查理斯三世繼位卡米拉修成正果全民公敵到英女王認可? 成功坐正做王后

By Moon Lam on 09 Sep 2022

Digital Content Writer

英國女王伊莉莎白二世（Elizabeth II），係當地時間8號晚上6點幾離世，享年96歲，英國王室大洗牌，查理斯三世繼任後，其妻子卡米拉（Camilla）終於由全民公敵到順利成為王后？

Photo from Getty Images

英國王室三角戀

查理斯王子、黛安娜王妃同卡米拉嘅三角關係一直為人津津樂道，英國人民普遍認為卡蜜拉係第三者，可以話係英國全民公敵。其實佢係查理斯王子認識黛安娜王妃前已經係查理斯王子嘅情人，可以話係「最強前女友」，佢同查理斯王子係一場馬球賽邂逅，之後一直保持親密關係，後來更加係由卡米拉提出分手。

Photo from Getty Images

曾分手後來復合

後來卡米拉已經結婚，但仍然同查理斯王子有婚外情，直到查理斯王子向黛安娜王妃求婚，舉行令人羨慕嘅世紀婚禮，而卡米拉亦曾退回朋友位置，甚至無再同查理斯王子來往。但後來又係查理斯王子向黛安娜王妃婚姻末期而死灰復燃，係兩人分居後兩年，查理斯王子先承認同卡米拉嘅婚外情。

Photo from Getty Images

黛安娜王妃爆婚外情

鑒於黛安娜王妃係近百年來最受歡迎嘅王室成員，而佢曾經係訪問中留下名句：「在一段婚姻中，三個人太擁擠了。」令聽者心碎。據說黛安娜王妃嘅世紀婚禮雖然非常浪漫，但其實係兩人幾乎無感情基礎下完成，及後黛安娜王妃亦曝光卡米拉同查理斯王子嘅婚外情詳情。

Photo from Getty Images

被視為婚姻破壞者

而卡米拉之後亦離婚恢復單身，更頻繁出入查理斯王子嘅住所，令卡米拉成為眾矢之的，被視為破壞黛安娜王妃婚姻嘅第三者，民望極低，以至於後來黛安娜王妃同查理斯王子離婚，甚至因車禍離世，世人都認為同卡米拉同查理斯王子嘅關係息息相關。

Photo from Getty Images

婚後只以公爵夫人自居

兩人到2005年先公證結婚，但因為兩人都係婚外情，以及離婚後再婚，婚禮退不及黛安娜王妃嘅婚禮童話同浪漫，婚後亦相當低調。而黛安娜王妃即使離婚後仍保留「「威爾斯王妃」的頭銜，只係刪去「殿下」嘅尊稱；卡米拉同查理斯王子婚後正式頭銜為「康瓦爾公爵夫人」，名義上係「國王伴妃」。

Photo from Getty Images

民望不支持成為王后

卡米拉最初表示自己無意成為王后，而有關佢可唔可以成為「王后」一直係英國民眾嘅敏感話題，2010年英國民調顯示反對佢成為王后民眾高達52%，多數人都認為佢只可以最多以「王妃」身份係英國皇室立身。隨著時間過去，佢嘅民望略有提升，但2014年嘅民調顯示仍有32%英國人唔同意佢成為王后。

Photo from Getty Images

英女王一句「扶正」

仍然係結婚17年後，英女王伊利沙白二世係2月6號慶祝登基70週年，係發表白金禧講話時提到，希望查理斯王子係繼位後民眾可以給予一樣程度嘅支持，更點名：「我誠摯的希望，在那時候，卡蜜拉會被稱作王后（Queen Consort）。」英女王一句說話，被視為清除卡米拉成為王后嘅最後一道屏障，而查理斯王子對母親「扶正」卡米拉亦表示感謝，發聲明指：「愛妻一直是我堅強的後盾。」