大台將推出全男班選秀節目,由麥美恩、吳若希擔任經理人?!傳二人為「爭仔」吵架?參賽者圖片率先睇!

大台將推出全男班選秀節目,由麥美恩、吳若希擔任經理人?!傳二人為「爭仔」吵架?參賽者圖片率先睇!

電視電影 娛樂新聞
By Stephanie on 20 Sep 2022
Digital Content Writer

近年電視台嘅真人騷越來越多,唔少網絡紅人都因此而成功圓夢踏足娛樂圈。過往大台推出選秀節目《聲夢傳奇》時成功捧紅Gigi、Chantel等人,但就似乎缺乏新晉男藝人。據悉現時佢哋正籌備推出全男班選秀真人騷《女王的密令》,並由麥美恩吳若希擔任經理人!

有傳麥美恩與吳若希將會合作主持全新選秀節目《女王的密令》Photo from 吳若希YouTube

大台即將推出全男班選秀節目

大台現時正打造全男班選秀節目《女王的密令》,希望能夠透過節目尋找一批有潛力嘅男新人,預計將於10月開播。而主持人則由麥美恩(Mayanne)及吳若希(Jinny)呢對好姐妹擔任,二人過往都曾經合作主持《森美旅行團》,相信今次主持新節目都必定有新火花喇~

麥美恩與吳若希過往已經合作拍攝過旅遊節目《森美旅行團》Photo from 《森美旅行團》

由麥美恩與吳若希擔任「星級經理人」

據悉,節目組已經挑選咗8位男生出演是次嘅真人騷,而麥美恩同吳若希將會擔任「經理人」嘅角色,各自從中選擇4位男生成為隊員,並展開為期2個月嘅「明星打造」訓練!若果參賽者表現能夠吸引到高層留意,就有機會成為電視台旗下藝人。

據悉節目組已經選好8位男參賽者嘅人選Photo from 吳若希IG

麥美恩同吳若希將會沒人選擇4位隊員,並用2個月時間培訓佢哋成為藝人Photo from 麥美恩IG

即睇更多人氣文章:

兩姐妹為「爭仔」吵架?!

當中有一半嘅男仔已經擁有幕前經驗,仲有人曾經係藝人訓練班出身嘅;其餘嘅就係素人。當中每位參賽者外型都高大威猛,十分有潛力擔任幕前工作。聽聞2位「女經理人」為搶到心儀男生入隊而吵架,最後要樂小姐出手幫手調停先得,二人他們坦承超投入於今次嘅工作中!

吳若希同麥美恩仲為咗搶男隊員而吵架?!Photo from 吳若希YouTube

即睇男參賽者們嘅圖片:

劉頌鵬(Enson Lau)

27歲嘅Enson幕前經驗都尚算豐富,曾參加《全民造星II》但首輪就遭淘汰。其後佢有份出演大台電視劇《青春不要臉》、《金宵大廈2》等,亦參與唔少廣告拍攝。

劉頌鵬曾參加《全民造星II》Photo from 《全民造星II》

其後佢有份出演多部大台電視劇,亦有唔少拍廣告嘅經驗。Photo from 劉頌鵬IG

陳力行(Henry)

Henry本身都開設自己嘅YouTube頻道,大多用做上載音樂Cover影片,相信應該非常鍾意唱歌喇~而佢喺IG簡介上自稱喺2018年獲得「HK KOL AWARDS 最佳大專網紅獎」,平時都有份擔任廣告模特兒。

陳力行嘅YouTube全部都係唱歌Cover影片Photo from 陳力行YouTube

佢亦有份擔任模特兒Photo from 陳力行IG

布柏軒(Peter)

據悉Peter過往曾擔任過空少,後來佢亦有參加過健美比賽,擁有健康膚色及健碩身材。

布柏軒過往曾參加健美比賽,身材超fit!Photo from 布柏軒IG

據悉佢過往都曾經做過空少Photo from 布柏軒IG

李爾晨(Kyle)

Kyle曾經係香港男子甲一排球員以及2016年國際先生香港代表,喺2019年加入邵氏兄弟國際影業有限公司,擁有唔少拍戲嘅經驗。

李爾晨以前曾經係香港排球員Photo from 李爾晨IG

李爾晨現時係邵氏兄弟國際旗下藝人。Photo from 邵氏兄弟官網

張智揚(Wilson)

Wilson現時都係邵氏兄弟國際影業有限公司旗下藝人,根據官網上嘅個人簡介,佢過往曾為多個知名品牌擔任模特兒。直到2021年先開始演藝工作,有份出演過《飛虎3》、《潛行追擊》等。

張智揚現時都係邵氏兄弟嘅藝人Photo from 張智揚IG

過往擁有豐富嘅模特兒經驗Photo from 邵氏兄弟官網

莊肇浚(Kenneth)

從Kenneth嘅IG所見,佢平時熱愛戶外活動,身材亦非常好,自稱係健身教練;不過相信佢演藝經驗應該相對上比較少。

根據佢嘅IG簡介,佢大學時修讀心理學,現時亦係健身教練。Photo from 莊肇浚IG

莊肇浚身材超fit,平時熱愛戶外活動Photo from 莊肇浚IG

廣告
廣告

據悉另外兩位參賽者分別係羅智誠(Jason)及Solid,但暫時未能搜尋到更多有關二人嘅資訊,相信佢哋嘅演藝經驗並唔算多!剩餘兩位參賽者就要到時播出先揭曉到喇~

其餘2位參賽者嘅資料有限,唯有等節目播出時揭曉喇~Photo from 吳若希IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

吳若希唱《越難越愛》飆高音晒唱功為楊丞琳和音!肉緊表情掀熱議

16 Jun , 2022

內地綜藝節目《聲生不息》中楊丞琳獻唱吳若希嘅《越難越愛》獲得唔少好評,吳若希喺IG公開和音片段與楊丞琳隔空合唱,又狂飆高音晒唱功,除咗歌喉之外,吳若希唱歌時嘅肉緊表情亦受到網民熱烈討論。

內地綜藝節目《聲生不息》中楊丞琳獻唱吳若希嘅《越難越愛》獲得唔少好評Photo from 《聲生不息》

《聲生不息》楊丞琳獻唱吳若希首本名曲《越難越愛》

楊丞琳以特邀嘉賓嘅身份出演內地綜藝節目《聲生不息》,同時加入嘅仲有周柏豪。楊丞琳之前出演《乘風破風的姐姐2》,唱跳實力備受肯定,不過《聲生不息》係一個推廣廣東歌嘅節目,對作為台灣人嘅楊丞琳嚟講係好大嘅挑戰。

《聲生不息》係一個推廣廣東歌嘅節目,對作為台灣人嘅楊丞琳嚟講係好大嘅挑戰。Photo from 《聲生不息》

楊丞琳稱佢雖然係台灣長大但其實係廣東人,因為佢爸爸所以佢亦識少少廣東話。楊丞琳表示佢非常鍾意《越難越愛》呢首歌,不過最後不敵林子祥,未能得分。

楊丞琳稱佢雖然係台灣長大但其實係廣東人Photo from 《聲生不息》

楊丞琳坦言即使細個喺屋企會講廣東話但係由於生活於台灣,廣東話唔算講得好,今次演出佢已經盡咗力,唔少網友大讚佢廣東話比想像中標準,但亦有人表示原唱吳若希唱得更好聽,難以超越。

楊丞琳坦言即使細個喺屋企會講廣東話但係由於生活於台灣,廣東話唔算講得好,今次演出佢已經盡咗力Photo from 《聲生不息》

吳若希拍片飆高音晒唱功

日前吳若希就喺IG公開兩段影片,其中一段片佢留言指:「Yeah~~我終於可以跟楊丞琳合唱啦!!!謝謝公司幫忙我完成了心願」

吳若希就喺IG公開兩段影片,其中一段片佢留言指:「Yeah~~我終於可以跟楊丞琳合唱啦!!!謝謝公司幫忙我完成了心願」Photo from 吳若希 IG

佢以和音與楊丞琳隔空合唱,身為歌手嘅吳若希以超高音演釋《越難越愛》,一展唱功,而另一段影片則係佢為聽眾演唱嘅和音版《越難越愛》,令一班fans可以同佢隔空合唱。

佢以和音與楊丞琳隔空合唱,身為歌手嘅吳若希以超高音演釋《越難越愛》,一展唱功Photo from 吳若希 IG

另一段影片則係吳若希為聽眾演唱嘅和音版《越難越愛》,令一班fans可以同佢隔空合唱。Photo from 吳若希 IG

網民反應兩極:太高音vs和音係正常

有網友留言大讚兩人合唱超驚喜,但亦有人指吳若希唱得太高音,又稱佢和音太大聲,搶晒楊丞琳嘅聲音:「和音唱到咁唔和,仲懶勁」,對於部分人指吳若希太高音,有網民反駁佢唱緊和音自然會係呢個效果。

有人指吳若希唱得太高音Photo from 吳若希 IG

網友稱吳若希和音太大聲Photo from 吳若希 IG

有網友留言大讚兩人合唱超驚喜Photo from 吳若希 IG

:網民:「和音唱到咁唔和,仲懶勁」Photo from 吳若希 IG

對於部分人指吳若希太高音,有網民反駁佢唱緊和音自然會係呢個效果。Photo from 吳若希 IG

除咗唱功之外,吳若希嘅表情亦成為網友討論嘅話題,唔知係咪和音音調太高,吳若希演唱時難免有皺眉肉緊嘅表情,可見佢用盡全力演釋佢嘅首本名曲!

除咗唱功之外,吳若希嘅表情亦成為網友討論嘅話題Photo from 吳若希 IG

唔知係咪和音音調太高,吳若希演唱時難免有皺眉肉緊嘅表情Photo from 吳若希 IG

吳若希用盡全力演釋佢嘅首本名曲!Photo from 吳若希 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel