16歲英國女生靠幫中國人改英文名賺逾300萬！過百萬寶寶獲「賜名」
Photo from Beau Jessup 網站
去中國旅行獲爸爸同事請求為女兒改英文名
Beau Jessup同爸爸去中國旅行時，父親一位同事王太太想幫佢3歲女兒改返個英文名，於是就問Beau Jessup嘅意見，Jessup對於王太太嘅請求非常驚訝，但同時亦感到十分榮幸，佢為王太太女兒取名「Eliza」，王太太亦十分滿意。
Photo from Global Times
呢次經歷影響Jessup好多，佢指中國人經常都會為自己改一個英文名，而好多中國人嘅名字都有其含義，所以佢哋希望英文名都一樣有意義，但對於中國人嚟講，研究英文名含義並唔簡單，Jessup意識到幫中國人改英文名呢個服務係好多中國人所需要嘅。
Photo from MIRROR
Beau Jessup決定創建一個改英文名網站
於是Jessup決定要創建一個網站，當然對於佢嚟講唔係一件容易嘅事，佢先係花時間了解創建網站嘅資料，然後問爸爸借了約$1,980美元（約$16,000港元）作為創業資金，並聘請一位網絡開發人員負責設計網站。
Photo from TED Talks
網站初期係免費提供服務，不過之後Jessup決定收取費用，改名費為$0.79美元（約$6.2港元）由於服務對象主要係中國人，Jessup創立嘅網站「Special Name」都係簡體字，方便中國父母使用。
Photo from The Sun
網站超易用
現時網站改名服務已再度變回免費，而且十分簡單易用，全程唔使5分鐘網站就會獲得英文名建議。首先要選擇嬰兒性別，之後選取5個性格特點，然後根據選擇嘅特點會提供3個英文名，並附上名字意義及同名名人。
Photo from 「Special Name」網站
Photo from 「Special Name」網站
Photo from 「Special Name」網站
憑改名賺逾300萬
直至現時佢創辦嘅網站已為超過130萬位BB改名！有報道指Jessup已經賺取超過$400,000美元（約$314萬港元），佢更用呢筆錢讀大學，Jessup曾經喺TED Talk分享佢為中國BB改英文名嘅經歷。
Photo from 《The Morning Show》
Photo from TED Talks
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
和尚出家近20年轉行做「女網紅」！豪花360萬買名車，稱靠自己賺錢
2 Sep 2022
泰國和尚Phra Maha Praiwan近年因棟篤笑而於網絡走紅，近日佢突然轉行做KOL，更以女裝打扮現身直播，令人震驚。佢又晒出BMW名車，掀起熱議。Praiwan堅稱買車錢係佢一手一腳賺返嚟！
泰國和尚普拉旺
和尚喺好多人心目中都係清心寡欲，祟尚自然嘅代表，不過隨住科技嘅發展，好多和尚都了解咗網絡世界，甚至加入成為一份子。泰國一個和尚Phra Maha Praiwan（普拉旺）更成為KOL！
普拉旺小學畢業就出家做小沙彌，之後佢通過第九級嘅佛學考試，相當於擁有學士學位。到20歲佢獲泰王任命為和尚，佢更擁有摩訶朱拉隆功大學（MCU）佛教碩士學位、藍甘杏大學（Ramkhamhaeng University）法律學士學位，更修讀博士學位中。
作為和尚界嘅「學霸」，普拉旺於2021年與另一位和尚Phra Maha Sompong（松蓬）拍檔喺Facebook開直播，兩人以幽默方式傳道，又評論時事，隨即爆紅，view數急升。
即睇更多人氣文章：
出家近20年轉行做KOL，化濃妝著女裝
一年過去，以「棟篤笑」形式直播嘅普拉旺最近已轉型做KOL，不過最令網民驚訝嘅係佢竟然以濃妝、長曲髮、長裙等女性打扮現身，同以往著橙色僧袍嘅形象大為不同。
花360萬現金買名車
更有報道指佢拎咗360萬泰銖現金（約$77萬港元）購買BMW，網民質疑佢做和尚點會有咁多現金，但普拉旺就表示啲錢全部都係自己一手一腳賺返嚟！佢表示自己每日都做4至5份工，試過賣榴槤同辣椒醬。
普拉旺表示佢畀心機工作時根本就無人留意，到依家買BMW就咁多人質疑佢買唔起：「買車點解唔可以用現金買？」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
