荃灣威威除罩拍廣告後星途黯淡？！已「消失」3個星期！連粉絲專頁都停止運營？
喺荃灣豬肉檔工作嘅威威（劉宋威）今年突然爆紅，並且仲成功出道拍埋廣告，一度引起熱話。不過自從佢「除罩」拍廣告之後人氣持續下降中，近日有網民發現佢嘅社交媒體及粉絲專頁都已經停止更新3個星期喇，令好多人都認為威威似乎星途黯淡？！
Photo from 威威 劉宋威Samuel @YouTube
荃灣威威今年5月爆紅，正式出道！
荃灣威威（劉宋威）今年5月突然爆紅，事關佢嘅外型成功迷倒唔少師奶，引起熱議。人紅自然是非多！喺佢爆紅之際，網民亦大爆佢過往嘅「黑歷史」，指佢疑似做過古惑仔、傳銷等工作，而威威就爆喊咁話「點解有紋身就唔係好人？！」
Photo from 威威IG
除罩拍廣告後 人氣急跌！
早前，威威首度「除罩」拍廣告，以真面目面對公眾成功再次引起話題；然而喺廣告出街之後，佢嘅人氣卻不停下滑？！而佢有份代言嘅密實袋仲因為送限量100張嘅「威威簽名閃卡」，遭大量網民批評「見到張卡搞到唔敢買」、「送豬肉仲好啦」等！喺Carousell交易網站中，仲有網民以$15出售金卡。
Photo from Life Nutrition @YouTube
Photo from 連登討論區
嘗試靠粉絲紋身挽留人氣
雖然威威嘅星途似乎出現阻滯，但佢都花足心機去挽留「威威豬」（粉絲名稱）嘅心，甚至將粉絲們紋喺右邊手臂，冧爆咁話「代表威威豬對我嘅支持，你哋嘅留言同讚好我都收到晒！」
Photo from 威威 劉宋威Samuel @YouTube
Photo from 威威 劉宋威Samuel @YouTube
即睇更多人氣文章：
威威已停止更新社交媒體 3個星期！
近日，有網民發現威威似乎潛咗水，演藝工作嘅數量都比以前少咗好多。睇返威威嘅IG帳號，佢對上一次更新已經係8月15日宣傳YouTube嘅紋身影片，足足停止出post3個星期！同樣地佢嘅YouTube頻道最新影片係「紋威威豬」嘅影片，截至今日（5日）為止該影片嘅觀看人數有1.9萬。
Photo from 威威IG
Photo from 威威 劉宋威Samuel @YouTube
連粉絲專頁都靜晒！
威威潛水之餘，其實「威威豬」們都潛咗水？！威威擁有1.8萬粉絲follow嘅FB粉絲專頁「荃灣鮮肉威威應援團」近日都冇出post好耐，最古怪嘅就係佢哋對上一次出post嘅日期都係8月15日，當時有粉絲就以一句「相信威威，遇難愈強」俾鼓勵威威！
Photo from 荃灣鮮肉威威應援團 FB
Photo from 荃灣鮮肉威威應援團 @FB
有粉絲大爆同群組管理員有關？！
有威威豬曾於專頁留言詢問「群組靜咗好多」，有匿名嘅粉絲回應「管理員失蹤」，似乎係暗示管理員唔批post導致粉絲們無法喺群組中交流？！唔少網民就專登去「朝聖」粉絲專頁，笑言「打手未出糧，咁靜嘅」、「點解所有嘢都停晒嘅？退出了嗎？」等留言。
Photo from 荃灣鮮肉威威應援團 FB
Photo from 威威IG
Photo from 荃灣鮮肉威威應援團 FB
過往曾有粉絲被爆係集團高層？
其實過往有一位忠實嘅「威威豬」出席晒所有威威嘅公開活動，經常喺專頁內出post大晒與威威嘅合照等，但卻被爆疑似係集團嘅女高層，瞬間被大家懷疑扮粉絲幫手谷人氣。不過睇返專頁，呢位「粉絲」近期都甚少留言，未知係咪已經「脱粉」呢？！
Photo from 威威IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
荃灣威威大晒「威威豬」紋身力保人氣？！網民反應冷淡！YouTube片點擊率持續下跌中？
18 Aug , 2022
Photo from 劉宋威IG
荃灣威威除罩後人氣大跌！
近日「荃灣威威」劉宋威獲得唔少廣告代言工作，而佢一向都走神秘風，大多配戴口罩曝光於大眾面前，即時喊都堅持戴住口罩！但佢就喺其中一個廣告罕有地除口罩，露出「廬山真面目」，令唔少粉絲都表示超期待！
Photo from 劉宋威IG
Photo from 劉宋威IG
真面目與想像中有出入？
然而，喺威威除低口罩之後，網民嘅反應卻意外冷淡。唔少網民都覺得佢嘅樣貌同想像中有出入「同羅志祥差好遠」、「好似都係戴返口罩好啲」等反應，疑似有「脱粉」現象出現。而網民都發現佢嘅廣告曝光後，佢嘅工作量及幕前曝光率都低咗好多，質疑佢係咪人氣大跌？！
Photo from Life Nutrition @YouTube
Photo from Life Nutrition @YouTube
新紋身圖案被網民指抄襲？
而威威最新紋身圖案「威威豬」早前被網民大爆疑似抄襲超高人氣嘅「LuLu豬」，但亦有網民指同日本插畫家嘅LINE stickers「Piglet Moving Japanese」相似，就連紋身圖案都引起爭議！
Photo from Lulupig 網站
Photo from Line網站
上載「威威豬」紋身過程影片
日前威威懶理網民嘅傳言，拍片帶大家一齊直擊紋「威威豬」嘅經過，而佢表示會將圖案紋喺自己嘅右手臂上，而圖案背後隱藏含義「代表威威豬對我嘅支持，你哋每個留言同讚好我都收到晒！」
Photo from 威威 劉宋威Samuel @YouTube
Photo from 威威 劉宋威Samuel @YouTube
嘗試用紋身挽留粉絲？！
而威威仲話今次嘅紋身圖案係度身訂造嘅，只見紋身圖案係由好多隻小豬圖案形成，中間嘅小豬仲攞住粉絲燈牌寫上「Wai Wai」，應該係寓意「粉絲們一直喺佢身邊」～而佢亦透露今年所發生嘅所有事都令佢喜出望外，形容係「好特別嘅回憶，跳咗出框框外面。」
Photo from 威威 劉宋威Samuel @YouTube
網民反應冷淡！
威威又透露自己喺18歲嘅時候第一次紋身，當時紋咗喺右邊腳，圖案係最鍾意嘅日本風格圖！而佢亦好滿意今次「威威豬」嘅紋身，希望粉絲們都能夠繼續陪伴佢～不過網民嘅反應明顯冇之前咁熱烈，而部份網民仲留言「有自知之明啦⋯⋯仲發明星夢???」、「都係賣豬肉算啦」等。
Photo from 威威 劉宋威Samuel @YouTube
Photo from 威威 劉宋威Samuel @YouTube
Photo from 劉宋威IG
YouTube片段點擊率明顯下降？
睇返威威嘅YouTube片段嘅點擊率，最新影片上載咗2日瀏覽人數大約係8千人，然而佢嘅影片觀看人數似乎比以前少咗！近期佢經常上載日常生活嘅影片，然而教大家煮餸嘅影片其實更加受歡迎，睇嚟威威今次要改變下策略先能夠抓住粉絲嘅心喇～
Photo from 威威 劉宋威Samuel @YouTube
Photo from 威威 劉宋威Samuel @YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
