download HolidaySmart 假期日常 app
英女王逝世|細數9個英女王衣著小秘密!50多年來只用Launer手袋/衣著鮮豔背後隱藏原因?

英女王逝世|細數9個英女王衣著小秘密!50多年來只用Launer手袋/衣著鮮豔背後隱藏原因?

時事熱話 生活熱話
By Stephanie on 09 Sep 2022
Digital Content Writer

英女王伊利沙伯二世(Queen Elizabeth II)今日(9月9日)於蘇格蘭巴爾莫勒爾堡(Balmoral Castle)因病離世,終年96歲。英女王生前出席公開活動嘅時候衣著亮麗,永遠都保持微笑,親民形象深入民心~事實上英女王對衣著擁有特別嘅要求,宜家即睇英女王身前對服裝打扮嘅9大秘密啦!

英國女王伊利沙伯二世(Queen Elizabeth II)於9月9日離世,終年96歲。Photo from theroyalfamily IG

1. 所有衣服都有編號

英女王身前出席活動嘅時候大多都穿著套裝嘅洋裝登場,而佢嘅每件服裝都擁有獨立嘅編號,而英女王嘅員工亦會負責紀錄低佢每次出活動時嘅衣著打扮。雖然英女王並唔介意重覆身穿同一件衫,但佢身邊嘅助手都盡力確保英女王唔會穿著同一件衣服出席活動,就算重覆穿著都幫佢搭配唔同嘅飾物。

英女王嘅每件服裝都擁有獨立嘅編號,方便助手們紀錄低佢曾經穿著嘅衫Photo from theroyalfamily IG

2.每件衣服都有配上雨傘

由於英國天氣較為潮濕,而且經常都會落雨,英女王出席活動時好多時都會攞埋雨傘!非常有潮流觸覺嘅英女王仲會根據當日嘅衣著顏色,選擇當日要攞嘅雨傘款式。其中出場率最高嘅就係Fulton雨傘,呢把「鳥籠傘」因為英女王而迅速爆紅,採用透明抗UV材質製作,無論雨天定陽光普照嘅日子都可以用到~

英女王出席活動時攞嘅雨傘,會配埋當日嘅衣著顏色!Photo from Getty images

當中品牌Fulton「鳥籠傘」就係因為英女王而變得爆紅!Photo from Getty images

3.裙子長度一定要及膝

向來端莊大方嘅英女王大多數都身穿裙子現身,不過佢嘅裙子大部分都係及膝長裙,避免遇上突如其來嘅強風時出現尷尬嘅情況。據悉,喺2011年凱特王妃被媒體捕捉到身穿黃色連衣裙嘅時候,裙子被強風吹起嘅畫面,自此王室嘅服裝設計師Stuart Parvin受訪時表示「會加重裙擺嘅重量」,防止同類事情再發生。

而英女王身穿嘅裙子長度多數都係及膝嘅,而王室嘅服裝設計師會幫佢哋喺裙擺中加上重量Photo from theroyalfamily IG

4.喜歡買名牌Gucci+Hermès

走在潮流尖端嘅英女王仲非常喜歡名牌服裝,過往曾被拍到身穿Gucci Loafer、英國品牌Burberry經典格仔絲巾等。其中英女王似乎特別鍾情於法國品牌Hermès嘅絲質頭巾,以做工精緻而出名。據悉售價最便宜嘅絲巾要大約100美元(約港幣$784);而最昂貴嘅則要大約1,800美元(約港幣1.4萬)。

英女王曾被拍攝身穿Gucci LoaferPhoto from Getty images

而英女王好鍾意Hermès及Burberry頭巾Photo from Getty images

5.冬天出活動時,必定會戴上頭巾

英女王熱愛購買絲質頭巾,但其實佢配戴頭巾係有背後原因㗎!每逢冬天英女王喺出席戶外活動嘅時候多數都會配戴頭巾,一方面係想避免強風將頭髮吹亂;據悉呢個「指定動作」由1943年就開始出現,英女王每次去馬術表演嘅時候都一定會戴!

英女王平時冬天出席戶外活動嘅時候多數都會戴上頭巾Photo from Getty images

而且喺50年代時,英國上流社會嘅女士們都甚少以長頭髮示人,所以經常都會戴帽、頭巾等,並漸漸成為一個傳統。

一方面可以避免英女王嘅頭髮被強風吹亂Photo from Getty images

即睇更多人氣文章:

6.只塗同色指甲油

由上述嘅衣著可以知道英女王對某幾個品牌、配飾等都情有獨鍾,對服裝向來都非常長情~據悉,英女王自1989年開始就非常鍾意Essie嘅《Ballet Slippers》指甲油,就咁睇比較似係淡粉紅色,低調簡單非常百搭!最重要嘅係呢款指甲油售價大約係9元美金,絕對係物超所值。

英女王對Essie嘅《Ballet Slippers》指甲油情有獨鍾!Photo from Essie

呢款指甲油低調簡單,非常易襯衫!而且聽聞王室規定成員們只能夠塗上裸色嘅指甲油Photo from theroyalfamily IG

7.衣著鮮豔背後原因

英女王嘅服裝顏色向來都非常鮮豔,甚至連最難carry嘅螢光色都能夠完美駕馭到。但過往就曾於紀錄片《The Queen at 90》揭露身穿鮮豔嘅服裝,全因希望群眾能夠輕易喺人群眾搵到英女王,非常貼心!

英女王嘅衣著打扮非常鮮豔,但其實背後係有原因!Photo from theroyalfamily IG

為咗令大家一眼就能夠見到英女王,所以佢先會選擇色彩繽紛嘅衣著!Photo from theroyalfamily IG

8.會用手袋打暗號

英女王一直都非常喜歡英國品牌Launer London,仲曾經向品牌頒發御用徽章,聽聞佢已經擁有逾200個Launer手袋!其中該品牌嘅嘅Juliet、Judi以及Traviata bag係英女王最常用嘅手袋款式,仲要求品牌為佢度身訂造一款加長手挽嘅款式。

英女王最常用嘅手袋有3款!Photo from Launer LondonIG

英女王非常鍾意當地品牌Launer London嘅手袋,聽聞足足有逾200個手袋!Photo from theroyalfamily IG

而手袋其實係佢同身邊助手出席活動時嘅溝通方法:當女王喺晚宴中將手袋豎立喺桌面就代表於5分鐘內離場、若果將手袋放喺地下,即係代表佢想立刻離場,身邊嘅助手會立刻上前幫手。若果英女王當時係企喺度同其他人聊天,手袋從左邊換到右邊手臂時,就代表英女王希望結束對話離開。

而出場率最高嘅就係呢個黑色手袋喇!Photo from theroyalfamily IG

英女王仲會利用手袋喺公開活動時同助手們打暗號Photo from Getty images

9. 永遠都不穿新鞋

鞋履設計師Stuart Parvin曾經透露為咗避免令英女王因為身穿新鞋而感到不適,王室有專人會先為女王將鞋子著到軟熟舒適,令女王可以一著就剛剛好~

王室有專人為英女王將新鞋子嘅皮革穿得軟熟舒適Photo from theroyalfamily IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel