52歲英國富翁收留39歲烏克蘭難民女子!幾週後即戀上對方並私奔,拋下妻子及3名孩子!

52歲英國富翁收留39歲烏克蘭難民女子!幾週後即戀上對方並私奔,拋下妻子及3名孩子!

時事熱話 生活熱話
By Stephanie on 06 Sep 2022
Digital Content Writer

「俄烏戰爭」爆發至今已經超過半年,唔少烏克蘭嘅居民嘅家園都遭受破壞,令佢哋迫不得已要搬遷,唔少國家都出手相助接收難民。其中一名英國富翁就慷慨收留一名年輕烏克蘭女子,俾佢搬入自己嘅莊園居住;然而對方搬入去幾個星期後,佢就選擇同對方私奔?!

52歲Haakon Overli 戀上39歲烏克蘭難民女子,決定與對方私奔!Photo from Haakon Overli Twitter

英國富翁3月時主動要求協助烏克蘭難民

根據外媒報導,52歲嘅英國千萬富翁奧佛利(Haakon Overli)今年3月嘅時候喺Twitter發文表示家人同佢都希望能夠協助一名烏克蘭難民,並寫信要求遊說首相、內政大臣巴特爾(Priti Patel)等英國官員幫手,希望儘快俾對方到英國安居。

52歲嘅英國富翁Haakon Overli 今年3月主動表示想幫助烏克蘭嘅市民。Photo from Bloomberg Technology

成功收留39歲女仔,獲官員侯俊偉讚揚!

其後,奧佛利喺今年5月成功收留來自烏克蘭嘅39歲難民女子 Mariia Polonchuk,並讓對方居住喺薩里郡嘅莊園裡面。同一個月,富翁一家人以及該女子仲一齊出席公開活動,當時佢哋全部人同前衛生大臣侯俊偉(Jeremy Hunt)合照,而侯俊偉亦大讚佢嘅大愛精神「 it was great to meet a Ukrainian family being hosted by a local family!」

今年5月,英國富翁一家及難民女仔(紫色衫)與英國官員Jeremy Hunt合照!Photo from Jeremy Hunt Twitter

如今卻決定拋棄妻兒,與難民女子私奔!

然而,溫馨嘅故事卻出現大反轉!近日,億萬富翁被爆與難民女子擦出愛火,二人相處咗短短幾個星期就發展成情侶;而最過分嘅係富翁現時已經與難民女子私奔,拋下妻子伊莫珍(Imogen Overli)及3名孩子。事件曝光後,奧佛利嘅Twitter帳號已經設定為私人帳號,未知係咪想避免網民嘅批評。

事件曝光後,Haakon Overli將Twitter帳號設定為私人帳號!Photo from Haakon Overli Twitter

即睇更多人氣文章:

現時為歐洲最大規模軟體公司創辦人之一

據悉,奧佛利目前身家達到500萬英鎊(約港幣4,500萬),喺2000年曾創立網上股票公司Self Trade,但同年就以9億英鎊出售公司。後來,佢亦曾於備受爭議嘅Wonga公司擔任董事,其後再次辭任;現時佢係Dawn Capital嘅其中一位創辦人,公司被譽為歐洲規模最大嘅B2B軟體專業投資商家,市值逾200萬英鎊(約港幣1,800萬)。

現時Haakon Overli 係Dawn Capital嘅其中一位創辦人!Photo from Linkedin

過往亦曾有類似事件出現!

其實過往都曾經有類似情況出現過!今年5月,外國媒體報導29歲嘅英國男子Tony與22歲嘅烏克蘭女仔Sofiia認識短短10日就決定私奔,拋低交往8年嘅女友及2名女兒(相識過程請參閱下面嘅相關文章~)不過喺二人私奔短短2個月就出現狀況!

Tony認識咗來自烏克蘭嘅Sofiia,只係認識10日就決定同對方一齊私奔!Photo from 《The Sun》

而Tony就拋下交往8年嘅Lorna及2名女兒,感情終究敵不過新鮮感!Photo from 《The Sun》

二人最終經濟出現問題!

當時Tony同Sofiia嘅愛情故事被廣傳,而唔少網民都狠批二人嘅行為,導致Tony被雇主解僱面臨失業「我由一星期賺到2,000英鎊(約港幣1.8萬)嘅有為青年,變成一無所有!」,但堅稱唔後悔同對方相戀!而女方喺今年7月時候因為眼睛受感染,導致部份視力受阻,所有起居生活都需要由Tony貼身照顧,令唔少網民都感嘆「皇天有眼!」

事件曝光後,男方立刻被解僱變成無業人士,靠家人嘅資金過生活Photo from GB news

而今年7月女方因為眼睛受感染,視力受阻,需要男方照顧起居飲食Photo from New York Daily

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

英國男子收留烏克蘭難民後拋妻棄女!與美女相處10日堅決私奔

23 May , 2022

【俄烏戰爭】俄羅斯烏克蘭衝突持續,英國傳媒報道一位29歲男子Tony與佢嘅伴侶Lorna收留22歲嘅烏克蘭難民Sofiia 10日後,Tony就決定拋棄8年感情嘅妻女,同Sofiia私奔,掀起網民關注。

29歲男子Tony與佢嘅伴侶LornaPhoto from 《The Sun》

英國男Tony收留烏克蘭美女難民

俄烏戰爭至今已有3個月,唔少當地居民都紛紛逃至鄰近嘅各個城市。據英國《太陽報》報道,29歲英國男子Tony本來簽署咗收容難民協議,但認為申請過程太慢,於是喺社交網站提供幫助,Tony認識咗22歲嘅烏克蘭人Sofiia,並提出要支持幫助佢。

29歲英國男子Tony本來簽署咗收容難民協議,但認為申請過程太慢,於是喺社交網站提供幫助,Tony認識咗22歲嘅烏克蘭人SofiiaPhoto from 《The Sun》

不過Tony 28歲嘅伴侶Lorna一開始對於收留難民持保留意見,佢坦言帶一個陌生人返屋企住呢個決定佢考慮咗好耐,但Tony堅持咁做,後來Lorna覺得烏克蘭局勢對普通人嚟講的確好嚴峻,所以喺佢哋急需時應該要提供幫助,最終佢同意Tony嘅做法,但估唔到呢個決定會影響佢一家。

Lorna一開始對於收留難民持保留意見,佢坦言帶一個陌生人返屋企住呢個決定佢考慮咗好耐,但Tony堅持咁做Photo from 《The Sun》

烏克蘭美女Sofiia化妝、打扮性感等Tony下班?

Sofiia從烏克蘭首都基輔,輾轉波蘭、德國等地,終於喺5月獲得簽證,入住Tony同Lorna所住嘅屋企。Sofiia一入住,Tony就要求6歲嘅女兒搬去同3歲妹妹瞓碌架床,空出一間房畀Sofiia。

Lorna表示Sofiia無心同佢交流,平時瞓到12點先起身,朝早唔會化妝、打扮,但一到下晝5點Tony收工返屋企佢就梳頭、化妝,仲著上性感上衣。慢慢地Tony同Sofiia越走越近,Lorna指鄰居曾提醒佢發現Tony同Sofiia表現十分親密,雖然Lorna提醒自己唔好諗咁多,但最終發現佢哋真係背住佢發展感情。

Lorna表示Sofiia無心同佢交流,平時瞓到12點先起身,朝早唔會化妝、打扮,但一到下晝5點Tony收工返屋企佢就梳頭、化妝,仲著上性感上衣Photo from 《The Sun》

Tony拋棄妻女,與Sofiia相識10日私奔

Lorna十分不滿,要求Sofiia立即離開,但Tony卻決定陪Sofiia一齊走,兩人更搬到Tony母親屋企同居。Lorna指雖然佢無同Tony結婚,但佢哋2014年就喺埋一齊,更育有2個女兒,本來家庭美滿,但Tony為咗一個僅僅認識10日嘅女人就離開佢嘅家。

Lorna指雖然佢無同Tony結婚,但佢哋2014年就喺埋一齊,更育有2個女兒,本來家庭美滿,但Tony為咗一個僅僅認識10日嘅女人離開佢嘅家。Photo from 《The Sun》

Sofiia稱原配妒忌反拉近佢同Tony嘅距離,擔心影響烏克蘭難民形象

對此,Tony同Sofiia卻有另一番說法,Sofiia指佢每日等Tony回家先化妝打扮嘅講法並唔係真,佢聲稱自己完全無打算破壞Lorna嘅家庭,自己雖然有嘗試同Lorna拉近距離,但對方抱有好大戒心,並越嚟越妒忌佢同Tony相處,反而令佢同Tony關係變得親近。

Sofiia聲稱自己完全無打算破壞Lorna嘅家庭Photo from 《The Sun》

Sofiia指佢擔心佢同Tony嘅故事會影響英國人對烏克蘭人嘅印象,決心要澄清佢唔係主動破壞Tony嘅家庭。而Tony就坦言佢同Sofiia係一見鍾情,因為佢識講斯洛伐克語所以可以同Sofiia交流,Sofiia會陪佢去健身,兩人一齊鍛煉又喺車度傾偈漸漸互生情愫,Tony:「我知道我哋之間發生咗一啲事,Sofiia都有同感,我哋都無法阻止呢件事。」

Sofiia喺基輔影嘅相,佢指擔心佢同Tony嘅故事會影響英國人對烏克蘭人嘅印象,決心要澄清佢唔係主動破壞Tony嘅家庭。Photo from 《The Sun》

Tony、Sofiia坦承互相一見鍾情,將申請永久簽證定居英國

Tony表示佢同Sofiia互相吸引,但兩人從未發生任何超友誼聯繫,直到Sofiia被Lorna趕走,Tony先意識到佢唔可以放棄Sofiia,於是就同佢一齊離開Lorna嘅家。Sofiia亦承認一見到Tony就中意咗對方:「一切都發生得好快,但呢個係我哋嘅愛情故事。我知道外界會睇唔起我,但事情的確發生咗。」

Sofiia又指喺佢出現之前Tony同Lorna之間已經有好多問題,稱佢睇得出Tony喺呢段關係中有幾唔開心。Tony對Lorna表示抱歉,佢認為對方無做錯啲咩,但佢同Sofiia真係一拍即合,目前Tony同Sofiia打算入住市中心公寓,並開始為Sofiia申請永久簽證。

Tony表示佢同Sofiia互相吸引,但兩人從未發生任何超友誼聯繫Photo from 《The Sun》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel