香港vs日本中小學飯盒大比拼 網民盤點港飯商弊處 堪稱童年陰影?

暑假話咁快就完又到開學嘅日子，網上耐唔耐就會有人係網上發文投訴中小學生學校飯盒，指賣相麻麻食落味道更加麻麻，而今個學年暫時都仲係上半日面授課，家長們暫時都唔洗擔心學校膳食。有網民就指好羨慕日本小學嘅飯盒，到底同香港有幾大分別？

Photo from LIHKG討論區截圖

小學飯盒係集體回憶？

學校飯盒絕對稱得上香港人嘅集體回憶之一，相信香港人細個點都試過一間覺得唔好食嘅飯盒供應商，仲唔食唔得！早前就有網友分享小學生午餐飯盒嘅菜式仲寫埋食評，並希望大眾可以關注下小學生膳食，引起網友熱烈討論。

Photo from LIHKG討論區截圖

Photo from LIHKG討論區截圖

Photo from LIHKG討論區截圖

盤點香港小學飯盒問題

總括黎講因為香港中小學嘅飯盒都係提前整好焗住再運到學校，有倒汗水，令到碳水化合物嘅食物變得乾身，瓜、菜類就變得好淋，有汁嘅食物又因為放得耐而變成啫喱狀，仲有唔夠餸嘅問題，搞到賣相同味道都唔太討好，無論換邊間飯商都有同一個問題，有網友分享揀飯商時試食同黎到嘅飯盒係兩回事，更有網民指小學飯盒係「童年陰影」。

Photo from LIHKG討論區截圖

Photo from LIHKG討論區截圖

Photo from LIHKG討論區截圖

即睇更多人氣文章：

00後唔識用速成/倉頡打字 連登仔發長文慨嘆:一代不如一代

19歲少女與65歲伯伯閃婚！新郎豪送37萬禮金+房屋/新車！強調並非為錢而出嫁！

日本小學午餐製作過程

有網民就指無論係睇日劇定睇動畫，日本小學嘅午餐都似乎色、香、味俱全，仲一定會有一支牛奶，令人非常羨慕～日本嘅學校仲甚至有一塊地比學生種地同自己煮飯，而無呢個條件嘅學校就由營養午餐中心提供午飯，日本Youtuber Ryu同Yuma就曾經拍片介紹過日本營養午餐中心嘅工作流程～

Photo from 《我們這一家》截圖

營養午餐中心由朝早7點45分開始運作，牛奶、蔬菜同肉類等原材料逐一送到，工作人員仲會為牛奶測溫，確保品質，而蔬菜由唔同農家送黎，睇落非常新鮮同乾淨，排得好整齊！

Photo from Youtube Ryuuu TV / 學日文看日本

營養均衡又便宜

佢地要為多間小學提供午飯，每日都會為午餐寫上菜名、所用食材、卡路里、碳水化合物、蛋白質同脂肪嘅含量，加上政府政策會提供配餐設備、工作人員工資同運輸費，家長只需要比原材料費就得，一份午餐只需230至270日圓，相當於港幣十零蚊就有交易！

Photo from Youtube Ryuuu TV / 學日文看日本

而學校午餐嘅菜單由營養師制定，根據小朋友營養所需同健康而設計，日本嘅小朋友唔鍾意食大豆類嘅食物，營養師仲會用營養價值差唔多嘅食物代替，加上每日都會有一支牛奶，絕對唔怕營養唔夠！午餐由9點正式開始製作，要係12點送到學校，仲要確保飯菜唔需要額外加熱仲都係熱嘅，對於製作速度都有要求。

Photo from Youtube Ryuuu TV / 學日文看日本

製作過程嚴謹認真

首先工作人員一定要經過全身消毒同著無菌服，而食物製作基本上都係靠機器操作，將菠菜切開、炸雞胸肉、將煮好嘅飯打散都係依靠機器，某啲唔方便用機器嘅程序先用人手操作，煮味噌湯就會用超大型嘅鍋一次過煮好，營養師仲會每一樣都試味同測溫，確保唔會太鹹太淡同一定煮熟，再由工作人員分裝，然後送到學校。

Photo from Youtube Ryuuu TV / 學日文看日本

Photo from Youtube Ryuuu TV / 學日文看日本

Photo from Youtube Ryuuu TV / 學日文看日本

Photo from Youtube Ryuuu TV / 學日文看日本

網民超羨慕日本小學生！

到最重要嘅試食環節，粒粒分明嘅白飯配上蔬菜味噌湯，湯入面有紅蘿蔔、白蘿蔔、魔芋同炸過嘅豆腐，仲有麻醬拌菠菜同炸芝士雞胸肉做餸，加上一定會有嘅牛奶，真係營養滿分！難怪網友雖然覺得份量略少，但都超羨慕日本小學生，香港網民更加表示完全無得比～

Photo from Youtube Ryuuu TV / 學日文看日本

Photo from Youtube截圖

Photo from Youtube截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）