「古惑仔」鄭浩南自爆與馬來西亞籍妻子婚變!疑似暗示女方偷食?離家工作16個月,現時卻人財兩失!

「古惑仔」鄭浩南自爆與馬來西亞籍妻子婚變!疑似暗示女方偷食?離家工作16個月,現時卻人財兩失!

娛樂新聞
By Stephanie on 15 Sep 2022
Digital Content Writer

曾出演經典電影《古惑仔》嘅57歲男演員鄭浩南近日出席電影《壹獄II 劫數難逃》煞科宴,喺接受傳媒訪問時,卻突然落寞自爆同馬來西亞籍妻子疑似婚變嘅消息?!據悉,佢上年12月曾經飛回家,但就發現妻子及小朋友都已經唔見咗,現時佢只能夠透過律師與對方聯絡,心情大受打擊!

57歲鄭浩南近日向傳媒自爆與妻子婚變嘅消息?!Photo from 鄭浩南抖音

「古惑仔」鄭浩南近年再度回港拍戲

資深演員鄭浩南過往曾經係香港棒球代表隊成員,外型俊俏身材健碩;喺1990年代嘅時候大多飾演反派,最為人熟悉嘅作品有《98古惑仔之龍爭虎鬥》、《英雄本色》等。喺1999年,鄭浩南拍戲期間認識馬來西亞籍現任妻子,並2002年結婚搬往當地生活,二人婚後育有一子一女。直到近年佢偶爾回港接拍劇集,最近出演嘅劇集係ViuTV嘅《地產佬》。

鄭浩南最為人熟悉嘅作品係《古惑仔》系列嘅電影Photo from 劇照

2020年鄭浩南有份出演ViuTV劇集《地產佬》Photo from 《地產佬》

昨日出席電影煞科宴

2015年上映嘅改編電影《壹獄壹世界:高登闊少踎監日記》近日籌備拍攝咗第二集,該電影搵返原班人馬出演,並額外邀請鄭浩南、張繼聰加入助陣!昨日(14日)係電影嘅煞科宴,演員們都齊齊出席慶功。

2015年上映嘅《壹獄壹世界:高登闊少踎監日記》現時已經拍完第二集!Photo from 《壹獄壹世界:高登闊少踎監日記》

而鄭浩南亦獲邀加入電影拍攝!Photo from 鄭浩南抖音

被媒體詢問近況時超落寞!

期間久未露面嘅鄭浩南接受媒體採訪,當問及近況時,佢坦承疫情令佢嘅人生出現巨大嘅變化,屋企出現咗少少變化。起初佢似乎有啲避忌,只係話會專注事業發展;但喺傳媒追問之下,佢突然有感而發自爆與馬拉西亞籍妻子婚變?!

最近鄭浩南出席電影嘅煞科宴,並自爆家庭出現狀況?!Photo from 鄭浩南抖音

自爆與馬來西亞籍妻子婚變?!

鄭浩南慨嘆今年本月18日就係同妻子結婚20週年紀念,可惜現時唔單止失去咗妻子,就連一對子女都見唔到!佢表示事前二人感情並冇任何問題,而佢因返內地工作加上疫情關係,離開屋企近16個月。而佢話係第一次離開屋企咁耐,過往都只係離開一個星期就會返去。

鄭浩南自爆與妻子婚變,仲疑似暗示女方偷食?!Photo from 鄭浩南微博

即睇更多人氣文章:

疑似暗示妻子偷食?

直到上年12月,鄭浩南成功購買到回家嘅機票,但返到屋企卻空歡喜一場!當佢嘗試打電話俾妻子時被對方cut線,仲要求「有事就搵律師」,人去樓空,令佢心情大受打擊!當媒體詢問婚變是否涉及第三者時,佢並冇否認,疑似默認婚變好有可能係同妻子偷食有關?!

鄭浩南表示自己上年12月返屋企嘅時候,突然發現人樓而空,心情大受打擊!Photo from 鄭浩南微博

表示只剩下大馬祖屋物業!

鄭浩南表示一直以來都非常疼妻子及2個小朋友,喺大馬嘅全部物業都冇落佢名,現時佢只係得返一間祖屋;喺香港亦冇任何物業!但佢堅強咁話自己係樂觀嘅人,認為呢個係自己嘅命運,唯有花多啲時間做自己鍾意嘅嘢。

佢直言自己一直都好疼愛妻兒,幾乎所有大馬物業都無加佢名!Photo from 鄭浩南微博

過往曾與日本女星結婚

年輕時嘅鄭浩南外型俊俏,歷任前女友都顏值超高。喺80年代,佢與影星柏安妮交往4年,其後喺1989年二人因性格不合而傳出分手。其後鄭浩南戀上日本動作女演員大島由加里,二人喺1991年於香港註冊結婚;但由於女方長期留喺菲律賓拍戲,最終二人因聚少離多而分開,婚姻只係維持咗4年!

鄭浩南喺80年代時期,曾與女神級演員柏安妮交往4年!Photo from 《我願意》

其後鄭浩南與日本動作女演員大島由加里結婚,但婚姻只係維持咗4年!Photo from 《富貴列車》

2002年與圈外人鮑愛玲結婚後,移居馬來西亞

1999年,鄭浩南於馬來西亞拍戲期間認識從事廣告公司嘅圈外人鮑愛玲,二人年齡相差十幾年。不過年齡並冇阻礙到二人,佢哋喺2002年結婚,並搬往馬來西亞居住,婚後育有一子一女。而男方都逐漸淡出幕前,轉行投資火鍋店等生意,直到近年先開始拍返戲。

2002年,鄭浩南認識馬來西亞籍嘅圈外人鮑愛玲結婚,仲同對方喺當地定居。Photo from 鄭浩南微博

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

柳俊江前妻首度發聲公開離婚原因!字裡行間透露對前夫不滿?!曾被指偷食導致婚變?

3 Aug , 2022

前大台新聞主播柳俊江2020年與妻子雷康怡(Florence)離婚,當時有唔少傳聞都直指女方偷食,導致二人感情決裂。事隔將近2年,前妻Florence首度發聲喺網誌中交代自己嘅近況,字裡行間似乎有所暗示,疑似暗示前夫「博同情又繼續覓食」等?!

柳俊江前妻首度發聲,字裡行間卻透露對前夫嘅不滿?!Photo from 柳俊江IG

柳俊江與前妻大學時期開始交往

前新聞主播柳俊江與妻子雷康怡(Florence)喺2010年結婚,育有一子一女,不時於社交媒體上載溫馨家庭照。據悉二人喺大學時期開始拍拖,當時男方對女方一見鍾情,繼而展開追求。喺拍拖嘅第7年,柳俊江喺內地採訪但差啲遭遇意外,令佢深深明白活在當下嘅道理,返港後立刻向對方求婚。

柳俊江與妻子雷康怡喺2010年結婚,二人早於大學時期就開始拍拖Photo from Florence IG

二人婚後育有一子一女,經常大晒溫馨家庭樂~Photo from 柳俊江IG

2020年9月柳俊江與妻子男性友人爭吵

喺2020年9月,柳俊江卻被爆與妻子嘅25歲男性友人喺餐廳發生爭執,而佢亦因此需要守行為一年。雖然柳俊江事後喺FB發文力證與妻子感情不變,但有傳當時佢哋已經分居。同年10月,柳俊江喺個人賬戶寫上「為另一個人而活,整整十七年,南柯一夢。往後,好為自己而活。」疑似發表離婚宣言,並刪除與妻子過往嘅甜蜜合照。

2020年9月,柳俊江被爆與妻子嘅男性友人發生爭執,二人疑似婚變?!Photo from 柳俊江IG

事後柳俊江曾發文解釋與妻子關係依舊,但當時已經盛傳二人分居嘅傳聞Photo from 柳俊江FB

前妻雷康怡離婚後首度發聲!

身為圈外人嘅雷康怡自離婚後一直都冇提及過往嘅婚姻,最近佢卻罕有地喺網址中透露近況,字裡行間卻似乎有各種暗示,引起網民關注!第一段佢就已經寫到「無病呻吟的說話我不懂說,亦不懂像別人大做文章,含沙射影塑造自己成新一代王傑『可以笑的話不會哭』博同情又繼續覓食。兩年來我一句都沒有說,大前提是我不想影響孩子生活。」矛頭疑似指向前夫?!

柳俊江前妻雷康怡事隔兩年首度發聲!Photo from 柳俊江IG

當中有唔少話語都似乎係講緊前夫柳俊江?!Photo from 柳俊江IG

坦承離婚原因?!

其後Florence解釋當初離婚嘅原因「我承認各自各都有不足的問題,價值觀不同亦很難繼續相處下去」儘管二人已經認識長達十幾年嘅時間,但感情似乎都未能敵過時間嘅考驗「一對有名無實的夫妻,對我來說,惹來再多艷羨的目光,亦無意義

坦承二人離婚全因價值觀不同Photo from 柳俊江IG

現時與子女同住,兼顧家庭及事業

佢表示過往因為家庭問題而導致事業停滯不前,現時一對子女都同佢一齊住「一對仔女就是我最愛的家人,今後無論我去到哪裡,他們兩個都要跟著我,好好一起生活」而佢亦提及自己現時喺屋企附近開店,希望能夠同時兼顧家庭及事業。

Florence表示現時與一對子女一起住,並且喺屋企附近開店Photo from 柳俊江IG

疑似透露有新戀情

而且Florence仲疑似透露已有新戀情「我都想向關心我的朋友正式交代一下,是的,我已正式離婚了」、「上天對我從來都不差,有兩個聰明乖巧又懂事的孩子陪我玩、有愛錫我的母親幫忙照顧我的孩子、又有個一直愛著我的人告訴我我是值得被愛的。」睇得出佢應該已走出離婚陰霾!

而佢亦疑似透露有新戀情!Photo from Florence IG

柳俊江上年10月公開戀情

另一方面,柳俊江喺上年10月公開新戀情,女方為香港女子跳高運動員楊文蔚嘅經理人Grace!現時二人經常都會喺IG放閃,而唔少網民從佢哋上載嘅照片推測佢哋好大機會同居緊。

上年10月柳俊江公開與「跳高女神」楊文蔚經理人Grace拍拖嘅消息!Photo from 柳俊江IG

二人經常放閃,有傳佢哋宜家同居中!Photo from 柳俊江IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel