宋仲基現身妹妹醫學博士畢業禮！3兄妹全是學霸，溫馨合照曝光

韓國演員宋仲基近年集中拍電視劇同電影，佢嘅妹妹最近於首爾大學醫學系博士畢業，宋仲基同佢哥哥宋承基都有出席妹妹嘅畢業典禮，宋家三兄妹原來個個都係學霸！

Photo from 宋仲基IG

宋仲基妹妹首爾大學醫學博士畢業

宋仲基同宋慧喬於2019年離婚後就主力拍攝電影同電視劇，雙線發展，近日佢就同家人成為韓國網民嘅話題。原來佢嘅妹妹終於博士畢業！

Photo from 宋仲基IG

宋仲基嘅哥哥宋承基喺IG發文：「曾經是小豆丁的我們老幺，呀~我們家也有博士！」又hashtag「#最小的妹妹」、「#醫生」、「#首爾大學博士」等，並公開三兄妹嘅童年照。

Photo from 宋承基IG

原來宋仲基嘅妹妹近日首爾大學醫學系博士畢業！兩位哥哥當然都有出席妹妹嘅畢業禮，宋仲基戴上cap帽，右手搭住妹妹膊頭、左手拎住一紮花，相信係送畀妹妹嘅畢業禮物之一～

Photo from 宋承基IG

即睇更多人氣文章：

00後唔識用速成/倉頡打字 連登仔發長文慨嘆:一代不如一代
19歲少女與65歲伯伯閃婚！新郎豪送37萬禮金+房屋/新車！強調並非為錢而出嫁！

宋家三兄妹全部都係學霸！

其實宋家三兄妹都係學霸！大哥宋承基曾經於中國北京大學留學7年，識得講中文；二哥宋仲基喺入行前以全國前10嘅成績，考入成均館大學；妹妹曾經留學加拿大，現時更於韓國名牌大學首爾大學嘅醫學博士畢業，唔少人對宋家父母如何教育3個子女感到十分好奇，同時感歎佢全家都係精英！

Photo from 宋承基IG

宋仲基曾經係運動健將

宋仲基係家中老二，佢曾經練習短道速滑11年，仲代表過家鄉參與3次全國運動會，雖然有諗過做運動員，但最終因為中學二年級時腳踝受傷，決定放棄呢個夢想。之後佢就集中精力讀書，學業成績大幅提升，高中時英文同數學更考獲全校第一！

入行前已憑出色外型、聰明頭腦獲網民支持

因為首次大學入學考試未能考獲理想大學，宋仲基決定重讀一年，以全國前十嘅好成績，考入韓國歷史上最悠久嘅成均館大學，雙主修企業管理系、新聞放送。在校期間宋仲基參加過好多校內活動，曾經係大學廣播員、新聞放送社團團長。

佢入行前就已經有後援會，因為大學學長病咗，宋仲基就代替佢參加一個問答形式電視節目，並成功打入總決賽，雖然最終屈居亞軍，但出色嘅外型仍吸引大批網民支持。

Photo from KBS

相關文章：最美孕婦孫藝珍短髮新look！面變圓潤狀態絕佳！準爸爸玄彬首露面提起老婆一直甜笑放閃！

相關文章：【非常律師禹英禑】朴恩斌演自閉症律師爆紅！12點認識學霸女神！擁罕有血型/母胎單身？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

40歲宋慧喬零P圖照曝光！DeepV出席公開活動，罕晒性感成焦點

4 Jul 2022

宋慧喬回復單身後一直低調拍劇，佢過往嘅男友位位高質，包括李炳憲、玄彬等。佢近日飛往法國巴黎出席品牌活動，又以性感Depp V小背心現身，艷光四射。不過佢無P圖嘅真實照片隨即曝光，並引起熱議。

Photo from 宋慧喬 IG

宋慧喬與宋仲基離婚後專心工作

宋慧喬主演嘅韓國電視劇《藍色生死戀》、《浪漫滿屋》等喺亞洲嘅知名度非常高，佢早已係韓國一線女演員，之後宋慧喬同宋仲基合作《太陽的後裔》除咗令兩人嘅人氣急升，佢哋更擦出愛火花，並宣佈結婚。

Photo from Blossom娛樂

不過宋慧喬同宋仲基嘅婚姻僅維持兩年，佢哋就辦理離婚。回復單身之後宋慧喬寄情工作，2021年主演電視劇《現正分手中》，期間佢仲拍攝各大品牌廣告。

Photo from 宋慧喬 IG

著Deep V吊帶背心現身，40歲宋慧喬狀態極佳！

近日宋慧喬就飛去巴黎出席公開活動，佢以Deep V吊帶背心配黑色長裙現身，罕有性感造型即時令佢成為焦點！現年40歲嘅宋慧喬keep得好好，完全唔似40歲！

Photo from 宋慧喬 IG

Photo from 宋慧喬 IG

佢亦有喺IG分享現場照，相中宋慧喬髮型簡單，大方自信嘅微笑展現出優雅嘅氣質！相片公開僅一日就有超過130萬個likes，可見佢人氣之高。

Photo from 宋慧喬 IG

Photo from 宋慧喬 IG

宋慧喬零修圖相曝光

雖然佢公開嘅個人照狀態極佳，但係無P圖嘅原相曝光後卻引起熱議，唔少網友認為宋慧喬個人IG公開嘅靚相同零P圖下嘅佢有啲落差，肌膚無咁緊緻，喺高清鏡頭下，臉上嘅細紋亦都頗為明顯。

Photo from 微博

亦有人指以佢40歲嘅年齡嚟講已經保養得唔錯，即使係零P圖都唔係太差。

Photo from 宋慧喬 IG

宋慧喬前度位位男神級：李炳憲、玄彬、宋仲基

宋慧喬入行24年，期間佢曾公開承認嘅戀愛對象只有3位，但每一位都係「男神級」人馬！喺2002年拍攝《All In 真愛宣言》同拍擋李炳憲相戀，李炳憲係實力派演員，曾經獲大滿貫影帝，喺影壇地位超然，不過兩人卻因為工作太忙而宣佈分手。

Photo from 宋慧喬 IG

Photo from 《魷魚遊戲》

2008年宋慧喬拍攝韓劇《他們的世界》與玄彬結緣，之後開始交往，佢哋呢一對獲外界視為「金童玉女」嘅情侶，最終交往兩年後，喺玄彬入伍之後宣佈分手。

Photo from VAST엔터테인먼트 IG

2016年同宋仲基合作《太陽的後裔》戲假情真，之後更宣佈結婚，但2009年兩人進行離婚調停，並正式結束呢段1年8個月嘅婚姻。

Photo from Blossom娛樂

相關文章：【宋仲基宋慧喬離婚】宋慧喬發聲明指夫妻二人因性格不合而分開 宋仲基曾表示結婚後令自己更有安全感

相關文章：大S老公具俊曄3千呎豪宅曝光！浴缸都望到漢江景！宋慧喬李秉憲都係鄰居

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）