download HolidaySmart 假期日常 app
老爺奶奶叫唔出新抱全名,護士拒交出BB!凌厲眼神掀熱議

老爺奶奶叫唔出新抱全名,護士拒交出BB!凌厲眼神掀熱議

時事熱話
By Jennifer on 16 Sep 2022
Digital Editor

生BB係大喜事,唔少家庭嘅「四大長老」都會去醫院探望新生嬰兒同產婦。近日內地有短片引起關注,有護士抱住BB走出產房詢問產婦名字,點知家屬竟然答唔出,護士忍唔住「怒睥」佢哋,更拒絕將BB交畀對方!

生BB係大喜事Photo from 《輪到你了》劇照

內地老爺奶奶竟叫不出產婦全名

產婦入院生子,多數父母以及老爺奶奶都會到場,方便照顧之餘亦都可以快啲睇到孫子、孫女,最近內地有一後影片瘋傳,一位護士抱住BB,似乎啱啱從產房出嚟。

產婦入院生子,多數父母以及老爺奶奶都會到場Photo from 《BB來了》劇照

外面嘅家屬即上前想接過BB,護士即問佢哋產婦叫咩名,呢個問題本來十分平常,因為要確認係邊一位產婦嘅家屬,點知家屬竟然叫唔出產婦全名,淨係話新抱叫「小王」!呢個時候護士亦十分警惕,唔畀佢哋抱BB。

外面嘅家屬即上前想接過BB,護士即問佢哋產婦叫咩名Photo from 微博

護士拒將新生嬰兒交出,內地網友力撐護士

護士直言:「連媽媽的名字都不對,我怎麼可能把娃娃抱給你!」有指嗌唔出名嘅係產婦夫家嘅親戚,當中仲有老爺奶奶。佢哋解釋平時喺屋企叫開新抱小名,所以先唔知真名,但護士唔相信佢哋呢套說辭,堅決唔畀家屬抱B,更以凌厲眼神警告對方。

有指嗌唔出名嘅係產婦夫家嘅親戚,當中仲有老爺奶奶。佢哋解釋平時喺屋企叫開新抱小名,所以先唔知真名Photo from 《BB來了》劇照

護士堅決唔畀家屬抱B,更以凌厲眼神警告對方。Photo from 微博

影片喺網上引發熱議,唔少內地網友力撐護士,大讚佢做法謹慎,好有責任心,同時指產婦嘅夫家連名都叫唔出,應該平時都好唔重視呢個新抱,而且去到醫院淨係掛住個孫,狠批佢哋對產婦情況毫不關心。

唔少內地網友力撐護士,大讚佢做法謹慎,好有責任心Photo from 微博

網民指產婦嘅夫家連名都叫唔出,應該平時都好唔重視呢個新抱Photo from 《BB來了》劇照

產婦本人拍片回應事件

估唔到事件竟然仲有後續!產婦本人亦都拍片回應「叫唔出名」事件,佢表示當時係生佢第四個孩子,又澄清指佢哋一家人感情非常之好,叫唔出新抱名呢個情況喺農村十分常見,因為大家平時都係叫小名多,佢表示自己坐月都係由奶奶、姑奶(老公嘅姊妹)照顧。

產婦本人亦都拍片回應「叫唔出名」事件Photo from 微博

產婦澄清指佢哋一家人感情非常之好Photo from 微博

產婦回應之後,有自稱來自農村嘅網友表示佢家鄉的確多數都係叫小名,所以好多人都唔知真名係咩,指產婦嘅老爺奶奶情有可原。但亦有人認為只係籍口,如果係街坊咁叫唔出真名都好正常,但連新抱個名都唔知就好牽強。

產婦生下佢第四個孩子Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地男10年相睇100次!從未試過拍拖,每次失敗都係同一個原因?

29 Jul 2022

現今社會單身並唔係一件罕見嘅事,好多單身男女會選擇參加「相睇」認識對象。近日內地一位教師嘅遭遇登上微博熱搜,原來佢10年以嚟已經相睇超過100次,但次次都失敗而終,令佢十分著急:「單身好孤獨!」

現今社會單身並唔係一件罕見嘅事,好多單身男女會選擇參加「相睇」認識對象。Photo from 《社內相親》劇照

內地A0男10年相睇100次都失敗收場

依家想結交朋友、擴闊生活圈子嘅方法有好多,交友App、Speed dating等,不過唔係每次都可以「成功出pool」,近日內地一位男士就登上熱搜,原因係佢屢次相睇都失敗收場。

依家想結交朋友、擴闊生活圈子嘅方法有好多,交友App、Speed dating等Photo from 《我的ID是江南美人》劇照

重慶一名男子許明偉任職教師,現年34歲,佢過往從未有過戀愛經驗,係一位A0男士,佢表示自己3、4歲時父母就離婚,佢一直都好渴望家庭溫暖,所以好想快啲搵到另一半。佢由22、23歲起就開始相睇,10年間佢相睇咗超過100次,但每次都唔成功。

重慶一名男子許明偉任職教師,現年34歲,佢過往從未有過戀愛經驗,係一位A0男士Photo from 微博

條件一般,女性嫌棄佢身高、收入

許明偉職業係高校老師,平時講授電腦軟件課程,月薪有5,000~6,000元人民幣,佢同媽媽同住,名下並無個人房產。佢唔止相睇結果無疾而終,更試過花上萬元去婚姻介紹所,但最终亦係不了了之。為咗盡快覓得戀愛對象,許明偉依家每逢周末都會去相親角等地方睇下有無適合嘅人選。

許明偉職業係高校老師,平時講授電腦軟件課程,月薪有5,000~6,000元人民幣Photo from 微博

許明偉表示相睇對象有好多都好介意佢嘅身高,唔少女士要求男性身高175~180cm:「但我都不到170。」除咗身高相差太遠,人工都唔符合相睇對象嘅要求。許明偉佢咁多次相睇失敗,自己唔夠主動佔一小部分原因,佢稱最大原因係依家嘅女性要求苛刻、比較現實,曾經有女士見面就直接連問2次佢稅後人工,得知金額後直言:「我們不合適!」令許明偉十分無奈。

許明偉表示相睇對象有好多都好介意佢嘅身高,唔少女士要求男性身高175~180cm:「但我都不到170。」Photo from 微博

許明偉佢咁多次相睇失敗,自己唔夠主動佔一小部分原因Photo from 微博

許明偉稱最大原因係依家嘅女性要求苛刻、比較現實Photo from 微博

想搵一個溫柔賢惠女朋友

許明偉指有一次相睇,佢諗住同女生吃下飯、睇戲、散步、傾下偈,但對方卻提出去佢間屋望下先。許明偉稱佢想搵一個溫柔賢淑、善解人意嘅女友,連許媽媽都好關注佢嘅感情生活,又指許明偉呢世都注定搵唔到佢鍾意類型嘅另一半:「只要是個女的就結婚吧,就不挑了。」

許明偉指有一次相睇,佢諗住同女生吃下飯、睇戲、散步、傾下偈,但對方卻提出去佢間屋望下先。Photo from 微博

許明偉母親指佢呢世都注定搵唔到佢鍾意類型嘅另一半:「只要是個女的就結婚吧,就不挑了。」Photo from 微博

呻單身好孤獨,網友:一定係自己有問題

許明偉未拍過拖,至今仍然係單身,佢都十分著急:「單身生活很孤獨。」佢表示自己自細喺單親家庭長大,好渴望家庭溫暖,佢又稱如果搵到女朋友,會為家庭付出一切,承擔起男人嘅責任,會忠誠、專一對女友好。許明偉表示佢為咗陪伴另一半願意放棄依家老師嘅工作,搵過另一份工。

許明偉未拍過拖,至今仍然係單身,佢都十分著急:「單身生活很孤獨。」Photo from 微博

許明偉稱如果搵到女朋友,會為家庭付出一切,承擔起男人嘅責任,會忠誠、專一對女友好Photo from 微博

有內地網民睇完許明偉嘅片段後認為以佢咁嘅條件難怪搵唔到女朋友,直言佢相睇咁多次都唔成功,一定係出於自身原因,又指佢話「現在女性比較現實,要求苛刻」係將責任推落女性度:「自己沒本事,怪女性現實。」

有內地網民睇完許明偉嘅片段後認為以佢咁嘅條件難怪搵唔到女朋友,直言佢相睇咁多次都唔成功,一定係自身原因Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel