download HolidaySmart 假期日常 app
《東張西望》主持梁菁琳貼身衣著屢惹批評?!長文解釋服裝打扮,愛著緊身衫獲封「東張女神」!

《東張西望》主持梁菁琳貼身衣著屢惹批評?!長文解釋服裝打扮,愛著緊身衫獲封「東張女神」!

娛樂新聞
By Stephanie on 23 Mar 2023
Digital Content Writer

TVB《東張西望》新一代「東張女神」梁菁琳(Katerina)憑苗條身材獲得網民關注。不過有網民指佢試過著緊身衫採訪小朋友,認為佢嘅衣著似乎唔太恰當引起熱議。Katerina就曾親自解釋穿著「清涼」嘅原因!

新一代「東張女神」梁菁琳嘅衣著被網民批評,而佢受訪時解釋原因。Photo from 梁菁琳IG

新一代「東張女神」梁菁琳

梁菁琳(Katerina)喺上年參加《香港小姐》競選,可惜於最後12強止步,但依然獲大台賞識簽約成為旗下藝人。現時佢有份主持大台人氣資訊節目《東張西望》,憑亮麗外型成功引起網民們嘅關注!

梁菁琳(Katerina)喺2021年參加過香港小姐競選,但於12強止步Photo from 《We Miss Hong Kong 香港小姐競選準決賽》

雖然梁菁琳最終落選咗,但都成為咗大台旗下藝人Photo from 梁菁琳IG

加入做《東張+》負責採訪科技新聞

TVB早前推出《東張西望》升級版《東張+》,並喺《東張+》記者會中就公佈主持人班底,而主持人都被分配負責唔同專題嘅報導,包括:娛樂、體育、健康醫美等;當時梁菁琳獲安排負責採訪科技資訊。

《東張+》嘅主持人們都被分配負責唔同類型嘅新聞Photo from 娛樂新聞台

梁菁琳喺《東張+》裡面負責主持科技類型嘅新聞。Photo from 娛樂新聞台

過往曾被讚口才了得

而梁菁琳喺節目中嘅採訪表現都唔錯,喺採訪「後巷盆菜」事件時憑口才成功問到食店負責人口窒窒,獲網民大讚頭腦清晰!除咗採訪技巧備受熱議之外,佢喺節目中嘅衣著打扮都成為咗熱議嘅話題之一?!

梁菁琳過往因為採訪「後巷盆菜 」食店負責人而獲得讚賞!Photo from 《東張西望》

最近佢喺電話訪問呢個環節中因為著上V領緊身上衣而展現咗豐滿上圍,亦引起網民熱議指雖然件衫算「密實」,但係Katerina嘅好身材依然表露無遺!

最近梁菁琳喺電話訪問呢個環節中因為著上V領緊身上衣而展現咗豐滿上圍Photo from 《東張+》

網民熱議指雖然件衫算「密實」,但係Katerina嘅好身材依然表露無遺!Photo from 《東張+》

被網民批評衣著太「清涼」,似乎唔太恰當?!

之前亦有網民認為佢嘅衣著過分「清涼」,當中有一張截圖就見到佢身穿低胸裝「摀低身」同小朋友做訪問,被網民批評易教壞小朋友?!翻睇返佢過往喺節目嘅打扮,佢都願意毫不吝惜咁大晒完美身材,當中以緊身咖啡色毛衣及露肩貼身衫最受網民歡迎!

有網民批評梁菁琳身穿低胸裝採訪小朋友,似乎唔係咁好?!Photo from 《東張西望》

平時梁菁琳喺節目中嘅衣著都比較貼身,大晒S型身材!Photo from 《東張西望》

梁菁琳解釋著貼身衫背後原因!

梁菁琳出席活動時曾被傳媒詢問衣著問題,佢就大方回應「著貼身啲係為咗方便做嘢!」希望觀眾能夠更關注佢嘅報導。不過佢亦感謝網民讚賞佢嘅身材,直言「相信靚嘅事物大家都鍾意睇!」原來佢選擇著得貼身都係為咗工作!

梁菁琳近日出席宣傳活動時,接受媒體訪問解釋著貼身衫係為咗方便工作!Photo from 梁菁琳IG

梁菁琳亦順便感謝網民讚賞佢嘅身材!Photo from 《東張西望》

後來佢亦喺IG發表長文,表示參加《全能司儀選拔大賽2022》時被指「賣弄性感」,佢重申採訪時正值夏天,為方便去後巷視察或喺室外追住路人訪問,以及避免衣服會被器材或者周圍環境勾到,佢都以貼身衣著出動。

梁菁琳喺IG發表長文指自己著緊身衫係為咗方便去後巷視察或喺室外追住路人訪問Photo from 梁菁琳 IG

梁菁琳坦言參加《全能司儀選拔大賽2022》時被指「賣弄性感」Photo from 梁菁琳 IG

梁菁琳又指知道自己身形比一般亞洲女性曲線天明顯,但唔認為要故意隱藏自己嘅身形。佢表示希望觀眾會留意佢嘅採訪技巧同埋工作態度。

梁菁琳又指知道自己身形比一般亞洲女性曲線天明顯,但唔認為要故意隱藏自己嘅身形Photo from 梁菁琳 IG

梁菁琳表示希望觀眾會留意佢嘅採訪技巧同埋工作態度。Photo from 梁菁琳 IG

梁菁琳IG自拍Photo from 梁菁琳 IG

入行前於新加坡擔任獸醫

其實平時梁菁琳喺IG上載嘅照片,相信佢自己私底下都比較鍾意貼身及清涼嘅衣服呢~除咗擁有完美身材之外,梁菁琳亦非常有才華!喺參選之前佢喺新加坡專科醫院擔任獸醫,曾於澳洲著名嘅悉尼大學以雙重一級榮譽畢業,後來因為疫情關係選擇辭職返港陪家人。入行後,佢透露自己依然關注動物福利,希望能夠一邊從事演藝工作,一邊幫助小動物,真係好有愛心~

其實梁菁琳私底下嘅穿著都比較清涼~Photo from 梁菁琳IG

梁菁琳入行前曾於新加坡擔任獸醫。Photo from 梁菁琳IG

而佢喺世界排行頭50名嘅悉尼大學畢業,仲以雙重一級榮譽嘅優異成績畢業!Photo from 梁菁琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《東張西望》前主持黃穎君離職民政事務局,新工月薪達6.7萬

3 Aug , 2022

東張西望》前主持人黃穎君離巢後轉做政府工,任職民政事務局媒體主任。當時佢嘅人工更一度成為熱話,估唔到入職約半年後佢就離職,但新工嘅收入依然非常可觀!

《東張西望》前主持人黃穎君離巢後轉做政府工,任職民政事務局媒體主任。Photo from 黃穎君IG

《東張西望》前主持黃穎君離巢

《東張西望》向來關注唔少民生、社會議題,之前曾採訪大埔富亨邨「曱甴屋」,屋內衛生情況令人衝擊,黃穎君擔任外景主持最初抵達單位時並無穿上任何保護衣,又一臉鎮定咁繼續採訪,獲網民讚賞。

《東張西望》向來關注唔少民生、社會議題,之前曾採訪大埔富亨邨「曱甴屋」Photo from 黃穎君IG

黃穎君擔任外景主持最初抵達單位時並無穿上任何保護衣,又一臉鎮定咁繼續採訪,獲網民讚賞。Photo from 黃穎君IG

黃穎君於2012年參選《香港小姐競選》落選後入行,曾經喺《降魔的》飾演「龍貓嫂」一角,直到2019年佢先加入《東張西望》做外景主持,做咗2年後嘗試應徵一年制嘅民政事務局媒體主任,獲聘後就離巢,正式結束9年嘅東主關係。

2019年黃穎君加入《東張西望》做外景主持Photo from 《東張西望》

黃穎君嘗試應徵一年制嘅民政事務局媒體主任,獲聘後就離巢Photo from 黃穎君IG

任職半年後轉工?

雖然黃穎君做傳媒經驗唔多,但據知佢做民政事務局做媒體主任,月薪為$67,595,黃穎君又表示當初只係抱住試下嘅心態去應徵,點知真係成功獲聘,仲話雖然簽嘅係1年合約,但就希望未來10年都可以繼續留喺嗰度發展!

據知黃穎君做民政事務局做媒體主任,月薪為$67,595Photo from 黃穎君IG

黃穎君表示當初只係抱住試下嘅心態去應徵,點知真係成功獲聘,仲話雖然簽嘅係1年合約,但就希望未來10年都可以繼續留喺嗰度發展!Photo from 黃穎君IG

但喺2021年12月入職民政事務局,過咗約半年,就傳出黃穎君已離任嘅消息!黃穎君表示政府架構改組後新設文化體育及旅遊局,由於增設新部門對工作量較大,需聘請更多員工,加上佢本人亦對文化藝術都有興趣,於是決定調往文化體育及旅遊局工作。

黃穎君表示政府架構改組後新設文化體育及旅遊局,由於增設新部門對工作量較大,需聘請更多員工,加上佢本人亦對文化藝術都有興趣,於是決定調往文化體育及旅遊局工作。Photo from 黃穎君IG

月薪仍維持$6.7萬

雖然工作部門不同,但黃穎君嘅職位不變,依然係媒體主任,月薪亦維持$67,595。佢指調職前後工作內容非常相近,都同樣係合約制。根據民政事務局招聘廣告顯示,媒體主任職責主要係:檢視市民意見;監督電子剪報及社交媒體資訊檢閱服務;就傳媒關係提供專業意見,並制訂公共關係策略,以施行政策局多個項目;與傳媒機構聯繫,包括安排傳媒採訪及處理傳媒查詢;擬備演詞及資料,以支援管理層出席公眾和推廣活動;以及因應需要執行其他職務。

黃穎君嘅職位不變,依然係媒體主任,月薪亦維持$67,595。佢指調職前後工作內容非常相近,都同樣係合約制。Photo from 黃穎君IG

有消息指,合約制受聘人任職期間表現良好嘅話將會獲發放約滿酬金,大約係底薪總額嘅15%,換句話說黃穎君做一年媒體主任可能就已經賺到逾92萬!

有消息指,合約制受聘人任職期間表現良好嘅話將會獲發放約滿酬金Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel