download HolidaySmart 假期日常 app
Hillary劉沛蘅教路唔好同男友前度比較!洪卓立湯怡分手後各覓真愛

Hillary劉沛蘅教路唔好同男友前度比較!洪卓立湯怡分手後各覓真愛

娛樂新聞
By Jennifer on 01 Sep 2022
Digital Editor

洪卓立與《膠戰》女主持Hillary(劉沛蘅)公開戀情後一直愛得高調,近日Hillary喺IG Story玩「你問我答」,有網友問佢點避免同另一半嘅前度做比較,Hillary以好長嘅篇幅回覆,引起熱議!

洪卓立與《膠戰》女主持Hillary(劉沛蘅)公開戀情後一直愛得高調Photo from 洪卓立IG

洪卓立與Hillary公開戀情,愛得高調

喺2022年初時洪卓立就喺IG Story公開Hillary同狗狗嘅親密合照,疑似公開新戀情,不過佢好快就delete返個Story,有網友發現Hillary經常會like洪卓立嘅IG,雖然雙方未有承認戀情,但好多網友已為佢哋送上祝福。

2022年初時洪卓立就喺IG Story公開Hillary同狗狗嘅親密合照,疑似公開新戀情Photo from 洪卓立IG

到3月30號洪卓立於IG發文大方認愛,佢大讚女友:「佢係我見過最善良最有愛心嘅女仔,我哋每一日都好開心。」仲護花表示:「我會努力,令她成為『貪慕虛榮』的人」,翌日立立再公開女友與愛犬嘅合照,連環放閃。

3月30號洪卓立於IG發文大方認愛Photo from 洪卓立IG

洪卓立大讚女友:「佢係我見過最善良最有愛心嘅女仔,我哋每一日都好開心。」Photo from 洪卓立IG

翌日立立再公開女友與愛犬嘅合照Photo from 洪卓立IG

公開戀情後兩人都經常大方晒合照,彼此嘅IG都分享好多與戀人嘅生活日常。不過畢竟洪卓立前一段戀情十分為人熟悉,當時佢同湯怡未能修成正果亦都有唔少人大感可惜,Hillary難免會被外界拎嚟同洪卓立前任作比較。

公開戀情後兩人都經常大方晒合照Photo from 洪卓立IG

Hillary難免會被外界拎嚟同洪卓立前任作比較Photo from Hillary IG

即睇更多人氣文章:

Hillary表示唔好拎自己同男友前度比較

近日Hillary喺IG Story同網友玩「你問我答」,佢透露自己同洪卓立係打台灣牌認識,佢又公開同男友嘅合照,非常甜蜜。有網友問佢:「如何唔攞自己同另一半嘅前度做比較?」

近日Hillary喺IG Story同網友玩「你問我答」,佢透露自己同洪卓立係打台灣牌認識Photo from Hillary IG

Hillary公開同男友嘅合照,非常甜蜜。Photo from Hillary IG

Hillary指自己都收到好多類似嘅問題,佢嘅回答亦頗長,佢坦言呢個世界總會有人比自己優秀:「但你另一半選擇嗰個係你吖嘛」,佢指每個人都有自己獨特魅力,要相信自己:「與其花時間去比較,令自己胡思亂想,不如好好建立屬於你同另一半嘅感情同回憶吧!」

Hillary被網友問:「如何唔攞自己同另一半嘅前度做比較?」Photo from Hillary IG

曾拍拖11年,洪卓立同湯怡分手收場

洪卓立曾經同湯怡拍拖11年,2018年兩人宣佈分手,令一眾網民大感震驚。事後洪卓立出席活動時談及分手一事更忍唔住落淚,但佢維護女方指二人之間唔存在第三者,而係因了解而分開。事實上佢哋「分手仍是朋友」,一直都有互相like IG,分手3年後湯怡宣佈與麥秋成奉子成婚,洪卓立亦大方留言祝福:「恭喜恭喜!身體健康!幸福快樂!」

洪卓立曾經同湯怡拍拖11年,2018年兩人宣佈分手,令一眾網民大感震驚。Photo from 洪卓立IG

分手3年後湯怡宣佈與麥秋成奉子成婚,洪卓立亦大方留言祝福Photo from 湯怡IG

洪卓立與湯怡分手至今4年,湯怡已榮升做媽媽,不時喺IG晒一家三口嘅幸福日常,而洪卓立亦開展一段新感情,佢哋雖然未能修成正果,但依家各有新生活,都獲網友支持。

湯怡已榮升做媽媽,不時喺IG晒一家三口嘅幸福日常Photo from 湯怡IG

洪卓立亦開展一段新感情Photo from 洪卓立IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

湯怡被指扮幸福,網友爆麥秋成出面多女人?大方回應獲讚EQ高

24 Jan 2022

湯怡同麥秋成婚後經常被指夫妻感情一般,甚至「應該好快離婚」,湯怡亦曾霸氣回應。近日佢IG開「你問我答」時有網民疑指麥秋成愛偷食,仲話湯怡扮幸福扮得好假!本尊親自回應有關傳聞。

湯怡同麥秋成婚後經常被指夫妻感情一般,甚至「應該好快離婚」Photo from 湯怡 IG

湯怡透露麥秋成好忙,被指「好大怨氣」

湯怡2021年初無預警宣佈同排舞師麥秋成奉子成婚,一度成為熱話。同年兩人升呢做父母,湯怡不時會喺IG Story大晒一家三口生活日常。

湯怡2021年初無預警宣佈同排舞師麥秋成奉子成婚,一度成為熱話。同年兩人升呢做父母Photo from 湯怡 IG

向來中意以「你問我答」形式透露一家點滴嘅湯怡喺懷孕期間多次指老公麥秋成好忙,兩人甚少見面,經常自己單獨留喺屋企。當時有網民認為湯怡意有所指,暗示老公早出晚歸,心中似有「好大怨氣」。

向來中意以「你問我答」形式透露一家點滴嘅湯怡喺懷孕期間多次指老公麥秋成好忙,兩人甚少見面Photo from 湯怡 IG

湯怡曾指「婚姻唔需要任何人認同」

被指怨氣大,湯怡雖未正面回應,但就喺「520」當日大晒夫婦合照,力證佢哋感情無問題,麥秋成亦發文護妻,撐太太婚後依然溫柔!

被指怨氣大,湯怡雖未正面回應,但就喺「520」當日大晒夫婦合照,力證佢哋感情無問題Photo from 湯怡 IG

直到誕下女兒「麥QQ」後,網友都仲係唔睇好湯怡同麥秋成嘅婚姻可以長久,甚至直言兩人「好快就會離婚」!對此湯怡亦正面回應:「一笑置之,我哋兩公婆嘅婚姻唔需要任何人認同,多謝關心。」

直到誕下女兒「麥QQ」後,網友都仲係唔睇好湯怡同麥秋成嘅婚姻可以長久Photo from 湯怡 IG

網民疑爆料稱麥秋成「出面多女人」,湯怡大方回應

估唔到近日再有網民挑戰湯怡「你問我答」,更疑似大爆料:「你覺得麥大秋出面有幾多個女人!你扮幸福扮得好假 枉你仲係演員」,湯怡大方晒出網友質疑,回應:「多謝有一小撮人一直都特別關心我哋嘅婚姻」

近日再有網民挑戰湯怡「你問我答」,更疑似大爆料:「你覺得麥大秋出面有幾多個女人!你扮幸福扮得好假 枉你仲係演員」Photo from 湯怡 IG

湯怡稱自己雖然係演員但自問演技唔夠好,根本唔識扮幸福,仲話係要研究下:「多謝你嘅提點,而我哋嘅婚姻生活,只可以講『時間會證明一切』,謝謝」

湯怡:「多謝你嘅提點,而我哋嘅婚姻生活,只可以講『時間會證明一切』,謝謝」Photo from 湯怡 IG

湯怡曾多次暗示夫妻少聯絡?!

有網民認為湯怡經常喺網上分享佢嘅日常先會令人覺得佢哋夫妻關係唔好,例如佢曾表示自己換咗手機號碼,但老公麥秋成竟然唔知!湯怡又話同老公好耐無講嘢:「大家不嬲都唔覆message嘅」

湯怡曾表示自己換咗手機號碼,但老公麥秋成竟然唔知!Photo from 湯怡 IG

湯怡又話同老公好耐無講嘢:「大家不嬲都唔覆message嘅」Photo from 湯怡 IG

湯怡稱麥秋成block咗佢?!Photo from 湯怡 IG

有網民認為湯怡經常喺網上分享佢嘅日常先會令人覺得佢哋夫妻關係唔好Photo from 湯怡 IG

湯怡稱佢平時好少問麥秋成幾點收工,甚至連對方出去做咩都唔知,網友指:「連老公幾點收工都唔問,咩嘢夫妻關係?」,但湯怡表示:「男人要管就無用啦。」

湯怡稱佢平時好少問麥秋成幾點收工,甚至連對方出去做咩都唔知Photo from 湯怡 IG

網友指:「連老公幾點收工都唔問,咩嘢夫妻關係?」Photo from LIHKG

雖然有人直言湯怡成日喺Story好似想畀說話老公聽,暗示麥秋成唔夠關心佢,但亦有網民認為佢有時只係講笑,或者係佢哋夫妻獨有相處之道。

有網民認為湯怡有時只係講笑,或者係佢哋夫妻獨有相處之道。Photo from 湯怡 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel