download HolidaySmart 假期日常 app
英國王室|威廉王子25年堅持戴同一隻錶!只因係戴安娜王妃所贈最後禮物

英國王室|威廉王子25年堅持戴同一隻錶!只因係戴安娜王妃所贈最後禮物

時事熱話
By Jennifer on 20 Sep 2022
Digital Editor

英國王室成員身份尊貴,自然擁有好多珠寶首飾、名牌名錶,而威廉王子卻多次被目睹出席公開場合戴上同一隻碗錶。事實上,呢隻錶對佢嚟講好有意義,係佢生母戴安娜王妃所贈送,難怪威廉王子如此珍惜。

英國王室成員身份尊貴,自然擁有好多珠寶首飾、名牌名錶

王儲威廉出席活動必戴同一款手錶

英國王室成員一舉一動都會成為全球焦點,現任王儲威廉王子(現為威爾斯親王)以往都經常會同妻子凱特出席公開活動,威爾斯親王夫婦嘅衣著打扮亦往往會吸引民眾爭相模仿。威廉王子一向低調,平時嘅配飾基本上只戴手錶,然而佢多年嚟依然配戴同一款手錶,引起外界關注。

現任王儲威廉王子(現為威爾斯親王)以往都經常會同妻子凱特出席公開活動

據外媒報道,呢款手錶係OMEGA海馬系列Seamaster Diver 300,藍寶石色錶面平實有格調,而且係1993年款,外媒稱呢隻古董錶嘅售價約為4,450英鎊(約$39,700港元)。對於王室成員嚟講唔算奢侈,但威廉王子堅定咁選擇戴呢款錶係因為呢隻錶對佢嚟講十分有意義。

呢款手錶係OMEGA海馬系列Seamaster Diver 300,藍寶石色錶面平實有格調,而且係1993年款Photo from OMEGA

威廉王子堅定咁選擇戴呢款錶係因為呢隻錶對佢嚟講十分有意義。

有指威廉王子手錶係亡母戴安娜王妃送贈

有指係威廉王子母親戴安娜王妃喺1997年去世前贈送畀佢,戴安娜王妃與查理斯嘅婚姻僅維持15年,但戴安娜王妃同兩個兒子威廉王子以及哈利王子關係卻非常好,戴安娜十分關心兩個兒子,親自選擇佢哋嘅學校同服飾,平時又會計劃王子們嘅活動,並且親自陪佢哋返學。為咗可以有多啲時間陪伴兩個兒子,戴安娜王妃會依照王子嘅時間表嚟安排自己嘅公務。

有指係威廉王子母親戴安娜王妃喺1997年去世前贈送畀佢

戴安娜王妃與查理斯嘅婚姻僅維持15年,但戴安娜王妃同兩個兒子威廉王子以及哈利王子關係卻非常好

戴安娜十分關心兩個兒子,親自選擇佢哋嘅學校同服飾,平時又會計劃王子們嘅活動

威廉王子25年來堅持配戴以紀念母親戴安娜王妃

戴安娜王妃於1997年逝世,當年佢送贈呢隻錶畀15歲嘅長子威廉王子,此後威廉王子多次出席活動都戴上呢隻腕錶,甚至連婚禮當日佢都有配戴,威廉王子迎接剛出生嘅兒子喬治小王子、出國訪問都錶不離身,就好似母親戴安娜王妃陪伴佢身邊一樣!盡顯威廉王子對母親嘅思念同尊敬之情。

威廉王子多次出席活動都戴上呢隻腕錶

迎接剛出生嘅兒子喬治小王子

同凱特慶祝結婚周年都有戴

陪仔仔有戴

戴安娜王妃本人亦係Cartier嘅忠實fans,有收藏該品牌嘅手錶,其中最出名嘅係金色嘅Tank Française。威廉王子送妻子凱特結婚三週年禮物亦係Cartier嘅手錶,有指係特別向母親戴安娜王妃致敬。

威廉王子送妻子凱特結婚三週年禮物亦係Cartier嘅手錶,有指係特別向母親戴安娜王妃致敬。

戴安娜王妃逝世至今25年,哈利王子曾多次公開表明對母親嘅悼念之情,相比起弟弟,威廉王子則內斂好多,但25年如一,默默地戴住母親離世前所送嘅禮物亦反映咗威廉對於母親嘅敬愛,以及對母子情嘅珍重。

威廉王子25年如一,默默地戴住母親離世前所送嘅禮物亦反映咗威廉對於母親嘅敬愛

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

30個鮮為人知英國王室規矩大公開! 唔可以玩大富翁/唔可以曬恩愛 梅根多次犯規?

9 Sep 2022

今日(9日)凌晨英國王室宣佈英國女王伊麗莎白二世(Queen Elizabeth II)與世長辭,終年96歲。而英女王最後一次喺大眾前露面係9月6日接見新任英國首相特拉斯(Truss),當時精神狀況都唔錯,因此呢個消息令網民感到震驚!一直以來英國王室都需要遵守唔少規矩,宜家即睇有邊啲啦~

英國女王伊利沙伯二世(Queen Elizabeth II)於9月9日離世,終年96歲。Photo from theroyalfamily IG

1.菲利普親王要走在英女王後面

呢個係英國王室嘅一個潛規則,當佢哋出席公開場合嘅時候就一定會出現呢個畫面。因為喺結婚嘅時候,菲利普親王捨棄咗自己希臘王子的身份就只係為咗迎娶伊莉莎白入宮,而佢亦曾經向女王屈膝下跪表示會一直效忠於佢。

FB@theroyalfamilyPhoto from FB@theroyalfamily

2.要認真接受所有禮物

無論英國王室嘅成員去唔同嘅地方拜訪,佢哋都會受到好多唔同嘅禮物,所以佢哋都必須要慷慨咁接受禮物。但原來禮物收到後,係會轉交比皇室職員代為處理。

IG@theroyalfamilyPhoto from IG@theroyalfamily

3.唔可以對外講去洗手間

如果皇室成員係食飯期間想去洗手間,佢哋只會簡單咁講「Excuse me!」,以免影響其他人食飯。

IG@theroyalfamilyPhoto from IG@theroyalfamily

4.衣著要求嚴格

王室成員因為要維護王室形象,所以出席公開場合嘅時候非常多嘅衣著規則,例如:唔可以著涼鞋、用大手袋、低領衣服等都係禁忌。

FB@theroyalfamilyPhoto from FB@theroyalfamily

5.經常隨身帶備一件全黑嘅衣服

身為王室成員,佢哋經常都會咗好萬全嘅準備。就算出外旅遊,佢哋都會帶定全黑衣服,以防有突發事件發生或者有人離世。

FB@theroyalfamilyPhoto from FB@theroyalfamily

6.唔可以公開曬恩愛

伊利沙伯女王二世就有叫王室成員喺公開場合唔好拖手,所以大家好少會看到王室嘅夫婦在外拖手,但有指哈利王子同梅根就多次違反呢個規則。

IG@sussexroyalPhoto from IG@sussexroyal

7.王室繼承人係唔可以一齊搭飛機

為咗防止有飛機失事嘅悲劇,王室繼承人係唔可以一齊坐飛機,以免突然令王室失去所有繼承人。

IG@kensingtonroyalPhoto from IG@kensingtonroyal

8.唔可以公開發表政見

成員唔能夠對政治方面嘅事情進行任何干擾,以免因為自己嘅言論而影響到其他人,佢哋連投票都唔得。

IG@theroyalfamilyPhoto from IG@theroyalfamily

9.英女王係唔可以坐上其他國家嘅寶座

呢個規則係2016年嘅時候得以公開同證實。當時英女王出席《權力的遊戲》嘅活動,佢並無坐上寶座。

FB@theroyalfamilyPhoto from FB@theroyalfamily

10.英女王企起身時,所有人都要一齊企

唔單止係咁,英女王未坐返低之前,大家都絕對唔可以坐!

IG@theroyalfamilyPhoto from IG@theroyalfamily

11. 唔可以隨意求婚

根據《皇家婚姻法》,成員必須要係求婚前得到君主同意。

IG@thekensingtonroyalPhoto from IG@thekensingtonroyal

12. 結咗婚嘅女性先可以戴上皇冠

規定寫明結咗婚嘅成員同新娘先可以戴皇冠,而且穿戴時間亦受到限制。由於皇冠係屬於正式服裝,所以唔可以喺下午6點前配戴。

IG@thekensingtonroyalPhoto from IG@thekensingtonroyal

13. 成員唔可以幫民眾簽名或者自拍

基於安全理由,王室成員唔可以胡亂幫其他人簽名,以防止有假冒情況出現。但哈利王子同梅根曾經喺一次外地拜訪違反規則,幫一位小女孩簽名。

FB@theroyalfamilyPhoto from FB@theroyalfamily

14.向英女王行屈膝禮

雖然英國王室嘅官方網站就有講過,並無強制性嘅禮儀行為。不過凱特王妃和威廉王子都有教導自己嘅子女要向女王屈膝禮,仲曾經被報刊拍到。另外,根據早前梅根嘅專訪,佢亦有表示自己喺第一次件英女王嘅時候需要行屈膝禮。

IG@kensingtonroyalPhoto from IG@kensingtonroyal

15. 唔可以食貝類嘅海鮮

由於貝類海鮮會中毒嘅機會比較高,因此為個人同王室着想,王室成員們都會盡量避免食貝類嘅食物,尤其係英女王。

FB@theroyalfamilyPhoto from FB@theroyalfamily

16.英女王嘅特有秘密暗號

由於出席公開場合時,英女王嘅一舉一動都會成為焦點,所以唔方便隨意結束對話。因此英女王同佢嘅員工有特有嘅暗號,就係當英女王將佢嘅手袋由左手邊移到右手,即係代表佢已經預備好結束對話。

IG@theroyalfamilyPhoto from IG@theroyalfamily

17. 不可以玩大富翁

2008年嘅時候,約克公爵安德魯王子(Prince Andrew)就透露王室係唔可以玩大富翁,當時佢就解釋係「因為遊戲太惡毒」。而背後嘅意思就係因為呢個遊戲包含太多關於土地交易嘅敏感話題,所以佢哋都會盡量避免。

IG@theroyalfamilyPhoto from IG@theroyalfamily

18. 唔可以食大蒜

一方面係因為大蒜會導致口臭,如果有客人嘅時候會好失禮。而另一個原因,係因為英女王本身討厭大蒜,所以亦規定咗開會之前禁止成員食有大蒜嘅食物。

IG@theroyalfamilyPhoto from IG@theroyalfamily

19.當英女王食完飯,所有人都必須停止進食。

英國王室非常注重餐桌禮儀,所以當英女王停止食飯時大家都會一齊停低,以示尊重。

IG@theroyalfamilyPhoto from IG@theroyalfamily

20.皇家婚禮嘅花束必須要有香桃木

係由1837年維多利亞女王時期就開始遵守嘅規則,而香桃木嘅花語就係象徵愛情用婚姻嘅好運。

IG@kensingtonroyalPhoto from IG@kensingtonroyal

21. 唔可以摸女王嘅手袋

其實女王嘅手袋並非只為美觀,而係一個向員工發放暗號嘅工具,所以喺任何情況下都唔可以摸佢嘅手袋。

FB@theroyalfamilyPhoto from FB@theroyalfamily

22.結婚嘅禮服必須受女王批准

除此之外,婚禮嘅食物、花朵、程序等都必須先想英女王取得批准。

IG@theroyalfamilyPhoto from IG@theroyalfamily

23. 有繁複嘅打招呼要求

第一次見英女王嘅時候,要稱呼佢做「 Your Majesty」,之後就可以叫佢「Ma'am」。對王室嘅女成員,就應該稱呼為「Your Royal Highness」,之後先叫「Ma'am」。對王室嘅男成員,就一樣先叫「Your Royal Highness」,再叫「Sir」。

FB@theroyalfamilyPhoto from FB@theroyalfamily

24.倫敦塔保留6隻烏鴉

呢個喺源於英國王室嘅迷信,聽聞倫敦塔上一定要保留6隻烏鴉,否則王室將會崩塌。

FB@thetoweroflondonPhoto from FB@thetoweroflondon

25.皇室女成員經常都會攞手拿包

其中一個攞手拿包嘅好係可以避免同其他人有不必要嘅身體接觸,而且仲可以防止影相嘅時候有手唔知擺邊嘅問題。

IG@kensingtonroyalPhoto from IG@kensingtonroyal

26. 小王子要穿短褲

喺英國上流社會,長褲係成年男人嘅穿著,所以無論天氣係點都好,小王子出席公共場合時多數都係著短褲。

IG@kensingtonroyalPhoto from IG@kensingtonroyal

27. 唔可以比英女王早瞓

如果英女王未瞓覺,而其他王室成員先上床休息會被視為唔禮貌嘅行為。

IG@theroyalfamilyPhoto from IG@theroyalfamily

28. 王室嘅BB都唔會食嬰兒食品

王室BB多數都係食由私人廚師所煮嘅料理,例如有蒸的蘋果或梨子。

IG@KensingtonroyalPhoto from IG@Kensingtonroyal

29.王室嘅女成員都要穿絲襪

雖然呢一個規則並無明文規定,但英女王成日都會提醒凱特王妃喺出席活動時無可以直接露出雙腿。然而,梅根已經多次打破呢個規則。

IG@sussexroyalPhoto from IG@sussexroyal

30. 皇家晚宴講嘢都要分先後次序

用餐前,英女王會同右手邊嘅賓客交談,直至第二到菜上碟先會同左手邊嘅賓客交談。

IG@theroyalfamilyPhoto from IG@theroyalfamily

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel