楊丞琳於內地節目強調「我是廣東人！」揚言於台灣食海鮮好奢侈？言論引起台灣網民不滿

娛樂新聞

By Stephanie on 06 Sep 2022

Digital Content Writer

有「可愛教主」之稱嘅楊丞琳喺台灣長大並且出道，直到2019年與內地歌手李榮浩結婚後就經常返內地發展。近日，佢出演綜藝節目《還有詩和遠方》時就強調自己係廣東人，呢番話引起台灣網民不滿，狠批「向人民幣低頭」、「不要回來了」等！

Photo from 楊丞琳IG

「可愛教主」楊丞琳近年返內地工作

38歲嘅楊丞琳自從同內地男歌手李榮浩結婚後，就「夫唱婦隨」將事業重心放咗返內地，近年出演嘅綜藝節目非常多，包括有：《乘風破浪的姐姐2》、《心動的信號2》等，令佢喺當地嘅人氣急升！

Photo from 李榮浩微博

Photo from 《乘風破浪的姐姐2》

節目中強調自己係廣東人！

近日，楊丞琳出演節目《還有詩和遠方》與多位嘉賓一齊共進晚餐，期間佢主動提及「我在台北長大，但是我是廣東人。」過往佢曾喺內地節目《蒙面歌王》、《聲生不息》中表示爸爸係廣東人，自小就被規定要學好廣東話。

Photo from 《還有詩和遠方》

揚言於台灣食海鮮係奢侈？！

其後，楊丞琳又補充「先生（李榮浩）是蚌埠人，我來這節目也是想要跟文化圈多交流，覺得可以學到很多」；而當時佢哋食緊其中一道名叫「豆腐魚」嘅菜色，有來賓好奇詢問「你台灣人怎麼沒吃過？」，而佢就回覆「沒吃過！其實我在台灣沒吃過什麼海鮮，早年家庭經濟壓力挺大的」仲話食海鮮對於台灣人而言係奢侈！

Photo from 《還有詩和遠方》

即睇更多人氣文章：

「中國第一懶人」楊鎖23年躺平人生！長期受父母溺愛導致失去自理能力！

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

激怒大批台灣網民！

楊丞琳以上嘅言論都令台灣網民非常憤怒，一方面認為佢唔懂得飲水思源，批評佢「說你是廣東人就好了，不要扯到台灣好嗎！」、「又一位愛錢的藝人」等。部份網民表示佢嘅生日日期喺內地係敏感字眼，講笑咁話「看來生日變成5月35日了」、「以後還過生日嗎？」！不過亦有部份台灣網民覺得楊丞琳講嘅的確係事實「都嫁過去了！就不要再管她了。」

Photo from 浙江衛視 YouTube

Photo from 維基百科

網民狠批：為錢講大話

部份網民就紛紛喺佢社交媒體嘅照片中尋找到佢多次食海鮮嘅「證據」；而網民非常不滿佢話「在那兒（台灣）吃海鮮是很奢侈的」，認為佢為節目效果而亂講「原來蚵仔煎是那麼奢侈？」、「四面環海跟我講吃海鮮很奢侈」；而楊丞琳嘅IG留言數量暫時有所限制，而FB則關上留言功能。

Photo from 楊丞琳FB

Photo from 楊丞琳IG

Photo from 浙江衛視 YouTube

過往幾度提及廣東人身分

其實楊丞琳已經唔係第一次喺節目中強調自己係廣東人！過往佢喺出演《聲生不息》嘅時候就話「廣東人一定要識廣東話！」，並為咗表演廣東歌而每日苦練廣東話嘅發音，最終表演完後成功獲網民大讚發音夠標準。

Photo from 《聲生不息》

相關文章：吳若希唱《越難越愛》飆高音晒唱功為楊丞琳和音！肉緊表情掀熱議

相關文章：楊丞琳身高同張柏芝差好遠？網民列幾大證據質疑楊丞琳報大身高

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

楊丞琳翻跳韓團aespa舞蹈播《Next Level》英文原曲被狠批

30 Aug , 2022

楊丞琳近日係內地節目大跳韓國女團aespa嘅歌《Next level》嘅舞蹈，但因為內地「限韓令」所限，所以播放嘅背景音樂唔係aespa版歌曲，而係《Next level》英文原曲，節目播出後引起韓國網友極度不滿！

Photo from 《沸騰校園》截圖

大跳神曲《Next level》

楊丞琳係上年參加《乘風破浪的姐姐》第二季後以第三名成團，令佢係內地嘅知名度同人氣急升！佢近日參加內地最新綜藝節目《沸騰校園》，係隨機舞蹈環節大跳韓國女團aespa嘅神曲《Next level》，不過編舞雖然同aespa跳嘅一樣，但播放嘅背景音樂係《Next level》嘅英文原曲，令韓國網友大感不滿。

Photo from 《乘風破浪的姐姐》截圖

受限韓令影響

內地係2016年開始實施「限韓令」，除咗禁止韓國藝人出席活動之外，仲封殺所有韓劇同韓國綜藝，就連內地節目都唔可以邀請韓國藝人同播韓文歌！雖然「限韓令」目前對部分韓劇有解禁，不過韓文歌就仍然唔播得！

Photo from 《沸騰校園》截圖

即睇更多人氣文章：

00後唔識用速成/倉頡打字連登仔發長文慨嘆:一代不如一代

19歲少女與65歲伯伯閃婚！新郎豪送37萬禮金+房屋/新車！強調並非為錢而出嫁！

《Next level》全球大熱

《Next level》係aespa 2021年推出嘅作品，推出後係全球爆紅，副歌部分嘅舞蹈更加引起全球粉絲瘋狂模仿！其實呢首歌改編至電影《狂野時速：雙雄聯盟》，韓國SM娛樂嘅社長當時取得歌曲版權後交由aespa翻唱，為咗同原唱有分別仲加入韓文rap等新元素同重點編舞，令aespa憑此曲獲得MAMA「最佳女團舞蹈表演獎」，亦獲得韓國音樂大獎嘅「年度歌曲大獎」同「最佳K-POP歌曲獎」等。

Photo from aespa 《Next Level》MV截圖

網民反應兩極

aespa嘅《Next level》係全球大熱，甚至比原曲更紅！所以韓國網民認為楊丞琳跳嘅舞同aespa版一樣，但就播電影英文原曲，非常唔尊重aespa同KPOP，更指佢因為「限韓令」唔可以播韓文歌，但又跳韓國女團嘅舞，做法矛盾，「舞蹈也是韓國人編的，為什麼要跟著跳啊」、「中國沒有編舞家嗎？」有唔少內地網友雖然對楊丞琳嘅翻跳給予好評，不過亦有網民更加認為歌同舞唔夾，加上一群「臨演」觀眾，令佢跳得有啲尷尬！