成龍內地收樓獲熱烈歡迎!花近5千萬豪宅曝光,以純金打造天花板

成龍內地收樓獲熱烈歡迎!花近5千萬豪宅曝光,以純金打造天花板

娛樂新聞
By Jennifer on 31 Aug 2022
Digital Editor

現年68歲嘅成龍近年長駐內地,最近佢到杭州收樓,地產商更為佢舉辦盛大嘅交樓儀式,微博有網民公開咗成龍花近$5,000萬購入嘅豪宅內部,裝修十分奢華,佢更以直升機代步,出入都極有氣派!

現年68歲嘅成龍近年長駐內地,最近佢到杭州收樓,地產商更為佢舉辦盛大嘅交樓儀式Photo from 微博

成龍喺杭州買樓,入伙當日獲地產商安排盛大歡迎儀式

今年5月成龍突然現身杭州一個樓盤,參觀並體驗咗一次業主專用嘅直升機之旅後,成龍決定買入「江景房」,仲落實擔任樓盤代言人。當時成龍大讚樓盤地段好,裝修風格亦十分貼近佢嘅喜好。

今年5月成龍突然現身杭州一個樓盤Photo from 微博

成龍決定買入「江景房」,仲落實擔任樓盤代言人Photo from 微博

3個月後佢再次到樓盤收樓,地產商派出唔少人迎接,又安排舞獅表演、行紅地氈等隆重嘅歡迎儀式,喺內地掀起熱議。成龍喺影壇地位舉足輕重,佢現身收樓,簽名、影相等由樓盤集團董事長全程陪同,以示尊重,而成龍收樓當日心情好靚,任影唔嬲,更親民向群眾揮手致意。

3個月後佢再次到有關樓盤,地產商派出唔少人迎接,又安排舞獅表演Photo from 微博

成龍喺影壇地位舉足輕重,佢現身收樓,簽名、影相等由樓盤集團董事長全程陪同Photo from 微博

成龍獲熱烈歡迎Photo from 微博

成龍收樓當日心情好靚,任影唔嬲Photo from 微博

即睇更多人氣文章:

成龍花近5千萬購入江景房,金碧輝煌裝修十分奢華

據悉成龍以4,000萬人民幣(約$4,549萬港元)購入「江景房」,單位約4,500呎、樓高4.8米、有3間房,遠眺錢塘江景色,更可享業主專用嘅直升機服務。成龍買樓時曾提及佢中意樓盤嘅新古典裝修風格,地產商自然都係以成龍喜愛嘅風格裝修佢嘅江景房。

據悉成龍以4,000萬人民幣(約$4,549萬港元)購入「江景房」Photo from 微博

單位約4,500呎、樓高4.8米、有3間房,遠眺錢塘江景色Photo from 微博

微博上嘅影片曝光咗成龍購買嘅豪宅內部,金碧輝煌嘅裝修風格同奢華傢私十分有氣派,全屋水晶燈、天花板金邊都係以18K純金打造,客廳有4面落地大玻璃窗,採光超好!

微博上嘅影片曝光咗成龍購買嘅豪宅內部,金碧輝煌嘅裝修風格同奢華傢私十分有氣派Photo from 微博

全屋水晶燈、天花板金邊都係以18K純金打造,客廳有4面落地大玻璃窗,採光超好!Photo from 微博

廚房廚櫃全部都係白色,入伙當日成龍更親自下廚,為大家準備午餐,飯廳圓枱可以坐到6個人以上。玄關用咗36種奢石,而地磚、牆面均用魚肚白大理石製作,非常精緻。

廚房廚櫃全部都係白色Photo from 微博

入伙當日成龍更親自下廚Photo from 微博

飯廳圓枱可以坐到6個人以上。Photo from 微博

地磚、牆面均用魚肚白大理石製作Photo from 微博

經理人、管家都有房,成龍搭直升機出入

主人房亦同客廳裝修風格一樣,主人房套廁為成龍度身訂做,並設有衣帽間。成龍特意安排一間客房畀佢嘅經理人,同樣配有廁所同衣帽間。仲有一間房係管家嘅房間,雖然空間不及主人房同經理人嘅客房,但裝修風格一致,毫不馬虎!

主人房亦同客廳裝修風格一樣Photo from 微博

主人房套廁Photo from 微博

主人房衣帽間Photo from 微博

成龍特意安排一間客房畀佢嘅經理人,同樣配有廁所同衣帽間。Photo from 微博

仲有一間房係管家嘅房間Photo from 微博

成龍買下嘅豪宅仲有直升機停機坪方便出入,當日佢喺豪宅食完午餐後就係搭直升機前往橫店拍戲,搭直升機返工,真係好有氣派!

龍買下嘅豪宅仲有直升機停機坪方便出入,當日佢喺豪宅食完午餐後就係搭直升機前往橫店拍戲Photo from 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳綺莉自爆為搵食做裝修/保險/地產!曾指成龍未有支付母女生活費?!

24 Jun 2022

現年49歲嘅吳綺莉誕下女兒吳卓林後風波不斷,近年母女關係不佳,吳卓林更離開屋企與女友Andi生活。吳綺莉最近表示佢上個星期喺工地做裝修,又自爆有做保險、地產,連牌照都考埋!

現年49歲嘅吳綺莉誕下女兒吳卓林後風波不斷,近年母女關係不佳Photo from 吳綺莉微博

吳綺莉與成龍誕下女兒吳卓林,近年母女關係差

吳綺莉於1999年同有婦之夫成龍傳緋聞,之後更誕下女兒吳卓林,佢曾公開承認成龍係經手人,不過女兒出生後成龍並未讓女兒「認祖歸宗」,之後吳綺莉同女兒相依為命。

吳綺莉於1999年同有婦之夫成龍傳緋聞,之後更誕下女兒吳卓林Photo from 吳綺莉微博

吳卓林長大後同媽媽吳綺莉嘅關係唔好,喺公開出櫃之後佢指自己會工作賺錢,同外籍女友Andi生活。吳綺莉雖然指女兒事前未有通知佢,但就開明表示只要知道女兒身體健康同安全就滿足。

吳卓林長大後同媽媽吳綺莉嘅關係唔好,喺公開出櫃之後佢指自己會工作賺錢,同外籍女友Andi生活。Photo from 吳卓林IG

但之後離開屋企嘅吳卓林返屋企攞嘢之後卻被吳綺莉報案指家中財物失蹤,及後吳卓林稱早已通知母親此事,令母女關係再陷入冰點!

離開屋企嘅吳卓林返屋企攞嘢之後卻被吳綺莉報案指家中財物失蹤Photo from 吳綺莉微博

吳綺莉自爆轉行做裝修、保險、地產

最近吳綺莉喺微博自爆佢上個星期喺工地做裝修,今個星期要上課,進修:「我的工作是演員、主持、裝修、設計、保險和理財顧問,地產,家庭主婦。前輩說的、你要令客戶賺錢,才會有回頭,所以除了拍戲,還要知道現在的市場情況,不管那份工作,客戶的感受就是我的感受。今天剛下課」

最近吳綺莉喺微博自爆佢上個星期喺工地做裝修Photo from 吳綺莉微博

原來自2021年出演ViuTV劇集《太平紋身店》後就甚少於幕前出現嘅吳綺莉開拓其他嘅賺錢機會!唔止做保險、地產,更親自到工地裝修,十分貼地!佢更表示自己已經考取牌照。

自2021年出演ViuTV劇集《太平紋身店》後就甚少於幕前出現嘅吳綺莉開拓其他嘅賺錢機會Photo from 吳綺莉微博

曾表示成龍未有支付生活費,吳綺莉否認收過4,000萬

多年嚟吳綺莉曾怒斥成龍無畀過生活費,而2018年吳卓林同外籍女友Andi更拍片求助,指兩人於加拿大流落街頭1個月,吳卓林於片中亦首度自稱係成龍女兒。

多年嚟吳綺莉曾怒斥成龍無畀過生活費Photo from 成龍微博

2018年吳卓林同外籍女友Andi更拍片求助,指兩人於加拿大流落街頭1個月Photo from 吳綺莉微博

其實喺誕下女兒後,外界屢傳成龍曾提供母女生活費,但吳綺莉喺微博否認有收過錢:「這世界什麼人都有,什麼二千萬、三千萬、四千萬,只要你們説得開心,能令別人開心也是一種福氣。」

誕下女兒後,外界屢傳成龍曾提供母女生活費Photo from 吳綺莉微博

吳綺莉喺微博否認有收過錢:「這世界什麼人都有,什麼二千萬、三千萬、四千萬,只要你們説得開心,能令別人開心也是一種福氣。」Photo from 吳綺莉微博

吳綺莉背負第三者嘅罵名多年,早前終於發文認錯:「孩子是無辜的,我的任性我負責任」,但佢又鬧爆:「三天兩月就説收啦多少錢、四天半年就説一分錢都不給你,其實說一兩次大家都能明白,不用說足兩十多年,對孩子的傷害太大了,可以停嗎!」仲直斥:「希望某巨星再有任何宣傳,不要再用貶低我和孩子來做宣傳」,矛頭直指成龍!

吳綺莉背負第三者嘅罵名多年,終於發文認錯:「孩子是無辜的,我的任性我負責任」Photo from 吳綺莉微博

吳綺莉鬧爆:「三天兩月就説收啦多少錢、四天半年就説一分錢都不給你,其實說一兩次大家都能明白Photo from 吳綺莉微博

吳綺莉直斥:「希望某巨星再有任何宣傳,不要再用貶低我和孩子來做宣傳」Photo from 吳綺莉微博

矛頭直指成龍!Photo from 成龍微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel