李嘉欣兒子Jayden罕有公開現身上紅館!登台「寸爆」父母掀熱議

李嘉欣兒子Jayden罕有公開現身上紅館!登台「寸爆」父母掀熱議

娛樂新聞
By Jennifer on 07 Sep 2022
Digital Editor

李嘉欣同富商許晉亨嘅兒子許建彤(Jayden)一向低調,近日李嘉欣罕有咁帶埋老公、仔仔一齊出席慈善活動,一家三口登上紅館舞台。甚少出現公開場合嘅Jayden毫不怯場,更於台上「寸爆」父母!

李嘉欣同富商許晉亨於2008年結婚Photo from 李嘉欣IG

李嘉欣兒子Jayden開個人YouTube,同爸爸許晉亨似餅印

李嘉欣於2011年誕下兒子,升級做媽媽後李嘉欣不時會分享仔仔嘅相片,盡顯母愛!不過隨住Jayden年紀越嚟越大,李嘉欣明顯減少公開兒子嘅正面照,可能想保護返仔仔。

李嘉欣於2011年誕下兒子,升級做媽媽後李嘉欣不時會分享仔仔嘅相片,盡顯母愛!Photo from 李嘉欣IG

不過Jayden其實早已開設個人YouTube Channel,分享打機日常、拍攝ASMR影片等。Jayden戴住圓框眼鏡,外型似乎遺傳自爸爸許晉亨比較多。

Jayden其實早已開設個人YouTube Channel,分享打機日常Photo from Jayden YouTube

李嘉欣一家三口登紅館舞台

李嘉欣日前就罕有帶同丈夫、兒子一齊現身紅館慈善籌款演唱會,李嘉欣夫婦以仔仔Jayden名義成立「JM Children's Charitable Foundation」慈善基金,所以呢個演唱會佢哋一家三口都有登台。

李嘉欣日前就罕有帶同丈夫、兒子一齊現身紅館慈善籌款演唱會Photo from 李嘉欣IG

李嘉欣夫婦以仔仔Jayden名義成立「JM Children's Charitable Foundation」慈善基金Photo from 李嘉欣IG

即睇更多人氣文章:

Jayden台上「寸爆」父母

近年Jayden已甚少出席公開場合,今次佢登上紅館大舞台亦毫不怯場,佢與爸爸許晉亨以一粉一藍嘅「父子look」現身,加埋媽媽李嘉欣嘅黃色長裙,一家三口襯到絕!佢哋喺演唱會開始前就上台,Jayden更十分配合,開口就「寸爆」非歌手嘅父母上紅館:「你哋唔係打算唱歌呀嘛?」之後佢又幽默「安慰」台下觀眾:「大家可以放心,我Daddy、Mami係絕對唔會唱歌嘅!」

近年Jayden已甚少出席公開場合,今次佢登上紅館大舞台亦毫不怯場Photo from Jayden IG

Jayden與爸爸許晉亨以一粉一藍嘅「父子look」現身,加埋媽媽李嘉欣嘅黃色長裙,一家三口襯到絕Photo from 李嘉欣IG

Jayden幽默「安慰」台下觀眾:「大家可以放心,我Daddy、Mami係絕對唔會唱歌嘅!」Photo from 李嘉欣IG

Jayden讀書成績好,同時熱愛打機

Jayden作為「星二代」,自然受外界關注,李嘉欣亦落力培養兒子,Jayden曾就讀傳統名校拔萃男書院附屬小學,媽媽李嘉欣都讚過仔仔記憶力強、讀書成績好,更安排仔仔參與不同運動,包括溜冰、乒乓球、高爾夫球等。

Jayden曾就讀傳統名校拔萃男書院附屬小學,媽媽李嘉欣都讚過仔仔記憶力強、讀書成績好Photo from 李嘉欣IG

Jayden讀書成績好,但佢花喺學業同個人興趣嘅時間分配平均,佢嘅YouTube有唔少打機影片,可見佢唔係一味讀書,平時都可以享受私人時間,而且佢更以流利英文解說,李嘉欣曾表示仔仔將來似乎比較適合跟隨爸爸步伐從商,相信Jayden應該係「學習遊戲兩不誤」。

Jayden讀書成績好,但佢花喺學業同個人興趣嘅時間分配平均,佢嘅YouTube有唔少打機影片,可見佢唔係一味讀書Photo from Jayden YouTube

李嘉欣曾表示仔仔將來似乎比較適合跟隨爸爸步伐從商Photo from 李嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林青霞無份?李嘉欣三甲不入!網民選出15位香港八九十年代女神

14 Mar 2022

80、90年代係香港娛樂圈嘅黃金時期,拍出唔少經典電影、電視劇。近日喺連登討論區有網民開post「【全盛時期】嚴選十五位香港八九十年代女神」,樓主更講明「計樣計氣質計全盛時期」,關之琳李嘉欣邱淑貞等都有上榜!

80、90年代係香港娛樂圈嘅黃金時期,拍出唔少經典電影、電視劇。Photo from TVB

15位:周海媚

現年55歲嘅周海媚祖先係滿洲鑲白旗滿族人,曾參選香港小姐,但未能晉身決賽,佢之後加入TVB藝員訓練班第1期藝員進修班而簽約成旗下藝人。周海媚嘅代表作正係1994年播映嘅電視劇《倚天屠龍記》,佢飾演「周芷若」一角,獲大讚完美還原呢個角色。

現年55歲嘅周海媚祖先係滿洲鑲白旗滿族人,曾參選香港小姐Photo from TVB

周海媚之後加入TVB藝員訓練班第1期藝員進修班而簽約成旗下藝人Photo from TVB

14位:黎姿

現年50歲嘅黎姿出生於電影世家,佢14歲就入行。黎姿喺於電影《古惑仔》系列中飾演「細細粒」深受歡迎,之後佢主力喺電視圈發展。擁有標致五官、豐滿身材,獲封為「愛美神」。

現年50歲嘅黎姿出生於電影世家,佢14歲就入行。Photo from TVB

黎姿擁有標致五官、豐滿身材,獲封為「愛美神」。Photo from TVB

13位:鍾麗緹

現年51歲嘅鍾麗緹係中越混血兒,佢參選1993年國際華裔小姐奪得冠軍後入行。佢深邃嘅五官有混血兒特色,於90年代電影多飾演美女角色。

現年51歲嘅鍾麗緹係中越混血兒Photo from TVB

鍾麗緹深邃嘅五官有混血兒特色,於90年代電影多飾演美女角色。Photo from 食神

12位:楊采妮

現年47歲嘅楊采妮1992年同郭富城合作拍廣告已備受注目,更一度成為「Yes!Card」熱門人物!楊采妮形象清純,獲傳媒封為「玉女接班人」。

現年47歲嘅楊采妮1992年同郭富城合作拍廣告已備受注目Photo from YouTube

楊采妮形象清純,獲傳媒封為「玉女接班人」。Photo from 超級學校霸王

11位:張敏

廣告
廣告

現年54歲嘅張敏於90年代拍過非常多武俠電影,係當時炙手可熱嘅女演員,曾與周星馳合作多套電影。佢外型英氣,於《倚天屠龍記之魔教教主》飾演「趙敏」一角亦深入民心。

現年54歲嘅張敏於90年代拍過非常多武俠電影,係當時炙手可熱嘅女演員Photo from 微博

張敏外型英氣,於《倚天屠龍記之魔教教主》飾演「趙敏」一角亦深入民心。Photo from 倚天屠龍記之魔教教主

10位:李麗珍

現年56歲嘅李麗珍喺80、90年代參演過多部港產片。佢因為甜美外型同火辣身材而成為90年代當紅電影女星。

現年56歲嘅李麗珍喺80、90年代參演過多部港產片Photo from TVB

李麗珍甜美外型同火辣身材而成為90年代當紅電影女星。Photo from TVB

9位:朱茵

現年50歲嘅朱茵出道後飾演過唔少由金庸名著改編嘅電視劇,其中以《射鵰英雄傳》中「黃蓉」一角最為人熟悉。之後佢喺《西遊記大結局之仙履奇緣》飾「紫霞仙子」成為經典。

現年50歲嘅朱茵出道後飾演過唔少由金庸名著改編嘅電視劇,其中以《射鵰英雄傳》中「黃蓉」一角最為人熟悉Photo from TVB

朱茵喺《西遊記大結局之仙履奇緣》飾「紫霞仙子」成為經典。Photo from 微博

8位:邱淑貞

現年53歲嘅邱淑貞1987年參選香港小姐,係當時奪冠嘅熱門人選,但因被指曾整容而退選。不過佢亦成功入行主演多部電影,有唔少性感演出,係90年代「性感女神」嘅代表。

現年53歲嘅邱淑貞1987年參選香港小姐,係當時奪冠嘅熱門人選,但因被指曾整容而退選Photo from TVB

邱淑貞主演多部電影,有唔少性感演出Photo from TVB

邱淑貞係90年代「性感女神」嘅代表。Photo from TVB

7位:王祖賢

現年55歲嘅王祖賢於台灣出生,但佢80年代就開始參演香港電影,更憑《倩女幽魂》於亞洲爆紅,佢於戲中嫵媚、出塵嘅演出即使已息影多年仍然係大眾心目中嘅「小倩」。

現年55歲嘅王祖賢於台灣出生,但佢80年代就開始參演香港電影,更憑《倩女幽魂》於亞洲爆紅Photo from 倩女幽魂

即使已息影多年,王祖賢仍然係大眾心目中嘅「小倩」。Photo from 倩女幽魂

6位:周慧敏

現年54歲嘅周慧敏以歌手身份出道,清純形象獲封為「玉女掌門人」。

現年54歲嘅周慧敏以歌手身份出道,清純形象獲封為「玉女掌門人」。Photo from TVB

5位:藍潔瑛

已故女演員藍潔瑛出道時有「靚絕五台山」嘅美譽,佢出演過TVB多套電視劇,而喺影壇方面佢於周星馳《大話西遊》系列電影中飾演「春三十娘」亦係佢電影嘅代表作。

藍潔瑛出道時有「靚絕五台山」嘅美譽Photo from TVB

藍潔瑛於周星馳《大話西遊》系列電影中飾演「春三十娘」亦係佢電影嘅代表作。Photo from 西遊記大結局之仙履奇緣

4位:李嘉欣

現年51歲嘅李嘉欣係中葡混血兒,一向有「大美人」之稱嘅佢於1988年參選香港小姐奪得冠軍,同年再成國際華裔小姐冠軍。入行之後李嘉欣曾出演好多電視劇、電影,多數都飾演美人角色。

現年51歲嘅李嘉欣係中葡混血兒,一向有「大美人」之稱嘅佢於1988年參選香港小姐奪得冠軍Photo from TVB

入行之後李嘉欣曾出演好多電視劇、電影,多數都飾演美人角色。Photo from TVB

3位:張柏芝

現年41歲嘅張柏芝有英國血統,佢出道不久即獲周星馳欽定做《喜劇之王》女主角,隨即一炮而紅。不過有網民質疑佢唔算係「八九十年代女神」,同其他上榜女星並非同一年代。

現年41歲嘅張柏芝有英國血統,佢出道不久即獲周星馳欽定做《喜劇之王》女主角,隨即一炮而紅Photo from 微博

有網民質疑張柏芝唔算係「八九十年代女神」,同其他上榜女星並非同一年代。Photo from 老鼠愛上貓

2位:關之琳

現年59歲嘅關之琳同周海媚一樣係滿清八大姓氏之一嘅瓜爾佳後裔,網友大讚佢有種貴族氣質,加上濃眉大眼,就算個妝化得簡單都已經好出眾。

現年59歲嘅關之琳同周海媚一樣係滿清八大姓氏之一嘅瓜爾佳後裔Photo from 俠聖

網友大讚關之琳有種貴族氣質,加上濃眉大眼,就算個妝化得簡單都已經好出眾。Photo from 俠聖

1位:鍾楚紅

網民大讚現年62歲嘅鍾楚紅由後生靚到依家,哥哥張國榮曾於節目中公開表示覺得佢「太靚」,即使佢演技有少少瑕疵都會原諒佢。

網民大讚現年62歲嘅鍾楚紅由後生靚到依家Photo from TVB

哥哥張國榮曾於節目中公開表示覺得鍾楚紅「太靚」,即使佢演技有少少瑕疵都會原諒佢。Photo from TVB

除咗上榜嘅時15位女星,仲有網民認為林青霞、張曼玉無份唔合理,喺排名方面張柏芝有第3而李嘉欣三甲不入亦有唔少網友覺得順序應該要改變。

有網民認為林青霞無份唔合理Photo from 微博

網民:講到「八九十年代女神」點可以無張曼玉?Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel