download HolidaySmart 假期日常 app
袁偉豪豁達面對傳聞,大呻「無軟飯食」!過往曾因網民留言而爆怒?回應樣貌憔悴原因!

袁偉豪豁達面對傳聞,大呻「無軟飯食」!過往曾因網民留言而爆怒?回應樣貌憔悴原因!

娛樂新聞
By Stephanie on 02 Sep 2022
Digital Content Writer

袁偉豪於2020年與張寶兒結婚,由於女方家庭背景顯赫,令佢被網民稱為「億萬駙馬」。近日,袁偉豪熱衷於經營自己嘅抖音帳號,過往非常介意外界指佢「食軟飯」,但就罕有地喺片中講笑咁話「宜家無軟飯食啦」!

袁偉豪同張寶兒從2020年結婚至今,二人感情依然超甜蜜~Photo from 張寶兒IG

袁偉豪用心拍攝抖音短片

袁偉豪同張寶兒結婚後感情甜蜜,早前女方遠赴日本拍攝旅遊節目《45日環遊日本》(暫名),而袁偉豪都好貼心咁去送機同接機。眼見妻子咁努力工作,佢都唔執輸為咗維持喺內地嘅人氣,用心經營抖音帳號拍短片同網民互動。

張寶兒早前飛往日本拍攝旅遊節目,老公貼心去送佢機!Photo from 娛樂新聞台

而袁偉豪近來就似乎好熱衷於拍攝抖音!Photo from 袁偉豪抖音

樂觀面對過往傳聞「沒有軟飯吃啦」!

而袁偉豪亦非常放得開咁喺拍片時提及傳聞,指發現自己唔夠錢搭車,直言「宜家冇軟飯食啦」,順便宣傳曾經出演過嘅節目《打工捱世界》!雖然影片好明顯係「度橋」後拍嘅,但內地網民就大讚佢對樂觀面對傳言嘅態度。

袁偉豪拍攝抖音影片,話自己搭車唔夠錢。Photo from 袁偉豪抖音

袁偉豪講笑咁話自己宜家已經「冇得食軟飯」!Photo from 袁偉豪抖音

內地網民大讚袁偉豪樂觀嘅態度~Photo from 袁偉豪抖音

過往曾因「食軟飯」傳聞而憤怒

過往袁偉豪曾因為女方家庭背景好而被指「食軟飯」,過往佢曾喺IG發長文回應「請你地繼續去批評我,繼續話我食軟飯,你們的負面批評只會讓我繼續努力去做好自己!」而張寶兒亦為老公護航指屋企嘅大部分開支都由男方支付,sweet爆表示「佢一直養緊我!」

張寶兒曾為老公澄清,指對方負責屋企大部分嘅開支!Photo from 袁偉豪IG

即睇更多人氣文章:

兩夫婦開IG直播晒恩愛

除此之外,袁偉豪近日從澳洲回港正於酒店隔離中,夫婦二人近日喺IG開直播晒恩愛。期間有網民直言袁偉豪樣貌憔悴,而張寶兒愛夫心切立刻話「你狀態好咗好多,你係逆齡,希望大家睇到你嘅努力。」

近日袁偉豪正於酒店隔離中冇,夫婦二人就喺IG開直播Photo from 張寶兒IG

期間有網民覺得袁偉豪狀態唔好,而張寶兒就極力護航!Photo from 張寶兒IG

袁偉豪今年初出現脫髮問題?

而袁偉豪自爆喺今年初因為拍戲壓力大,導致出現掉髮問題「曾經有一個月時間『劇疊劇』,結果拍到甩髮。」亦直接承認當年好在意網民話佢「食軟飯」,認為自己多年嘅努力一下子被埋沒!

而袁偉豪表示自己今年初因為壓力大,導致出現脫髮問題!Photo from 袁偉豪IG

袁偉豪張寶兒2020年結婚,女方被爆家世顯赫

41歲袁偉豪於2020年與張寶兒結婚,結婚當日女方身穿中式裙褂禮服,手上戴咗3對巨型龍鳳鈪,而頸上亦掛住4對龍鳳鈪,果然係非同凡響!過往張寶兒被爆家境豐厚,爸爸係經營內衣生意嘅,喺香港坐擁多個物業,當中唔少都喺禮頓山,傳手持嘅物業至少值$3億。

袁偉豪同張寶兒喺2020年結婚,當時女方手上戴咗3個龍鳳鈪,氣派十足!Photo from 袁偉豪IG

據悉張寶兒嘅爸爸經營內衣生意,持有多個物業!Photo from 袁偉豪IG

二人以$6,500萬購入愛巢!

據悉,二人聯名以大約$6500萬購入位於清水灣盤傲瀧嘅2000平方呎複式單位,但當時就有網民認定係二人結婚,所以女方家人贈送嘅禮物,導致傳聞四起!

二人以聯名方式購入位於清水灣嘅複式豪宅。Photo from 袁偉豪IG

豪宅大約係2000平方呎,仲連埋花園!Photo from 袁偉豪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

袁偉豪罕有地於慈善活動載歌載舞,老婆張寶兒化身小粉絲激讚!大晒丈夫年輕時照片,狂讚靚仔有型!

31 May , 2022

袁偉豪張寶兒於2020年結婚,二人亦不時於IG上大晒恩愛。最近,袁偉豪與男團Super Tiger於《萬眾同心公益金》表演唱歌跳舞;而作為妻子嘅張寶兒就化身做小粉絲,大讚老公能歌善舞;仲大晒老公年輕時做模特兒嘅照片,狂讚靚仔!

袁偉豪與Super Tiger一齊表演,獲老婆張寶兒大力支持!Photo from 《萬眾同心公益金》

袁偉豪 張寶兒婚後依然好恩愛!

現年41歲嘅袁偉豪喺2020年與張寶兒結婚,仲因此被冠上「千億駙馬」嘅稱號。但兩夫婦懶理外界傳言,感情依然十分甜蜜,成日都會喺社交媒體上大晒恩愛~

張寶兒同袁偉豪於2020年結婚!Photo from 張寶兒IG

二人婚後都成日晒恩愛!Photo from 張寶兒IG

袁偉豪聯同Super Tiger一齊表演!

上個星期六(28日),袁偉豪獲邀於《萬眾同心公益金》獨自表演唱歌,隨後再同男團Super Tiger一齊大晒舞技表演《這個冬天不太冷》以及《頭髮亂了》,向歌神張學友致敬!不過唔少網民都表示舞蹈十分尷尬「8個男人喺度跳緊80年代健康舞」、「為我提供咗歡樂」等;亦有人表示袁偉豪嘅唱功尚可接受,作為演員而言算係唔錯~

袁偉豪率先獨唱《祝福》!Photo from 《萬眾同心公益金》

而佢仲同Super Tiger連跳2首歌!Photo from 《萬眾同心公益金》

大部分網民都表示舞蹈表演真係非常尷尬!Photo from TVB YouTube

老婆化身小粉絲於電視前觀看直播!

正所謂「情人眼裡出西施」,雖然大部分網民都對舞蹈表演有意見,但作為太太嘅張寶兒當然100%支持老公啦!佢喺電視前面緊守節目直播大讚「唔錯唔錯!有d料到」,無意中透露原來袁偉豪嘅服裝係由佢所準備嘅;仲興奮咁話「袁太$1,000」,行動上都好支持老公~

張寶兒守住電視睇袁偉豪嘅表演直播!Photo from 張寶兒IG

大讚老公唱歌跳舞都好厲害~Photo from 張寶兒IG

原來表演服裝都係佢準備~Photo from 張寶兒IG

大晒丈夫模特兒時期照片,狂讚有型!

兩夫妻今年即將踏入結婚2週年,二人感情一直都有增無減,而張寶兒仲似乎化身做袁偉豪嘅「小粉絲」一樣~早前,佢喺IG大晒袁偉豪年輕時擔任模特兒嘅照片,只見當年嘅袁偉豪神情害羞又青澀,而張寶兒就忍唔住瘋狂大讚好靚仔!

張寶兒大晒袁偉豪年輕時擔任模特兒嘅照片。Photo from 張寶兒IG

忍唔住不停大讚老公靚仔,變身做小粉絲!Photo from 張寶兒IG

二人已經準備好做父母?!

而袁偉豪最近接受媒體訪問時,自爆婚後變得更加宅「連揸電單車出去都少咗」,仲話以前嘅自己比較強勢,但現時就甘願遷就太太做「小男人」,又難怪張寶兒咁愛佢嘅~而佢亦透露二人對「生B」計劃抱持順其自然嘅諗法,但就直言已經隨時準備好做爸爸!

袁偉豪最近受訪時表示,婚後變得更加鍾意留喺屋企!Photo from 張寶兒IG

袁偉豪話自己隨時準備做爸爸,但直到妻子正值事業上升期,所以抱持順其自然嘅心態!Photo from 張寶兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel