download HolidaySmart 假期日常 app
星星的約定|阿嬌鍾欣潼自爆因太靚曾被扣關!薛凱琪成團變邊緣人?!

星星的約定|阿嬌鍾欣潼自爆因太靚曾被扣關!薛凱琪成團變邊緣人?!

娛樂新聞
By Jennifer on 19 Sep 2022
Digital Editor

乘風破浪3》一眾參加嘅姐姐人氣急升,更開拍新綜藝《星星的約定》,阿嬌鍾欣潼喺新一集自爆曾經去外國過關時被人扣留,全因佢生得年輕貌美?!成團嘅姐姐之中,薛凱琪(Fiona)無份出演,被指變透明人!

《乘風破浪3》一眾參加嘅姐姐人氣急升,更開拍新綜藝《星星的約定》Photo from 《星星的約定》

《乘風破浪3》衍生節目《星星的約定》有王心凌、阿Sa阿嬌等出演

內地綜藝《乘風破浪》系列去到第3季依然十分成功,出演節目對女藝人嘅事業或多或少都有幫助。成團之後電視台乘勝追擊,為一班姐姐開拍團體綜藝《星星的約定》,繼續大晒姐姐們嘅友誼!

成團之後電視台乘勝追擊,為一班姐姐開拍團體綜藝《星星的約定》Photo from 《星星的約定》

《星星的約定》由王心凌、蔡卓妍、鍾欣潼、吳謹言、黃小蕾擔任常駐嘉賓,佢哋會出發前往景色優美嘅雲南旅遊。節目日前已播出第一集,成為網民話題。喺未播片段中阿嬌就提及一次令佢難忘嘅旅遊經歷。

《星星的約定》由王心凌、蔡卓妍、鍾欣潼、吳謹言、黃小蕾擔任常駐嘉賓,佢哋會出發前往景色優美嘅雲南旅遊。Photo from 《星星的約定》

未播片段中阿嬌就提及一次令佢難忘嘅旅遊經歷。Photo from 《星星的約定》

阿嬌飛德國曾因年輕貌美被海關扣留

阿嬌表示當時佢去比利時參加朋友嘅婚禮,但喺德國轉機時卻慘被當地海關扣關,阿嬌指:「因為我們年輕又漂亮,他以為我們去做一些不合法的事情。」暗示被人當作從事不當行業!

阿嬌表示當時佢去比利時參加朋友嘅婚禮,但喺德國轉機時卻慘被當地海關扣關Photo from 《星星的約定》

阿嬌指:「因為我們年輕又漂亮,他以為我們去做一些不合法的事情。」Photo from 《星星的約定》

於是阿嬌佢哋就拼命向對方解釋佢哋有錢,而且係名人。當地海關亦不停查,事件搞咗好耐,阿嬌大呻嗰陣仲要趕飛機:「沒食物又沒房間,又沒飛機」,直呼自己黑仔!

阿嬌佢哋就拼命向對方解釋佢哋有錢,而且係名人Photo from 《星星的約定》

事件搞咗好耐,阿嬌大呻嗰陣仲要趕飛機:「沒食物又沒房間,又沒飛機」,直呼自己黑仔!Photo from 阿嬌微博

另一節目《樂隊的海邊》有Jessica鄭秀妍、張天愛等姐姐參演

《乘風破浪3》令一眾出道多年嘅女星翻紅,姐姐們嘅友情都係其中一大看點,喺浪姐結束後亦再推出兩大節目畀姐姐合體,除咗有Twins同王心凌出演嘅《星星的約定》之外,另有仲有由Jessica鄭秀妍、張天愛、于文文等人擔任常駐嘉賓嘅《樂隊的海邊》。

喺浪姐結束後亦再推出兩大節目畀姐姐合體,除咗有Twins同王心凌出演嘅《星星的約定》之外,另有仲有《樂隊的海邊》。Photo from 《乘風破浪3》

《乘風破浪3》成團名單中張天愛、阿Sa、阿嬌、于文文、前少女時代成員Jessica(鄭秀妍)、王心凌都有份出演兩個衍生節目,而譚維維、唐詩逸亦會擔任「飛行嘉賓」出演《星星的約定》,而且仲有張衞健、佘詩曼、張棟樑等,陣容鼎盛!

阿SaPhoto from 《星星的約定》

王心凌Photo from 《星星的約定》

薛凱琪、郭采潔成團後無份出演任何節目?

不過總決賽個人喜愛度排第9嘅郭采潔、第6位薛凱琪卻未有任何消息會出演兩個節目,令網民稱佢哋成團同未成團無分別,甚至連未能成團嘅吳謹言、張儷、趙夢都可以做常駐嘉賓,直指Fiona佢哋慘變「邊緣人」?!

總決賽個人喜愛度排第9嘅郭采潔Photo from 《乘風破浪3》

薛凱琪總決賽個人喜愛度排第6位Photo from 《乘風破浪3》

未能成團嘅吳謹言都可以做常駐嘉賓Photo from 《星星的約定》

不過據報道指Fiona其實都有獲邀出演兩檔節目,只係佢想花多啲時間陪伴家人,於是婉拒咗節目組。佢又大讚其他姐姐都對佢好好,就算《乘風破浪3》完咗,都同佢保持聯絡。

Fiona其實都有獲邀出演兩檔節目,只係佢想花多啲時間陪伴家人,於是婉拒咗節目組Photo from 《乘風破浪3》

Fiona大讚其他姐姐都對佢好好,就算《乘風破浪3》完咗,都同佢保持聯絡。Photo from 《乘風破浪3》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阿嬌爆同賴弦國離婚一件事最遺憾!阿Sa蔡卓妍稱嫁畀鄭中基太衝動

5 Sep 2022

Twins北上工作後人氣急升,參加《乘風破浪3》後佢哋再上《百川可逗鎮》,錄製節目期間佢哋亦大談過往嘅感情經歷。阿Sa阿嬌踏入不惑之年,向主持人及觀眾分享佢哋對於婚姻、育兒嘅睇法。

Twins北上工作後人氣急升Photo from 阿嬌微博

阿Sa阿嬌分享對婚姻看法

雖然Twins一出道即爆紅,阿Sa阿嬌走紅多年,係香港樂壇女子組合嘅代表人物,但北上參加《乘風破浪3》後事業再攀上巔峰,就算佢哋嘅普通話唔夠流利都獲好多綜藝節目邀約,可見人氣之高。

阿Sa阿嬌參加《乘風破浪3》後事業再攀上巔峰,就算佢哋嘅普通話唔夠流利都獲好多綜藝節目邀約,可見人氣之高

年屆不惑之年嘅阿Sa阿嬌keep得好好,但喺內地節目中佢哋都不諱言提起自己第一段婚姻,今次上《百川可逗鎮》,阿Sa阿嬌再度分享自己對婚姻嘅睇法。

年屆不惑之年嘅阿Sa阿嬌keep得好好Photo from 阿嬌微博

阿嬌公開與賴弘國離婚真正原因

阿嬌曾經同台灣「醫界王陽明」賴弘國結婚,但兩人婚後14個月就宣佈離婚,震驚中港台三地。當時賴弘國表現傷感,相比起前夫,阿嬌平淡得多,佢雖然未有提起過前夫賴弘國,但就曾經多次談及呢段婚姻。

阿嬌曾經同台灣「醫界王陽明」賴弘國結婚,但兩人婚後14個月就宣佈離婚,震驚中港台三地。

阿嬌喺另一個節目中坦言雖然唔後悔,但如果可以重新選擇佢唔會再結婚,喺《百川可逗鎮》上阿嬌就表示佢當初結婚只係考慮到時機上佢係咪應該結婚,而無考慮到佢係咪想結婚:「我應該遵循我自己的心,但那一刻我沒有。」

喺《百川可逗鎮》上阿嬌就表示佢當初結婚只係考慮到時機上佢係咪應該結婚,而無考慮到佢係咪想結婚Photo from 《百川可逗鎮》

阿嬌今次透露佢其實根本唔係真心想結婚Photo from 《百川可逗鎮》

:「我應該遵循我自己的心,但那一刻我沒有。」Photo from 《百川可逗鎮》

即睇更多人氣文章:

阿Sa坦承與鄭中基結婚太衝動

離婚時賴弘國直指阿嬌根本唔愛佢,阿嬌今次透露佢其實根本唔係真心想結婚,所以最終都離婚收場。好姊妹阿Sa亦有提到佢同鄭中基嘅婚姻,主持人鄭愷指結婚係需要衝動,阿Sa即表示:「我上次就是很衝動!」

好姊妹阿Sa亦有提到佢同鄭中基嘅婚姻

主持人鄭愷指結婚係需要衝動,阿Sa即表示:「我上次就是很衝動!」Photo from 《百川可逗鎮》

喺其他綜藝節目中阿Sa回憶就係因為兩個人好愛大家,於是就決定結婚,但無諗過相處係好大嘅學問,所以即使阿Sa依家同百億麻將館太子爺男友石恆聰感情穩定,佢都坦言要認真考慮係咪要踏入人生新一個階段。

阿Sa依家同百億麻將館太子爺男友石恆聰感情穩定,佢都坦言要認真考慮係咪要踏入人生新一個階段。

Twins兩人都考慮生BB

Twins更提到生BB嘅話題,阿Sa稱佢對自己人生嘅規劃就係:20歲~30歲努力工作發展事業;30歲~40歲結婚組織家庭;40歲~50歲就可以生BB。不過即將滿40歲嘅佢亦指自己未有信心可以兼顧家庭同事業,而且佢覺得如果呢幾年唔生小朋友,咁佢應該都生唔到,所以佢都十分糾結。

阿Sa稱佢對自己人生嘅規劃就係:20歲~30歲努力工作發展事業;30歲~40歲結婚組織家庭;40歲~50歲就可以生BB。Photo from 微博

經理人Mani曾經指阿嬌好想有自己嘅小朋友,阿嬌喺節目中亦坦言自己好想生BB,更表示20幾歲已經有呢個諗法,但考慮到會影響到Twins嘅發展,所以一直都無生BB,令佢有啲後悔。

經理人Mani曾經指阿嬌好想有自己嘅小朋友Photo from 《百川可逗鎮》

阿嬌稱一直無生BB,令佢有啲後悔。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel