內地交易平台出現「行李箱盲盒」

喺機場如果出現無人認領嘅行李會點處理?最近內地一個交易平台出現咗好多所謂「行李箱盲盒」,大部分更標明係「女學生行李箱」,聲稱係喺機場、火車站無人認領、租客搬走時遺留、學校學生搬離宿舍唔要嘅行李喼。

最近內地一個交易平台出現咗好多所謂「行李箱盲盒」,大部分更標明係「女學生行李箱」Photo from 微博

賣家聲稱行李箱係喺機場、火車站無人認領、租客搬走時遺留、學校學生搬離宿舍唔要嘅行李喼。Photo from 《同桌的你》劇照

有賣家表示已經賣咗半年都未曾出事,又強調行李喼絕對唔係佢哋自己裝嘅。而網上更有唔少網紅拍片開箱,其中喺bilibili有一位「閑D嘞」嘅影片就受到網民關注。

有賣家表示已經賣咗半年都未曾出事,又強調行李喼絕對唔係佢哋自己裝嘅Photo from 微博

網上更有唔少網紅拍片開箱Photo from 微博

內地網紅花1000玩購買無人認領行李箱,打開發現名牌頸鏈?!

呢條開箱片名為「花1000元買來的機場無人認領行李箱!打開發現大秘密?」閑D嘞指行李喼本身係機場無人認領所以先會流出放上網出售,而且因為個喼有密碼鎖,所以未曾打開過。

呢條開箱片名為「花1000元買來的機場無人認領行李箱!打開發現大秘密?」Photo from bilibili

閑D嘞開箱後發現入面有一啲女裝衫,相信行李喼主人應該係一名女性,又有化妝品、書本、記憶卡、相機袋等。佢更喺箱內搵到一條疑似係寶格麗BVLGARI入門款嘅B.zero1項鏈!翻睇官網,純銀項鍊鑲飾黑色陶瓷售HK$4,700,而喼中嘅頸鏈係玫瑰金鍊帶,售價更高,官網標價HK$26,100!

閑D嘞喺箱內搵到一條疑似係寶格麗BVLGARI入門款嘅B.zero1項鏈!Photo from bilibili

喼中嘅頸鏈係玫瑰金鍊帶,官網標價HK$26,100!Photo from BVLGARI

網民質疑行李箱盲盒不合法

唔少網友大為吃驚,認為行李喼失主咁都唔拎返個喼非常唔正常:「莫不是錢太多了不在乎吧!」亦有人指閑D嘞花1000元買喼但發現逾2萬蚊嘅名牌頸鏈簡直係賺到笑。不過閑D嘞之後喺留言區回覆網民稱條鏈唔係真貨。

有人指閑D嘞花1000元買喼但發現逾2萬蚊嘅名牌頸鏈簡直係賺到笑。Photo from 《About Time》劇照

不過閑D嘞之後喺留言區回覆網民稱條鏈唔係真貨。Photo from bilibili

有網友就質疑買賣呢啲失物係咪合法,片中曾公開行李喼掛住嘅資料牌,寫住托運日期為2022年6月27日,地點係義烏機場站,而「開箱片」係7月尾上傳,僅僅過去一個月就流出二手市場,令網民十分不滿。

片中曾公開行李喼掛住嘅資料牌,寫住托運日期為2022年6月27日Photo from bilibili

機場強調唔會隨便處理旅客行李喼,律師指買賣無人認領行李屬違法行為

而機場就表示對於如何處理無人認領嘅失物,唔同地方嘅規定都有唔同,保管時間亦各異。但強調唔會隨便處理旅客行李喼,如果超過限期仍然無人認領亦會交由其他部門處理。而處理托運失物嘅航空公司就指多年無人領取嘅失物一般會外判畀其他公司處理,但坦承唔知對方會點「解決」無人認領嘅失物。

機場就表示對於如何處理無人認領嘅失物,唔同地方嘅規定都有唔同,保管時間亦各異。但強調唔會隨便處理旅客行李喼Photo from 《通往機場的路》劇照

處理托運失物嘅航空公司就坦承唔知對方會點「解決」無人認領嘅失物Photo from 微博

有律師就指出買賣無人認領嘅行李喼係違法行為,行李喼主人有權追究責任。現時閑D嘞已刪除行李喼盲盒開箱片,亦有人指所謂「行李箱盲盒」根本就係假嘅,只係賣家嘅噱頭,自製行李喼扮係失物吸引買家嘅獵奇心態。

有律師就指出買賣無人認領嘅行李喼係違法行為,行李喼主人有權追究責任。Photo from 《輪到你了》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel